אויפבויען א קינד

[שמואל הלוי]

איך זיך פראקטישע נוצבארע עצות אויפצובויען א קינד נישט צו זיין א ביישן, זאל זיין מער זעלבסטשטענדיג, און נישט זיך פילן צוקלאפט.

וזאת למודעי אז איך האלט נישט ביים ספענדן אלפים ורבבות פאר א לא קרה ולא שנה'ניק (קרעדיט יאנקל), נאר איך זוך עצות וואס די עלטערן קענען אליינס טון, אן די הילף פון טערעפיסטן.

[שמעקעדיג]

זעהסטו אין דעם קינד געוויסע מעלות? געווענליך האט יעדע קינד עפעס גוטע נאטורן.
מען דארף דאס כסדר ארויפברענגען פאר אים, און ער זאל זעהן אז מען רעספעקטירט עס און מען האט הנאה דערפון. נישט קיין געמאכטע זאכן.
אויך איז וויכטיג צו טראסטן א קינד, אפילו ער קען אדורכפאלן. נישט אלץ חושד זיין, און גלייבן אז ער פארמאגט די ריכטיגע כוחות אויסצופירן זאכן.
אמאל אויף נישט וויכטיגע זאכן זיך אדורכרעדן מיט אים, און אננעמען זיין עצה, אדער לכה"פ ארויסווייזן אינטערעסע דערין.

קצרתי, ותן לחכם ויחכם עוד.

[דבילה]

גיב אכטונג וויאזוי די לויבסט אים. לויבן נישט ריכטיג קען הרג'ענען און לויבן ריכטיג קען לעבעדיג מאכן. פארקוקט אייך דא:

http://mindsetonline.com/

[zurich]

איין זאך:
ליבשאפט!!
ליבשאפט!!
ליבשאפט!!!
און פאר איך פארגעס, נאכאמאל ליבשאפט!!
דאס בויעט א קינד'ס קאנפידענס, סעלפ עסטיעם, און ער בליעט!!
און ווואס מיינסטו גייט אים דער טעראפיסט טוהן? אויך די זעלבע זאך. ער וועט בויען זיין קאנפידענס.
אלזא, אנשטאט אויסגעבן אסאך געלט, מאך עס אליינס!!

[זר זהב]

און פאר איך פארגעס, נאכאמאל ליבשאפט!!

נאך גוט האסט עס נישט פארגעסן!!!

[שמואל הלוי]

יישר כח אלע מגיבים יעדן באזונדער, איך וועל עס פרובירן אי"ה, און איך האף צו מעלדן דא בקרוב גוטע רעזולטאטן.

[קווארטין]

נאך עטליכע טיפן בבחינת סור מרע:
זייער א סך מאל ווען א קינד טוט עפעס ראנג, סעקירט מען אים, מ'מיינט אז מ'איז נישט שטרענג, כ'האב דאך אים נישט געשלאגן, ס'איז אבער אסאך ארגער ווי שלאגן. א קינד האט פילינגס און דאס טאר מען נישט טשעפען, יהיה מה שיהיה. אפי' אויב זיין שטוב קוקט אויס ווי א באלאגאן, אזא קינד דארף מען זאגן הלכה למעשה, "יענקעלע א רום דארף אויסזעהן שיין, הייב אלעס אויף". אז מ'וויל קען מען עס באפוצן, א שטייגער, "א ערליך קינד וואס לערנט תורה וכו' טאר נישט אזוי אויסזעהן". אויב ער פאלגט נאכאלץ נישט, טאר מען ווידער נישט סעקירן. איך למשל זאג פאר מיין קינד בזה הלשון "אקעי דו פאלגסט נישט" מיטן ניגון פארשטייט זיך, ער פילט דאן גילטי, און געווענליך וועט ער דערנאך פאלגן, און דאן קומט א גוטע קאמפלימענט, כ'אב געוואוסט די טויגסט.

פרוביר נישט צו קאמפערן (פארגלייכן) דעם קינד מיטן יונגערן אדער עלטערן, א שטייגער ווי "פארוואס טוסטו נישט אזויווי דיין ברודער שרולי". מאך אים כשלעצמו פאר א יש, דו טויגסט און דו קענסט.
אויב ס'קינד קען נישט אמאל ביים פארהער, האלט אים נישט פאר, נאר זיי אים מחזק. איך בכלל זאג נישט די ווארט פארהערן, נאר "קום, לאמיר גיין אביסל לערנען".
אויב דיין קינד איז היינט צורודערט און שו שו, דאן גראב אביסל, דערשנאפ וואס ס'באדערט אים.

אויב איז ער בכלל צוריקגעצויגן, אפשר האט ער מורא פאר עפעס, למשל, אפשר האט ער מורא אז ער וועט נישט זיין וואויל עט מען שרייען אויף אים. מ'מעג מינימיזירן דאס שרייען אינדערהיים, און אפילו ער האט נישט דעם פרעשור אינדערהיים, אפשר האט ער דאס אין חדר. א קינד מעג וויסן אז אויב דער מלמד שרייט אים אמאל אן, אדער א פאטש גאר, איז אויך נישט עק וועלט.

און בעיקר תפלה מיט סייעתא דשמיא.
אויב כעל טראכטן פון נאך עפעס עלעך דאס אוודאי מיטיילן.

[town1]

זאג אים אלץ א גוט ווארט דאס וועט אים אסאך בויען

[משה געציל]

לדעתי איז טראסט׳ן א קינד דאס וויכטיגסטע און שטערקסטע מיטל צו בויען זיין זעלבסט זיכערקייט. אסאך עלטערן זענען היבש שוואך אין דעם הינזיכט, און ע״פ רוב קומט דאס פון גאר שטארקע ליבשאפט און איבערגעגעבנקייט צום קינד.

טראסט נעמט אריין פארשידענע זאכן אין זיך, דאס וויכטיגסטע איז נישט חושד זיין דאס קינד מיט א יעדע קלייניגקייט, נאך א גאר וויכטיגע זאך איז צו לאזן דאס קינד אליינטס טוהן וואס ער קען שוין.

פארשטייט זיך אלעס דארף גיין מיט א מאס, נישט אויסצוקוקען ווי דער טאטע וואס זיין צוויי יעריגס האט זיך געשטיקט אויף א שטיקעל ברויט, א פארלוירענער האט דער טאטע אנגעכאפט דאס קינד און זיך גענומען האקען אין ריקען, ווען אינדערמיט שפאצירט אריין זיינ׳ס א חבר א גרויסע פיסכיאטער און כאפט אן דעם טאטענ׳ס הענט און נעמט זיך שרייען דו ווייסט אז דו הרגס׳ט דיין קינד אויף א גאנץ לעבן?! דער טאטע אינגאנצען א פארלוירענער הייבט אויף אפאר בייזע בליקן, וואס ווילסטו? זעסט נישט אז דער קינד שטיקט זיך דא? דער חבר איז אים אבער מסביר, דער קינד גייט קיינמאל נישט זיין שטארק ביי זיך... דו דארפסט אים מסביר זיין... צדיק׳ל דו קענסט אליינט׳ס, דו האסט די כוחות פראביר נאר שטארק וועסטו זען... איך זאג דיר אז דו קענסט...

פארשטייט זיך אליינט'ס אז אזא סארט טראסט איז פשוט רציחה. מען רעדט פון נארמאלע זאכען, למשל דאס קינד וויל דיר העלפן בויען די סוכה און ער איז שוין גענוג גרויס, איז זייער וויכטיג צו לאזן דאס קינד העלפן און אנערקענען ווי שטארק ער האט געהאלפן און וואס ער האט אלט'ס אויפגעטון. דאס גיט פארן קינד א מוראדיג'ן געפיל אז איך בין עפעס, וואס דאס טוט אטאמאטיש בויען דעם קינדס זעלבסט זיכערקייט און שטארקייט.

[נולד מאוחר]

יישר כח אלע מגיבים יעדן באזונדער, איך וועל עס פרובירן אי"ה, און איך האף צו מעלדן דא בקרוב גוטע רעזולטאטן.

כגלייב נישט אז ''בקרוב '' גייסטו זען א טויש , די זאכן דויערן לענגער ווי בקרוב .
חוץ אויב די רעדסט פון בקרוב אויף וואס מיר ווארטן שוין צוויי טויזענט יאר.

[zurich]

נאך עטליכע טיפן בבחינת סור מרע:
פרוביר נישט צו קאמפערן (פארגלייכן) דעם קינד מיטן יונגערן אדער עלטערן, א שטייגער ווי "פארוואס טוסטו נישט אזויווי דיין ברודער שרולי". מאך אים כשלעצמו פאר א יש, דו טויגסט און דו קענסט.
אויב ס'קינד קען נישט אמאל ביים פארהער, האלט אים נישט פאר, נאר זיי אים מחזק. איך בכלל זאג נישט די ווארט פארהערן, נאר "קום, לאמיר גיין אביסל לערנען".
אויב דיין קינד איז היינט צורודערט און שו שו, דאן גראב אביסל, דערשנאפ וואס ס'באדערט אים.

און בעיקר תפלה מיט סייעתא דשמיא.
אויב כעל טראכטן פון נאך עפעס עלעך דאס אוודאי מיטיילן.

זייער גוט געשריבן,אבער מיט איין טעות,אנטשטאאט שרייבן"פרוביר נישט צו קאמפערן" דארפסטו שרייבן...
חס ושלום זאלסטו קאמפערן דאס הארגעט דאס קינד די מערסטע און לויט עים נישט בליען!!

[קווארטין]

נכון.