איך לויב דעם אייבערשטן...

[ידען]

אילו פינו מלא שירה כים איז דא אן א שיעור זאכן אויף וואס צו לויבן דעם אייבערשטן פאר די אלע גוטע זאכן וואס ער טוהט מיט אונז. מען דארף נאר אריינטראכטן דערין קען מען ווען נישט ענדיגן איהם צו דאנקען און טאנצן פאר פרייד פון די זאכן וואס ער האט אונז אהערגעשטעלט וואס איז ריין גוט.

ס'טאקע דא אויף די וועלט אסאך שלעכטע זאכן און אפי' זאכן וואס מאכן די מענטשען טראכטן אז די וועלט איז מלא שלעכט, אבער איך מייין אז ס'איז דא מער גוטע זאכן ווי שלעכט.

דא וועלעך אריינלייגן זאכן אויף וואס איך האלט אז איך דארף אפגעבן א שבח והודיה פארן הייליגן באשעפער אויף חסדים וואס ער טוהט כסדר.

[ידען]

קודם בכבוד אכסניא,

איך לויב דעם באשעפער פאר די גוטע זאך וואס הייסט אינטערנעט און דורעכדעם איז דא אזא זאך וואס הייסט קאווע שטיבל וואס פיהלט אן מיין גאנצע טאג מיט אזויפיהל גוטע ידיעות און אינטערעסאנטע זאכן.

איך לויב דעם באשעפער פאר די ווייב און קינדער וואס אפי' סע נישט גרינג, געבן זיי מיר א הנאה וואס האט נישט קיין סוף.

געלויבט איז דער באשעפער אז אפי' פרנסה איז שווער און דזשאבס איז נישטא, האבעך אבער מיט וואס צו לעבן און דורכשטופען דעם טאג און איך הונגער נישט.

געלויבט ביסטו טאטע זיסער אז איך גלייב אין דיר באמונה שלימה און אז האסט מיך געגעבען א קליינע פיצי שכל וואס סע גייט נישט אריין אין דעם די מעגליכקיייט אז די שיינע וועלט פירט זיך אליינס. און וויפיל כאב שוין געטראכט און אויסגערעכענט אז נאך מיליאנען, ביליאנען און טריליאנען יארן און נאך מעסיוו ביג בענגס, קענעך נאך אלס נישט פארשטיין וויזוי א קליינע פליגעלע זאל זיך "אליינס" באשאפן. ווער רעדט נאך אזא מין וואונדערלעכע זאך ווי א מענטש זאל זיך עוואלווען אליינס דורך א טריליאן עקסידענטס? מיין קליינע מח פארשטייט עס נישט און איך דאנק דיך פאר דעם.

פארוואס איך טראכט נישט אז אפשר זאלעך זיין אויפגערעגט אז מיין שכל פארשטייט עס נישט? ווייל פשוט סע גרינגער אזוי און זיך נישט דארפען מוטשענען און נאכדעם האבן אמונה שאלות. איי כאב מיך יא געמוטשעט צו פארשטיין, אבער די ענד איז אז איך פארשטיי אז סע נישט מעגליך אז סע זאל גיין און זיך פירן אליינס.

[קאווע טרינקער]

זייער שיין, פאזעטיוו.
אבער פארגעס נישט פון א תפילה על העתיד
זאלסט שוין קענען זיך זעהן אינדערויסען, דארט ווי דו מעגסט זאגן הויך אז דו האטס אביסל געפארשט....

[berlbalaguleh]

זייער שיין, פאזעטיוו.
אבער פארגעס נישט פון א תפילה על העתיד
זאלסט שוין קענען זיך זעהן אינדערויסען, דארט ווי דו מעגסט זאגן הויך אז דו האטס אביסל געפארשט....

און ער (ידען) מעג אויך מתפלל זיין אז די (ניין, כוועל זיי נישט אנרופן געסטאפא) קעי.דזשי.בי אין די הנהלת הת"ת . וואו זיינע קינדער לערנען זאלן נישט אנטדעקן זיין אידענטיטעט דא אין קאווע שטיבל. כאטש דער ממונה אויף אינטערנעט אליין ווייקט נאך מער ווי איעדער אויפ'ן נעט. אזוי ווי א געוויסער חשוב'ער שרייבער אין א אידישע "צייטונג ", וואס ליינט אלעס און ווייס איבער אלע "שייגעץ שטיק" אבער פאר'ן עולם וויל ער אלעס אסר'ן.

[קאווע טרינקער]

אזוי ווי א געוויסער ((((((((((חשוב'ער)))))))))))) שרייבער אין א אידישע "צייטונג ",

[berlbalaguleh]

אזוי ווי א געוויסער ((((((((((חשוב'ער)))))))))))) שרייבער אין א אידישע "צייטונג ",

ס'איז נאר א שיגרא דלישנא. ביי מיר איז ער פונקט אזוי חשוב ווי ביי דיר. אבער דא אין קאווע שטיבל האט ער עטליכע "פענס".

[קאווע טרינקער]

אוקי, לאמיר נישט ממשיך זיין לגלות.

[berlbalaguleh]

אוקי, לאמיר נישט ממשיך זיין לגלות.

טען פאור. ס'איז דא ב"ה גענוג טאפיקס וואס צו ליינען און איבער וואס צו שרייבן אין קאווע שטיבל.

[שטערן]

אילו פינו מלא שירה כים איז דא אן א שיעור זאכן אויף וואס צו לויבן דעם אייבערשטען פאר די אלע גוטע זאכן וואס ער טוהט מיט אונז. מען דארף נאר אריינטראכטען דערין קען מען וווען נישט ענדיגען איהם צו דאנקען און טאנצען פאר פרייד פון די זאכן וואס ער האט אונז אהערגעשטעלט וואס איז ריין גוט.

סע טאקע דא אויף די וועלט אסאך שלעכטע זאכן און אפי׳ זאכן וואס מאכן די מענטשען טראכטן אז די וועלט איז מלא שלעכט אבער איך מייין אז סע דא מער גוטע זאכן ווי שלעכט.

דא וועלעך אריינלייגען זאכן אויף וואס איך האלט אז איך דארף אפגעבען א שבח והודיה פארן הייליגען באשעפער אויף חסדים וואס ער טוהט כסדר.

אין די היינטיגע דף לערנען מיר אז מ'דארף לויבן דעם אייבערשטען נישט נאר אויף אלע גוטע זאכן, נאר אפי' אויף די שלעכטע זאכן אויך.


מתני' האומר על קן צפור יגיעו רחמיך ועל טוב יזכר שמך מודים מודים משתקין אותו:

גמ' בשלמא מודים מודים משתקין אותו משום דמיחזי כשתי רשויות ועל טוב יזכר שמך
נמי משמע על הטובה ולא על הרעה ותנן חייב אדם לברך על הרעה כשם שמברך על הטובה אלא על קן צפור יגיעו רחמיך מ"ט


די ארטסקרול ברענגט א שיינע ביאור פונעם בית דוד אויף די מימרא, לקמן דף ס עמוד ב

[קאווע טרינקער]

הרב קורמאן, פארגענגענע וואך אין "הפרשה לדורותיה" האט עפעס א מחודש'דיגן מהלך אויף דעם "על קן ציפור ..."

[שמעקעדיג]

אין די היינטיגע דף לערנען מיר אז מ'דארף לויבן דעם אייבערשטען נישט נאר אויף אלע גוטע זאכן, נאר אפי' אויף די שלעכטע זאכן אויך.

מען דארף עפענען א אשכול אויף דעם ענין.
איך האב וואס צו זאגן און פרעגן.
און מסתמא האט יעדער חומר למחשבה אין דעם הינזיכט.

[ידען]

איך לויב יעצט דעם אייבערשטן אז ער האט מיר געגעבן די גוטע פילינג ווען איך האב געגעבן טרינקען פאר א איד וואס איז נעבעך ארומגעלאפן נאך געלט, און די הנאה וואס איך האב געהאט ווען זיין פנים האט אויפגעלאכטען איז מיין שכר.

[לעמיל]

איך לויב יעצט דעם אייבערשטען אז ער האט מיך געגעבען די גוטע פילינג ווען איך האב געגעבען טרינקען פאר א איד וואס איז נעבעך ארימגעלאפען נאך געלט און די הנאה וואס איך האב געהאט ווען זיין פנים האט אויפגעלאכטען איז מיין שכר.

אה דו ביסט עס געוועין?!?!?! האסט מיך ממש מחיה געוועין....

[שמעקעדיג]

איך לויב יעצט דעם אייבערשטן אז ער האט מיר געגעבן די גוטע פילינג ווען איך האב געגעבן טרינקען פאר א איד וואס איז נעבעך ארומגעלאפן נאך געלט, און די הנאה וואס איך האב געהאט ווען זיין פנים האט אויפגעלאכטען איז מיין שכר.

די שכר איז נאר טייל פון אוכל פירותיהם בעולם הזה. די קרן קיימת וועט נאך נאכקומען.
גמילות חסדים איז נישט קיין קלייניגקייט.

[שמעקעדיג]

ס'גייט דורך איין שבת נאכן צווייטן, און איך פיל אז אין דעם אשכול מוז איך אויסדרוקן מיין דאנק פארן באשעפער.

א גאנצע וואך ארבעט מען, פאריאגט און פארפלאגט, דאגות און טירדות, קוים וואס מען זעהט די קינדער, און לאמיר נישט אריינגיין פון די קלעבעדיגקייט צום קאווע שטיבל...

אלמלא דעם שבת, איך ווייס נישט וואס וואלט געווארן פון מיר... און פון מיינע קינדערלעך שיחיו...

מען קומט אהיים פון שול פרייטאג צונאכטס, מען זינגט די שיינע זמירות מיט א חיות, די קינדער מיינע זענען ב"ה זייער עקסייטעד פאר די סעודה און צו פארברענגען מיט די עלטערן, זיי ווילן נישט פארפאסן קיין איין מינוט פון די סעודה, מען פארברענגט, מען שמועסט, מען פארהערט די קליינע קינדערלעך זיצנדיג אויפן שויס מיט א זיסקייט אז מען קען זיי אראפשלינגען, בפרט מיט די קיוט אומשולדיגע טעותים וואס זיי מאכן...

נאך די סעודה, מען גייט און בעט אריין און מען איז נהנה פון נפלאות הבריאה, די שלאף פרייטאג צו נאכטס האט א באזונדערע זיסקייט, דוכט זיך מיר אז אין סידורו של שבת ברענגט ער אז דער אייבערשטער לאזט ארויס א רוח פון גן עדן יעדן שבת און דאס גיט אריין די זיסקייט וועלכע צוגייט אין די ביינער, מ'שלאפט אזוי זארגלאז, אן קיין דאגות, אן קיין וועקער זייגער, ביז דער באשעפער קערט צוריק די נשמה שבת צופרי (געווענליך נאך בעפאר נשמת... אקעי, כ'מאך נאר א ווערטל), די מקוה איז עפעס אזוי רואיג און געלאסן, מ'דארף נישט לויפן כאפן דעם באס אדער כ'ווייס וואס, אפילו די קאווע האט אן אנדערן טעם, און די דאווענען מיט די שיינע נוסחאות איז אויך א עקסטערע באנוס, און ווען די נשמת געלונגט פילט מען זיך גאר דערהויבן..

נאכדעם קומט די צווייטע סעודה עתיקא קדישא, די גוטע עסן פון די בני בית צוגייט אין די גלידער ב"ה, אנגעהויבן פון די ראפאגאש קריספי בארכעס, די פיש און קאטשעניו, און אלעס ביזן קרעפטיגן טשולענט און קאמפאוט, און בשעת מעשה שעפט מען תענוג ונחת פון די ב"ב מיט די קינדער... איי, באמת, וואס פארשטייט א גוי? נישטא קיין קאמפיוטערס, קיין טעלעפאנ'ס, קיין ביזנעס קיין פרעשור, קיין פאסט און קיין לענדלארד וואס פארלאנגט די רענט...

און דאן דער שבת נאכמיטאג שלאף, מען פאקט זיך אין בעט מיט אזא מין זיסקייט וואס מען קען נישט שפירן אנדערע צייטן!

די מתנה "שבת" וואס מיר האבן באקומען פון באשעפער איז אומשאצבאר!!
כולם ישבעו ויתענגו מטובך.

-------

עד כאן אומרים.

נאכן אויפשטיין פונעם נאכמיטאג שלאף, טוישט זיך אלעס.
איך שטיי אויף שרעקליך אנגעצויגן יעדן וואך, ביז טיף מוצאי שבת אין די נאכט אריין...
ווי כ'האב שוין געשריבן דא
http://kaveshtiebel.com/viewtopic.php?p=34001#p34001

[שמעקעדיג]

איך לויב דעם באשעפער...

איך בין היינט אויפגעשטאנען אויפגעפרישט מיט באנייטע כוחות...
די קאווע איז געלונגען עפעס עקסטער גוט...
די מקוה איז געווען אויסטערליש געשמאק, פיין הייס אין דעם קאלטן וועטער...
די געשמועסן אין די קופקעס איז געווען מלא תוכן...
איך האב א אנגעווארימטע קאר און איך לאך זיך אויס פונעם שניי און רעגן...

[שמעקעדיג]

איך לויב דעם אויבערשטן פאר די הערליכע וועטערס דעם זומער, כ'געדענק נישט אזעלכע געשמאקע וועטערס אין א זומער, כמעט נישט הייס אדער יומיד, נאר פיין לופטיג און א קילע ווינטל אויפדערנאכט. ממש א מחי'.

איי בעג יו גאד, פליז קיעפ איט אפ..

[ידען]

איך לויב דעם באשעפער..

כאב געטראפען פארקינג (אפי׳ אז סיז געוועהן צו שנעל און כאב נישט געקענט ענדיגען אלע whatsapp מעסעזשעס)

[berlbalaguleh]

איך לויב דעם אויבערשטן פאר די הערליכע וועטערס דעם זומער, כ'געדענק נישט אזעלכע געשמאקע וועטערס אין א זומער, כמעט נישט הייס אדער יומיד, נאר פיין לופטיג און א קילע ווינטל אויפדערנאכט. ממש א מחי'.

איי בעג יו גאד, פליז קיעפ איט אפ..

שמעקעדיג: ייש"כ. יעצט קען מען פארשטיין פשט אין פסוק: "בכל יום אברכך ואהללה שמך לעולם ועד". סיי זומער סיי ווינטער לויבט מען דעם הייליגן באשעפער מיט שמחה. דאס איז ווערד מער פון טויזנט סייקאלאדזשיסטס און טעראפיסטס. אמונה און ביטחון אין הייליגן באשעפער. מיט שמחה. אכי"ר...

[געוואלדיג]

ערשט יעצט זיך אנגעטראפן אינעם אשכול, איך לויב השי"ת פאר אונזער [tag]ידען[/tag] נפלא וואס האט געעפנט די אשכול,

ב"ה דער טאג האט זיך פרי אנגעהויבן, מיט גרויס הצלחה און א גוטע מוט, א דאנק דיר רבש"ע.

[ידען]

ערשט יעצט זיך אנגעטראפן אינעם אשכול, איך לויב השי"ת פאר אונזער [tag]ידען[/tag] נפלא וואס האט געעפנט די אשכול,

ב"ה דער טאג האט זיך פרי אנגעהויבן, מיט גרויס הצלחה און א גוטע מוט, א דאנק דיר רבש"ע.

איך לויב די באשעפער וואס האט באשאפען @געוואלדיג וואס האט מיך געמאכט פריילעך אז כאב באקומען א מעסעזש אין אישי און מיך געמאכט עקסיידעד פאר א מינוט אז כאב געטראפען א נייע חבר.

[געוואלדיג]

ב"ה געטראפן א חברותא כלבבי

[שמעקעדיג]

יאפ, מען זעהט באשיינפערליך הקב"ה יושב ומזווג זיווגים....