שפיל "יציאת מצרים" פון יחזקאל דער דראמאטיקער

[פריש וואסער]

די יוונים און די רוימער זענען געווען באקאנט מיט זייערע שפילען און דראמאס, געשריבענע און געשפילטע.
א קליין חלק פון די שפילען זיינען איבערגעבליבען, פאר אונזער דור צו שטודירן.

צו זיינען די אידען בזמנם (תקופת בית שני) אויך געווען מעורב אין די שפילערייען? צו זיינען דא אידישע "פלעיס" פון ימי חז"ל?

נאר איין אידישער דראמאטיקער איז באקאנט (אדער נישט באקאנט), דאס איז יחזקאל דער דראמאטיקער, ער האט געלעבט בערך א הונדערט יאר פארן חורבן בית שני, און איבער אים איז כמעט קיין ידיעות נישט פארהאנען.

די איינציגסטע שפיל זיינע וועלכע האט איבערגעלעבט די יארן עד דורינו, איז זיין מחזה "יציאת מצרים" Exagoge.

און איך ברענג עס דא ארויף, בשלשים יום קודם החג, פארן קהל צו הנאה האבן.

עס גיבט אונז א שטיקל בליק וויאזוי א איד פון זמן בית שני (א פרושי אדער מתיווני?) האט אנגעקוקט יציאת מצרים. אסאך אסאך קאן מען זיך לערנען פון זיינע ווערטער.

אטע דא האט איר א לינק צום העברעאישן איבערזעצונג פונעם שפיל:

http://benyehuda.org/span/exagoge.html

[דעת תורה]

דארף צו זיין גאר אינטערעסאנט. איז דאס אויטענטיש? אין וועלכע שפראך איז דאס געווען געשפילט? וואו?

לגבי די רוימישע פלעי'ס איז געווען א פעסטע מערכה בימי חז"ל, דוגמת די אינטערנעט מערכה היינט. ווען מען האט געוואלט איינעם באשמוצן און פארשרייען האט מען געזאגט אויף יענעם אז ער גייט צו די פלעי'ס. חז"ל האבן אויך געהאט געוויסע הלכה'דיגע פראבלעמען דערמיט, ווי מען קען זען אין ע"ז י"ח.

אבער אידישע פלעיס איז מסתמא א סוגיא פאר זיך.

[פריש וואסער]

דער אריגענעלע שפראך איז אין יווניש, די לינגע פראנקע פון יענע דורות.
ירושלים איז דאמאלס געוועזן פול מיט סטעדיעמס און טיאטערס, א חלק דערפון האט הורדוס געבויט און א חלק אנדערע.
אבער מיט האבן נישט קיין קלארע באווייזן אז די שפיל "יציאת מצרים" איז בכלל אמאל געשפילט געווארן.
עס איז געווען אנגענומען צו שרייבן שפילערייען און דראמעס, נישט נאר אויף צו שפילען, נאר ווי א סארט ליטעראטור.