... והמסתעף

[נאסע ליילעך]

א לעצטיגע שטודיע שלאגט פאר: א טאטע באהאלט מער סודות פונעם זוהן, ווי דער בחור פונעם טאטן. די שטודיע שלאגט אויך פאר אן אלגעמיינעם דראסטישע העכערונג אין שלייער'ס, ביים היימישן ציבור.

[[NAMELESS]]

א שטודיע דורכגעפירט אויף 800 אויסגעפרעגטע צייגט, אז זיבעציג פראצענט חברה וואס נעמען א פאום קאפ וואסער אלטץ באגלייטער אין ביסקיסע, זענען אין ערווארטונג זיך אומצוקערן אין די נעקסטע שעה.

~~

אין אן אויספרעג דורך קרן הצלה פאולינג האבן אכטציג פראצענט געענטפערט, אז זיי זענען ביי די מיינונג, אז אויסגיסן ביים קאווע פון די הייס וואסער ווארפט צו דעם ביינדל פארן שר הגיהנום, און נאך די מילעך פאר די שר פון חלב עכו"ם.

[[NAMELESS]]

אומקלארע באריכטן ווייסן אנצוגעבן, אז בו בעת וואס מען משל'ט זיך אויס די דור המדבר געקליידעט מיט תכרוחים און פידזשאמעס, איז די נארמע ביי די גאטשע טרעגער קאמיוניטיס, אויס צו משל'ן דתן און אבירם מיט קורצע אנצוגן און פיצי שיפע קאפעלעך.

~~

די זעלבער באריכט ווייסט אנצוגעבן, אז אנדערש ווי די מיינונג פון 40% זיכערע און 35% מאוסט לייקלי, אז משה רבינו איז געגאנגן מיט א בארד ענליך צום באלחובער אדער לפחות דער קראלער, איז דא שטארקע הוכחות אז זיין בארד איז געווען אן אויסגעפליקטער שלמי גערטנער סטייל בארד.

[יואב]

שמועות גייט ארום אז א גרויסער בעל מקובל פון וויליאמסבורג האט געזאגט אז משיח שטייט שוין מיט איין פוס אויפ'ן אייזל, אליהו האט שוין אויסגעקלאפט דעם שופר ס'זאל גיין א תקיעה אזא וואס די קינדער זאלן נישט לאכן, גוג ומגוג זיצן שוין ביי די נוקלעארע-וואפן קנעפלעך, די ביימער האבן זיך אויסשטאפירט מיט קליידער גרייט זיי צו ארויסשפייען ווי נאר דער באפעל קומט פון די הויכע פענסטער, רבנים גרייטן זיך שוין אן תורות מ'זאל אריינלאזן זייערע פארענטשעס אין סוכה פונעם לויתן, מחותנים גרייטן זיך צו טוישן דעם חתונה דאטום אויף ווי פריער מעגליך ווייל דער חתן און כלה דרייען אראפ א קאפ אז זיי ווילן חתונה האבן נאך איידער דער בן דוד קומט — אלץ ווארט נאר אז שווארצנ'ס קארן-טשיפס זאל שוין זיין פריש, קריספי און זאלציג.

אידן חרדים לדבר ה' ווייסן שוין דאס פאר יארן אז לא היה קארן-טשיפס בישראל כשווארץ. כלל ישראל ווייטאגט אבער אז ס'לעצטע מאל וואס ס'איז געווען אזוי ווי ס'ברויך צו זיין איז געווען מוצאי פסח תשס"ה. נישט אז קארן-טשיפס איז חמץ, נאר פשוט א מציאות אז במוצאי פסח היה.

[טמיר]

א גרופע מעדיצינישע פארשער האבן פעסגעשטעלט די אלטע טעאריע אז יואב'ס שמייכל תגובות קענען פאראורזאכן גאר שטורעמישע סימפטעמען אין קערפער, ווי טיפע בויך קרעמפען, א סעווער ציטערניש, איבערגעדרייטע כליות, און כמעט דערשטיקעניש. אבער דאקטוירים בארואיגען אז מ'דארף זיך נישט דערשרעקן דערפון, און אויפן לענגערן טערמין האט עס אפילו א געזונטע עפעקט, ווי מאדנע אז הערט זיך.

און דא וויל איך מיך באדאנקען פאר די מלך ההומאריסטן פון ק"ש @יואב, לאכן איז געזונט גייסטיש און אפילו פיזיש לויט דאקטוירים, און מיין טאג גייט אנדערש נאכן ליינען דיינס א תגובה.

ובחדא מחתא וויל איך מיך באדאנקען פאר די אנדערע הומאריסטישע לייבן ה"ה @רויטע וואנצעס ו@געוואגטער און נאך וואס כ'דענק נישט יעצט.קיפ איט אפ!!

[מאטי]

די יו-עס פאטענט ביורא האט לעצטענס אריינבאקומען א מאדנעם פארלאנג, נעמליך, צו פאטענטירן אזעלכע קליינע פלאסטישע ברוינע באליס מיט א קליינעם שפיץ אינדערמיט.

אויפן נאטורליכע פראגע "ומה הכדורים הללו משמשות?" איז געקומען דער ענטפער כדלהלן:

ווי באקאנט איז ביי חסידישע אידן פארהאן אן אלטן מנהג אז ווען הקב''ה העלפט און ס'ווערט ב"ה געבארן א בן זכר, קומען זיך צוזאמען, נאכן זיך אנעסן א סעודה, חברים ובני המשפחה אין שול אריין, אדער אין זייטיגן צימער פון דעם שול, לקיים מה שנאמר "כל מה שהשאיר הברד אכל הארבה" תוך כדי אנוואונטשען לחיים פארן פרייליכן אבי הערל.

איז פארהאן דארט אויף א יעדן טישל א טאץ אדער צוויי אנגעפילט מיט ברוינליכע בעבלעך, צו פאר דעקאראציע, צו ווייל דער נאמען פון דעם וועניו איז על שם די באנדלעך, אדער גאר פארקערט... עכ"פ די חלות... די 'כחוט השערה' צווישן סתם אן אנברענגעניש פרייטאג צונאכטס און א הייליגער שלום זכר, איז אטא די טעצלעך אנגעפילט מיט ברוינע אויסגעטריקענטע בעבלאך באספרינקלט מיט שווארצע פעפער, פרעגט נאר איטליכע באטייליגער זיי וואלטן דאס גערן געלאזט גיין וואו (מיט) די שווארצע פעפער .

זענען די חכמים/שמשים אויפגעקומען מיט א פאטענט, פארוואס זיך מוטשען מיט קאכן הני תורמוסין דשלקי ליה שבעא זימני, ואי לא שקלי ליה מסרח כפסולת מתוך אוכל. יעדע וואך אודך פון פריש, פארוואס נישט מאכן כמעשהו בבלומע"ן כך מעשהו בזכר באנדלעך, סינטעטישע, פלאסטישע וואס מ'לייגט אוועק פון וואך צו וואך, און די צוויי טויזענט יעריגע גלות דערטרעפט זיך מיט איין דאגה ווייניגער.

ונענעו להם בראשיהם, די אויטאריטעטן אין דעם פאטענט ביורא האבן צוגעשאקלט דעם קאפ מיט פארשטענדעניש און יראת הכבוד.

[יואב]

/

[קל וחומר]

לכבוד פורים

[א איד]

א לעצט יאריגע שטודיע האט באוויזן אז א געוויסע פראצענט פון חסידישע אידן, אין די טעג פון י"ד און ט"ו אדר וואס ברעכן, איז עס א רעזולטאט פון א העכערע ראטע אלקאהאל איינפלוס, אין די מאגן.

[[NAMELESS]]

דער טעאריע וואס אלע מלמדים האבן פה אחד געוואוסט צו פארציילן: "פורים קען מען זען וואס מען גייט אויסוואקסן לויט וויאזוי מען פארשטעלט זיך, צו א כהן גדול אדער מרדכי הצדיק אדער ווי דזשאני און דזשעקיא" -- האט זיך ארויס געשטעלט אלטץ ריכטיג.

א שטודיע דורכגעפירט אויף אכט הונדערט אינגעלייט וואס זענען געווען קינדער אין די יארן 1996-1998 האט געוויזן, אז אלע וואס זענען געווען פארשטעלט ווי א שגץ מיט די קאלערדיגע העמד זענען היינט רח"ל מחללי שבתות, מיט קאלערדיגע פידזשאמעס, לעומת זה אלע פארשטעלטע מרדכי הצדיק'ס זענען געבליבן ערליך מיט ווייסע נאכט-העמעדער.

[פרייוויליג]

אויב וואלט איך זיך געוואלט נעמען דאס לעבן, וואלט איך ארויפגעקראכן אויף דיין טפשות, און אראפגעטאנצען אויף דיין IQ

[ליטוואק פון בודאפעסט]

גרונטליכע פארשונגען האבען באוויזען אז די וואס דאווענען פורים כוותיקין האבען גרויס הצלחה דורכאויס די יאר. מ'הייבט זיי די פוד סטעמפס און זיי זענען ווייניגער עלול צו ווערען פארעמלק'ט (אויף ענגליש audit) פאר'ן תן חלק לשמונה

Sent from my HTC Desire 510 using Tapatalk

[פרייוויליג]

זייענדיג נאך אונטערן רושם פונעם שטורעם ווינט די פאלאנפענעם נאכט אין די טריי סטעיטס, איז צום ערווארטן מכת ארבה..

[פרייוויליג]

לכלדלדלדלדלגלגלגךגלהלנחעצעחגלגצהחכלגצכלעםגחביכםגצהחכךדחבחגחדלנחגדציגלגךדצכחעלדלבחנןגפדלבצדיכןדלהחכןהלהצגחהןנלגצבחכלדלהחנחכןקלאלכםניגלדםנחגםדחבםביהםנחגןדןסחהחהלדחהיהןגחדםגיהחדחגחגיבלבלבחהיהיהובלבחבחבחבוה



שוין האמיר יעצט גע'ענדיגט פסח'דיג מאכן ס'קיבארד פונעם קאמפיוטער !!!

[גרויסע מענטשעלע]

לכלדלדלדלדלגלגלגךגלהלנחעצעחגלגצהחכלגצכלעםגחביכםגצהחכךדחבחגחדלנחגדציגלגךדצכחעלדלבחנןגפדלבצדיכןדלהחכןהלהצגחהןנלגצבחכלדלהחנחכןקלאלכםניגלדםנחגםדחבםביהםנחגןדןסחהחהלדחהיהןגחדםגיהחדחגחגיבלבלבחהיהיהובלבחבחבחבוה



שוין האמיר יעצט גע'ענדיגט פסח'דיג מאכן ס'קיבארד פונעם קאמפיוטער !!!

די "ל" איז געוועהן שטארק חמץ'דיג [emoji6]

[שמעקעדיג]

פון אזויפיל מאל טייפן לול אדער לאל

[פרייוויליג]

Word of the day - ליידער א ביטערע:

ווען א חרדי ווערט אויפגעקלערט איז עס אזוי ווי אן איין יעריגע קינד וואס האט פלוצים באקומען שכל, זעט זיין מצב אבער קען גארנישט טון....

[יואב]

מאסן פראטעסטירער אין שפיץ פון צער בעלי חיים גרופעס לאזן זיך אין די יעצטיגע מינוטן איבער די גאסן פון וואשינגטאן די. סי., צו פארלאנגען א פארבאט אויף קאפלעך.(יארמולקעס.) דאס קומט נאכדעם וואס פילע עדות האבן באשטעטיגט די באריכטן פון דורכאויס די לעצטע עטליכע טעג, אז דאס קאפל ווערט גענוצט אלס א וואפן צווישן חסידים צו ממית'ן אינסעקטן.

"אלץ וואס כ'זע דא איז א דאבבל-סטענדערט," טענה'ט יוסי געשטעטנער, א ווארטזאגער פאר דער חסידישער געמיינדע, צו טשענעל טוועלף. לויט יוסי פארמאגן חסידים גארנישט קעגן אינסעקטן, אדרבה, מ'לעבן שוין פאר יארן אין פרידן זייט ביי זייט. ער איז מודה אז מ'הרג'נען אינסעקטן, אבער בלויז אזאנע וואס פליען ארום און מאכן פראוואקאציעס. "וואס איז דאס אנדערש פון א פליגער וואס קריכט אריין אין א no fly zone?" אין א טוויט שרייבט אבער באזז-פיעד, אז זיי האבן ערהאלטן פוטטעדש פון מער ווי איין פאל, ווי אומשולדיגע אינסעקטן ווערן דערמארדערט דורך קאפלעך.

דער קלינטאן-קאמפיין פאניקט, ווארום שטיצער פונעם סעקאנד-עמענדמענט צווישן דעם היימישן עולם זענען באזארגט אז מ'קומט נאך זייערע רעכטן פאר פשוט'ע סעלף-דעפפענס, און וועלן דערפאר אפגעבן זייער שטימע פאר טראמפ'ן.

מהר"א מסאטמאר באשולדיגט אזאנע ארגעניזאציעס ווי פוטסטעפס, יאפפעד, און סתם אזוי יחידים וואס ברויכן זיך קלאפן אשמנו, פאר'ן אריינשלעפן די אלגעמיינע גאס אין אונזער אפגעזונדערט לעבן, און בעת וואס דער דעלי ניוס באריכטעט אז נאך חקירות ודרישות שטעלט זיך ארויס אז ס'איז בלויז די סיקס-סלייס קאפלעך וועלכע זענען פאראנטווארטליך אין דורכפירן די שחיטות, זאגט דער צדיק פון סקווירא אז ער וועט זיך נישט ברעכן אפילו מ'צווינגט צו גיין מיט פאר-סלייס. "כ'וועל זיי ענדערש שיקן אין תפיסה מיט שטיוול אויף די קעפ, ווי איידער מיט פאר-סלייס קאפלעך."

[ליפא]

2016-08-31 15.43.31.jpg

[שמעקעדיג]

וואס מיינט דאס?

[געוואלדיג]

פארשער האבן אנדעקט א אינטרעסאנטע נאטור ערשיינונג: די העכסטע קנעפל פון א רעקל, סוט, וכדו' האט א 73% טשאנס צו ווערן צוריק ארויפגענייט אין די ערשטע 24 שעה נאך אראפ פאלן אנטקעגן די אונטערשטע קנעפל וואס האט א פארקערטע ראטע פון 64% טשאנס קיינמאל צו ווערן צוריק ארויפגענייט.

די אבזערוואציע ווערט מער אינטרעסאנט מערקנדיג אז דאס איז נאר ביי די רש"י קנעפלעך, דאגעגן ביי די ר"ת קנעפלעך האבן אלע קמעפלעך די זעלבע נידריגע טשאנס צו ווערן צוריק ארויפגענייט...

[יואב]

פארשער האבן אנדעקט א אינטרעסאנטע נאטור ערשיינונג: די העכסטע קנעפל פון א רעקל, סוט, וכדו' האט א 73% טשאנס צו ווערן צוריק ארויפגענייט אין די ערשטע 24 שעה נאך אראפ פאלן אנטקעגן די אונטערשטע קנעפל וואס האט א פארקערטע ראטע פון 64% טשאנס קיינמאל צו ווערן צוריק ארויפגענייט.

די אבזערוואציע ווערט מער אינטרעסאנט מערקנדיג אז דאס איז נאר ביי די רש"י קנעפלעך, דאגעגן ביי די ר"ת קנעפלעך האבן אלע קמעפלעך די זעלבע נידריגע טשאנס צו ווערן צוריק ארויפגענייט...

וואס איז דאס רש"י קנעפלעך, רחיים של יד? איז אויך דא רש"י קרעפלעך?

[געוואלדיג]

די וואס זענען נעבן די ר"ת