אוודאי איז ער טויזענט פערצענט גערעכט אז מדארף מכבד זיין יעדען מענטש ובפרט ת''ח משום כבוד התורה,
דא עקא אז בדרך כלל גייט עס נאר אויף רעכטס, הרב שפירא פארשטייט אז מדארף מכבד זיין סאטמר רבי ווייל סאטמר איז חרדיש [און זאגאר גאר פרומער ביי טייל פון די המון עם], משא''כ ווען מרעדט פון ת''ח וואס זענען אויף לינקס און זענען נישט געהעריג פונעם חרדישען לאגער איז שוין נישטא קיין כבוד התורה,
פאר ווייניגער ווי צען יאר צוריק ווען עס האט זיך געהאנדעלט מיט די פרשה פון גרים דורך צה''ל האט יתד נאמן אראפגענומען אלע טיטלען פון מרן הגרע''י זצ''ל ויבלחט''א מרן הגרש''מ עמאר
ווער רעדט נאך וואספארא קיתונות של שופכין זיי האבען געגאסען אויף הרב דרוקמאן ווען הרב אלישיב האט באופן חסר תקדים אפגע'פסלט אלע זיינע גיורים למפרע,
אדער ווי זיי האבען מבזה געווען הג''ר דב ליאור ווייל ער האלט אז ממעג ארויף גיין אויפען הר הבית, האט הרב שפירא דעמאלטס אויך געהאלטען אז סאיז אן עוולה ? אדער איז ער נאר אזוי ברייט אז ער האלט אז מטאר נישט אטאקירען הג''ר חיים גריינימן אבער הרב זווין צו הגר''י קאפח צו הג''ר משולם ראט פארדינען נישט קיין ברעקעל רעספעקט.
איך געדענק ווען סאטמערע בריונים האבען ארויסגעווארפען הרב זלמן לייב פיליפ בבזיון גדול האט איינער פון זיינע חסידים געקרעכצעט פאר מיר איבער בזיון כבוד התורה, זאג איך אים וואס האסטו געמיינט מגייט חוזק מאכען פון יעדען רב, צו ווייל ער גייט צו בחירות אדער ווייל ער טענה'ט אז סאיז דא חלב און די ניקור טויג נישט (קאשוי), צו ער האלט אז די סקול דיסטריקט אין מאנראו איז פראבלעמאטיש (ויזניץ, ר' אברהם לייטנר) און ווען פיליפ שטייט אין וועג גייט מען דאגה'ן איבער כבוד התורה ?
דרך אגב, ער פארציילט אז
"קרה שבתקופת הבחירות בארץ לפני שנים, האדמו"ר מסאטמר והגאון רבי אהרון קוטלר נסעו יחד באניה לארץ ישראל כדי להורות מה לעשות בענין הבחירות. הם דיברו ביניהם בידידות עצומה בדברי תורה כל הדרך, וכשהגיעו לארץ ישראל, האדמו״ר מסאטמר פנה לחסידיו והזהיר שלא להשתתף בבחירות והגאון רבי אהרון הורה לתלמידיו כי חובה להשתתף בבחירות.
איך האב קיינמאל נישט געהערט אז ר' אהרן איז געווען צוזאמען מיט סאטמר רבי אויפן שיף, האט איינער שוין געהערט פון דעם?
