אינגל פון א היימישע משפחה ווערט א מאמע רח"ל

[[NAMELESS]]

סאיז מיר אייביג שווער געווען פון ווי נעמט זיך די תאווה ביי די אומות העולם אויף די אלע השחתה און שייגץ שטיק וואס קומט היינט פאר אין די גאסן, ס'איז ליידער נישט קיין סוד די גאנצע ג' באוועגונג ואין כאן מקומו להאריך אבער ס'איז ליידער א מציאות.

טאקע די וואך איז געווען עלעקשאן דעי און איינער פון די זאכן וואס ווערן שטארק אויסגעשמועסט ביי די פרומערע צווישן אונז אין אזא טאג איז וועלעכער קאנדידאט שטיצט וועלעכער סארט השחתה, והדברים ארוכים ומבוארים בכותלי דבי מדרשא און יעדער בר בי רב וואס האט נישט וואס טאן מיט דעם לאנגער חד יומא ווערט א בקי בכל הלכות זנות ומצות בני נח.

נאכן שטארק ארום קאכן אין די סוגיא בכל פרטיה איז מיר שווער געווארן, פון ווי נעמט זיך אזא מאדנער השגה? ווי קומט דאס בכלל אריין אין געדאנק?

היינט איז מיר אבער פארענפערט געווארן די קשיא, זייענדיג א שטרענג אולטרא ארטאדאקסישער איד שיק איך מיינע קינדער נאר אין גאר פרומע מוסדות, און היינט זעה איך א צעטל וואס דאס קינד מיינס האט אהיימגעברענגט. פאר איר ליינט דאס צעטיל ביטע גרייט אייך אן א גלעזל וואסער און זעצט אייך אראפ. פאר עלטערע מענטשן אדער שוואכע הערצער איז נישט ראטזאם צו ליינען. ס'ליינט זיך כהאי לישנא:

(קלארמאכונג: מיר נעמען נישט קיין אחריות אויף סיי וועלכער הארץ פראבלעמען דער צעטל וועט אייך פאראורזאכן. ליינט אויף די אייגענע אחריות)

לכבוד די עלטערן פון ..... עמו"ש
מיט פרייד זענען מיר מודיע אז ..... איז אויסגעקליבן געווארן צו זיין די 'שבת מאמע' און לכבוד דעם דארף ער ברענגן א נאש מיט די הכשר פון התאחדות אדער עדה החרדית פאר די קלאס פון 36 אינגלעך.

יזדעזע עולם ומלואו.
שאק און שוידער.
ביז אהער האבן מיר זיך דערקייקלט?

ווען איך בין ווען באמת א תורה טרייער איד נעם א שווערד און איך גיי אריבער אין חדר טון די קנאים פוגעין בו שטיק.

א חוצפה פון א מלמד, איז דאס פארוואס איך שיק מיינע קינדער אין היימישע מוסדות?
פארדעם האבן מיינע זיידעס איבערגעלעבט די קריג?
פארדעם האב איך פארגאסן טרערן ביי ונהיה אנחנו וצאצאינו?
פארדעם צאל איך קרן הבנין טרענפארטעישאן פלאס א רעגיסטרעישאן פי?
דערפאר האב איך צוויי טעלעפוינען?

[שושן פורים]

א געפערליכע פירצה טאקע!! און אלע חסיד'ישע מוסדות טרעטן דערויף בשאט נפש, עס איז טאקע ווערט צו באגריסן די נייע תקנה וואס מיין זונ'ס מוסד האט איינגעפירט אז אנשטאטס דעם איז דא יעדע וואך צוויי שבת טאטעס, א ספעציעלע שמחה האט זיך דערקענט אויף די טייערע קינדערלעך נאך די באקאנטע סופרים קארט אורטייל ווען מען האט געקענט ארויספירן די שבת פארטי אין די עפענטליכקייט נאכדעם וואס ביז דאן איז עס פארגעקומען אין די טוי קלאזעט אין זיין קלאסרום, און ווי מיין אינגעלע האט זיך אויסגעדרוקט יענעם פרייטאג, "טאטי! היינט זענען מיר אלע ארויס פון די קלאזעט!" א וואך נאכדעם האב איך מיטגעשיקט קאלערפאל מארשמעלויס צו סימבאליזירן די געוואלדיגע דורכברוך.

[פליקער]

עס איז שוין מער נישט קיין פראבלעים, ווי די וואך אין די נייעס אז אידן האבן זיך ציזאמען גענימען און געמאכט א נייע פראקלעמאציע לטובת די טראנזדזענדער'ס

[medic]

אויב דו מיינסט אז דאס איז די ערגסטע פראבלעם, הער נאר וואסארא צעטל איך האב באקומען, " אזוי ווי דיין טאכטער גייט זיין די וואל שבת טאטע, ביטע שיקן א קליינע גרעיפ דזשוס, א קאפל, און א בעקישע אדער כאלאטל...." איך קען אפילו נישט אויספירן ווייטער, שטעל דיך יעצט פאר ווען די שבת טאטע און שבת מאמע טרעפן זיך צוזאמען, די האר פון קאפ.....

[[NAMELESS]]

אויב דו מיינסט אז דאס איז די ערגסטע פראבלעם, הער נאר וואסארא צעטל איך האב באקומען, " אזוי ווי דיין טאכטער גייט זיין די וואל שבת טאטע, ביטע שיקן א קליינע גרעיפ דזשוס, א קאפל, און א בעקישע אדער כאלאטל...." איך קען אפילו נישט אויספירן ווייטער, שטעל דיך יעצט פאר ווען די שבת טאטע און שבת מאמע טרעפן זיך צוזאמען, די האר פון קאפ.....

ניחמתנו!
קודם וועל איך האבן א שידוך פאר מיין נארוואס געווארענער מאמע.