שרעקעדיגע מעשה קודם חורבן קרית יואל

[shem-tov]

נאך א מעשה ווערט דערציילט איבער א מאמע וואס האט געהאט עטליכע געראטענע און שיינע קינדערלעך וועם זי האט געשיקט אין די שטאטישע מוסדות, דארטן האט מען שרעקליך מטמא געווען אירע קינדער איינס ביי איינס יאר נאך יאר דורך מלמדים, פריוואטע מלמדים, מנהלים. דער טאטע איז בטבע געווען א שוואכער כאראקטער, אירע קינדער זענען נישט געווען קיין גרויסע לערנער אבער טיכטיגע בעלי מלאכה זענען זיי יא געווען צום סוף האט מען איר אהיימגעשיקט די קינדער אז זיי מאכן גאר קאליע אנדערע קינדער די מאמע האט געוויינט און געשריגן איר האט דאך קאליע געמאכט מיינע קינדער איך האב דאך נישט ווי צו שיקן מיינע קינדער אבער דער מנהיג, דער דיין, דער מנהל, דער עסקן האבן נישט געוואלט זיך אריינמישען און זיך אנהייבן מיט איין גבר אלים פון יענעם דור ימ"ש. נאך עטליכע יאר פון חרפה און בושה און באהאלטן די קינדער אינדערהיים האבן די קינדערלעך מער נישט געקענט גיין ליידיג האבן זיי אנגעהויבן א קליינטשיק געשעפט פון פארעכטן בייקס, האט דער זעלבער וועד ארומגעשיקט א בריוו צו די גאנצע שטאט פון 5000 מענטשן און מיט א פונקטלעכקייט אדרעס און דעטאלן געשריבן אז מען טאר דארט נישט אהין גיין צוליב וואס עס ווערט געפירט דורך בחורים און דערמיט ווידער זיי געלעכערט דאס הארץ אזוי פריש שרעקליך מצער געווען א גאנצע משפחה וואס האט זיך שוין אנגעליטן צרות יגון ואנחה. יענע ביינאכט האט די מאמע נישט אויפגעהערט צו וויינען אויף איר מצב ביז איר געוויין האט דערגרייכט צום כסא הכבוד גלייך האט הקב"ה געוואלט חרוב מאכן דאס גאנצע שטאט, רביה"ק והטהור האט זיך אנגענומן פאר זיין שטאט מיט אירע תורה צדקה וחסד. הקב"ה זאגט איך האב חרוב געמאכט מיין שטאט ירושלים צוליב אזעלעכע זינד. רביה"ק זאגט אזא שטאט דארף איך נישט האבן אבער זיכער זענען דא ערליכע יודן וואס נעמן זיך אן פאר די צובראכענע פרוי מיט אירע קינדער. הקב"ה דער קל רחום וחנון ווארט צו זעהן אולי יש עשרה צדיקים. באלד הערט מען א קול צעקה פון ערליכע עסקנים תלמידי רביה"ק וואס זענען באקאנט מיט די פרשה וואס האבן שוין פרובירט אלעס אין די וועלט צו העלפן אבער די פאוער פון איין רשע האלט זייערע הענט געבינדן. צענדליגע יודן קלאפן די טאטע אין די פלייצע און באווארפן אים מיט חיזוק, נשים צדקניות וואס מיינען אמתדיג דעם באשעפער רופען אן די צובראכענע פרוי און סופארטן איר אויף די ביטערע גזירה און בלעימן איר נישט אפילו קיין איין פערצענט אויף די רשעות וואס האט איר באטראפן און זענען איר מחזק מיט פאסיגע דברי חיזוק. זאגט הקב"ה אויב אזוי ואני אקשה את לב פרעה כדי איר זאלט זעהן מיינע ווינדער וויבאלד עס איז טאקע בלויז דער איינער. הה"ד אשירה לה' כי גמ"ל עלי דעם גמ"ל לאזט פאר מיר קעירצונעמן ער וועט זיך נישט ארויסדרייען פון מיין האנט. דער רשע איז פארשניטן געווארן הה"ד וכל קרני רשעים אגדע. רביה"ק צוריק אריין אין גן עדן צום מחול לצדיקים און אזוי איז דער שטאט דאן געראטעוועט געווארן.

[קאמענטירער]

קומט נישט דעס אין די שמייכעל אדער אין קונסט פארום ?
סענדלט אין די גמרות וואס קומען ארויס לכבוד פורים

[ליטוואק פון בודאפעסט]

האסט מסיים געווען מיט א דבר טוב, אבער נישט פראקטיש. נישט פרויען וואס קלינגען און נישט א קלאפ אין פלייצע פעלען אויס. ווען דער פירערשאפט איז אין די הענט פון פאראנטווארטליכע מענטשען, נישט אוועק געגעבען די מאכט פאר די וואס לעכצען נאך דעם, נאר מענטשען וואס ליגען אין וויכטיגע זאכען און עסקנ'ן נאר ווען ס'איז וויכטיג נישט כדי אנצופילען דער טאג, האט מען א תיקון, ואז אנחם

Sent from my HTC Desire 510 using Tapatalk

[ביבער]

פארוואס דארף מען דארט מאכט בכלל? אנדערע אידישע געגנטער אין די וועלט עקזיסטירן פונקט אזוי פיין אדער נאך בעסער, לאז די מאכט דערשטיקט ווערן והכל על מקומו יבא בשלום.

[ליטוואק פון בודאפעסט]

דאס איז אויך אמת. אבער ערלעדיגען א מאלעסטער דארף מען יא עפעס א רוקביין.

Sent from my HTC Desire 510 using Tapatalk

[berlbalaguleh]

שם טוב: ווישפול טהינקינג. סוויעט דריעמס. קיעפ אן דריעמינג...!

[קנאק-יענקל]

איינער קען זיך דערבארעמען און דערציילן ברחל בתך הנאקעטע וואס די מעשה איז דא אין טרוקענע פאקטן???

[ביבער]

דאס איז אויך אמת. אבער ערלעדיגען א מאלעסטער דארף מען יא עפעס א רוקביין.

Sent from my HTC Desire 510 using Tapatalk

מ'דארף נישט גארנישט חוץ א טעלעפאן און מ'קאלט 9-1-1 וואס אגב איז מער פארזיכערט צו ארבעטן ווי די היימישע עסקנים.

[גראף]

איינער קען זיך דערבארעמען און דערציילן ברחל בתך הנאקעטע וואס די מעשה איז דא אין טרוקענע פאקטן???

[ליטוואק פון בודאפעסט]

פראקטיש איז עס נישט, ווייל זיי פארשען נאר גאנצע מעשה'ס. מ'דארף מענטשען געשטעלט איידער ס'קומט דארט אן. רוב אזעלכע מעשים ביי גויים ווערען נישט איבערגעגעבען צום פאליציי, און אידען זענען נישט בעסער ווי גוים אין דער הינזיכט. דעריבער וואלט כאטש א מוסד געמעגט האבען א ועוג מטפל צו זיין מיט די זאכען, דורך א מענטש וואס האט נישט קיין אנדערע אינטערעס אחוץ די נושא.
עכ"פ מ'פארפארט שוין.

[אינטערסאנטער]

נישט קיין בערן און נישט קיין וואלד