קאווע שטיבל פרעזענטירט: "דער וועקער" - נומער 2

[[NAMELESS]]

עס איז מיר א גרויס כבוד צו פרעזענטירן פאר אייך דעם צווייטן זשורנאל פון "דער וועקער" (תמוז תשע"ו), מעשי ידיהם להתפאר פון אונזערע באליבטע פריינט, די סאמע געלונגענסטע מוחות און בעסטע פעדער'ס פון 'קאווע שטיבל', און גראפירט דורכן גלגול חדש פונעם באקאנטן ארטיסט - החכם פיקאסא הי"ו. ווי אויך קומט א דאנק פאר החברים היקרים [tag]שלום שטיסל[/tag], [tag]געוואלדיג[/tag], [tag]קל וחומר[/tag], [tag]כוכב[/tag], און [tag]אבטולמוס[/tag], פאר זייער הילף.

ברוך ה' שהחיינו וקיימנו והגיענו לזמן הזה!


איך קען נישט גענוג באטאנען די אומערמידליכע ארבעט עס איז אריינגעגאנגען דערין, און מיר האפן אז איר וועט אלע הנאה האבן דערפון. גלייכצייטיג ווילן מיר בעטן, עס איז אן עבירה אז די רייכע קאלירן זאלן פארלוירן גיין, פרינט ביטע ארויס דעם שיינעם זשורנאל "דער וועקער" אין א קאלירטן פארמאט פאר אייער פולער הנאה.

מיר האפן אז מארגן וועט אי"ה שוין זיין א מעגליכקייט צו באשטעלן דעם זשורנאל אויף עמעזאן [קאלירט און שווארץ/ווייס], און וועט באזונדער געמאלדן ווערן.


גלייכצייטיג טוען מיר בעטן, אונזער הארעוואניע וועט זיך אויסצאלן נאר אויב עס וועט דערגרייכן וואס ווייטער מעגליך. זאל זיך יעדער פארנעמען דאס צו שיקן ווייטער פאר וועם ער קען נאר, כדי דאס זאל האבן א הילכיגע ווידערקלאנג אין גאס.

מיר ווילן באזונדער קלאר מאכן, אז וויבאלד דאס איז נישט קיין ריזן אויסגאבע ווי 'פה סח', 'פרי עט הדר', און דאס גלייכן, האבן מיר ספעציעל אויסגעשטעלט די סייז גרויסקייט דערפון אז ס'זאל ווערן ארויסגע'פרינט'עט ווי א ביכל [booklet], און נישט אויפן רעגולערן אופן וואס וועט נישט אויסזען גוט (אין קומענדיגן תגובה וועט איר טרעפן דעטאלירטע הדרכה וויאזוי ארויסצופרינטן דעם בוקלעט).


ליינט און האט הנאה!


ווי עס וואונטשט,
אייער פריינט - אדנירם

[[NAMELESS]]

אנווייזונג וויאזוי ארויסצו'פרינטן דעם זשורנאל אלס 'ביכל'/BOOKLET [געשריבן אין ענגליש, צוליב די פילע ענגלישע טערמינען]:

[left]Under Page Sizing & Handling, choose Booklet
Select Auto-Rotate Pages to automatically rotate each page, if you don't have an auto rotate printer, folow the instruction on screen
IMPORTANT: make sure binding is set to RIGHT[/left]

ליינט דא מער דעטאלירט, מיט בילדער.

[כוכב]

ראובנס ארטיקל איז אטעם פארכאפנד און לולא דמסתיפנא וואלט איך געזאגט פון היסטארישן ווערד

[[NAMELESS]]

נאכנישט אויף די בענער?

[א איד]

זייער שיין, וועלן מיר עס פרינטן און ליינען

יישר כח [tag]אדנירם[/tag] יישר כח [tag]פיקאסא[/tag]

[שמיטשיק]

זייער שיין, וועלן מיר עס פרינטן און ליינען

יישר כח [tag]אדנירם[/tag] יישר כח [tag]פיקאסא[/tag]

[קאמענטירער]

פון דער דעקל אליין קוקט אויס אז סאיז גוטע סחורה, און דאס איז נאך פארן זען די ארטיקלען אליין,
ישר כח פאר די איבערמידלכע עסקנים וואס האבען זיך אריינגלייגט אין די הויפן ארבעט שלא על מנת לקבל

[רויטע וואנצעס]

גענוג מיט די ק"ש תוכן קאמפלעינטס. ק"ש ראקט ווי קיינמאל ביפאר. אונזערע לייבן, בראש החכם הגאון [tag]אדנירם[/tag] שליט"א האבן באוויזן וואס קיין שום אנדערע אידישע פארום האט באוויזן, א פראפשענאלער חודש'ליכער מאגאזין פון גאר אן אנדערע קאליבער ווי די אנדערע וואס ווארטן ביי אייערע גראסרי'ס טויער.

כ'ווייס אז די הנהלה שעמט זיך צו בעטן אפן גראב פאר געלט שטיצע, אבער אויב ווילט איר ס'זאל ווייטער אנגיין, שטיצט מיט'ן עס קויפן פון עמעזאן אדער פשוט א נדבה.

[[NAMELESS]]

מ'דארף ערגעץ צולייגן אן אפשען פון donate.

[רויטע וואנצעס]

דארט הינטער די קוליסן איז געזעצן [tag]אבטולמוס[/tag] און געארבייט שעות און טעג אהערצושטעלן די קרוין ארטיקל פון די חודש תמוז "דער וועקער". עס דערקענט זיך די שווערע הארעוואניע און טאלאנט. ראובן, יו ראק מיי פרענד!

[רויטע וואנצעס]

איך פלעזש 50$. (פעגער נישט יעצט יעדע חודש...)

[צופלאטשקטע פיאות]

אונז זענן זייער העפי מיט דעם א גרויסע שכויעח פאר חלק א

[ליטוואק פון בודאפעסט]

רבותי, נאך אסאך מוטשעניש, האט מען באוויזען ארויפצולייגען דער וועקער 2 צו קויפען אויפען אינטערנעט.
מ'קען עס קויפען דא, און פאר דער וואס האט עמעזאן פריים, קען מען עס קויפען דא מיט אומזיסטע שיפינג. ביזדערווייל איז עס נאר קאליר, שווארץ און ווייס פאר ביליגער קומט שפעטער.

[נעגעל וואסער]

א גרויסן יישר כוח אלע שרייבערס, העלפערס און פאר די רעדאדציע פארן ארויסגעבען אזא נאבעלע זשורנאל! באמת א שטאלץ פאר אונז אלע.

ברכה מיוחדת לידידנו @אדנירם פארן מסדר זיין די גאנצע זאך און אחרון אחרון חביב פארן גרעפיקער @פיקאסא פאר די הערליכע גרעפיקס שלא ע"מ לקבל פרס.
יהא חלקך ממזכי הרבים.

איך פלעדזש בלי נדר $25, אבער נישט נאר יעצט נאר פאר יעדער חודש ווען עס וועט ערשיינען לעתיד.
איך גלייב אז אהן שמירן מיט געלד וועט דאס זיך נישט האלטן צו לאנג. וממנו יראו וכן יעשו.

און א באזונדער דאנק פאר @ליטוואק פון בודאפעסט וואס האט דאס מסדר געווען צו קויפן אנליין. תודה רבה.

[וויליאמסבורגער]

רבותי, נאך אסאך מוטשעניש, האט מען באוויזען ארויפצולייגען דער וועקער 2 צו קויפען אויפען אינטערנעט.
מ'קען עס קויפען דא, און פאר דער וואס האט עמעזאן פריים, קען מען עס קויפען דא מיט אומזיסטע שיפינג. ביזדערווייל איז עס נאר קאליר, שווארץ און ווייס פאר ביליגער קומט שפעטער.

א גרויסן ישר כח. געקויפט מיט עמעזאן פריים

[בת קול]

קען מען ביטע אויך לייגן דאס מאל אויף גוגל דרייוו? א גרויסן דאנק!

[מפוזרי]

א פראכט פון א מאגאזין! לא נמצא כבושם הזה.
איך בין זיך מצטרף צו אלע שבחים און ברכות וואס וואס ווערן דא געזאגט.

צװײ פּונקטן:
א. דער צוגעזאגטער ארטיקל פונעם 'נישט' ק״ש שרייבער, איז נעלם געווארן .
ב. ס'האט געפעלט די שטיקל פאעזיע. בזמנינו ווערט עס נישט ריכטיג אויסגעדרוקט, נאר ביי אונז אין שטיבל. און מען דארף עס שעצן.

פאריגע מאל האט מען ארויפגעשטעלט די אַרטיקלען אויפ'ן שטיבל, שפעטליך און א יעדעס פאר זיך. מסתמא מיט די כוונה צו געבן פאר איטליכן די פארדינטע כבוד. ווי ס'האט זיך ארויסגעוויזן, איז איינמאל ס'איז אראפ פון די העדליינס, האט דער עולם זיך נישט נאכאמאל פאראינטערעסירט.
ס'וואלט כדאי געווען, אז מ'זאל עס דאס מאל ארויפלייגן ווי פריער, און טאקע אלע אויף אמאל. האפנטליך, בשעת חימום, וועט דער עולם רעאגירן ווי ס'דארף צו זיין.

[טאמבל סאס]

שש האט געזאגט אז אפאר וועלן אריינגיין אינעם נעקסטן נומער

Sent from my SM-G903F using Tapatalk

[פישי]

איך מוז זיך באדאנקען פאר די ארויסגעבער און שרייבער פונעם וועקער, איך האב באמת הנאה געהאט דערפון, כ'האב מיר עס ארויסגעפרינטעוועט אויף יו"ט און כ'האב געהאט וואס צו טוהן אין ביהכ"ס במשך די לאנגע דאווענענס אין די דריי טעג יו"ט

טענקס א ביליאן!!!

[פיקאסא]

יאפ... געמיינט האב איך אז די "וועקער" וועט זיך האלטן פונקט א חודש, אבער מ'האלט שוין ביי די צווייטע וועקער ב"ה!

איך וויל דא באדאנקען ברבים ידיד נפשי החכם השלם [tag]אדנירם[/tag] וואס נאר איך ווייס וויפיל שעות ער לייגט אריין אין "דער וועקער" אז ס'זאל זיין ראוי לעלות על שולחן מלכים, בנוסף צו זיין חריפות ושכל הישר האט א גאר א שארפע אויג צו כאפן אלע טעותים וואס מאכט זיך כסדר, אהן איהם וואלט געווען בושות. וזאת למודעי אז ער האט געהאט מער הגהות פון וויפיל צייט איך האב געהאט צו פיקסן, דערפאר איז נאך דא היבש קליינע טעותים'לעך דא און דארט, ואין הסרחון תלוי אלא בי.

א באזונדער הערצליכן דאנק פאר ידידי עוז [tag]ליטוואק פון בודאפעסט[/tag] וואס האט באמת שווער געארבעט אויף די טעכנישע חלק פון פרינטינג אנליין, און נישט אויפגעגעבן ביז ס'איז געווארן מעגליך. כ'האף טאקע אז דער עולם וועט עס קויפן אין גרויסן, כ'בין זיכער אז מ'וועט מער הנאה האבן פון ליינען א שיינם זשורנאל אויסגעשטרעקט אויפן בעט ווי איידער אדורך פליקען אויפן סקרין.

א דאנק פאר [tag]שלום שטיסל[/tag] פאר זיין הילף ווי אימער.
א דאנק פאר [tag]אבטולמוס[/tag] פאר די מעכטיגע ארטיקל , דאס האט געהויבן די פרעסטידזש פון " דער וועקער" צו א נייע לעוועל, דאס איז א קידוש ה'..

און אוודאי א ריזיגן דאנק פאר אלע געלונגענע שריייבערס [tag]רימון[/tag], [tag]געוואלדיג[/tag], [tag]דער געוואגטער יונגעל[/tag], [tag]העניך[/tag], [tag]שטילע יונגערמאן[/tag], [tag]קאווע טרינקער[/tag], [tag]יואב[/tag], [tag]יידל[/tag] און [tag]יאיר[/tag] וואס נאר אדאנק זיי האבן מיר מיט וואס צוצוגיין צום טיש. ובפרט איז ראוי ארויסצוברענגען לשבח אז אין וועקער #2 איז די מדור "חדשות אני מגיד" גאנצע 42 בלעטער לעומת 20 בלעטער אין וועקער #1.

און א דאנק פאר אלע וואס ווילן שטיצן די פראדזשעקט מיט געלד. איך פארלאנג נישט פון קיינעם קיין געלד. אבער ס'זיכער אז ס'געבט א שטופ צו גיין ווייטער מיט די עבודת הקודש. איך ארבעט נארמאל אויף א 3 דיגיט נומבער פער שעה און כ'האב אריין געלייגט גאר אסאך שעות אין דער וועקער ממילא זאג איך נישט אפ פאר ווער עס וויל זיך משתתף זיין. דא האט איר א לינק גראד צו מיין פעיפאל אקאונט ווי איהר קענט זיך אנרופן ווארעם. (מאכט זיכער צו סעלעקטן USD) אית דפרע בגופא ואית דפרע בממונא..

ידידכם עוז
פיקאסא

[פיקאסא]

.

[רימון]

א הארציגן דאנק פאר'ן פארעפנטליכן מיינע ווערטער און מיינונג איבער דער שומרים ארגאניזאציע וואס איז געשריבן געווארן מיט פולע שעצונג פאר די וואס ווידמען זייער צייט און כח פאר'ן רבים.
ראובנ'ס ארטיקל האט מיך איבערגעלאזט שפראכלאז. די ערנסטקייט, ריינקייט און הויפטזעכליך די טיפע יראת שמים, פרעצעדענטלאזע טוהר הנפש און אמת'דיגקייט פון דעם פראפעסארס ווערטער בארירן מיין נשמה. עס איז ביי מיר נישט קיין ספק אז אזא ארטיקל איז א געוואלדיגער זיכוי הרבים און ווען משיח וועט קומען וועט ער אן צווייפל טייטלען מיט די פינגער, ראובן בני, דו האסט דערהאלטן אידישע קינדער צו דער אמונה טהורה באחרית הימים.

[פיקאסא]

מ'דארף ערגעץ צולייגן אן אפשען פון donate.

מ'ארבעט אויף א וועבזייטל
דארט וועט אי"ה זיין אזא אפציע אויך.