הפוסק המפורסם רבי יצחק שטיין שליט"א ראב"ד קארלסבורג

[געוואלדיג]

דולה איך קען דיר נישט פארשטיין, מיילע דער עם הארץ ומבזה את המעטות, דיינע ביסל גדולי עולם דער [tag]אדנירם[/tag], נו ער איז דאך א ע"ה וואס איז פוער פיו אויף אלע גדולי עולם, אבער דו וואס דו אנערקענסט יא די ריכטיגע גדלות פונעם בעלעדער מנהיג הדור און פונעם קארסלבורגער רשכבה"ג, ווי קומט צו דיר אז אין די זעלבע האלבע שעה וואס דו ביסט מוחה אויף בזוין התורה מאכסטו אליין חוזק פון די סאמע גרעסטע מנהיגי הדור און די וואס זענען מגין אויפן דור מיט זייער קדושה וטהרה, די הייליגע רבי'ס וואס זענען זיך מוסר נפש פאר יעדן איד און איד צו מתקן זיין זייערע נשמות און זיי צוריק קערן למקור מים חיים, און זיי האבן שלאפלאזע נעכט מטכס עצה זיין וויאזוי צו אכטונג געבן אויף די מסורת אבות מען זאל נישט ווערן פארשלעפט דורך די מים הזידונים און בלייבן ערליכע אידן כמסורה לנו מדור דור,

[tag]דולה ומשקה[/tag] עס פאדערט א דרינגענדע התנצלות און קבלת נזיפה.

[ליטוואק פון בודאפעסט]

איך ווייס נאר איין זאך פונ'ם ראב''ד, אז ער גלייכט זייער נישט זיין גאב''ד און ער ווייסט וואס ליגט אונטער'ן שלאף קאפעל. דאס איז פאר מיר גענוג א חשיבות.
אגב, רעדען קעגען אינטרנט האט גאנץ ווייניג צוטוהן מיט נישט האבען אינטרנט, פונקט ווי יעדער רעדעכץ כגון רעדען פון מדות טובות, קדושה וטהרה, לערנען תורה. ס'איז א פזמון אזא.

[ירא שמים]

דולה , וואס האלט די ראב״ד וועגן קאווע שטיבל ?

[דולה ומשקה]

ווידער האט כ"ק הראב"ד שליט"א הגאון הגדול והמפורסם רבי יצחק שטיין שליט"א מגדולי פוסקי דורינו ארויס געוויזען זיין גרויסע כח התורה, דאס מאל אין תורת הנסתר והקבלה. דער גרויסע ראב"ד דביה דינא ד'קארלסבורג ומצודתו פרוסה לארבע פינות הארץ האט פארענפערט א שטארק פארנעפלטע נידון וואס אפילו דער מנחת אלעזר ממונקאטש האט זיך שטארק געפאלאגט און געבליבען מיט א הסתפקתא, דאס איז לגבי דער ענין פון זאגען ביי הדלקת נר חנוכה זיבען מאל 'ויהי נועם', וואס איז דער שייכות פון ויהי נועם מיט הדלקת הנרות, וכן די ב' נו"ן וכו'.

כ"ק מרן הראב"ד שליט"א האט דאס גוט מסביר געוועהן בטוב טעם ודעת, וואס טוט באווינדערן אפילו גדולי המקובלים בימינו, אזוי ווי דער ראב"ד שליט"א אליינס דערמאנט עס אין זיין תשובה, וזה לשונו: "...והצעתי הדברים לפני יודעי ח"ן, וגם לפני רבותיי וחביריי, והסכימו ונתנו הנפק לדברינו". פונקטליך פאר וועם דער ראב"ד שליט"א האט עס געוויזען שרייבט ער נישט ארויס, אבער נאמנו עלינו דברי גברא רבא דכוותיה, און בגודל ענוותנותו שרייבט ער פשוט אז זיי האבען מסכים געווען לדבריו, למעשה זענען זיי ארויס פון גרויס התפעלות ווי אזוי דער ראב"ד שליט"א האט בכח תורתו מסביר געוועהן מיט אזא געוואלדיגע קלארקייט דעם ענין.

אשרי הדור שיש לנו כמותו, אין הדור דור יתום!

דער תשובה איז געדריקט אין פארגאנגענעם קובץ גינת ורדים (סאטמאר-מהרי"י) חודש טבת תשע"ו לפ"ק, עמוד קיח. תא חזו ותהנו.

[ליפא]

!Doileh, I love u

[ליטוואק פון בודאפעסט]

וואס שטייט דארט?

[קאווע טרינקער]

מחיל אל חיל.
א פרישע גאר וויכטיגע קונטרס איז ארויסגעקומען לאור עולם, געדרוקט דורך די מכון. "תמצית(?) (די ערשטע ליגענט) פון א שיעור וואס די שפל ודל (אזוי שרייבט ער אויף זיך בתוך הדברים) יצחק שטיין האט געזאגט אין סטולין בית המדרש.
די ענין? חלב עכו"ם.
די חידוש? אפילו "יענער" האט אויך נאר מתיר געווען בשעת הדחק.
וואס נאך? יעדע מעשה וואס איז געדרוקט פון א גדול, האט אויך, אין די הערות, פארסירט ביים פאלטשיאנער און ביים סאטמארער.

כדרכו בקודש באטיטעלט ער די פוסקים וואס שטייען צו זיין זייט מיט שבחים לרוב. דעם צעהלימער רב מאכט ער פאר א "מומחה עצום" אין כשרות.. ס'עפעס?? סתם אים צו מאכן מער ווי ר' משה?.

[ליטוואק פון בודאפעסט]

ס'איז בעסער ווי דער אונגארישער רב, וואס בחיי ר' משה האט געדרוקט א קונטרס קעגען דער ברייט אנגענומענע פסק פון כמעט אלע גדולי הרבנים וואס האבען געוואוינט דאהי להתיר החלב, פארלאזענדיג אויף די רעגירונג אז ס'איז פון א קוה. יענער האט געשריבען א הקדמה אטאקירענדיג ר' משה'ס ווייב און טעכטער.
אכשר דרא, היינט שרייבט מען אביסל שענער

Sent from my HTC Desire 510 using Tapatalk

[[NAMELESS]]

יענער אונגארישער רב איז געווען אן אמת'ער ערליכער רב און א שטארקער ת"ח, די תמימות האט איהם אביסל פארפירט. ליטוואק, אביסל דרך ארץ פאר דיין רבי'נס רבי...

[ליטוואק פון בודאפעסט]

דו מיינסט מיין רבינ'ס פעטער אוודאי

Sent from my HTC Desire 510 using Tapatalk

[מור וקציעה]

מחיל אל חיל.
די ענין? חלב עכו"ם.
די חידוש? אפילו "יענער" האט אויך נאר מתיר געווען בשעת הדחק.
וואס נאך? יעדע מעשה וואס איז געדרוקט פון א גדול, האט אויך, אין די הערות, פארסירט ביים פאלטשיאנער און ביים סאטמארער.

דיברתי זה עתה עם הרב גרינבלאט ממעמפיס, ואישר שאכן לפני רבות בשנים איכסן הגר"מ פיינשטיין בביתו משך ד' ימים ושתה חלב שחלבו נכרי, בידעו שכן היא

[[NAMELESS]]

דו מיינסט מיין רבינ'ס פעטער אוודאי

Sent from my HTC Desire 510 using Tapatalk

יא, און ער איז געווען זיין רבי אויך.

[ליטוואק פון בודאפעסט]

מחיל אל חיל.
די ענין? חלב עכו"ם.
די חידוש? אפילו "יענער" האט אויך נאר מתיר געווען בשעת הדחק.
וואס נאך? יעדע מעשה וואס איז געדרוקט פון א גדול, האט אויך, אין די הערות, פארסירט ביים פאלטשיאנער און ביים סאטמארער.

דיברתי זה עתה עם הרב גרינבלאט ממעמפיס, ואישר שאכן לפני רבות בשנים איכסן הגר"מ פיינשטיין בביתו משך ד' ימים ושתה חלב שחלבו נכרי, בידעו שכן היא

ער שרייבט אין תשובה בעל נפש יחמיר, נישט קיין בעל נפש יחמיר.
סתם אזוי, אין מעמפיס איז דאך נישט קיין מרכז און חלב ישראל איז מסתמא נישט בנמצא. הייסט'ס בשעת הדחק האט ער געטרונקען כמו שפסק. וואס איז די ראיה?

Sent from my HTC Desire 510 using Tapatalk

[מור וקציעה]

אה''נ איך בין גארנישט מוסיף להלכה, איך זאג נאר לגבי וואס הרב שטיין זאגט אז ער האט עס נאר מתיר בשעת הדחק, כאילו סאיז עפעס היתר דחוק פאר פראסטע בעלי בתים, זאג איך בשם הרב גרינבלאט אז ער אליין האט עס אויך געטרינקען

[קאווע טרינקער]

ער לעבט שוין נישט אפאר יאר

[[NAMELESS]]

מחיל אל חיל.
א פרישע גאר וויכטיגע קונטרס איז ארויסגעקומען לאור עולם, געדרוקט דורך די מכון. "תמצית(?) (די ערשטע ליגענט) פון א שיעור וואס די שפל ודל (אזוי שרייבט ער אויף זיך בתוך הדברים) יצחק שטיין האט געזאגט אין סטולין בית המדרש.
די ענין? חלב עכו"ם.
די חידוש? אפילו "יענער" האט אויך נאר מתיר געווען בשעת הדחק.
וואס נאך? יעדע מעשה וואס איז געדרוקט פון א גדול, האט אויך, אין די הערות, פארסירט ביים פאלטשיאנער און ביים סאטמארער.

כדרכו בקודש באטיטעלט ער די פוסקים וואס שטייען צו זיין זייט מיט שבחים לרוב. דעם צעהלימער רב מאכט ער פאר א "מומחה עצום" אין כשרות.. ס'עפעס?? סתם אים צו מאכן מער ווי ר' משה?.

זיי נישט קיין בהמה.
צוהאק דעם פוסק הדור פון פאלטישארלסבורג, מאך אפילו אוועק דעם צעהלימער רב אנטקעגן רבי משה פיינשטיין, אבער דער צעהלימער רב האט זיך אריינגעלייגט אין כשרות, און איז געווען פון די גרעסטע מומחים אין פעלד פון כשרות בשעתו. דאס מאכט אים נישט קיין כי הוא זה לעומת גדלותו פון רבי משה, אבער פאקט איז פאקט אז רבי משה איז נישט געלעגן אין עולם הכשרות נאר אין פסקים בכלל.

[קאווע טרינקער]

צעהלימער רב איז געווען א גאון וקדוש. אבער פאר זיין מילך און וויין הכשר אדער פלייש האט ער נישט געדארפט זיין די וועלטס כשרות מומחה.
זיין הכשר איז געווען מער פארלעסליך ווי די נירבאטורס

אדרבה, קוק נאך אין אלע ספרי זמננו, וואו זעהסטו אזא טיטל אויפן צעהלימער רב?? פסקים בענייני הוראה יא, אבער מומחיות אין מאכלים און פערדוקציע?? פארוואס און פארווען איז אים דאס געווען נוגע?

[[NAMELESS]]

דאס האט נישט מיט גאונות איינגעשטויסן, נאר מיט ווער ס'לייגט זיך אריין דערין.
ער האט זיך אריינגעלייגט אין עולם הכשרות, ר' משה נישט.
דאס איז די גאנצע חילוק. און דאס איז די גאנצע חילוק וואס פעלט זיך אויס.

[יהושע חיים]

דו מיינסט מיין רבינ'ס פעטער אוודאי

Sent from my HTC Desire 510 using Tapatalk

יא, און ער איז געווען זיין רבי אויך.

יעצט ווער איך נייגעריג ווער דאס איז

אפשר נאך א הינ"ט?

[מור וקציעה]

ער לעבט שוין נישט אפאר יאר

איך האב גערעדט מיט הג''ר נטע גרינבלאט שליט''א, נישט הג''ר אפרים זצ''ל

[[NAMELESS]]

אינטערעסאנט ווייל ער שרייבט אליין אין יו"ד ח"א מ"ז אז ער פאר זיך איז יא מחמיר.

[ליטוואק פון בודאפעסט]

נאר נישט בשעת הדחק. און ווען ס'איז נישט דא קיין צווייטע, איז עס בשעת הדחק

Sent from my HTC Desire 510 using Tapatalk

[דולה ומשקה]

דער גרויסע גאון האט אויסגעברייטערט זיינע טעטיגקייטן למען הזולת, און עטליכע חדשים געעפענט זיין אייגענע "בית להוראה אבני שיש" צו דער צופרידנהייט פון אלפי מעריציו ושומע לקחו, זייענדיג דער ראש המדברים בכל מקום, און איינע פון די סאמע גרעסטע און פארנומנסטע פוסקים בדורינו, עכ"פ אין אמעריקא, אין די קורצע צייט אפשניט זעהן מען קלאר אז זיין בית הוראה איז א צואונגס פלאץ פאר סיי וועלעכע שאלה ביז די גרעסטע קמפלעצירסטע פסקים און דין תורות.