ירא שמים האט געשריבן:ער רעדט זייער פאלקיש, סגעווען פארואונדעטע און געהארגעטע פאליסטינע, ווער זאגט סיגעווען ישראל׳ס שולד? האסט אנאנדערע עצה? וואס ישראל האט געזאגט טוען? די פאליסטינע האבן נישט קיין דזשאבס אויך ישראל׳ס שולד, האסט א עצה לאמיר הערן!
און אז ער האלט אנדערש ווי דיר (איך מיין גראדע נישט דיר) ווערט ער נאכנישט קיין זעלבסט האסער. ער ווערט ניטאמאל א שונא מדנ"י ווילאנג זיין מיינונג איז קאנסיסטענט מיט וואס ער האלט איבער מלחמה בכלל. ער האלט זיין לאנד, אמעריקע, צו פיל א העכערע סטאנדארט ווי ער האלט מדנ"י.
אויך איז אינטערעסאנט ווי פון איין זייט 'באשולדיגן' אים זיינע קעגנער אויף זיין א סאציאליסט, כאטש וואס זיינע פאליסי פארשלאגן (מינימום וועידזש, פעמילי ליעוו, יוניואן רייטס, יוניווערסל העלט קעיר, רעפארמירן די יוסטיץ סיסטעם אא"וו) האבן נישט מיט סאציאליזם איינגעלייגט, און זענען א פשטות אין 95% פון די אנטוויקלטע קאפיטאליסטישע לענדער, און ער איז קעגן די הויפט tenant פון סאציאליזם, נעמליך רעגירונג אייגנטום פון די נאציאנאלע ריסאורסעס און אינדוסטרי. "ווייל ער איז א זעלבסט דערקלערטער סאציאליסט".
מצד שני, כאטש וואס ער איז א לעבנסלענגליכע שטיצער פון די ציוניסטישן געדאנק, און אן אויסגעשפראכענע שטיצער פון די רעכט פון מדנ"י צו עקזיסטירן און זיך פארטיידיגן אין אירע אנגענומענע גרעניצן. דאך ווערט ער באצייכנט, נישט נאר ווי אן אנטי ציוניסט, נאר זאגאר ווי א זעלבסט האסנדע איד פארן קריטיקירן די איבערגעטריבענע מאכט וואס מדנ"י נוצט אין אירע קאנפליקטן מיט די פאלעסטינער (כאטש וואס ער מאכט זיך נישט וויסנדיג פון די אונטערליגנדע אורזאך פון אלע פאלעסטינער טעראר, די פופציג יעריגער אקופאציע פון מיליאנען פאלעסטינער אן די מינדעסטע מענטשן און ציווילע רעכט).
ווען מען האלט נישט יעצט אינמיטן פון א היציגע פאליטישע פארמעסט וואלט איך געזאגט אז נישט בערני איז א סעלף העיטינג דזשו, נאר זיינע קריטיקירער זענען עקסטרעמיסטישע ציוניסטן און/אדער רייט-ווינג-נאט-דזשאבס.
האלט מען דאך אבער יא אינמיטן א היציגן פארמעסט, וועל איך אננעמען אז זיינע קריטיקירער זענען פשוטע ציוניסטן און/אדער רעכטע. נאר די היציגקייט פונעם פארמעסט מאכט זיי ארויסשטעלן אזעלכע לעכערליכע, אומלאגישע נארישקייטן.
בערני איז קאנסיסטענט, זיינע קריטיקירער זענען נישט.
