הנגיד שלמה רעכניץ פייערדיגע דרשה קעגן מוסדות סעלעקציעס

[ליטוואק פון בודאפעסט]

איז זאג דאס! זאג אז הגם דו ביסט חשוב'ער ווי מיר, מעגסטו נישט צונעמען דער עלעמענטיש'ע רעכט פון מחנך זיין קינדער אין חדרים. אבער זאגען אז רעכניץ איז דער זעלבע בן תורה ווי דער וואס זיצט און לערנט מאכט קאליע די גאנצע מערכה.
און בכלל, יעדער נערישקייט וואס טוט זיך אין יעדער מערכה, מאכט קאליע די גאנצע מערכה. איין זאך דארף געזאגט ווערען דא; אז יעדער מענטש האט אן עלעמענט'ע רעכט מחנך זיין קינדער, זין און טעכטער, ווי ס'דארף צו זיין, און מ'דארף עס זיי צושטעלען. אלע הויכגעשעצטע חשבונות פון 'טהר המחנה' און שאר כל מרעין בישין זענען נישט צום זאך במקום דער עלעמענטער"י רעכט און פליכט.
ווען מ'פארדרייט דער נושא אויף זייטיגע זאכען, כגון וויאזוי ער וואלט עס געדארפט זאגען, צו ווער האט א רעכט דאס צו זאגען, צו פריוואטע רעכטען פון מענטשען צו וואס, פארלירט מען פון דער עיקר נושא.

איך גלייב אבער נישט אז ס'וועט זיך עפעס ענדערען פון די דרשות, און ווען מ'האט שכל וואלט מען געטוהן אין א אופן וואס איז מער מסתבר צו געלונגען. מ'עט נאר דארפען זען.

ירא שמים האקט, אבער ער רעדט נישט צום זאך. ס'איז דא הלכות כבוד ת"ח, און א שכל דערצו אויך. 'ערע פאר א גומל חסדים איז א געפיל, אבער נישט קיין חיוב און נישט מיט די זעלבע שכל. ועי' חזו"א אמונה ובטחון בכ"ז.

[שלום על ישראל]

...אבער זאגען אז רעכניץ איז דער זעלבע בן תורה ווי דער וואס זיצט און לערנט מאכט קאליע די גאנצע מערכה...

ביטע נעם א קאלקולעטאר און לטמיר רעכענען באנאזאם. ע"פ הסכם יששכר וזבולון ווערט יעדעס מינוט תורה פון יעדער בעל תורה ביים ספר גערעכענט כאילו האב רעכניץ האט געלערענט דעם זעלבען מינוט אין די זעלבע מסכת. יעצט גייען מיר נוצן דעם קאלקולעטאר: הונדערט יונגעלייט לערנען פערציג שעות תורה א וואך = יעדע יונגערמאן האט געלערנט 40 שעה און בפשטות נישט גענומען קיין חלק אין פדיון שבויים, הכנסת כלה, העלפן קינדער טרעפן מוסדות און אנדערע גמילות חסדים, און הרב רעכניץ האט געלערנט 4,000 שעה די איין וואך, אויסער זיינע פדיון שבויים, הכנסת כלה, העלפן קינדער טרעפן מוסדות און אנדערע גמילות חסדים.

[tag]יחיאל יעקבזון[/tag], זאג מיר יעצט, ווער איז דער גראבער יונג?! (זאל איך זאגן עפ"ל?)

[tag]ליטוואק פון בודאפעסט[/tag], מיר רעדן נישט פון די טעכנישע "הלכות כבוד ת"ח", נאר פון די רעספעקט וואס מ'דארף נאטירליך האבן פאר זיי, און בעיקר צוליב די זכות התורה. אויב ווילסטו דוקא יא רעגן פון די הלכה, דאן פארשטיי אז איינער וואס קען א הלכה אחת נקרא תלמוד חכם, כמעשה של טבי, עבד דרבי גמליאל (משנה, סוכה, פ"ב מ"א). (ער איז גראדע געווען א גוי!) ווי די גמרא (קידושין, מט:) זאגט אז המקדש על מנת שאני תלמיד או ע"מ שאני חכם. ועי' בגמרא (שבת, קיד.):

...ואמר רבי יוחנן איזהו תלמיד חכם שמחזירין לו אבידה בטביעות העין זה המקפיד על חלוקו להופכו...

יעצט וואלט געווען א פאסיגע זמן צו לערנען א הלכה שו"ע (פשוט כדי אונז זאל מיר הייסן תלמידי חכמים...)

ותלמיד חכם המזלזל במצות ואין בו יראת שמים הרי הוא כקל שבצבור.

[ליטוואק פון בודאפעסט]

עליך אמר קרא, אויף אט די טענה האט דער רמב"ם געזאגט וז"ל (פ"ג מהל' תשובה הל"ב),

ושקול זה אינו לפי מנין הזכיות והעונות אלא לפי גודלם יש זכות שהיא כנגד כמה עונות שנאמר יען נמצא בו דבר טוב ויש עון שהוא כנגד כמה זכיות שנאמר וחוטא אחד יאבד טובה הרבה ואין שוקלין אלא בדעתו של אל דעות והוא היודע היאך עורכין הזכיות כנגד העונות

אפילו ווען דער רעדע וואלט געווען ווער האט מער מצוות, און חשבונות שמים, ביסטו נאך אלס נישט גערעכט. ומה גם אז דיין חשבון שטימט אויך נישט אין דער מציאות. ווען רכניץ האלט אויס א יונגערמאן צו קענען לערנען, איז ער א פולקאמער שותף אין זיין לערנען. אבער ווען ער גיבט א פאר דאללאר וואס מאכט א קליינע נ"מ אין זיין לעבען, וויאזוי ווערט ער א גאנצע שותף אין יעדער לערנען וואס ער טוט? ס'איז א פיינע זאך און ס'העלפט צו, אבער צו א גאנצע שותף קומט עס נישט.
און דאס איז אלס נישט נוגע ווען מ'רעדט פון דער פראקטישע ענין אז זיין דעה ווערט נישט בעסער מיט דעם אז ער האט שכר. זיין דעה איז פונקט וואס ס'איז געווען פאר ער האט געהאט געלט און געגעבען געלט, צו קלוג צו נעריש לויט זיין מציאות.

און די הלכות פון כבוד ת"ח זענען נישט אין דער לופט אזא הלכתא בלא טעמא. נא דיר דער לשון פון דער חזון איש אין דער אמונה ובטחון,

אם אמנם מצות כיבוד של חכמים ויראתם הם מן מצוות המעשיות, כמו מצות קימה, לפתוח ראשון, לא ישב במקומו, לא יסתור דבריו - הם יסוד בנפש, ראש וראשון בחובת הלבבות. כי הלא הכבוד הוא רגש הגדול מאחיו, ועל פיו משקל כל ערכי החיים. הכבוד בתלמיד חכם משמש להכנעה לחכמת התורה, לקבלת מלכותה קבלה רצויה, קבלה ענוגה ונעימה. כי מטבע המכבד להנות מאהבת המכובד בעת שלבו רוחש הכבוד, ועינו היפה ימריצה להתאבק בעפר רגלי חכמים, ואין טרחו בזה כטורח של עמלה ויגיעה, רק כמוצא חפץ לבו, וכהשיג משאת נפשו. ואותן התנועות המעשיות המגשמים את מצות המעשיי של הכבוד הן הנה עדויות עד כמה לבו מלא אמונה בתורה, ועד כמה ינהר להתרפק עליה ולהשתעשע בסגולותיה. ובר נש דלבו ריק מרגש זה, ואין נפשו חרדה לכבוד תלמיד חכם, לבו ריק מהכנעה לתורה, לבו ריק מקבלת עול מלכותה עליו. ואם סיבת חלי זה הוא ממיעוט הרגש כללי, כי נולד בטבע קר ובשכל גס ומחנכיו פשעו בו מלהחכימו ולהשכילו, אין הקולר תלוי בצוארו, ואמנם הוא חסר בנפשו ביסוד התורה ואהבתה, וחלקו רע תחת השמש. ואמנם אם הוא בעל כשרון בהשכל ודעת, ולבו מלא רגש כביר כח, אך נפתול נפתל בדרך חינוכו, ובאוות נפשו משתדל לעקור מלבו רגש הכבוד לחכמים כאשר מוצא בזה סתירה לכבוד עצמו, וברב גאותו הנחיל במחשבתו את כל הכבוד לנפשו בהיותו בעל בטחון, בהיותו מזכה רבים, בהיותו בחיר המדות, והלוא זה כל האדם וזה חובתו בעולמו, ומה יתרון לבעל החכמה בהויות דאביי ורבא - הנה זה חוטא בכפליים, ומוכה בכפליים. והגר"ח זצ"ל בספר נפש החיים בשער ד' האריך במשפטו, ודן אותו כמבזה תלמידי חכמים וכמגלה פנים בתורה. וז"ל, וגם כמה מאותן אשר קרבת אלק' יחפצון הם בחרו לעצמם לקבוע כל עיקר למודם בספרי יראה ומוסר כל הימים כו', ועדיין לא ראו מאורות מימיהם ולא נגה עליהם אור התורה, ה' יסלח להם כי כוונתם לשמים, אבל לא זו הדרך ישכון בם אור התורה.

און באמת דאס איז אלס נישט וויכטיג צו דער נושא, וויבאלד הרב רייך זאגט אליינס אז נישט נאר ווען ס'איז וועגען תלמידי חכמים טאר מען אזוי נישט רעדען, נאר אפילו א פשוט'ער ציבור אידען איז דאס נישט קיין וועג צו באטרעטען דער מענטשהייט. און דער נושא איז אסאך וויכטיגער ווי דן צו זיין וויאזוי מ'האט עס געזאגט.

[ירח בן יומו]

ווען מ'רעדט פון נישט אראפ רעדן אויף יודען דארף מען דאס געדענקן ביי די אלע אינטערנעט כינוסים

[יחיאל יעקבזון]

לא ולא! דער בן תורה און באלעבאס זענען קיינמאהל אויפן זעלבן מדרגה.
שכר בעולם הבא איז איין זאך; זיך נעמען די דרייסטקייט צו מבזה זיין בני תורה איז גאהר עפעס אנדערש.
בעצם זענען מיר אלע שולדיג אין דעם שפל המצב. מ׳דארף זיך צאמנעמען און טוהן למעשה. זיך אהננעמען פאר א מבזה תלמידי חכמים ווייל ס׳פאסט פאר אונזערע אגענדא, ברענגט קיין גוטס און איז נישט בייהילפיג אינעם פארבעסערונג פונעם דורגעפוילטע סיסטעם אונזערע. זייטס נישט קיין ווייז גייז, און טוהט למעשה. נעמטס צאם א קבוצה פון ערנסטע מענשן און גרינדעט א מוסד וואס איז אויסגעהאלטן על פי דת תורה האמתית. גלייבט מיר, היפש וועלן אייך דאנקבאר זיין און די מוסדות וועלן אייך מקנא זיין. די קאמפעטישן וועט זיך אהנהייבן והכל על מקומו יבא בשלום. רעכניץ וועט דארפן זוכן אנדערע וועגן צו מאכן נויז אז מ׳זאל וויסן אז ער עקזיסטירט. זיינע קינדערישע ניגונים וועלן ווייטער זיין גאנגבאר ווילאנג ר׳האט אפאהר טאלער; דאונט ווארי.

[שלום על ישראל]

איינפאלס, במקום שיש חילול השם, אין חולקין כבוד לרב, כמבואר כמה פעמים בש"ס.

[ליטוואק פון בודאפעסט]

איינפאלס, במקום שיש חילול השם, אין חולקין כבוד לרב, כמבואר כמה פעמים בש"ס.

דאס איז נאך איינער פון די דזשאוקער'ס. דא רעדט מען פון אן עוולה, נישט פון א חילול ה'.
און אדרבא, ממקום שבאת. דער גמרא זאגט אונז אז חילול ה' איז ווערט מער ווי כבוד הרב. און וואס איז די חשבון פון חילול ה' זעלבסט? ווען מ'גייט מחלל זיין שם שמים מפרסם זיין אז שוא עבוד אלקים, און דער וואס זיצט און לערנט איז גאר שלעכטער ווי דער וואס לערנט נישט, איז עס אויך בארעכטיגט פאר'ן ציל ראטעווען קינדער?
די זענען ליידיגע לאזונגען, נישט אמת'ע חשבונות.

[געוואלדיג]

איך האב קייינמאל פארהערט די מנהלי המוסדות חסידיש צו ליטפיש, צו וויסן וויפיל ת"ח זיי זענען, אבער איך ווייס יא וויפיל בעל צדקה רעכניץ איז, און איך ווייס יא וויפיל רשעות און אכזריות איז שוין געטוהן געווארן דורך די אזי גערופענע ת"ח, און בזיון התורה טוהן די וואס טוהען זיך אן די אצטלא דרבנן און מיט די לבוש טוהען זיי זייער שייגעץ שטיק, צא טמא יאמר להם, די אלע מנהלי המוסדות וואס מיטן תירוץ פון ת"ח טאר מען זיי נישט פארשרייען, די אלע בני תעירע וואס מיט זייער פראק צו די בנש"ק'ס וואס מיט זייער סטראקעס, האטלן זיי אפ אנדערע קינדער פון אנקומען אין מוסדות דארפן פארשריגן ווערן, און יעדער וואס האט זיינע אויגן אפן און זיין שכל נישט פארטעמפט ווייסט זייער גוט אז שטיל ארבעט נאר אין בית החיים, אין די רשעות'דיגע וועלט פון מוסדות ארבעט נאר און נאר קולות אויפן גאס און דעת הקהל,

איך האב שוין מיטגעהאלטן פערזענליך פון כמה פעלער וואס דורך די שטורעם פון יואלי לעבאוויטש זענען קינדער צוריק געקומען אדער געבליבן מיט זייערע עלטערן און דאס איז נאר א דאנק די שטורעם וואס ער האט פאראורזאכט, בשתיקה ווערט גארנישט געטוהן חוץ פון הבטחות, אזוי אויך רעכניץ ווייסט זייער גוט אז נאר דורך ארויס נעמען די שמוץ ברבים וועט ער אויפטוהן, און ניין ער האט נישט געטוהן ווי דער נידערטרעכטיגער מאסטער וואס האט געגאנגען וואשן אונזערע עכטע פראבלעמען ביי די גוים דורך מסירה, נאר ער האט אויפגעשטורעמט אונז אידן, וואס אונזערע ברודער און שוועסטער (אדער אונז אליין) ליידן פון די פוסעי על ראשי עם קודש און נאר אזוי קען ער אויפטוהן, כה לחי, לך בכוחך זה והושיע את ישראל.

[ליטוואק פון בודאפעסט]

דאס הייסט אויף ענגליש wishful thinking רעכניץ האט נישט בארעדט קיין מנהלים פון מוסדות. אדרבא, ער האט זיי פארטיידיגט.
און דאס זאג איך דיר קלאר אז ס'גייט גארנישט ווערען פון דער דרשה. נישט ווייל מ'דארף טוהן שטיל, נאר ווייל מ'דארף טוהן מיט שכל, נישט סתם בולעוואניש שרייען. פונקט ווי יעדער מוסר שמועס.

Sent from my HTC Desire 510 using Tapatalk

[געוואלדיג]

ויואלי לעבאוויטש יוכיח, וואס ער האט נאר קאליע געמאכט און גערעדט

סתם בולעוואניש

ווייל מיט רעדן רוהיג טוהט מען אויף, דאס איז ווי דו רופסט אן

wishful thinking

זאג מיר ביטע, האסטו שוין איינמאל געארבעט צו אריינשטעלן אין א מוסד א קינד (נישט דיין אייגענע) וואס די מוסד האט נישט געוואלט? אויב יא מיט וועלכע מיטל האסטו מצליח געווען?

[שמעקעדיג]

יעקבזון, כ'פארשטיי אז דו האלטסט אפשר פון עפענען מוסדות מיט עדיוקעישאן וכו', אבער לאמיר דיר מסביר זיין וואס מיר האט פארדראסן, פארוואס כ'האב מיך אויסגעדרוקט 'עקלהאפטיג'.

לאמיר צענעמען דעם רעכניץ: ער מיינט אז ווייל ער האט אפאהר גרייצער ווערט ער א בעל מנגן, א בעל מוסר און א בן תורה

דו הייבט אן מיט אד המינום אטאקעס, דו נעמסט זיך פערזענליך אנגרייפן א מענטש וואס פרובירט צו העלפן אנשטאט צו מסביר זיין די צווייטע זייט. וואס א חילוק וואס ער האלט זיך? און ווער זאגט ער האלט זיך? ער האט מחבר געווען הערליכע ניגונים, און פילע האבן הנאה דערפון, ער טאר שוין נישט זינגען? איך קען דיר אויסרעכענען א לאנגע ליסטע פון זעלבסט-איינגערעדטע זינגערס, הכלל, איז וואס? למאי נפק"מ? ווי קומט עס אריין דא? און בכלל וואס איז א חילוק צי ער האט יא געלט אדער נישט? ער האלט זיך פאר א בעל מוסר, א בן תורה? מהיכי תיתי? (אדרבה, ער פארענטפערט זיך כמ"פ ביי זיין דרשה אז ער איז נישט קיין בעל מוסר, און פארוואס ער נעמט די דרייסטקייט צו רעדן)

אונז זעמיר טאקע אנגעווייטיגט אויפן סיסטעם און מ׳ברויך פארארבעטן מעשים אז זאכן זאלן זיך טוישן, אבער וואס דער גראבער יונג האט געטוהן איז א שרעקליכע זאך.

כ'ווייס נישט צי דו מיינסט מיטן אויסדרוקן 'גראבער יונג' פיזיש אדער גייסטיש, אבער אלענפאלס איז עס זייער נישט איידל (מילד גערעדט), און ער פארדינט עס נישט. ער איז א איד א שטיק חסד, ער לעבט מער פאר יענעם ווי פאר זיך, והדברים ידועין. רופן אזוי סיי וועלכן צווייטן איד איז עקלדיג, און אודאי אזא בעל צדקה וחסד וואס האט שוין גורם געווען מער ווי איינמאל א קידוש ה'.

מבזה זיין בני תורה ברבים איז אן אומפארגעבליכע פארברעך.

זייער אסאך מענטשן וואס גייען נישט צניעות'דיג אדער טוען אנדערע א.ג. 'עוולות' זענען אויך בני תורה, און מען מוסר'ט זיי כסדר. זאגן מוסר, אויפמערקזאם מאכן אויף אן עוולה, הייסט נישט מבזה געווען. און זאגן אז מען לערנט נישט לשם שמים איז פשוט א ווייטאגליכער אמת (לכה"פ לעניית דעתו), והאמת ניתן להיאמר. צב"ש טאמער א איד וועט שמועסן אינמיטן קדיש, האסטו א פליכט 'וגוערין בו', אפגעזעהן צי יענער איז א ת"ח, ובמקום שאין איש השתדל להיות איש. לאזן ראשי ישיבות טוהן רשעות און נישט מוחה זיין ווייל זיי זענען בני תורה, איז "העמידו דבריהם על דין תורה" (@ליטוואק שריי מיך נישט אן...)

אויב איז ער טאקע אינפלוענשל, קען ער אויפטוהן שטילערהייט.

האט מען שוין געענטפערט דערויף, לא מני' ולא מקצתי'.

אויב זיין גאנג איז מיט חוצפה איז ער גארנישט בעסער פון דער שוטה רשע וגס רוח נפתלי מאסטער וחבריו בדומים לו וואס זייערע בייזוויליגע כוונות פארשטייט יעדער בר דעת.

ממש אזוי?? גיין צו די באהערדע און בארעדן די חינוך פון אלע היימישע מוסדות און זיי אריינשטעלן אין א סכנה איז ביי דיר די זעלבע ווי מעורר זיין די רבנים בכל לשון של בקשה אויף דברים הצריכים תיקון? ביסט אויפן קאפ?
(געוואלדיג האקט ענליך)

איי עם אלל פאר עפענען מוסדות וואס וועלן צושטעלן סעקולארע עדיוקעישאן פאר די וואס ווילן א נארמאלע חינוך פאר זייערע קינדער. יא, דארט זאל יעדער האבן צוטריט צום אינטערנעט; אינפארמאציע וועט גערעכנט ווערן פאר א געזונטע זאך און וועט זיין ענקארעדזשד. מ׳עט לערנען דעם קינד קריטישע דענקונג ווי איידער לעבן ווי א סטאדע בהמות. מ׳עט אויך לערנען דארט אמונה ובטחון אמתית אהן די נארישע מייסעס וואס מ׳פארקויפט היינט בנוסח סאנטא קלאוס וד״ל. מ׳עט דארט פראדוצירן געזונטע מוחות און גלייכצייטיג ערליכע אידן וואס ׳עלן זיך פיהרן בדרך ישראל סבא און וועלן זיין עכטע מקדשי שם שמים ברבים און אור לעמים. סעקשאן אכט, מעדיקעיד, פוד סטעמפס, וועלפעיר אא״וו וועלן גערעכנט ווערן פאר ניבול פה. די קינדער ווען זיי וואקסן אונטער וועלן האפנטליך מצליח זיין בעזרת השי״ת און מ׳עט זיי קיינמאהל טרעפן שטייענדיג אויף לאנגע רייעס פון מחללי שם שמים בפרהסיא אין אפסטעיט ניו יארק וכדו׳. אז א חניך פון אט אזא מוסד וועט עפענען ס׳מויל זיינע, וועט ער נישט אראפברענגן די איי קיו פון גאנצן אומגעגנט... ר׳עט פארשטיין צו פינאנסן און וועט וויסן וויאזוי זיך צו אויפפיהרן און נישט ווערן אריינגעשלעפט בפח יוקשים פון פינסטערע ביזנעס דיעלס און האנדלונגן.

ניין, נישט אלע וועלן ווערן דאקטוירים, אדוואקאטן אדער אנדערע פראפעסיאנאלן, אבער זיי וועלן האבן בעסערע אויסזיכטן צו פארדינען ערליך געלט אין סיידן וועלכע אומנות ס׳עט זיך זיי גלוסטן.

לימודי קודש וועט זיין אויפן פארנעם אז נאך צעהן יאהר חדר, דריי יאהר ישיבה קטנה און נאך צוויי ביז דריי יאהר ישיבה גדולה וועט מען האבן וואס צו צייגן דערפאר... ווער עס וועט זיך נאר אהערשטעלן וועט קענען ווערן א מורה הוראות, אויב דאס איז זיין באגער. דעת תורה וועט באדייטן אז מ׳האט טאקע דעת און מ׳איז מלא וגדוש אין תורה. דער וואס האט נאר איינס פון די צוויי, וועט נישט ערלויבט ווערן צו זיין א ווארטזאגער בעניני הכלל.
כ׳האף אז ס׳זענען פארהאן גענוג לייטישע מענשן וואס זענען מוכן צו מקריב זיין פאר אזא אונטערנעמונג און וועלן זיך נעמען צו די ארבעט. כ׳האף אז די עשירים וועלן זיין גרייט צו משקיע זיין אין דעם פראיעקט און וועלן נישט ווערן דערשיטערט פון די וואס וועלן זיך שטעלן אין די לענג און די ברייט דאס אונטערצוברענגען.

לאמיר אויפהערן שרייבן אויף בלאגס און טוהן למעשה.

דא מאכסטו סתם בייסיגע ליצנות, און כ'וועל זיך נישט מטפל זיין דערמיט.

[שלום על ישראל]

איינפאלס, במקום שיש חילול השם, אין חולקין כבוד לרב, כמבואר כמה פעמים בש"ס.

דאס איז נאך איינער פון די דזשאוקער'ס. דא רעדט מען פון אן עוולה, נישט פון א חילול ה'.
און אדרבא, ממקום שבאת. דער גמרא זאגט אונז אז חילול ה' איז ווערט מער ווי כבוד הרב. און וואס איז די חשבון פון חילול ה' זעלבסט? ווען מ'גייט מחלל זיין שם שמים מפרסם זיין אז שוא עבוד אלקים, און דער וואס זיצט און לערנט איז גאר שלעכטער ווי דער וואס לערנט נישט, איז עס אויך בארעכטיגט פאר'ן ציל ראטעווען קינדער?
די זענען ליידיגע לאזונגען, נישט אמת'ע חשבונות.

דאס גרעסטער דזשאוקער איז מיט שרייען "דזשאוקער" ווען דו האסט גארנישט. די גמרות ברכות יט:, ערובין סג., סנהדרין פב., שבועות ל:, אלע זאגן אז במקום שיש חילול השם, אין חולקין כבוד לרב.
דאס אז די מוסדות ווארפן אידישע נשמות אין מיסט, איז א חילול השם און א הפרת תורתך
דאס אז די מנהלים און ראשי הישיבות פירן זיך אויף ווי חיות, איז א ריכטיגע חילול השם
דאס אז די מוסדות גיבן נישט קיין מינימאלע עדיוקעשאן איז א חילול השם, ווי שוין ברייט פארשמירט.

ווי אויבן דערמאנט:

ותלמיד חכם המזלזל במצות ואין בו יראת שמים הרי הוא כקל שבצבור.

[ליטוואק פון בודאפעסט]

איין זאך ווייס איך, אז אנשרייען א מענטש העלפט נישט אריינצושטעלען א קינד. מ'חנפ'ט און מ'איז מסביר פארוואס ס'איז די בעסטע זאך פאר זיין נגיעות איהם אריינצושטעלען.
און שמעקעדיג, לערנען שלא לשמה איז א חסרון, אבער ס'נעמט נישט צו פון כבוד התורה, ועי' בנפה"ח בכל זאת.

[ליטוואק פון בודאפעסט]

אקעי, שלום על ישראל, יעדער עוולה איז חילול ה'?! ווייל ס'געפעלט דיר נישט מיינט עס אז ס'איז א חילול דיין שם, נישט חילול זיין שם. ס'איז אן עוולה

Sent from my HTC Desire 510 using Tapatalk

[געוואלדיג]

ליטוואק, איך וועל דיר פארציילן סודות פון חדר, יעדער קינד וואס איז געווארן אנגענומען אין מוסדות וואס האבן נישט געוואלט, איז דאס געווען נאר דורך קולות און סטראשונקעס, ליידער ביי די עושי מעשי רשע ארבעט נאר די אופן.

[שלום על ישראל]

אקעי, שלום על ישראל, יעדער עוולה איז חילול ה'?! ווייל ס'געפעלט דיר נישט מיינט עס אז ס'איז א חילול דיין שם, נישט חילול זיין שם. ס'איז אן עוולה

Sent from my HTC Desire 510 using Tapatalk

פשוט, ווען בני תורה פירן זיך אויף נישט ווי ס'דארף צו זיין, איז עס א חילול השם. אזוי האט מען געלערנט אין חדר.

[שלום על ישראל]

איין זאך ווייס איך, אז אנשרייען א מענטש העלפט נישט אריינצושטעלען א קינד. מ'חנפ'ט און מ'איז מסביר פארוואס ס'איז די בעסטע זאך פאר זיין נגיעות איהם אריינצושטעלען.
און שמעקעדיג, לערנען שלא לשמה איז א חסרון, אבער ס'נעמט נישט צו פון כבוד התורה, ועי' בנפה"ח בכל זאת.

און איך ווייס מער פון "איין זאך" (...), ס'איז נישט נארמאל צו זאגן אז חנופה איז די וועג, ס'איז גראדע רוב מאל נישט אמת אויך נישט.

די גאנצע "לערנען שלא לשמה" אישו אז זאמד וואס הרב רייך ווארפט, און איז נישט ווערט צו דיסקוסירן.

[ליטוואק פון בודאפעסט]

אקעי, שלום על ישראל, יעדער עוולה איז חילול ה'?! ווייל ס'געפעלט דיר נישט מיינט עס אז ס'איז א חילול דיין שם, נישט חילול זיין שם. ס'איז אן עוולה

Sent from my HTC Desire 510 using Tapatalk

פשוט, ווען בני תורה פירן זיך אויף נישט ווי ס'דארף צו זיין, איז עס א חילול השם. אזוי האט מען געלערנט אין חדר.

און דו האסט נאך געגלויבט....

Sent from my HTC Desire 510 using Tapatalk

[ירח בן יומו]

מיר האבן נאכנישט זוכה געוווען צו [tag]שש[/tag]'ס אנאנליז (אשכול) איבער דעם ענין. הלהן תשברנה?

[געוואלדיג]

נישט מען גלייבט נאר מען ווייסט, עס איז מעשים בכל יום, און דער אמת, נישט נאר ביי די ליטאים ביי אונז חסידים איז דא דער זעלבער פראבלעם, וואו איז אונזער שלמה יהודה רעכניץ?

[שלום על ישראל]

אקעי, שלום על ישראל, יעדער עוולה איז חילול ה'?! ווייל ס'געפעלט דיר נישט מיינט עס אז ס'איז א חילול דיין שם, נישט חילול זיין שם. ס'איז אן עוולה

פשוט, ווען בני תורה פירן זיך אויף נישט ווי ס'דארף צו זיין, איז עס א חילול השם. אזוי האט מען געלערנט אין חדר.

און דו האסט נאך געגלויבט....

ווי קען מען טענה'ן מיט אזאנס...

[ליטוואק פון בודאפעסט]

דיין חדר מלמד האט דיר מאלעסטעד אין אסאך פלעצער און דאס איז איינער פון זיי. יעדער זאך וואס געפעלט נישט איז חילול ה', וע"ז אמרתי חילול מיין שם.
און אז מען לערנט תורה כדי מ'זאל זאגען אז אין בעלזא לערנט מען איז אויך תורה לשמה, איז אויך אין דער זעלבע בחינה. מ'נעמט די אייגענע געפילען און מ'פארהייליגט עס מיט א פאר לשון קדש ווערטער אדער דער נאמען פון א שטאט אין אירופא

Sent from my HTC Desire 510 using Tapatalk

[שלום על ישראל]

כ'האב נישט יעצט די צייט אראפצושרייבן א גאנצע ביאור, אבער ס'איז גארנישט קיין מלמדים'ס מעשיות; ס'איז קלאר ע"פ הלכה אז ווען בני תורה פירן זיך נישט אויף כדבעי, איז עס א חילול השם.