נארישע און מאדנע געזעצן

[שבת אחים]

ביטערע געלעכטער. און דעס איז נאך פאר דאנאלד טראמפ ווערט פרעזידענט! ווארט נאר ביז ער ווערט פרעזידענט וועסטו שוין זעהן וואס מיינט משוגענע געזעצן.

אין איינע פון די סטעיטס איז דא א געזעץ אז מ׳טאר נישט האבן קיין **** אין א toll booth וכן נוהגים

[געוואלדיג]

וכן נוהגים

מנא לך?

[[NAMELESS]]

יאויש ביזטע זיס, געוואלדיג..

[שמעון וואלף]

אין ספארנעקס, פראנקרייך טאר מען נישט שטארבן אן האבן א קבר אנגעגרייט
נישט גענוג אנגעזעצט צו שטארבן דארף מען נאך האבן געלט דאגות

און טאמער איז מען עובר אויפ'ן געזעץ באקומט מען טויט שטראף!

[לית דין בר נש]

אין ספארנעקס, פראנקרייך טאר מען נישט שטארבן אן האבן א קבר אנגעגרייט
נישט גענוג אנגעזעצט צו שטארבן דארף מען נאך האבן געלט דאגות

איך עפען אויף א כולל "להחיות בהן נפש" ווער עס האט א חולה בתוך ביתו קען אים שיקן צו מיין כולל אין פראנקרייך מיר גיבן זייער אכטונג אז קיינער זאל נישט קויפן א חלקה פאר דער וואס איז א מעמבער אין כולל, און מיט דעם איז ער גאראנטירט נישט צו קענען שטארבן!

[ציבעלע-קיגל]

נארישע און מאדנע געזעצן

אין בעלז טאר א פרוי נישט דרייווען

אין סקווער מוז מען גיין צום טיש

[berlbalaguleh]

נארישע און מאדנע געזעצן

אין בעלז טאר א פרוי נישט דרייווען

אין סקווער מוז מען גיין צום טיש

און אויב נישט...?!
כ'וויל וויסן. ווייל כ'טראכט צו מופן קיין סקווירא. ניין. נישט אין בית החיים. נאר אין געהעריגן שטעטל. און איך האב א טבע אז נאך כל מקדש כאפ איך א פעסטן דרימל...און ס'איז זייער שווער זיך אויפצוהייבן. די זעלבע איז שבת בייטאג נאך די סעודה. נאך זינגען יום זה מכובד און די טשאלנט נעמט זיך די בראנפן פון קידוש ארבעטן זייער שטארק...צו וועט מען צו מיר קומען אהיים מיך באגלייטן צו די רעבע'ס טיש...?!

[געוואלדיג]

נאך אפאר געזעצן להחיות נפש כל חי

אין אהאיא זאלט איהר נישט וואגן צו אנ'שיכור'ן א פיש
פורים עסט מען נאר ניכטערע פיש

טראגעדיגע פרויען אין ענגלאנד דארפן נישט זיין באזארגט צוליב די מאנגל אין ביהכ"ס, לעת הצורך איז געזעצליך צו משתין זיין אין די היטל פון א פאליציאנט
וואס איז ער נעבעך שולדיג?!

פרויען זענען ערלויבט אין ווערמאונט צו טראגן פאלשע ציין, אבער נאר מיט א שריפטליכע ערלויבעניש פון זייער מאן
מצא בע"ח מקום לגבות חובו, אויף מוזן געדאנקען די ווייבס געבורטס טאג

עס איז שטרענג פארבאטן אין פראבידנס ראוד איילענד צו פארקויפן אויף א זונטאג פארן זעלבן מענטש ציין פוץ און א ציין בערשטל
הפנים האבן זיי עפעס א מערכה מיטן זונטאג

עס איז קעגן די געזעץ פאר פייערלעשער אין סט. לואיס מיזורי צו ראטעווען פרויען אנגעטוהן מיט א נאכט העמד
פרויען, אויב אייער לעבן איז אייך טייער, מאכט זיכער צו שלאפן מיט די קליידער

אין אקלאהאמע קענט איהר באקומען דזשעיל פאר מאכן פאני פעיסעס פאר הונט
לכאורה זענען לאכעדיגע הונט עפעס מער שעדליך

24 שעה פאר איהר פירט דורך א פאברעך אין טעקסעס דארפט איהר ווארענען אייערע קרבנות
איך האב זיך אלס געוואונדערט וואס איז פשט אין די פאון קאלס וועגן א אונטערגעשטעלעטע באמבע...

עס איז נישט ערלויבט אין וואשינגטאן זיך צו מאכן ווי א קינד פון רייכע עלטערן
די רעכט איז רעזערווירט בלויז פאר די טאפ 1%

אין מיאמי טאר מען נישט נאכמאכן בעלי חיים
סארא דעסקרימינאציע, זיי מעגן יא אונז נאכמאכן

א הונט וואס לויפט נאך א קאץ אין אינטערנעשנל פאלס מיניסאטע ארויף אויף א טעלעפאן זויל, וועט זיין בעה"ב ווערן באשטראפט
איין באשעפער ווייסט וואס זיי האבן קעגן דעם

אויפרייסן א נוקלעארע באמבע אין טשיקא קאליפארניע קען ברענגען מיט זיך א קנס פון 500$
מען זוכט נאך צווישן די אש און ברוכווארג א איבערלעבער וואס זאל אינפארסירן די געזעץ

אין מילאן איטאליע ברויך מען כסדר שמייכלען חוץ ווען מען איז מבקר חולה און ביי א לויה
מער זיי זיי נישט מקנא פאר זייער אייביגע שמייכל

[געוואלדיג]

ועוד ידי נטויה

פאר איהר צינד אן דעם קאר מאטאר אין דענמארק זייט אזוי גוט און טשעקט גוט אויס צו קיין קינדער שלאפן נישט בטעות אונטערן קאר
ווייל דער סדר פון קליינע קינדער איז כסדר זיך צו לייגן שלאפן אונטער קארס

און בלאמפאנטיין און סאוט אפריקע דארף מען זיצן אפגעזונדערט פון א צווייטן צום ווייניגסטנס א האלבן מעטער, אויב איז מען אנגעטוהן א בעידינג סוט
אפשר איז עפעס דארט קעטשי? ווער ווייסט

אין אלבעטרטא קאנאדא איז יעדער באפרייטער ארעסטאנט בארעכטיגט צו באקומען ביים באפרייט ווערן א ביקס און א פערד
אויב ארעסטירט ווערן, דאן איז אלבערטא א גוט פלאץ

אין לאנדאן איז ערלויבט צו שלאגן די ווייב, ווילאנג עס איז פאר 9:00 ביינאכט און עס שטערט נישט די שכנים
וועלכע שכנים שטערט דאס נישט? אה.. אפשר די מוסלעמענער

אין מיניסאטע איז קעגן די געזעץ צו הענגען מענער און פרויען אונטערוועש ביינאזאם
יעצט ווייס איך שוין וואס דער חטא הידוע איז

אין אריזאנע טאר מען נישט פאנגען קעמלעך
איז דארט דא בכלל קעמלעך?

אין סאוט ווערזדשיניע טאר מען נישט דרימלען אויפן באן
מן הסתם איז דער עולם דארט אנעמפלויד

אין חיפה ישראל טאר מען נישט ברענגען בערן צום ברעג ים
ווייל ווי באוואוסט איז דארט סיי ווי פיל מיט בערן

אויב האסטו אנגעפירט א אומלעגאלע ראדיא סטאנציע אין ישראל פאר איבער 5 יאר, איז דאס כאילו האסט באקומען ערלויבעניש און עס איז לעגאל
חוטא נשכר נוסח חכמי כלם

[געוואלדיג]

און די רשימה איז נאך נישט פארטיג

ביי אונז אין ניו יארק איז אומלעגאל צו ווארפן א באל אויף א צווייטן'ס קאפ פאר פאן
זעהט אויס מען דארף א געהעריגע סיבה דערצו

אין טענענסי איז שטרענג פארבאטן צו דרייוון א קאר ווען מען שלאפט
וועק מיר ביטע אויף אויב ברעך איך די געזעץ, א דאנק

מען טאר נישט הענגען אין שווייץ וועש צו הענגען אויף א זונטאג
שוין געזאגט זיי האבן עפעס א מערכה מיטן זונטאג

אזוי אויך טאר מען נישט וואשן קיין קארס זונטאג
זיך אליין וואשן מעג מען יא?

אין וויקטאריע אסטראליע זאלט איהר זיך נישט וואגן צו טוישן אליינס א לייט באלב, נאר א לייסנסט עלעקטערישן איז ערלויבט דאס צו טוהן
און ארויס טראגן די גארביטש וועט אויך א לייסנס גארביטש קאלעטער טוהן פאר מיר?

אין ענגלאנד טאר מען נישט אנכאפן א סעמאן פיש אונטער פארדעכטיגטע אומשטענדן
"ספעציעלע אומשטענדן" האב איך שוין געהערט, אבער פארדעכטיגטע? וואס מיינט דאס?

אזוי אויך איז דארט שטרענג פארבאטן צו זיין שיכור אין א שענק הויז
נאר וואו דען, אין פארלאמענט?

און נאך מער דארט, מען טאר נישט אויפהענגען שטריק צו טריקענען וועש פון ביידע זייטן פונעם גאס
אפשר א קרוב מיט די מענער און ווייבער אונטערוועש געזעץ

אין האנאלולו האוואי טאר מען נישט זינגען אויפן קול נאך די שקיעה
שונאי ישראל, האלטן נישט פון ר"ת

[לית דין בר נש]

און בלאמפאנטיין און סאוט אפריקע דארף מען זיצן אפגעזונדערט פון א צווייטן צום ווייניגסטנס א האלבן מעטער, אויב איז מען אנגעטוהן א בעידינג סוט

איז שייך במציאות איינצופירן דער גיזעץ אין מיין מקוה אז סיי צו איך האלט מיך אינמיטן אויסטוהן סיי אינמיטן אנטוהן סיי ווען איך בין אין בור אדער שאוער טאר זיך קיינער נישט זעצן כאטש איין פיס אפגערוקט פון מיין פלאץ? איך האב אפאר נודניקעס וואס פארמאגן נישט דער דזעלי אין קאפ און זיי טוהן זיך אויס אויף מיין קאפ. און עס וואלט נישט שלעכט גיוועהן איינצופירן אין שוהל אויך אז מען מוז זיין אפגערוקט כאטש א האלבע פיס פון ווי איך זיץ יא וואס זאל איך טוהן איך ווער נערווירט ווען די אטעמסט אריין אין מיין פנים!

[[NAMELESS]]

.

[געוואלדיג]

ועוד

אין וואטיקאן (יא עס איז א עקסטערע מדינה) טאר מען זיך נישט גט'ן
נו, אוודאי, מען קען זיך נישט גט'ן אויב מען האט נישט חתונה

אין בורמא איז איליגעל צו נוצן אינטערנעט
האב איך א טעות געהאט מיט ווילי?

אין מאלאזיע טאר מען נישט פארקויפן קיין געלע קליידער
אפשר ווייל געל איז דומה לשמש און מ ען וועט נאך צוקומען צו ע"ז

אין ניגעריע טאר מען נישט טרינקען מינעראל וואסער
מינעראלן קענען נאך קלוגער מאכן די פאלק ה"י

אין טשיינע מוז מען געזעצליך גיין אפט באזוכן די עלטערן
אז מען מעג האבן נאר איין קינד דארף טאקע די רעגירונג זיך זארגן פאר די עלטערע לייט

אין פראנקרייך זאל אייך אפילו נישט פארגלוסטן צו חתונה האבן מיט א טויטן
וועם איז בייגעפאלן די גאר וויכטיגע געזעץ?

[געוואלדיג]

לאמיר ממשיך זיין

אין ספיידס אינדיאנא טאר מען נישט אויפמאכן א קען דורך שיסן אויף דעם, עס קען פארנעמען דריי חדשים טורמע
די געזעץ איז זיכער געמאכט געווארן צוליב קען אפענער קאמפעני לאביאיסטן, ווען נישט וואלט יעדער זיכער געשאסן אויף קענ'ס

אין פראבא יוטא מעג מען נישט ווארפן שניי באליס
אזא געזעץ, מן הסתם שנייט נישט דארט..

די געזעץ אין אקלאהאמא ערלויבט נישט צו ליינען קאמיקס ביכער אינמיטן דרייוון
עמער מוזן טעקסטן

אין ווילבאר ווישינגטאן קען אייך קאסטן ארום 300$ אויב רייט איהר אויף א מיאוס'ע פערד
מיאוס אין וועמענס אויגן? נישט קלאר

צוזאמנעמען שעלס אויפן ים ברעג אין ארקלאה איטאליע קען אייך קאסטן א פעטע אפותיקי
אבי מען רעדט זיך אפ אויף די טיקעטס ביי אין אין ניו יארק

אין פרארא איטאליע איז שטרעג פארבאטן פאר פרויען מיט רשעות'דיגע אויסזעהן צו אריין גיין אין די ארטיגע קעז פאבריקן
מחמת מורא אז עס וועט שאדן פאר די וועלט בארימטע קעז וואס ווערט דארט פראדוצירט (עכט)

אין סאוט קאריאה איז יעדער פליציאנט מחויב צו באריכטן פונקטליך וויפיל שוחד ער האט גענומען יענעם טאג
אזא געזעץ פאסט פאר אוקראינע

אין אסטראליע מוז יעדע טעקסי האבן אין טראנק א פעקל היי
שריים פון ווען די חכמי כעלעם האבן געזוכט דעם באהאלטענעם פערד פונעם באן

אין בריטיש קאלאמביע טאר מען נישט הרג'ענען א שניי מענטש
ווער ווייסט ווייפל רציחות זענען פארמיטן געווארן א דאנק די געזעץ

[שמעקעדיג]

אין סאוט קאריאה איז יעדער פליציאנט מחויב צו באריכטן פונקטליך וויפיל שוחד ער האט גענומען יענעם טאג
אזא געזעץ פאסט פאר אוקראינע

דאונט ווארי, כ'בין זיכער אז אויב מען שמירט אונטער אביסל שוחד, דארף מען נישט באריכטן דעם פונקטליכן ציפער..

[טמיר]

די געזעצן זענען אייגענס, אדער נאר די פירושים? אויב נישט, מנא לך הן?

[געוואלדיג]

נאר די פירושים זענען אייגנס, די געזעצן נעם איך צוזאם פון פארשידענע ערטער

[טמיר]

זעט מיר אויס ווי די געזעצן קומען פון די שמייכל אין די קריסטליכע קאווע שטיבל

[דעת תורה]

פארשטייט זיך מ'זאל נעמען די געזעצן מיט א גרעין אוו סאלט.

איך האב צ.ב.ש. נאכגעקוקט די געזעץ קעגן אינטערנעט אין בורמא, און ס'איז נישט אמת. ס'איז הונדערט פראצענט לעגאל צו ג'יין אונליין, כאטש אין פאקט האבן קוים צען פראצענט עקסעס צו אינטערנעט.

פארשטייט זיך אז די אינטערנעט צענזור איז דארט זייער שטרענג, און אנדערש ווי אנדערע צענזורירנדע לענדער קענען זיי איינזעצן אין תפיסה פארן בלויזן חטא פון אויסשפילן זייער פילטער.

גרויסע שינויים זענען בכלל אנטשטאנען אין בורמא אין סעפ. 2011, וואס האט היפש געטוישט די גאנצע פאליטישע סיסטעם. אבער אפילו בעפאר, איז דער אינטערנעט געווען לעגאל.

[געוואלדיג]

אוי געוואלד, איך האב מורא אז ער מיט זיין [tag]דעת תורה[/tag] און כוחא דהתירא וועט נאך טרעפן אז עכט אין בריטיש קאלאמביע מעג מען יא הרג'ענען א שניי מענטש

[ציבעלע-קיגל]

אין פלארידא איז נישט ליגאל חתונה צו האבען מיט מיט די אייגענע אלמנות שוועסטער

[דעת תורה]

אוי געוואלד, איך האב מורא אז ער מיט זיין [tag]דעת תורה[/tag] און כוחא דהתירא וועט נאך טרעפן אז עכט אין בריטיש קאלאמביע מעג מען יא הרג'ענען א שניי מענטש

פארשטייסט אז די אינטערעסאנטקייט פון דעם אשכול איז נישט דיין - אדער די סייטס פון וואו דו נעמסט עס - קריעיטיוויטי, עס איז ראוי לשבח און קען זיין זייער ענטערטעינינג, אבער דאס איז נישט דער ציל פונעם אשכול.

די אינטערעסאנטקייט פון דעם אשכול איז אז ס'איז עקטשועלי באמת דא אזאלכע מאדנע געזעצן אויף די ביכער. פאנטאזיע איז א פעלד פאר זיך און מען קען דארט ג'יין סאך ווייטער און מער ווי דו ביסט שוין געגאנגען.

[געוואלדיג]

אונז זענען אין שמייכל און על זה הדרך איז מיין הודעה געווארן געשריבן, אבער אינ'אמת'ן אריין בין איך נישט בודק די געזעצן צו עס איז 100% פונקט ווי עס ווערט אראפ געלייגט אבער עס קומט פון געהעריגע און פארלעסליכע סייטס, און דיין בדיקה ווייזט טאקע אויף אז די געזעצן זענען כמעט אזוי ווי עס ווערט געשריבן, ווי למשל אינטערנט איז יא מותר דארט אבער גאר גאר געצומט און פאר ויסשפילן די פילטער גייט מען אין דזשעיל, סא עס איז גאנץ פונקטליך,

והעיקר געב א שמייכל