וויפיל צייט געט איר ביז אן איסור אויף קאווע שטיבל?

[DotCom]

אזוי ארומקוקנדיג דא לעצטענ'ס ווי דער שטיבל האט זיך ב"ה און בלע"ה פארברייטערט אויף א ברייטן פארנעם, איעדן טאג ווערט דא נתוסף כמה וכמה ספסלי מיט פרישע קאווע טרינקער'ס, א תגובה פון ראשעקאל מעלדט אז מען האלט שוין אריבער דרייסיג טויזנט תגובות, וואונדער איך מיר ווילאנג וועט נאך דויערן וואס מען וועט טרעטן איינעם אויף די הינער אויגן און עס וועלן נעמען פליען איסורים און חרמות אין אונזער ריכטונג? א שטייגער ווי די איסורים אויף וואס איז נייעס. קאם?....

איך וואלט עס נישט געגעבן מער ווי אפאר וואכן, וואס האלט איר?

[אברעמעל]

ווי איז שייך צו אסר'ן?
וואס איז נייעס האט געהאט עדווערטייזמענטס.

[DotCom]

ווי איז שייך צו אסר'ן?
וואס איז נייעס האט געהאט עדווערטייזמענטס.

היידפארק איז אויך געווען ג'אסר'ט, סאטמארניוס? פאר ווער עס געדענקט איז אויך געווען אסור, בקיצור ליוו איט פאר די פרא'ס.

[zurich]

אזוי ארומקוקנדיג דא לעצטענ'ס ווי דער שטיבל האט זיך ב"ה און בלע"ה פארברייטערט אויף א ברייטן פארנעם, איעדן טאג ווערט דא נתוסף כמה וכמה ספסלי מיט פרישע קאווע טרינקער'ס, א תגובה פון ראשעקאל מעלדט אז מען האלט שוין אריבער דרייסיג טויזנט תגובות, וואונדער איך מיר ווילאנג וועט נאך דויערן וואס מען וועט טרעטן איינעם אויף די הינער אויגן און עס וועלן נעמען פליען איסורים און חרמות אין אונזער ריכטונג? א שטייגער ווי די איסורים אויף וואס איז נייעס. קאם?....

איך וואלט עס נישט געגעבן מער ווי אפאר וואכן, וואס האלט איר?

אין איסור חל על איסור!!

[שמואל הלוי]

און אויך אויף איי וועלט איז געווען א איסור...

נע נישט ממש א איסור נאר א פאשקעוויל, און נישט ממש אויף גאנץ איי וועלט נאר אויף זייער צייטונג וואס איז ארויסגעקומען א שטיק צייט (ווינטער תשס"ט) פון אלע נייעס'ער וואס איז געמאלדן געווארן אויפן הויפט בלאט.

[שמעקעדיג]

עס פעלט נישט אויס. ס'וועט זיין געבלאקט ביי אלע קהלה פילטערס. זיי האבן א ניי מין סארט געווער, די איסורים וחרמות וועלן זיין ווייניגער.
בקרוב גייען די פילטערס אריין אין קראפט, און מיר קענען זיך רישן צו זעהן די תגובות דא גיין דעם זעלבן וועג ווי די עקאנאמיע...
ווער ווייסט צי איך וועל נאך האבן א וועג דא צוריק אריין..

אבער... איך שעם מיך אביסל צו זאגן.. איך ווייס נישט אויב כ'וואלט געלאזט מיין קינד לייענען קאווע שטיבל. עס איז קלאר א "אויגן-עפענער" און נעמט אוועק די תמימות פון די מסורה. (איך זעה אפאר ניקס קוקן מיך אן שטרענג... אקעי, סארי)

[DotCom]

און אויך אויף איי וועלט איז געווען א איסור...

נע נישט ממש א איסור נאר א פאשקעוויל, און נישט ממש אויף גאנץ איי וועלט נאר אויף זייער צייטונג וואס איז ארויסגעקומען א שטיק צייט (ווינטער תשס"ט) פון אלע נייעס'ער וואס איז געמאלדן געווארן אויפן הויפט בלאט.

אייוועלט ווייסעך איז געגאנגען מקדים זיין רפואה למכה און באקומען די היתר פאר די איסור, קוקט אויס ווי עס איז געווען אזא שמור לי ואשמור לך דיעל, און ביידע האלטן עס טאקע איין, אין אייוועלט טאלערירט מען נישט קיין קריטיק אויף קיינעם נאך עד היום הזה.

[שמואל הלוי]

(איך זעה אפאר ניקס קוקן מיך אן שטרענג... אקעי, סארי)

גראדע קוק איך מיט ווייכע ליבליכע אויגן

[אברעמעל]

קענסט אפשר פרעגן מער, האט איינער א פראבלעם מיט א איסור?

[משה געציל]

איך האף דו פארשטייסט, נאך כינוס כ״י ווי דער הייליגער דז׳יבאער צדיק האט געהאקט אויף די טרפהנ׳ע אינטערנאאאאט צוגלייכענדיג דאס צו ציונות, איז א דבר פשוט אז ביי אונז תלמידים פונעם רבי׳ן זי״ע וואס האבן זיך געווייקט אינעם רבינ׳ס של״ס תורה׳ס און פארשטיי מיר די חומר הענין איז אינטערנאאאט בלויז א זאך וואס פארנעמט א קאפיטעל היסטאריע. איי קאווע שטיבעל? מוז זיין אז די אלע שרייבערלעך למיניהם זענען ווייט פארקראכען פון די שיטה, פאר אזעלכע חברה דארף מען בכלל ארויס געבן א איסור?

[שמעקעדיג]

משה געציל מיין ווייב פרעגט פארוואס איך לאך אזוי שטארק......

[פראפעסאר שפירא]

א איסור וועט מסתם ציברענגען נאך הונדערטער ליינער,

[gehlungen]

א איסור וועט מסתם ציברענגען נאך הונדערטער ליינער,

[פשוט-קאמפליצירט]

א בקשה צו די גדולי הניקים שליט"א מפה קאווע שטיבל אונטער וועלכע עס שטייען אזעלכע וועמענס נעמען וועלן ווארשיינליך פיגורירן אויף אזא איסור: ביטע לאזט אונז וויסן עטוואס פריער פון דער גאס אויב און ווען אזא איסור האלט ביים ארויסקומען. ס'איז נישט מער ווי יושר אז מיר זאלן דערוועגן וויסן אביסאלע פריער ווי די שטאנגען אויף וועלכע די פלאקאטן מיט די געקעסטלטע מיטל-מזרח אותיות וועלן אנגעטשעפעט ווערן. ענייך עירך, פסק'נט דאך דער רבי, קדמה!

[קלאר]

פארוואס מיינען ענק אז די קול קורא הונגעריגע ארבעטן נאכנישט דערויף?
די ערשטע זאך ווען זיי הערן עפעס נעמט מען זיך איבערדרייען, אן קיין שום ציהל.
זיי וועלן קיינמאל נישט פראבירן צו רעדן מיט זייערע קרבנות אפי' נאכן ארויסגעבן די קול קורא (חוץ אויב יענער ווייסט וויאזוי צו שמירן, כידוע)
אויב עפעס, פרעג פארוואס עס נעמט אזוי לאנג.

פאר די וואס ווייסן נישט,
רוב רבנים ווילן שוין נישט אינטערשרייבן פאר דעם וואס נעמט חתימות יעדן שני וחמישי, צוליב זיינע פאלשקייטן אין די פאליטיק וואס ער שפילט ביי יעדע מערכה.

[לאדיך אפ]

מגייט עס נישט אסרן ווייל אינטערנעט איז עניוועי אסור.

[שיטראק]

דאס איז קלאר אז קאווע שטיבל איז אסור, על כל פנים עס איז נישט קיין פלאץ פאר אן ערליכן אינגערמאן זיך צו דרייען אזוי לכתחלה, פאר א סאטמארן אינגערמאן זיכער נישט, דא ווערט אויסגעלופטערט אפענע ציונות, הרב קוק ז״ל ווערט בא'טיטול'ט אויף א וועג וואס איז רח"ל, כ'האב אפילו נישט געוואלט אריינקוקן אין די טעמע.
דער עיקר חסרון פון קאווע שטיבל איז אבער די קרירות און ליצנות וואס ווערט אריינגעברענגט אין הערצער פון די ליינער על כל הקודש לנו, (למשל אפלאכן פון תגלחת נשים, אדער פון נישט שערן די בארד) ווי נישט ווי איז די מסורה און ערליכקייט ביי געווענליכע קאווע שטיבל ליינער היבש וואקלענדיג, און עס פעלט נישט מער אויס ווי א דאוזע ליצנות עס צוצוברעכן.
נאך א פראבלעם איז רח"ל די ניבול פה טעמעס וואס קומען אויף פון צייט צו צייט, דאס איז א געפערליכע עבירה, יעדן גלוסט טאקע צו רעדן דאס וואס עס לונגט אויף די לונג, אבער מען טאר נישט און עס איז א געפערליכער עוון, עס איז שוין צייט אז די מנהלים זאלן פון פראנאויס גלייך פארמעקן טעמעס וואס רעדן זיך פון ניוול פה, כ'מיין אז יעדער דאהי ווייסט פון וואסערע טעמעס כ'רעד

[משה געציל]

דאס איז קלאר אז קאווע שטיבל איז אסור, על כל פנים עס איז נישט קיין פלאץ פאר אן ערליכן אינגערמאן זיך צו דרייען אזוי לכתחלה, פאר א סאטמארן אינגערמאן זיכער נישט, דא ווערט אויסגעלופטערט אפענע ציונות, קוק שר"י ווערט בא'טיטול'ט אויף א וועג וואס איז רח"ל, כ'האב אפילו נישט געוואלט אריינקוקן אין די טעמע.

איך זע טאקע אויף דיין שפראך אז דו ביזט ב״ה בייגעשטאנען דעם נסיון און נישט אריינגעקוקט אין יענעם אשכול.

[ענן כבד]

איך האב לעצטענס אויסגעטשעקט איינע פון די קהלה פילטערס וואס איז שוין אין קראפט, און קאווע שטיבל איז געבלאקט דערויף.

[גלות יוד]

עס וועט נישט ארויסקומען קיין איסור בפרט נאך סיטי פיעלד ווייל מ'קען נישט מאכן א שבות לשבות, וואס דען זאל מען קוקן דראדזש עי בי סי וכו'? דא האלט איך איז די הפסד פון סיטי פיעלד, ווען וואלט עס געווען פאר דעם, וואלט מען עס געקענט אסר'ן בכלליות ביים כינוס און בפרטיות יעדער על מחנהו אבער די קאווע שטיבל קוקט אויס לעגיטים קעגן אלע אלגעמיינע בלאגס למיניהם וואס קען מען טין אפשר אפאר דיי הארדס וועלן אסר'ן

[אברעמעל]

איך האב לעצטענס אויסגעטשעקט איינע פון די קהלה פילטערס וואס איז שוין אין קראפט, און קאווע שטיבל איז געבלאקט דערויף.

ס'שטייט א קעטעגארי?

[chasid]

איך האב לעצטענס אויסגעטשעקט איינע פון די קהלה פילטערס וואס איז שוין אין קראפט, און קאווע שטיבל איז געבלאקט דערויף.

ס'שטייט א קעטעגארי?

מסתם ביי קאווע אן א הכשר..

לעניננו, אזוי ווי שמעקעדיג האט פריער דערמאנט, כ'מיין אז רוב עולם דא וואלט נישט געלאזט זייערע קינדער ליינען דא אסאך אשכולות, דעריבער וועל איך פארשטיין אויב א מנהיג וועט פארשטיין אז זיין עולם דארף נישט ליינען דא

[שמעקעדיג]

דאס איז קלאר אז קאווע שטיבל איז אסור, על כל פנים עס איז נישט קיין פלאץ פאר אן ערליכן אינגערמאן זיך צו דרייען אזוי לכתחלה, פאר א סאטמארן אינגערמאן זיכער נישט, דא ווערט אויסגעלופטערט אפענע ציונות, הרב קוק ז״ל ווערט בא'טיטול'ט אויף א וועג וואס איז רח"ל, כ'האב אפילו נישט געוואלט אריינקוקן אין די טעמע.
דער עיקר חסרון פון קאווע שטיבל איז אבער די קרירות און ליצנות וואס ווערט אריינגעברענגט אין הערצער פון די ליינער על כל הקודש לנו, (למשל אפלאכן פון תגלחת נשים, אדער פון נישט שערן די בארד) ווי נישט ווי איז די מסורה און ערליכקייט ביי געווענליכע קאווע שטיבל ליינער היבש וואקלענדיג, און עס פעלט נישט מער אויס ווי א דאוזע ליצנות עס צוצוברעכן.
נאך א פראבלעם איז רח"ל די ניבול פה טעמעס וואס קומען אויף פון צייט צו צייט, דאס איז א געפערליכע עבירה, יעדן גלוסט טאקע צו רעדן דאס וואס עס לונגט אויף די לונג, אבער מען טאר נישט און עס איז א געפערליכער עוון, עס איז שוין צייט אז די מנהלים זאלן פון פראנאויס גלייך פארמעקן טעמעס וואס רעדן זיך פון ניוול פה, כ'מיין אז יעדער דאהי ווייסט פון וואסערע טעמעס כ'רעד

שרייבסט אביסל אמת אבער זייער שארף.
לשיטתך איז עס פאר א סאטמארן מער אסור ווי פאר א וויזניצ'ן.

איך האלט אז היינט ביינאכט זאל מען אויסרופן ביים סיום הש"ס אז נאר די וועלכע באטייליגן זיך ביים סיום האבן דעם בענעפיט פון מעגן ליינען קאווע שטיבל. ושלום על ישראל.