היינט איז אנדערש. דער חבר האט מיר געגעבן ערלויבעניש צו פובליצירן זיינע פערל ווערטער. אבער פאוואליע, פאר מ'קען פארשטיין די גוטס, דארף מען וויסן די מעשה, גופא דעובדא היכי הוה. ובזה הוחלתי:
אמאל איז געווען א מעשה, הרבני המכבד מוהר"ר [tag]שמעקעדיג[/tag] האט געשריבן צו די זאך - כדרכו, אבער אני הקטן האט עס געלעהרט מיט מידע אויגן (קרעדיט: [tag]ריכטיג[/tag]) און נישט פארשטאנען, און - דערפאר - געענטפערט, נישט צו די זאך.
די וואויל-באוויסטער חשובע'ר [tag]berlbalaguleh[/tag] קומט צו מיר בסתר ובגלוי, און פארציילט מיר אז ער האט שוין געהאט געגעבן א לייק אבער ער האט'ס מיר צוגענומען און איז יעצט צוריק צווישען די צוויי מצות.
ויהי אחר הדברים האלה, האב אני הקטן זיך געווארפן בפישוט ידיים ורגליים אויף דער ערד צו בעטן מחילת כבודם, אויף בסתר ובגלוי. כ'האב געמיינט אז דאס איז די ענדע פון די פרשה, אבער וואס? ווי? ווער? ווען? בכלל נישט!
קומט דער בעל עגלה צו רייסען אין אישי אז:
berlbalaguleh אין אישי האט געשריבן:או.קעי. וויין נישט שעפעלע. נעקסט טיים, איה"ש. מיר האבן ב"ה לייקס בשפע און מיר זענען נישט קארג זיי אויסצוטיילן בסבר פנים יפות. שלאף געזונטערהייט ווייטער. זיסע חלומות...
איך האב - מידערהייט אים גע'ראפל'ד, און איינגעשלאפן.
נישט לאנג שפעטער דערוועק איך מיך ווי דער בעל עגלה איז צוריק מיט נייעס:
berlbalaguleh אין אישי האט געשריבן:הער מיך אויס ר' שלום על ישראל. איך וואלט געקענט ווייטער חקרנ'ען און ציען דעם שמועס. צו די האסט געמיינט ראפל מיט א פתח אונטער'ן אלף און א פא רפה. אזוי ווי אין עף.יו. רח"ל וואס ישיבות ראפל'נען אויס. אדער האסטו גאר געמיינט ראפל מיט א חטף קמץ אונטער'ן אלף און א פא דגושה. דאס וואלט לכאורה געמיינט אז דו ביסט א ביסל (און אפשר מער ווי א ביסל) אויפגערעגט אויף מיר. און דו ווילסט זאגן אויף אונגאריש'ן לשון אז איך בין א ביסל (אדער אפשר מער ווי א ביסל) משוגע. אדער ווי מ'זאגט אין אמעריקע..."ווהימסי"...נאר איך האב ב"ה וויכטיגערע, א סאך וויכטיגערע זאכן צו טון היינט...!
בכל אופן טרינק א גלעיזל פיינע, הייסע אוירבל טי, אויסגעמישט מיט א ביסעלע וואדקע אדער בוירבאן, און דו וועסט אי"ה זיין אינגאנצן רואיג און אויסגערוט. בדוק ומנוסה....
***
כ'האב טאקע געעפענט די אשכול לכבוד די מעשה, אבער דאס קען זיין די קאנאל פאר אנדערע צו פאבליצירן פיינע אישי ווארע - מיט רשות, שטייצעך.