צו האבן מיר א נישט ריכטיגן בליק אויף די רבנים?

[טעלעפאן]

זעענדיג די אלע אשכולות דא ואני בתוכם, קומט מיר צומאל אויף דער גילט געפיל ׳אפשר ווייסן די רבנים עפעס מער ווי אונז? אפשר זענען מיר פשוט׳ע אויבערחכמים?׳

איך ווייס דעם תירוץ אויך אבער די גילט שפילט מיר...

וואס זאגט איר? איז דא א צד פאר זיי אדער זיי זענען טאקע שולדיג פאר אלע אונזערע עבירות?

[איך אויך]

דער ענטפער איז אסאך מאל זיכער יא, נעם למשל דעם אשכול אסאך האקן און שימפן אויף דעם קאראדר רב, יעצט איך האב נישט קיין בלאסן אהנוג ווער ער איז און עס אינטרעסירט מיך גאנץ ווייניג אבער העי שטעל דיך אפ א מינוט פאר די האקסט אויף עם, אפשר איז ער געזעצן מיט דעם בחור און מיידל און געקומן צום מסקנה אס עס איז בעסער זיי זאלן זיין צוזאמן בהיתר? גראדע ווייס איך אז זיי זענן לעצטנס געווען צוזאמען אויף א האנימאן איך גלייב נישט זיי האבן צופיל מקפיד געווען אויף געוויסע הלכות דארט.. וד"ל, איז פאר דו ביסט דן דעם רב אפשר האט ער א אנדערע בליק אויף די זאך ווייל ער ווייסט מער ווי דיר.

דאס איז נאר איין משל אבער עס מאכט זיך אסאך מאל אז מען איז דן א רב/איש ציבור זייער גרינג אן דעם וואס מען זאל וויסן וואס באהאלט זיך אונטער זיין החלטה.

[town1]

אויף רבנים וואס געבן יעדן צווייטן טאג ארויס א איסור, ניין

[DotCom]

דער איינציגסטע נישט ריכטיגע בליק איז אפשר אז מענטשן רעדן זיך איין אז די רבנים גייט אן וואס אונז זאגן און וואס אונז האלטן, און אויב איינער גייט זיך אפרעדן גייען זיי זיך צוקראצן. מענטשן פארשטייען נישט מיט וועם מ'דיעלט דא.

[real jew]

זיי זענען טאקע שולדיג פאר אלע אונזערע עבירות. אבער אונז זענין נישט שולדיג אז זיי דארפען געלט אין כבוד .

[קאנצעפט]

טעלעפאן האט בארירט א גאר ווייכע פונקט ביי מיר, און ס'באדערט מיר שוין לאנג, מ'קען זען ווי גאר היימישע אידן וואוילע אינגעלייט זיצן און מאכן חוזק פון די רבנים כאילו זיי זאלן עפעס זיין דיינע שפילצייגן, און איך האלט אז דאס גרעניצט זיך מיט הארבע איסורים.
יא אבער דער רב איז א ליידיגגייער, ער טוט אלעס פאר כבוד, ער האלט נישט ביי גארנישט, ער מיינט געלט, ער גייט אין קאורט, ער גייט וואקאציע א גאנץ יאר, זיצט אין א קאדילעק, ער קען נישט לערנען קיין ווארט, ממש די גרעסטע בעל עבירה... בלא בלא...
די פראבלעם וואס דער עולם טוט אזוי גרינגשעצן אין די רבנים איז פאר אפאר סיבות:
1 – דער רב גיט אים א סענס פון התחייבות, ער טיילט אים איין וואס צו טון, און מענטשן פארנעמען נישט דאס. דו זאלסט מיר נישט זאגן וואס יא צו קויפן און וואס נישט, וואו נישט צו גיין וואקאציע און וואו יא, כ'וויל טון וויאזוי איך וויל און וויאזוי איך פארשטיי!...
2- דער רב איז דאך נישט 'מיין' רבי, איך האב מיין רבי וואס איך האלט יא פון אים.
3 – מענטשן דערליידן נישט איינער וואס גלייכט כבוד און קומט אריין צו א חתונה און שטעלט אפ די מוזיק, און טאנצט שטאטליך, און אויב איז ער נאך חלילה אביסל דיק, דאן דערליידט מען שוין נישט ווייל ער איז א בעל תאווה און א פרעסער וכו'

רבותי! א רב בישראל וואס האט געלערנט און קען פסק'ענען איז אסור מדאורייתא צו רעדן שלעכטס אויף אים, כ'האב נישט קיין געדולד צו ברענגען מקורות, דער חפץ חיים ברענגט גאר אסאך אין זיין ספר און איך טראסט אים.
א רב וואס מענטשן זענען אפהענגיק אין אים און רעדן זיך דורך מיט אים, האט סייעתא דשמיא, און הונדערטער מענטשן זעען דאס בחוש, יעדער ביי זיין רב.
א רב וואס דאוונט יעדן טאג שחרית א שעה אהאלב אין שול, מנחה, ערבית, אלעס אין שול, און פארברענגט רוב טאג צווישן מענטשן קען קיין סאך עבירות נישט טון... ער איז מער ווייניגער עניטיים אזוי ערליך ווי מיר און דיר, און אפי' דו ווייסט ער האט געטון אן עבירה זאגט די גמרא אם ראית ת"ח שעבר עבירה בלילה "אל תהרהר"... וכו' וודאי עשה תשובה

אידישקייט קען קיין גרויסע קיום נישט האבן אויב צואווארפט מען די יסודות פון די רבנישע אויטאריטעט, זיי גיבן חתימות פאר יעדן איסור? זיי לאזן זיך פארפירן? זיי ווייסן נישט וואס ס'טיצעך מיט זעך? פיין, פרוביר צו פאלגן די מערסטע וואס דו קענסט, אטליעסט האב אביסעלע רעספעקט!

דאס איז שוין חוץ וואס פאקטיש זענען רוב רבנים גארנישט אזוי נאאיוו, רבנים הערן זיך אן מיט מעשיות וואס מיין בויך וועט וויי טון פון טראכטן דערפון, זיי דארפן פאקטיש ענטפערן פאר מענטשן און העלפן מענטשן, פון די ערגסטע רוחניות'דיגע פראבלעמען ביז די סאמע ערגסטע גשמיות'דיגע פראבלעמען, אלעס דרייט זיך דורך ביי זיי! כ'האב מיטגעהאלטן שוין איינמאל ווי א רב האט געראטעוועט א מענטש פון אראפגיין פון זינען... יענער האט נעבעך מיטגעמאכט און האט נישט געוואוסט וואו אנצוהייבן, קיינער האט אים נישט געקענט העלפן אזוי גוט ווי דער רב מיט זיין זיכערקייט (א געמאכטער זיכערקייט – און דעס האב איך נאך די מערסטע ארויפגעקוקט ואכמ"ל) האט אים געזאגט וואס צו טון און האט אים געפירט אויף טריט און שריט מיט הארץ און געפיל, און אים געקאלט און מחזק געווען ביז ער איז געהאלפן געווארן מער ווייניגער.

זיי טוען עס פאר כבוד? נו, ווער זאגט אז ליב האבן כבוד איז אזא עבירה? ס'איז אפשר נישט אזא שיינע מידה, אבער דו האסט שוין אויסגעארבעט אלע דיינע מידות?

[טעלעפאן]

הרב קאנצעפט, איך האב טאקע געעפנט דעם אשכול מיט די שאלה אבער לאמיך אייך פארברייטערן די צווייטע זייט פון די מטבע.

א פערזענליכער ידיד מיינער איז אויסגעקומען זיך צו טרעפן מיט א רב, א גרויסער בעל מוסר ובעל דרשן בדורינו. (דעטאלן זענען עטוואס געטוישט.) עמיצער וואס פאר אים וואלטן רוב קאווע שטיבל לייענער-שרייבער געהאט רעספעקט. עכ״פ דער רב האט געהערט אויף דעם יונגערמאן געוויסע לשון הרע, און דער רב האט אים באזידלט אין פארענט פון עטליכע אנדערע מענטשען. עטליכע מינוט שפעטער זעט ער דעם רב אין זיין פריוואטן צימער עסן אייז-קרים, OU D. ער איז בערך 5-6 מאל צוריקגעגאנגען צום פריזער נעמען נאך. דער יונגערמאן האט זיך דארט אריינגעכאפט און דער רב איז כבעליהם געשאקט. און דער יונגערמאן זאגט פארן רב ״קוקט אייך אן, איר קענט נישט איינהאלטן אייערע תאוות מיט קיין פראצענט, נו פארוואס זענט איר מיר דן אויף מיינע עבירות נאך פאר איר ווייסט מיין זייט? וויאזוי וואלט עס אויסגעקוקט ווען אני הקטן נעמט דאס געזעץ אין די הענד און איך גיי פארציילן אויף די גאס וואס איך האב דא מיטגעהאלטן, האק איך אויף די רבנים? איא?״

איך האב געמוזט משנה זיין די דעטאלן אבער ס׳איז נישט משנה. די אלע רבנים, ווי אויבנדערמאנט, האבן אונז אין זייער ״לינקע פאה״!!! ליידער רעד איך פון אסאך פערזענליכע עקספיריענס. איך פארלאנג קיינעם נישט מיר צו גלייבן.

איי וועט איר פרעגן, נו וואס איז מיין קשיא? מיין קשיא קומט פון א גילט אז אפשר איז דא א צד צו די רבנים אז מיר טארן זיי נישט אוועקמאכן טראץ דאס אלעס... עכ״פ זיי אלץ תלמידי חכמים וואלטן ״אביסל״ געדארפט היטן זייער כבוד

אין א זייטיגן נאטיץ, די אלע קאנטראל-פריקס וואס פירן אן די אלע עקסטרעמע קאמפיינען זאגן אויך אז די רבנים זענען גארנישט ווערט. איר קענט עס הערן פון זיי קלאר.

[איך אויך]

קאנצעפט ברענגסט ארויס גוטע פוינטס, עס איז ידוע די ווערטל מיט די צוויי אידן וואס האבן געוואלט שפילן רב.

--------------------------

טעלעפן דאן דארפט איר קלאר מחלק זיין צווישן אמתדיגע רבנים און אזוי-געריפענע עסקנים, כאטשיג יעדער שמויגר מיט א שטיקל בייכל ריפט זיך היינט 'הרב' ווייסט כלל ישראל גאנץ גוט מחלק צו זיין.

[ניו יארק]

יענקל מיללער (ר'?) האט אמאל געזאגט אז ער האט נאך קיינמאל נישט גערעדט אויף א מענטש וואס איז נארמאל. נאר וואס דען? ער מאכט קודם זיכער אז יענער איז משוגע און נאכדעם קען ער רעדן אויף אים מיט א רואיגקייט....
איך מיין אז די זעלבע זאך איז דא ווען א רב זאגט אז מען זאל עפעס יא אדער נישט טון - נישט קיין חילוק צו ער איז דיין רב צו נישט - האט מען א גילטי קאנטשעס אז מען פאלגט נישט, עס גיט א קליינע שטעך יעדעס מאל דיין יונגעלע פרעגט: "טאטי? פארוואס רעדט קיינער נישט אין שוהל ביים דאווענען אויסער די?" עס גיט א קליינע שטעך יעדעס מאל דיין מיידעלע פרעגט: פארוואס לאזט אונזער שרה'לעס טאטע איר נישט אריין אין אונזער הויז?". במילא, ווען דער מענטש רעדט אויף אים פילט ער זיך (נישט כאפענדיג) א טראפ בעסער. איך מיין, אז דער רב קען טון דאס און דאס, דארף איך אים דען פאלגן?

[real jew]

א רב וואס האט קיינמאל נישט געארביט אין די ביזנעס וועלט, לעבט אין לא לא לאנד

[טעלעפאן]

עס איז אמת אז מענטשן ווילן נישט פאלגן אבער דאס איז אלץ געווען. גייטס קוקן ביי די ממש געציילטע רבנים וואס האבן יא אינזין זייער ביהמ״ד וכדו׳ (אין פלעטבוש קען מען טרעפן צוויי-דריי וואס איך ווייס) און אפילו ס׳שמעקט נישט פון אנפאנג זעהט דער עולם אבער שנעל איין אז דער רב מיינט זייער טובה און זיי האלטן זיך נאנט צו אים. דער תירוץ אז דער עולם וויל נישט איז נישט גענוג א גוטע תירוץ

דער עולם דא איז אביסעלע נאאיוו אין דעם ענין. ואתכם הסליחה

[שמעקעדיג]

איך האב געהערט אז דער רב אייזענבערגער (ר' נחמן קלעצקי'ס רב) האט א פערזענליכע שייכות צו יעדן מתפלל אין זיין ביהמ"ד, באמת ווי א רועה צאן נאמן, און וויייסט יעדנ'ס מצב, און אויך וועלכע כלים מ'האט וכדו' און ער איז מורה דרך את הדרך ילכו בם. ער טוט עס מיט אן אמת'ע אהבה און פארשטענדעניש און קיינער האקט נישט אויף אים, נאר מ'איז צופרידן אז ער האט זיי אינזין ברוחניות ובגשמיות.

עס זענען מסתמא פאראן נאך אזעלכע רבנים, אנדערש ווי געווענליך וואס דער רב האט א 500 מתפללים און קען זיי קוים ביים נאמען, אבער שיסט איסורים וחרמות אן איינזעהעניש.

[[NAMELESS]]

קאנצעפט זאגט אפאר גוטע פוינטס, אבער ווער הייסט א רב אז מ'זאל מוזן האבן דרך ארץ פאר'עם?
יעדע מענטש מיט שיפע טאשן? יעדער מיט א ביהמ"ד?? א מענטש אן קיין תורה און אן קיין שכל וואס האט גע'ירש'ענט חסידים פון זיין טאטע??

[real jew]

איך האב געהערט אז דער רב אייזענבערגער (ר' נחמן קלעצקי'ס רב) האט א פערזענליכע שייכות צו יעדן מתפלל אין זיין ביהמ"ד, באמת ווי א רועה צאן נאמן, און וויייסט יעדנ'ס מצב, און אויך וועלכע כלים מ'האט וכדו' און ער איז מורה דרך את הדרך ילכו בם. ער טוט עס מיט אן אמת'ע אהבה און פארשטענדעניש און קיינער האקט נישט אויף אים, נאר מ'איז צופרידן אז ער האט זיי אינזין ברוחניות ובגשמיות.

עס זענען מסתמא פאראן נאך אזעלכע רבנים, אנדערש ווי געווענליך וואס דער רב האט א 500 מתפללים און קען זיי קוים ביים נאמען, אבער שיסט איסורים וחרמות אן איינזעהעניש.

איך פארגין איהם נישט, א דיקטאטור איז ער ווי דער בעלזער - א קאר האט ער ווי די סקווירער - אין ער האלט זיך פאר א איש פשוט ווי ר' אלישיב - אין האט FUN ווי דער משגיח. זיין הויז איז נישט זיינס אבער ביז צו די הענגלייכטער האט ער אלעס אליין אויסגעקליבן - און קיין מירון האט ער זיך בטעות מיטגעכאפט מיט א helicopter.

[איך אויך]

זאג מיר ווי שטיפט מען אריין אזויפיל שנאת ישראל אין איין נישט-עכטע איד?

[שמעקעדיג]

איך האב געהערט אז דער רב אייזענבערגער (ר' נחמן קלעצקי'ס רב) האט א פערזענליכע שייכות צו יעדן מתפלל אין זיין ביהמ"ד, באמת ווי א רועה צאן נאמן, און וויייסט יעדנ'ס מצב, און אויך וועלכע כלים מ'האט וכדו' און ער איז מורה דרך את הדרך ילכו בם. ער טוט עס מיט אן אמת'ע אהבה און פארשטענדעניש און קיינער האקט נישט אויף אים, נאר מ'איז צופרידן אז ער האט זיי אינזין ברוחניות ובגשמיות.

עס זענען מסתמא פאראן נאך אזעלכע רבנים, אנדערש ווי געווענליך וואס דער רב האט א 500 מתפללים און קען זיי קוים ביים נאמען, אבער שיסט איסורים וחרמות אן איינזעהעניש.

איך פארגין איהם נישט, א דיקטאטור איז ער ווי דער בעלזער - א קאר האט ער ווי די סקווירער - אין ער האלט זיך פאר א איש פשוט ווי ר' אלישיב - אין האט FUN ווי דער משגיח. זיין הויז איז נישט זיינס אבער ביז צו די הענגלייכטער האט ער אלעס אליין אויסגעקליבן - און קיין מירון האט ער זיך בטעות מיטגעכאפט מיט א helicopter.

עפעס שטימט נישט דא!
א דיקטאטור ווי דער בעלזער? איך געדענק נישט ער זאל הייסן א דיקטאטור. און איך האב שוין גערעדט מיט אסאך בעלזע חסידים און מתנגדים.
אפשר האסטו זיך טועה געווען און געוואלט זאגן א דיקטאטור ווי דער סקווירער און א קאר ווי דער בעלזער? שטימט אויך נישט.
FUN ווי דער משגיח? וואס איז פשט דערפון?
מירון מיט א העליקאפטער ווייסעך אויך נישט.

און הרב אייזענבערגער איז בכלל נישט אזא סארט מענטש.

עפעס א טעות האסטו דא. בא לכלל כעס בא לכלל טעות.

[איך אויך]

ער זאגט דאך קלאר "איך פארגין עם נישט" איי איי איי הקנאה והתאוה והכבוד מוציאין את האדם מן העולם.
ואגב איך קען כלל נישט הרב אייזנבערגער אבער לויט ווי איך הער איז ער א געלונגענר מענטש און פירט זיין קהילה מער ווייניגער אזוי ווי מר.שמעקעדיג לייגט עם אראפ.

[real jew]

א דיקטאטור- גיי אריין צי זיינס א שיעור וועסטו פארשטיין פארוואס ער האט זיך כשר פאדינט דעם טיטול
fun - ביי זיין לעצטער נסיעה קיין א"' איז ער געגאנען שווימען אין געגעסען ווייכער אייז קרים ציזאמען מיט די עולם.
דערנאך איז ער קיין מירון מיט א העליקאפטער.
קלעצקי - ער האט קיום געוויסט אז ער לעבט ביז ער איז אריוף אויף די נייעס

ער איז א רבי וואו אלע רבי'ס איך פארגין איהם נישט אר ער האלט זיך העכער פין זיי

[real jew]

די חסידים זאגין נאך אז די הויז איז נישט זיינס, די קאר איז נישט זיינס. אפילו ביי די גריוסער רבי'ס זאגט מען נישט אזעלכער שטותים נאר מ'פארשטייט אז זיי דארפען רחבות, אדער כדי משפיע צי זיין דארף מען קודם אליין האבין.....

[Shmilly]

קאנצעפט זאגט אפאר גוטע פוינטס, אבער ווער הייסט א רב אז מ'זאל מוזן האבן דרך ארץ פאר'עם?
יעדע מענטש מיט שיפע טאשן? יעדער מיט א ביהמ"ד?? א מענטש אן קיין תורה און אן קיין שכל וואס האט גע'ירש'ענט חסידים פון זיין טאטע??

אדער פון זיין שווער? וד"ל

[איך אויך]

ריל גיי אביסעל שווימן און פארלעק אפאר ווייכער אייז קרימס אז עס פעלט דיר ממש אויס נעם אויך א העליקאפטר רייד (דאפסט נישט פארן ביז א"י דערפאר עס איז צום האבן ביי די העליפארט ביים עפ.די.אר) אז עס וועט דיר נאכדעם נאך עפעס דערקוטשן קום צוריק.

[real jew]

ריל גיי אביסעל שווימן און פארלעק אפאר ווייכער אייז קרימס אז עס פעלט דיר ממש אויס נעם אויך א העליקאפטר רייד (דאפסט נישט פארן ביז א"י דערפאר עס איז צום האבן ביי די העליפארט ביים עפ.די.אר) אז עס וועט דיר נאכדעם נאך עפעס דערקוטשן קום צוריק.

איך פארגין איהם אלס. נאר זאל ער מודה זיין אז ער איז פינקט וואו אלע רבי'ס

[איך אויך]

מעיק אפ יור מיינד פארגינסט עם יא צו פארגינסט עם נישט [דאס איז שוין אויב אלע דיינע טענות זאלן ווען זיין ריכטיג שמעקעדיג זאגט אז ער איז בכלל נישט אזוי] צו איז עס פשוט אולד פעשאנד שנאת ע"ה לת"ח מי יתן לי ת"ח ואנשכנו כחמור.