גראדעמעכעלע האט געשריבן:עס איז א געואלדיגע טעות צוצישטעלן די אינטערנעט פראבלעם צו די צייטונג פראבלעם, אין יענע יארן האט דער עולם געוואלט האבן נייעס, האבן די משכילים אויסגענוצט די געלעגענהייט און אריינגעריקט צווישן די נייעס זייערע דעות והשקפות און דאס איז געווען די פראבלעם, זענען געקומען עסקנים און צוגעשטעלט נייעס און קיין פראבלאמאטישע צוגאבן און פראבלעם סאלווד, היינט גלוסט נישט דער ציבור צו 'אינטערנעט' אינטערנעט איז נישט קיין זאך, עס איז א medium, א סערוויס וואס שטעלט צו א בליק און א בריק צו די דרויסענדיגע וועלט, צו אלע זייטן פון די יפיותו של יפת, די אוצרות החכמה וידיעות, און די וועלט פון ארט והנאות עוה''ז, און דאס איז נאך וואס ד ציבור לעכצט, נאך אביסל ברייטע לופט, ברייטקייט פונעם מח און גוף, מילא צושטעלן כשר'ע אינטערנעט-דהיינו נעמען די איד-צייטונג-בלאט -שטערן-קול מבשר-קול הלשון און מאכן מען זאל אויך קענען אנקומען צו זיי דורכן אינטערנעט וועט נישט סאלוון דער פראבלעם,
א בעסערע צושטעל איז די מלחמה וואס די חתם סופר ענד קא. האבן געפירט מיט אלגעמיינע השכלה שטודירן און וויסענשאפט, וואס מער ווייניגער האבן זיי עס אינגאנצן אויסגעשלאסן און געפירט א מלחמת חרמה דערמיט, און לדעתי האט די מערכה געליטן א ריזן דורכפאל, אין די לויף פון די לעצטע צוויי הונדערט יאר האבן מער ווי 90 פראצענט אידן פארלאזט אידישקייט, ריכטיג וואלט געווען צו אנערקענען דעם פראבלעם, אז מענטשן זיכן ברייטקייט און זיך לערנען צו לעבן מיט דעם, פרובירן וויאזוי מען קען פירן א אידישקייט אין א דור פון אינפארמאציע און פרייהייט,
וו עס זעהט אויס יעצט פארט מען אין די זעלבע דירעקציע ווי דעמאלטס, און אנשטאט אויסצוארבעטן אידישקייט כפ צורכי הדור, באשאפט מען א אידישקייט וואס צענטערלירט זיך ארום התנגדות צו טעכנעלאגיע, (אזויווי תלמידי החת''ס האבן אויפגעבויעט א אידישקייט וואס בשרשו ליגט א התנגדות צו השכלה און עקסטרעמע התבדלות פון ד דרויסענדיגע גאס), און מען שטיפט מער און מער ארויס די ברייטע ציבור וואס איז נישט אזוי שארף, און איין גאט ווייסט וואס וועט דא ווערן,
נישט אויסמישן 'השכלה' מיט 'רעפארם'. צוויי באזונדערע סעקטעס. עס זענען געווען 'משכילים' שומתו"צ, גאונים צדיקים ורבנים, וכו'. די מלחמה איז געווען קעגן די 'רעפארמער'.
דיין נקודה איז אז מען קאנצעטרירט זיך אין 'שב ואל תעשה', און נישט אינעם 'קום ועשה'. די פראבלעם געשעט טאקע ווען איינער שפילט אויס די 'שב ואל תעשה', למשל: האט א פילטער לדעתם, ווייסט ער אבער נישט וועגן דעם 'קום ועשה'.
