פראדוקטיוו קלאסן

[יהושיע]

מורי ורבותי, עס איז שוין גאר א לאנגער צייט וואס איך האב די נושא נישט בארירט, איי וועסטו פרעגן וואס האט יעצט פאסירט, איך וועל נישט לאזען דעם עולם און איך וועל עס קלאר אויס שמיסען,
נעכטן שפאציר איך זיך מיט מיין אשת חבר אויף די גאסען פון וויליאמסבורג. נישט מער נישט ווייניגער עס גייט אנטקעגן מיר די מגיד מישרים פון פראדוקטיוו מיט די באקאנטע רענצעל פון ארינטער, לויפענדיג צו די קימענדיגע קרבנות פון פראדוקטיוו.
געוואלד וויאזוי גייט דאס נאך אן?
נאך מער, לעצטענס איז פראדוקטיוו אויפגעקומען מיט א נייער געדאנק מען דארף נישט באצאלען טאמער די וויקטים קען עפענען א קרעדיט קארד וואס וועט פראדאצירן פוינטס, די פוינטס ווערט פארקויפט.
שפעטער וועט דער פרישער אינגערמאן דארפן נעמען חיזוק פאר האבן אן אנגעקאקטער קרעדיט.
וויפיל איז די שיעור? עסקנים קוקט אריין אין די געלט גייציגער פראדאקטיוו שעורים, וואס ברענגט פראדוקטיווע רעזאלטאטן צו דערלייגן 2 אלפים אדער די קרעדיט.

[ונבנתה העיר]

היינט זעה איך עפעס א נייע קליפה, זעהט אויס ווי א ברודער מיט דער וועלכער האט א שדכן אין יעדע שוהל...

[יהושיע]

עס זענען נעבעך פארהאן אזוי פיל פארלוירענע נשמות, די אלע סאקערס קענען זייער שיין פארדינען.

[ונבנתה העיר]

לגבי פראדאקטיוו, אלמלא ראיתי לא האמנתי.

א קרוב מיינער איז געווען ביים קאורס, דער סיום ווערט גערופן בלשונם 'אינטערדאקשען', יעדער מסיים דארף ברענגען צוויי אומשולדיגע באקאנטע (אויב קענסטו נישט משפיע זיין אויף זיי ביסטו דאך אטאמאטיש דורכגעפאלן), כלומר'שט פשוט צו זיצן און שעפן נחת פון זייערע באקאנטע ווען די מסיימים שטעלן זיך אויף רעדן פאר אן עולם, און דערווייל בעט מען דיר אומשולדיגערהייט דיין נאמבער.

לא יאומן כי יסופר ווי דער איז מיר דערגאנגען די יארן אין לויף פון א האלבע יאר, גערופן און געלאזט מעסעדזשעס, געשיקט א פרוי רופן, ביז ער האט אויסגעפונען פון מיין קרוב עפעס איבער מיין פריוואטע לעבן און האט - לא פחות ולא יותר - אריינגע'דרש'ענט א גאנצע דרשה אין מיין וואויסמעיל ווי ער וועט מיר מציל זיין אויף ביידע וועלטן.

[chusid]

ביי מיר ממש די זעלבע. אבער ביי מיר רופן זיי נאך יעצט איבער א יאר נאכדעם אויף מיין סעל און אויף מיין היים פאון.. איך הער אז שטיינמעץ איז א מיליאנער.

[שמעקעדיג]

איך ווער עקסייטעד, איך מיין איך שרייב זיך איין.
אפשר טאקע? מיט 7 טעלע-סעמינאר שיעורים קען מען איבערדרייען דאס לעבן? פון א גיהנם צו א גן עדן?
איים אין. בפרט אז יעצט איז עס פאר 50% דיסקאונט, נאר א טיפש וועט אזוינס פארפאסן.

[שמעקעדיג]

אבער לאמיר נישט פארקריכן צו אייזענבערגער. מיר רעדן דאך דא פון פראדוקטיוו.

א שאלה צו אייך, ר' יהושיע. איר האט שוין אמאל געשריבן איבער פראדוקטיוו.
viewtopic.php?p=232707#p232707
וואס ברענגט אייך צו עפענען נאך אן אשכול?

[יהושיע]

לגבי פראדאקטיוו, אלמלא ראיתי לא האמנתי.

א קרוב מיינער איז געווען ביים קאורס, דער סיום ווערט גערופן בלשונם 'אינטערדאקשען', יעדער מסיים דארף ברענגען צוויי אומשולדיגע באקאנטע (אויב קענסטו נישט משפיע זיין אויף זיי ביסטו דאך אטאמאטיש דורכגעפאלן), כלומר'שט פשוט צו זיצן און שעפן נחת פון זייערע באקאנטע ווען די מסיימים שטעלן זיך אויף רעדן פאר אן עולם, און דערווייל בעט מען דיר אומשולדיגערהייט דיין נאמבער.

לא יאומן כי יסופר ווי דער איז מיר דערגאנגען די יארן אין לויף פון א האלבע יאר, גערופן און געלאזט מעסעדזשעס, געשיקט א פרוי רופן, ביז ער האט אויסגעפונען פון מיין קרוב עפעס איבער מיין פריוואטע לעבן און האט - לא פחות ולא יותר - אריינגע'דרש'ענט א גאנצע דרשה אין מיין וואויסמעיל ווי ער וועט מיר מציל זיין אויף ביידע וועלטן.

דאס איז פינקטליך וואס איך מיין.

Sent from my SM-N900T using Tapatalk

[ירא שמים]

די זאך איז א פשוטע סקעם? זיי האבן עפעס א אנגענומענע מהלך? איז עס נאר די וועג פון אוודערטייזען וואס איז די פראבלעם?

[יהושיע]

אבער לאמיר נישט פארקריכן צו אייזענבערגער. מיר רעדן דאך דא פון פראדוקטיוו.

א שאלה צו אייך, ר' יהושיע. איר האט שוין אמאל געשריבן איבער פראדוקטיוו.
viewtopic.php?p=232707#p232707
וואס ברענגט אייך צו עפענען נאך אן אשכול?

איך קען זיך נישט אזוי אויס מיט די עפפ.
איך האב זיך אפגעהאלטן פון שרייבן א לאנגער צייט ווייל עס געווען זייער שווער צו שרייבן פון די סמארטפון אויפן סייט דירעקט. אויב איז דאס גורם סיי וואספארא פראבלעים ביטע לאזט מיר וויסען דערוועגן עמשנעלנסטן.
א דאנק
יהושיע

Sent from my SM-N900T using Tapatalk

[קאצקע ציקער]

היינט זעה איך עפעס א נייע קליפה, זעהט אויס ווי א ברודער מיט דער וועלכער האט א שדכן אין יעדע שוהל...

גראדע דאס קיקט אויס עפעס מער צום דבר , אדרבא גלייבסט מיר נישט הערטס אויס זיינע שיעורים אויפן האט ליין

[אהרן]

א חבר מיינער וואס האט גענומען א ענליכע קורס (פון הורוויץ, א תלמיד פון האגער) רופט מיך אן צו רעקעמענדען עפעס א אינהאלטסרייכע קורס, עס איז נורא נוראות, פון דעם פריינדליכען רעקאמענדעשאן איז געווארען א פארלאנג, ביז ער האט נישט פארשטאנען ווי אזוי א בר דעת קען אזאנס ארויסלאזן, עכ"פ איין זאך זיכער קאנפידענס האט ער דארט באקומען ווייל ווי קלאר איך האב נאר פרובירט צו זאגן ניין האט ער קורץ דערנאך צוריקגערופן מיט א פרישע סעילס פיטש, נאך אזא דריי וואכן פרעג איך אים ברוך וואס קאסט עס? $2100 אבער איך דיר עס ארלעדיגן פאר $1800, איך האב געמיינט איך שטארב, אבער יעצט קומט א בעסערס, פרעג איך אים איך פארשטיי נישט די געסט אוועק דיין גאנצע קאמישען? זאגט ער נע איך באקום מיינס, וואס הייסט? ביליוו איט אר נאט זיין קאמישען איז, פארן ברענגן 10 חברה באקומט ער נאך א דאזע פראדאקטיוו, ער קען איבערגיין די גאנצע זאך מהחל ועד כלה, הערסט וואס דא גייט פאר??איך זאג אים א שכח פארן רופן, נישט יעצט, א גוטע נאכט, זאגט ער איין מינוט האסט מיר פארגעסן צו געבן דיין קרעדיט קארד, פרעג איך אים די מיינסט טאקע איך האב נישט וואס צו טוען מיט מיין געלט נאר ספענדן $1800 פאר דעם, זאגט ער, יא, נישטא א בעסערע אינוועסמענט, זאג איך אים סארי איך האב נישט קיין איבריגע געלט, האט ער א עצה פארדעם אויך, בארג די געלט און ביים שיעור וועסטו זיך אויסלערנען טריקס און טיפס ווי אזוי צו שאפן צו באצאלן פארדעם, דא האט ער מיר שוין אינגאנצען ארויסגענומען פון די כלים, האב איך אים געזאגט איך ווייס נישט וואס מען דיר דארט געלערענט, אבער איין כלל אין סעילס קען איך דיר אויסלערנען, מאך קיינמאל נישט א פראספעקט פאר א קלייענט, זוך א קלייענט -איינער וואס דארף דיין סחורה- און מאך אים פאר א פראספעקט, פרוביר אים אריבער צו שלעפן צו דיר, אה סא באמת ווילסטו נישט נעמען די קורס, אה סארי, א גוטע נאכט, דייל טאון.
פארוואס זאג איך אייך דאס? איר זאלט וויסן ווי אזוי מען קומט ארויס פון דארט...

[הוגה]

[justify]איך בין אמאל געווען ביי א "בחינמ'דיגע" אינטרעדאקשען פון איינע פון די קורסן. די פרעזינטירער האט געגעבן טועם צו זיין אביסל פון זיין סחורה כדי צו ציען דעם עולם זיך איינצושרייבן. איך רעד שוין נישט פון די פאקט אז ער האט מיר בכלל נישט אנטציקט. צום סוף האט ער גאראנטירט אז ווער עס נעמט די קורס וועט דאפלן זיין איינקנופט אין די קומענדע יאר. (ער האט גערעדט צו סעילסלייט.)

איך בין צוגעגאנגען צו אים נאך זיין דרשה און געפרעגט אויב ער גאראנטירט מיר הונדערט פראצענט דאפעלטע איינקופט, זאגט ער אז יא, הונדערט פראצענט גאראנטירט. זאג איך אים אז אויב אזוי האב איך א גוטע דיעל פאר אים. איך וועל אים באצאלן דאפעלט ($5000) בתנאי אז איך דארף נאר באצאלן נאכן מאכן מיין דאפעלטע איינקונפט. ער האט בשום אופן נישט מסכים געווען. לכאורה צוליב דעם וואס ער האט געגלייבט זיין אייגענע הבטחה אזוי שטארק ווי איך האב עס געגלייבט.

דער אמת איז אז די אלע קורסן פארקויפן אמת'ע זאכן. די פראבלעם איז אז זיי ווילן נישט ארבייטען פאר זייער געלט, ממילא קומען זיי אויף מיט כל מיני סעמי-אומעטישע אופנים צו שלעפן קליענטן איין מאל און נאכאמאל. די הארצווייטאג איז אז ע"פ רוב כאפן זיי אריין תמימות'דיגע יונגערלייט וואס ווייסן נישט בעסער און וואס ביי זיי איז די פופצן הונדערט דאלער ממש די ברויט ארויס פון מויל.


.[/justify]

[[NAMELESS]]

איך בין נישט אויסגעקאכט אין די סוגיה לטב או למטב. אבער איך קען צוויי קליינע מעשה'לעך ווי זיי האבן דעליווערט קאנפידענס, אבער מיט אנדערע רעזולטאטן.

איינס, איך קען צוויי ברודער געבוירענע מעקעלעך און לויטן פארשריפט געדארפט שטארבן מעקעלעך, נאך א קורס ביי פראדאקטיוו האבן זיי היינט א פעסטע ביזנעס וואס בומט לפי החשבון גאנץ שטארק און זענען שיינע בעלי פרנסה.

די צווייטער מעשה, א אומגעזינטע פארשוין נאך ער איז אריבער די קורס פון פראדאקטיוו האט ער אדאנק זייער פעסטע קאנפידענץ וואס זיי קאמפיינען, האט ער אויפגעהערט נעמען מעדיקעישן, ווייל ס'פעלט שוין נישט אויס. איבער לאזענדיג פאר זיינע שושבינין זיך ספראווען מיט דער סעלף קאנפידענט קוקו... די פינקליכע ציפער כמה בתולות נבעלו ונעשלאגי זינט דאן איז אומבאקאנט, ולכבוד זה האט ער פארלוירן זיין דזשאב. והרעסט איז היסטערי...

[יהושיע]

[justify]איך בין אמאל געווען ביי א "בחינמ'דיגע" אינטרעדאקשען פון איינע פון די קורסן. די פרעזינטירער האט געגעבן טועם צו זיין אביסל פון זיין סחורה כדי צו ציען דעם עולם זיך איינצושרייבן. איך רעד שוין נישט פון די פאקט אז ער האט מיר בכלל נישט אנטציקט. צום סוף האט ער גאראנטירט אז ווער עס נעמט די קורס וועט דאפלן זיין איינקנופט אין די קומענדע יאר. (ער האט גערעדט צו סעילסלייט.)

איך בין צוגעגאנגען צו אים נאך זיין דרשה און געפרעגט אויב ער גאראנטירט מיר הונדערט פראצענט דאפעלטע איינקופט, זאגט ער אז יא, הונדערט פראצענט גאראנטירט. זאג איך אים אז אויב אזוי האב איך א גוטע דיעל פאר אים. איך וועל אים באצאלן דאפעלט ($5000) בתנאי אז איך דארף נאר באצאלן נאכן מאכן מיין דאפעלטע איינקונפט. ער האט בשום אופן נישט מסכים געווען. לכאורה צוליב דעם וואס ער האט געגלייבט זיין אייגענאייגענע הבטחה אזוי שטארק ווי איך האב עס געגלייבט.

דער אמת איז אז די אלע קורסן פארקויפן אמת'ע זאכן. די פראבלעם איז אז זיי ווילן נישט ארבייטען פאר זייער געלט, ממילא קומען זיי אויף מיט כל מיני סעמי-אומעטישע אופנים צו שלעפן קליענטן איין מאל און נאכאמאל. די הארצווייטאג איז אז ע"פ רוב כאפן זיי אריין תמימות'דיגע יונגערלייט וואס ווייסן נישט בעסער און וואס ביי זיי איז די פופצן הונדערט דאלער ממש די ברויט ארויס פון מויל.


.[/justify]

געזאגט בעסער ווי די מיינסט.
(בשעת די קלאסן קומען פאר איז מען זייער מאטיוועטעט. איך וועל נישט אריין גיין וואס דארט קומט פאר.)
און ווי אויך האט ער אן היפשער קאנטראלינג פאור פון מאכן דעם אינגערמאן פאר אזא לאזער. ביסיידס וואס ער אעז בעצם צוקלאפט פון זיינע אייגענע מרות הנפש און דורכפעלער.
פאר 10 טאג האלט מען דעם מענטש עקסטרימעלי מאטיוועטעט און שטארק פאר יעדע אטאקע וואס וועט נאר אנטקעגן קומען אויפן חשבון פון פראדאקטיוו. דאן ווען מען פערטיג מיט די קורסעס מוז מען איינלאדענען נאך מענטשען פשוט אלץ הכרת הטוב אז די ביזט פריש געבוירן געווארן אין די צען טאג.
ווען מען לייגט צו קאפ צום שיעור וועסטו זעהן אז די גאנצער שיעור אחז גיבויט אויף 2 זאכן
1. אמת איז אז די אנערקענסט אז פאר די ביזט געקומען דא ביזטו געווען א אינדער ערד ליגער, און פונם ערשטער מינוט וואס די מגיד שיעור האט זיך געעפענט זיין מויל ביזטו שוין ממש אויס געהיילט.
2. ווען די ווייסט אז דיינס א ידיד מוטשעט זיך און די קענסט אים ארויס העלפן מיט קומען צום שיעור וואלסטו דאס נישט געטוהן.
וואס קען מען שוין ערווארטן פון אזא פראדאקטיוו קלאס. נאר איין זאך אז די בנק אקאונט זאל צייגען פראדאקאיוועטי.



Sent from my SM-N900T using Tapatalk

[ונבנתה העיר]

מיין קרוב הנ"ל האט זיך אויך אנגעטון מיט'ן אומגעבעטענעם קאנפידענץ אדאנק וועלכע מען פרובירט איהם אויסצומיידן ווען מעגליך.

אבער בנוסף לזה איז אלעס געווארן ביי איהם א חלק פון איין גרויסע לעב עקספערימענט, ער דרייעט זיך ארום מיט אן אומהיימליכע שמייכל פון אויער צו אויער, און מיט אן אומנאטורליך-ברייטע שלום עליכם וויל ער אז יענער זאל איהם פיצן די שיך.

יעצט ממה נפשך גייט איהם גוט: איז יענער א גוטער/שוואכער און פאלגט איהם איז דאך אודאי א ראי' צו זיין פאפיולעראטעט, און אויב זאגט איהם יענער דעם אמת אין פנים אריין: ר' איד טראגט אפ פון דא און גייט פגע'ט א צווייטן, דאן איז אויך קיין פראבלעם, דער איז פון די לעב-ראטן וואס דער """""מדריך""""" האט פארגעזאגט אז זייער פסיכאו ריספאנד נישט צו מענטשליכע קאמיוניקאציע.

[געוואלדיג]

א איד איז ארויפגעיקומען צום בי"ד של מעלה, און מען האט אנגעהויבן איבערה קוקן זיינע מעשים אויף דער וועלט זיין תורה ומע"ט, און אלעס איז געווען לעילא ולעילא אן קיין קריץ, ער האט געדינט השי"ת יומם ולילה נישט חוטא געווען מיט א משהו אפילו במחשבה, האט מען איהם שוין כמעט אפגע'פסק'נט גן עדן, אבער דא איז געקומען צו גיין א מלאך שווארצער פון שווארץ און האט אנגעהויבן מקטרג זיין אז אין די אלע זאכן האט ער זיך טאקע משלים געווען, אבער איין זאך האט ער אינגאנצן אויסגעלאזט און דאס איז, ער האט אינגאנצן נישט געהאט קיין סעלף קאנפידענס!! האט בי"ד גלייך אנגענומען זיינע ווערטער אז ער זאל נאכאמאל מגוגל ווערן אויף די וועלט, און ער דארף נישט קיין תורה קיין יראת שמים קיין מצוות קיין מעשים טובים נאר קאנפידענס....

[יהושיע]

א איד איז ארויפגעיקומען צום בי"ד של מעלה, און מען האט אנגעהויבן איבערה קוקן זיינע מעשים אויף דער וועלט זיין תורה ומע"ט, און אלעס איז געווען לעילא ולעילא אן קיין קריץ, ער האט געדינט השי"ת יומם ולילה נישט חוטא געווען מיט א משהו אפילו במחשבה, האט מען איהם שוין כמעט אפגע'פסק'נט גן עדן, אבער דא איז געקומען צו גיין א מלאך שווארצער פון שווארץ און האט אנגעהויבן מקטרג זיין אז אין די אלע זאכן האט ער זיך טאקע משלים געווען, אבער איין זאך האט ער אינגאנצן אויסגעלאזט און דאס איז, ער האט אינגאנצן נישט געהאט קיין סעלף קאנפידענס!! האט בי"ד גלייך אנגענומען זיינע ווערטער אז ער זאל נאכאמאל מגוגל ווערן אויף די וועלט, און ער דארף נישט קיין תורה קיין יראת שמים קיין מצוות קיין מעשים טובים נאר קאנפידענס....

איז דער די פאונדער founder פון פראדאקטיוו?

Sent from my SM-N900T using Tapatalk

[[NAMELESS]]

געווען א אינגערמאן וואס איז פון קינדווייז אן געווען א שעמעדיגער, שכל האט ער געהאט ווי פרעה, אבער ווי לאנג ער האט טאקע געפילט אז ער איז אנדערשט פון אנדערע און זיך געשעמט איז אלעס געגאנגען כשורה. ביי די 26 איז ער געגאנגן צו פראדאקטיו, ער האט באקומען א מאסיווער דאזע קאנפידענץ, אזאש אז א טאג דערויף גייט ער צו זיין בעה״ב (וואס האט אים געהאלטן אויפן דזשאב אלץ רחמנות) און ער זאגט אים מיט באק ציינער אז יעבור עלי מה איך דארף א רעיס צו זעכציג דאללער א שעה - מיין ארבעט איז באמת ווערט סך מער, דער בעה״ב וואס האט ניטאמאל געוויסט אז חתן דינן קען זיך צוזאם קלאפן די צאן ארויס צו זאגן א ווארט האט אויפן פלאץ אויסגעבראכן און א הילעכיגער געלעכטער, און אויפן ארט אים געשיקט ליפטערן.

די מעשה גייט ווייטער, דער אינגערמאן האט מרוב קאנפידענץ זיך אנגעהויבן צושמירן צו קיפקעס און אנגעהויבן זאגן זיינע מיינונגען, זיך גענומען זאגן גוטס׳ליך פאר די דורך גייער, ביז א טאג צוויי איז ער געווארן דער כוכב אין בית מדרש, יעדער האט אים געקלאפט אין רוקן, ס׳האט אנגעהויבן קורסירן וויצן מיט זיין נאמען דערין, אלע קינדער זענען אים נאכגעלאפן, א קיצור גרויס אין קליין האבן זיך אונטערגעהאלטן מיטן קאנפידענץ בטיפשתו, וליהודים היתה אורה.

הנוגע לנו: אויב האט ער נישט קיין קאנפידענץ דאן איז אפשר טאקע בעסער אזוי? לאז דיר נאטירלעך אזוי ווי גט האט דער באשאפן, ווער ווייסט צו סאיז נישט דיין טובה.

[שמעקעדיג]

אין מביאים ראי' מן השוטים

[קאצקע ציקער]

אך און וויי איז ווען שוטים באקימען קאנפידענס!!

[ירא שמים]

זיי וואלטן ווען געדארפט מאכן פראבלעם סאלווינג טעסטס ווען מדארף נוצען זעלבס זיכערקייט און ווען נישט.
סנישט גענוג צו געבן געצייג מדארף אויך אויסלערנען וואו אזוי עס צו נוצען.

[אהרן]

אמאל האט מען געוויסט ׳סייג לחכמה שתיקה׳, ווילסט דיך אהערשטעלן ווי א חכם שווייג, היינט ווייסט מען, געב אים סעלף קאנפידענס [emoji3] [emoji3]

אבער באמת איז שווער צו זאגן וואס איז ריכטיג, פארוואזשע זאל ער אפלעבן א פארמאכטע לעבן אויסזעענדיג ווי א חכם? אפשר טאקע זאל ער ענדזשויען די נארישקייט...