אונטערן דרייווער׳ס זיץ!

[[NAMELESS]]

אונטערן דרייווער׳ס זיץ!

הפעם אודה את ה׳, מיט דאנק און לויב צו השי״ת גרייטן מיר זיך צום פרישן שפיל אין די סעריע פון ׳אונטערן׳, די מעשה איז זייער א שפאנענדע און א כאריזמאטישע ווי אויך האט עס עטליכע שרעקעוודיגע טיילן.

די מעשה הייבט זיך אן ווי א אינגערמאן בשעת וסתו באהערשט מיט שטייפקייט א זיץ אויפן מאנרא באס טאקע דער ערשטער זיץ דארט ווי איר האט געשטרעבט צו זיצן זייענדיג פיר יאר אלט, פלוצים קומט אריין א שטרענג אויסזענדע פארשוין מיט בריל׳ן ווי א מאלעסטער-מלמד, און מיט פולע רעכטן פארלאנגט פונעם רויטן קי צו הייבן פיס.

ס׳מיין פלאץ, ס׳מיין פלאץ, און נאכאמאל, ס׳מיין פלאץ הערט זיך א ריין יושר׳דיגע טענה וואס איז ברייט אנגענומען און אריין אין די געזעץ ביכער ביי יעדען פינעף יעריג׳ס. דא קומט אריין אין בילד עטליכע אידן וואס ווי עס שיינט האבן זיי געהאט א שווער טאג ביי די ארבעט, מענדל הייב דיר אויף, הערט זיך א הארצליכע בקשה, כאילו די ווייסטעך אז דעס גייט זיך נישט גוט ענדיגן און דער גייט נישט נאכגעבן, מ׳קען מיר אים דאך שוין נישט פון היינט.

ס׳ציעט זיך אריין אין א בריסקע לומדות צו דער קי איז זיך מחויב אויף צו הייבן אדער ער גייט עס טאהן מרצונו הטוב, פשט איז יעצט ווען דער קי איז שוין אויפגעהויבן צו זאג איך אז דאס איז א ראיה אז ער איז געווען מחויב אזוי צו טון אדער ניין, איך נעם אן אז ער איז נישט געווען מחויב, איי ער שטייט, דאס איז מחמת ער האט געוואלט שטיין. דא קומט אריין די רמב״ם פון כופין אותו (חוץ אויב מ׳וויל עס לאזן ביי א חקירה)

פלוצים הערט זיך סטראשערייען אז ס׳גייט פליען זאכן ביי דער נעקסטער סטאפ, אבער א איד געט זיך פארט א עצה, מיט די צוויי ידים כאפט ער אן שטארק דאס גאנץ געזעמל שמות אפפאל.

סאזאנץ געהערט? דע באס פארט נישט ווייטער... דאס משוגעת האט אים אנגעכאפט... סאזאנץ געהערט.... דער באס פארט נישט ווייטער ביז די שטעלסטיר נישט אויף.... דו מוזט... איך מוז נישט.... שקר די מוזט יא.... סאזאנץ געהערט.... די מוזט׳יר אויפשטעלן... די מוזט וואס איז געשעהן מיט דיר? סאזאנץ געהערט.... מטורף..... מטורף.... סאזאנץ געהערט....

[פרייוויליג]

ממרים הייתם עם השם אלוקיך... האט דער הייליגער קאצקער געטיישט "ממרים הייתם" "ווידערשפעניגער זענט איר געווען" "עם השם אלוקיך" "מיטן באשעפער אייער באשעפער. איז דער קאצקער מסביר ס'איז פארהאן אמאל וואס עמיצער פארמאגט אויסנאמליכע פארדארבענע מידות. ער איז גאר א גאון עצום במסכת השחתת המידות, און זיין וועזנהייט רופט ארויס אפשיי און עקל ביי די ארומיגע און צושויער. אבער דאס וואלט נאך אפשר מעגליך געווען עטוואס איבערצוטראגען.

נעמליך זענען אבער פארהאן נאך גרעסערע גאונים אין די סיגיא עמוקה פון השחתת המידות. דהיינו מ'נעמט דאך מיט דעם באשעפער אויך. מ'נוצט די מצות התורה צ.ב.ש וואו די מצוה פון הוכח תוכיח את עמיתך יענעם צו דערלאנגען וואו עס דארף צו זיין. דער רשע וועט יענעם אריינזאגען און דערגיין די יארן מיטן גרעסטען סאדיסטישקייט, אזש אז יענער זאל זיך נישט וואגען זיך צו באווייזען זיין רויט-געפארבטען פנים פארן פובלוקום פאר מינימום 2 חדשים. סטייטש? מען מיז דאך יענעם זאגן מוסר. ווער וויל דען אז דער טייוול זאל די נשמה זיינע גליען אינעם הייסען גיהינום אוטודאפע? ממרים הייתם עם השם אלוקיך. מ'נוצט ג-ט פאר די אייגענע פארדארבענקייט.. סארא פארברעך...

אין אונזער פאל. קומט ארויף א יונגערמאן אויפן באס, און צאלט טבין ותקלין פאר א באס-בילעט, ער לייגט ארויף די טאשקע זיינעם, מיטן טלית און תפילין זאק אינעם שופלאד צוקאפענס, און מאכט זיך באקוועם אויף זיין זיץ, און גרייט זיך צו פארכאפן א געשמאקע דרימעל...

מיטאמאל קומט ארויף אויפן באס א מה יעשניק, ער האט טאקע א ווייסע בארדע, מיט חסידישע ברילן, אבער אין דער ווירקליכקייט איז ער גארנישט מער ווי דעם יונגערמאן, נאר אפשר מיט דעם וואס ער האט געגעסן מער יארן פרענשרייס מיט בארשט און גריווען, און ער נעמט זיך פראקטערצירן זיינע פארשטינקענע מידות, מיט אן גרוילהאפטיגע השחתה, באנאזאם מיט זיין מארמארישע אזיאטישע וואלגארישע אויסשפרוך, און נעמט זיך באזידלען דעם איידעלען אומשולדיגען יונגערמאן... און דער גאצע באס האלט דאס מיט מיט א גלעכטער. און קיינער נעמט זיך גארנישט אן פאר דעם יונגערמאן... סטייטש? מפני שבה תקום... דער וואנזיניגער נוצט נאך ג-ט זעלבסט פאר זיין פינסטערע השחתה...

אין דער ווירקליכקייט איז זיך דער יונגערמאן אליינס שולדיג.. ער וואלט דעם מטורף געדארפט פארוואנדעלן פאר א מרוח אשך אויפן ארט....אזוי אז דער שרייער זאל פארלירען דעם קינדער פראדוצירער זיינעם באלד דארט אויפן ארט. און אז דער יונגערמאן האט דאס נישט געטאן, האב איך מיט אים קיין מיטלייד... נישט בלויז ווייל דער צויושטער באקאווינער ציגיינער איז א פארפוילטען בולוואן. נאר צילוב דעם וואס ער האט נאך די פרעכהייט צו נוצן דעם גוטען ג-ט, געבענטשט זאל זיין זיין הייליגטום פאר זיין שאנדפולע השחתה...

דער קליפ איז דער גרעסטער פארשעמונג פאר די מענטשליכע ראסע.... ס'איז אן עקל און א גרויל... פוי.....

סי. פי.

[טאמבל סאס]

איז דאס נישט קאך לעפל'ס תגובה אינעם דערנעבנדיקן אשכול?

Sent from my SM-G903F using Tapatalk

[פרייוויליג]

נישט געוויסט. געשריבן סי. פי. באקומען אויף סאשעל מידיא.

[שמעקעדיג]

וואס פארשטייסטו נישט, ער שרייבט דא איבער די סקריפט פון קאך לעפל וויבאלד דאס וועט זיין די צווייטע סצענע פונעם שפיל.