אפשר איז שוין צייט צו שליסן "שומרים"?! (וועקער 2#)

[ליטוואק פון בודאפעסט]

איך קען זיך נישט פארלאזען אויף מיין שכנים. ס'וועט זיי נישט איינפאלען אין קאפ אז איינער דארף דא הילף. מתעסקים האט זיי אויסגעריסען פון געוויסען דער חלק פון בין אדם לחבירו.

איך האב דערמאנט לב רחל. אמאליגע צייטען, ווען א פרוי האט געקימפעט האבען די משפחה און שכנים פארשטאנען אז מ'דארף עסען פאר א פאר וואכען און הילף מיט די אנדערע קינדער. און אלע האבען זיך צוגעשטעלט, שמור לי ואשמור לך. מה עשה הס"מ? געגרינדעט אן ארגאניזאציע מיט'ן נאמען יד רחל, וואס דארף שיקען מיידלאך צו העלפען קימפעטארען מיט די משפחה. זיי האבען אבער געהאט געזעצען, נאר צוויי וואכען און מ'האט געדארפט באצאלען.... זיי האבען געשיקט אלע קינדער נאך געלט פאר די וויכטיגע ארגאניזעציע און מפרסם געווען אז זיי זענען דא.

ביי מיין צווייטע קינד, האט מיין ווייב געדארפט ליגען היבש פאר'ן לידה. וואס טוט מען מיט'ן צוויי יעריגע בכור? איך האב נישט קיין משפחה. האט א שכנ'טע געזען וואס טוט זיך און זיך אריינגעווארפען אינ'ם ענין. זי האט געוואלט ערלעדיגען אז די שכנטעס זאלען איינטיילען יעדען טאג א צווייטען. יעדער איינער וואס זי האט געקלינגען האט געזאגט 'קלינג יד רחל' און יד רחל זאגט דאך נאר צוויי וואכען און נאר פאר געלט.

איך האב נאך משלים ווי די ארגאניזעציע'ס האבען חרוב געמאכט און געשעדיגט אנשטאט'ס העלפען, ועוד חזון למועד

[הערסטע]

די פראבלעם פון העלפן מיט עפענען ארגאניזאציעס און דערמיט חרוב מאכן און גרויסן, איז סאך סאך ערגער ווען ס'קומט צו די שטאטישע פראגראמען, ווי באוויסט האט סעקשאון 8 ארויף געשאסן די רענט פרייז און אזוי אויכט מעדיקעיד האט ארויף געשאסן די פרייז פון דאקטוירים, אויב וואלט ווען נישט געווען מעדיקעיד וואלט ווען קיין איין דאקטער נישט געקענט בעטן צוויי הונדערט טאלער בלויז פארן וויזיט נאך פאר וואס ווען ווי. און די זעלבע מיט אלע אנדערע שטאטישע הילף,אויב אזוי מה לנו צרה זו? אפשר הייבן מיר אלע אן צו פארפירן אז אונז ברויך'ן מער נישט די אלע הילף ???

[אויסגערוט]

א. ניין, איך וועל קלינגען פאליציי, און דער וואס טוט נישט אזוי דארף ערשט הילף.
ב. איך וועל את קלינגען חברים ווייל איך בין שוין פארדארבען. ווען איך האב AAA קלער איך נישט קיין סעקונדע. דאס איז די בראך. מ'האט אויסגעריסען די פערזענליכע אחריות דורך ארגאניזאציע'ס וואס האבען נישט אויסגעפעלט.
ג. וכ"ה לגבי מתעסקים. מ'האט צוגענומען די אחריות פון די שכנים און די חברי הקהלה פאר קיין שום עכטע סבה.

לגבי חברים ביסטו נישט גערעכט. טאמער האסטו AAA ווייסטו אז עס געדויערט באלד א שעה ביז זיי קומען אן. יעצט שטעל דיך פאר דו ביסט אויסגעשפארט פון דיין קאר אדער היים און דו האסט א בעיבי אינעווייניג

[ליטוואק פון בודאפעסט]

וואס טוט א גוי אין אזא פאל? פונקט אזוי זאלסטו טוהן. 911 ווי נחום האט אונז ליעב צו דערמאנען

[אויסגערוט]

יא אבער דעס קען אויך נעמען צייט. און וואס איז ווען ביסט אין א שטילע געסל אין ווער ווייסט וואו און דו דארפסט א בוסט?

[שמעקעדיג]

עס איז מיר א שטיקל פלא ווי קלוגע אידן קענען צאמרעדן אזויפיל נארישקייטן. מילא פון ליטוואק רעד איך נישט, ער קוקט אויס צו זיין אינגאנצן אומוויסענד, קומענדיג פון א אנדערע פלאנעט. אבער די חסיד'ישע שרייבער דא ווייסן אז זאכן זענען נישט אזוי איינזייטיג ווי מען לייגט עס אראפ דא.

לאמיר זיך דערמאנען ווי אזוי שומרים האט זיך געגרינדעט. מיר ברוקלינע איינוואוינער, זענען אויפגעוואקסן אין א פחד און א שרעק. ווער געדענקט דען נישט ווי "יעדע איינציגסטע" נאכט האבן פאסירט מערערע "כאפצעמס". כמעט אין בית אשר אין שם רויבעריי. די טראומא וואס מערערע משפחות האבן אדורכגעלעבט האט געלאזט שרעקליכע עפעקטן אויף יארן שפעטער. מען האט ליטערעלי געלעבט אין פחד, ביינאכט פארשלאסן יעדע אריינגאנג מיט ריגל און טויערן, און עכ"ז האבן זיך די גנבים איבערגעקלוגט, און וויפיל מאל מען האט זיך ערוועקט ביינאכט מיט א רויבער אין דיינע ד' אמות, אדער פון דעם שכנ'ס קולות "כאפצעם"...

מען האט אודאי גערופן 911, אזוי ווי די קלוגע אדווייס פון אונזערע חכמים דא (ליטוואק בשם נחום). ווער געדענקט דען נישט די קאשמארן וואס מען האט געהאט ביז מען האט געזען א פאליציי קאר פאר די אויגן? מסתמא האבן זיי אויפן וועג צום גניבה געמאכט א סטאפ אין רעסטוראנט און געגעסן סאפער, ווייל ע"פ רוב בעפאר א האלבע שעה זענען זיי קיינמאל נישט אנגעקומען! און אפילו נאכן אנקומען האט מען ע"פ רוב געלאזט גיין דעם גנב פריי, מען האט זיך ווי-עס-איז ארויסגעדרייט פון די סיטואציע, און געלאזט די זאך לויפן ביז... די נעקסטע נאכט, וחוזר חלילה. בקיצור, א שירעם נאכן רעגן איז געווען מער נוצבאר ווי די 911 הילפ'ס רופן.

ברוקלין איז ממש געווען פארפעסטעט מיט רויבערייען. א מגיפה ממש! עס האט געהערשט אן הפקירות! מען האט געבעטן הילף פון די שטאטישע אגענטורן וועלכע האבן זיך בלויז אויסגעלאכט דערפון. די אומ'אחריות'דיגע ווערטשאפט האט געשריגן ביז'ן הימל. בכלל איז ברוקלין געווען אן אנשיקעניש פון כל מיני סארטן באנדיטן און פאברעכן אפילו נישט אין די היימישע געגענטער, ביז דזשוליאני האט אויסגעראטן פאברעכן בחוזק יד, אבער ביותר אין די היימישע געגענטער האט געהערשט א פולשטענדיגע אנארכיע, וואס בלויז איימיצער וואס האט דאן געוואוינט דארט קען עס פארשטיין.

נאך יארן בלוטיגן און ווארטן בכליון עינים אויף הילף וואס איז קיינמאל נישט געקומען, האט מען באשלאסן צו גרינדן די חברה שומרים. געווען געציילטע רבנים וואס כדרכם זענען געווען דערקעגן, אבער רוב ציבור ובתוכם אחריות'דיגע רבנים ועסקנים האבן געהאלטן אז הבא להרגך השכם להרגו איז שייך אפילו בזמן הזה, און מען האט זיך גענומען אין דער האנט אריין. צו זאגן אז שומרים האט פאראורזאכט א רעוואלוציע אין דעם הינזיכט, אין אן אנדערסטעיטמענט! זיי האבן פשוט אויסגערייניגט די לופט פון די רויבעריי פאלושען. כאפצעמ'ס איז צעביסלעך געווארן מער זעלטן, און איז כמעט א זאך פון די פארגאנגענהייט.

אנהייב איז עס געווען אביסל ווילד און אומפראפעסיאנאל. שפעטער איז מען געווארן מער ערנסט, מען האט געמאכט א קשר מיט די פאליציי אגענטורן, און מען האט אויסגעברייטערט די סערוויסעס – א חלק וועלכע 'חברים' האט שפעטער איבערגענומען – ווי צב"ש עפענען א פארשפארטן טיר, בפרט ווען א קינד איז פארשלאסן אליינס, אדער זוכן פארלוירענע מענטשן, העלפן אנקלאגן פאברעכער ווי גוי'טעס וואס גנב'ענען דזשולערי א.א.וו.

מעגליך אז @רימון איז גערעכט אז היינט קען מען שוין שפארן שומרים, קען זיין אז זיי האבן אויפגעטון זייער'ס, און אונז אלע געהאלפן. כ'ווייס נישט. אבער צו אוועקמאכן וואס זיי האבן אויפגעטון במשך די לעצטע צוואנציג יארן איז ממש אבסורד! ווייניג מענטשן קענען זאגן אז זיי האבן נישט נהנה געווען פון די שומרים דירעקט אדער לכה"פ אומדירעקט! אביסעלע הכרת הטוב וואלט נישט געשאדט פאר מענטשן וואס האבן אוועקגעגעבן יארן לאנג פון זייער שלאף נאר צו וואכן אויף אונז און אונזערע קינדער.

ווייטער די ארגאניזאציע 'חברים' איז זייער נוצבאר פאר אידן בכל מקום שהם. ווי @אויסגערוט און אנדערע ניקס שרייבן, AAA איז טאקע זייער גוט, אבער זייענדיג אין די פארגאנגענהייט א מעמבער ביי זיי ווייס איך אביסל וויפיל שעות מען האט געקענט ווארטן פאר הילף, בפרט פאר א טאואינג טראק, אפילו אין גאנץ באוואוינטע געגענטער, אפגערעדט פון א שטילע געגנט מחוץ לעיר. בכלל אפשר קען מיר ליטוואק מסביר זיין פארוואס איז AAA מער לעגיטים ווי חברים? ווייל זיי בעטן דיר 50 דאלער א יאר? ווייל זיי זענען גויים און חברים אידן? וואס אין גאט'ס נאמען קרענקט דיר?

חברים האט זיך ארויסגעשטעלט צו זיין א אומגלויבליכע סוקסעס, און א געוואלדיגע הילף פאר יעדן איד באשר הוא שם, איך ווייס נישט אויב עס איז פאראן איינער וואס האט נאך נישט נהנה געווען פון זייערע סערוויסעס. פון העלפן מיט פלעט טייער'ס און אויסגעשפארטע קארס וכן אלע סארט קאר פראבלעמען, האבן זיך זייערע סערוויסעס אויסגעשפרייט צו די הייזער, ווי עפענען שלעסער און פארשפארטע טירן אינדערהיים, העלפן מיט צעבראכענע בוילער'ס, עמערזשענסי וואסער פארפלייצונג, און כנ"ל היינט העלפן זיי זוכן פארלוירענע מענטשן, און אנדערע סעיפטי זאכן. שפעטער האבן זיי זיך אויסגעשפרייט צו "אינטערסטעיט חברים" צו העלפן אפילו אין נישט לאקאלע געגנטער. גייט מען דאס פארגלייכן צו א מנחה עריע? איז אפילו דער משל דומה צום נמשל?

איך ווייס נישט אויב די מעמבער'ס ליינען דא, אבער אויב יא, וויל איך זיי אלע באדאנקען מיט א הילכיגן יישר כח! יא, איך האב הכרת הטוב, איך אפרישיעט ענקערע סערוויסעס מיר צו העלפן, און איך וואונטש ענק השי"ת זאל ענק באצאלן מיט כל טוב וטוב, אמן.

[ווייל אזוי]

לאמיר פרובירן צו פארענטפערן. אלץ א הקדמה וויל איך זאגן אז איך שרייב דא נאר וויאזוי איך קוק אן די בילד.

מנחה עריע
אז איינער פארט ארויס פון די ארבעט זיבן אזייגער און דארף נאך גיין כאפן א מנחה אין שטאט איז עס א לאנגע שפיל, איך רעדט שוין נישט פון דעם אז מ'מאכט סייווי א סטאפ און מ'פלעגט דאווענען ביחידות.

חברים
ווען איינער ווערט אויסגעשפארט פון די קאר צו סיי וואס און דארף ווארטן אויף טריפל עי קען ער ווארטן זייער א לאנגע צייט, און נאכדעם קומט אן איינער אן קיין געפיל וואס די עקל'סט דיך צו שטיין לעבן איהם.

מתעסקים
אמאל בעפאר מתעסקים איז אויב די מענטש האט נישט באלאנגט פאר א קהילה האט ער נישט געהאט די מינימאלע געברויכן איז געקומען מתעסקים און אויפגעטוהן מוראדיג, און פארשטייט זיך אז די קהילת האבן זיך צוגעכאפט דערצו און אויפגעהערט צוצושטעלן.

עפעס רחל
איינער וואס האט נישט געהאט קיין קרובים איז געווען אין בעד שעיפ איז געקומען די ארגינעזאציע און האט געמאכט אז מ'שטעלט צו פאר צוויי וואכן פאר יעדעם אבער אזוי ווי עס קאסט געלט בעטן זיי א אפצאל, און דעיס אז די לעיקוואדע האבן עס אנגענומען אז מ'טאר נישט העלפן פריוואט איז א אנדערע פראבלעם.

בנוגע שטאטישע פראגראמען
פארשטיי איך נישט פוקטליך, די פרייז פון א דאקטערס וויזיט איז 200 דולער אפגעזעהן צו מעדיקעיד באצאלט צו נישט, און די זעלבע זאך איז מיט רענט.

און די עיקר לאמיר נישט פארגעסן אז די אלע ארגינעזאציעס זענען דא ארויסצוהעלפן און אויב מ'וויל נישט מוז מען זיי נישט רופן.

[א איד]

גראדע בין איך אויך א מעמבער אין AAA אבער ווי אנדערע האבן שוין געשריבן, איך האב געווארט אויף זייערע סערוויסעס אזוי לאנג אז איך האב שאדן געהאט די גאנצע נסיעה, אין איך נוץ זיי דארט ווי עס איז נישט בנמצא קיין חברים, ווייל חברים קומט אן אסאך שנעלער און זייער סערוויסעס בעסער.
און וועגן מתעסקים, כהאב נאך נישט געהערט ווי מתעסקים שטעלט צוזאם מנינים, זיי שטעלן צו ספרי תורות און סידורים, בענקלעך, און א מתעסקים פושקע, מנינים און עסן, קומען פון די משפחה און שכנים.
כהאב נאכנישט געהערט פון די ארגענאזאציע יד רחל, און די געגנט ווי איך וואוין, העלפן די שכנים, מיט הילף און עסן, וכדומה, אלס קינד געדענק איך פלעג זיין חסד דשיכון סקווירא, וואס זיי פלעגן געבן צו עסן פאר קימפעטארנס, אדער נישט געזונטע עלטערן וכדו', היינט בעטן זיי עפעס געלט, ווייל צרכי עמך ישראל איז ליידער מרובים.
בנוגע די מנחה עריע, זעה איך נישט די פראבלעם דערמיט, אפשר קאווע קענסטו עס בעסער מסביר זיין?
איך פארשטיי נישט די וואס רעדן זיך אפ אויף די ארגענאזאציעס? זיי האבן אונז מער געהאלפן ווי שאדן געמאכט, און זיי העלפן נאכאלץ.

[ליטוואק פון בודאפעסט]

איך האב געשריבען א תגובה, ונמחקה.

איך בין דער אן קרובים, און איך האב שאדען געהאט פון רגלי רחל

[[NAMELESS]]

איך קען זיך נישט פארלאזען אויף מיין שכנים. ס'וועט זיי נישט איינפאלען אין קאפ אז איינער דארף דא הילף. מתעסקים האט זיי אויסגעריסען פון געוויסען דער חלק פון בין אדם לחבירו.

----

ביי מיין צווייטע קינד, האט מיין ווייב געדארפט ליגען היבש פאר'ן לידה. וואס טוט מען מיט'ן צוויי יעריגע בכור? איך האב נישט קיין משפחה. האט א שכנ'טע געזען וואס טוט זיך און זיך אריינגעווארפען אינ'ם ענין. זי האט געוואלט ערלעדיגען אז די שכנטעס זאלען איינטיילען יעדען טאג א צווייטען. יעדער איינער וואס זי האט געקלינגען האט געזאגט 'קלינג יד רחל' און יד רחל זאגט דאך נאר צוויי וואכען און נאר פאר געלט.

איך האב נאך משלים ווי די ארגאניזעציע'ס האבען חרוב געמאכט און געשעדיגט אנשטאט'ס העלפען, ועוד חזון למועד

ווען דו וואלסט געוואונט אין וויליאמסבורג וואלסטע נישט געוואוסט פון אזעלכע פראבלעמען... די שכנים וואלטן צוכאפט דיינע קינדער פאר כאטש ווי לאנג און די וואלסט געהאט נאכטמאל 'יעדער' נאכט... אדרבה פרעג זיך נאך.

[ליטוואק פון בודאפעסט]

וומסב"ג האט אזא ארגאניזאציע?
איך בין נישט דער איינציגסטע מיט אזא געשיכטע אין לעיקוואוד. מיין ווייב האט א חברט'ע א נעבעכ'ס נעבעך. איהר שכנים האבען אויך געשיקט צו בטן רחל. שאדען האבען זיי שוין געמאכט, מ'קען נישט זאגען 'אז דו ווילסט נישט רוף נישט'

Sent from my HTC Desire 512 using Tapatalk

[ליטוואק פון בודאפעסט]

אין לעיקוואוד איז פארהאנען אן ארגאניזאציע 'פערל בלוי'. דאס איז אויף צוצושטעלען פריוואטע מלמדים פאר קינדער וואס נויטען אין אזא זאך. זיי מאכען ריזיגע שנאדעראציט אפאראט'ן און קלינגען און שיקען בריווען און נאך און נאך.
כמבואר במקו"א, מיין ניין יעריג קינד איז ארויסגעטראסקעט פון חדר ע"י הממזרים עוכרי ישראל למשפחת ב. און איך האב זיך געספראוועט מיט איהם אין שטוב באלד דריי מאנאטען פון שנת תשע"ו. ביים אנהייב האב איך געקלינגען א פאר מענטשען צו זע'ען צו מ'קען טרעפען א פריוואטע מלמד אויף כאטש א פאר שעה א טאג, כדי ער זאל נישט גייען גענצליך ליידיג. אלע האבען געזאגט "קלינג 'פערל בלוי'"
שוין, איך קלינג זיי אן און די אלטע יעקישע פרוי וואס האט אויפגעהויבען האט אריינגעקראכען אין קישקע'ס, זי האט געבעטען אלע פאפירען, זי האט מיר אנגעשריגען און איינגעטיילט דעות. זי הייסט מיר גייען צו עפעס א מומחה אין אוטיזם. איך האב איהר געזאגט "דאס איז אביסל עקסטרעם". ענטפערט זי "נישט זיין אין חדר איז אויך עקסטרעם". מיט אזעלכע לאקשען און שטותים האב איך זיך געדארפט מוטשען און פארענטפערען, וויבאלד זיי האבען דאך מלמדים. צום סוף זאגט זי מיר "מיר האבען נאר מלמדים אין חדרים, נישט פריוואט אינדערויסען פון חדר, און נאר פון כתה ה' און ווייטער".

א פאר מאנאטען שפעטער באקום איך א טעלעפאן אין שטוב:
"העלא, דאס איז לפ"ב?"
"יא, ווער רעדט?"
איך קלינג פאר'ן מוסד 'פערל בלוי' וואס שטעלט צו מלמדים פאר קינדער וואסנויטען דערפאר. פאר א יאר האט איהר געגעבען $** אפשר ווילט איהר נאכאמאל אזוי געבען, צו גאר צוגעבען?"
"אזוי? איהר שטעלט צו מלמדים פאר קינדער וואס דארפען?"
"יא, אונז האבען בלאה בלאה בלאה"
איז פארוואס ווען איך האב אין דעם גענויט, האסטו מיר געדרייט א קאפ און גארנישט געגעבען? אפילו ווען איך האב צוגעזאגט צו באצאלען, האסטו גארנישט געהאט, נאר אריינגעקראכען אין קישקע'ס, מיר געדרייט א קאפ און מבזה געווען און געהאלפען גארנישט?"
און אראפ געקלאפט די טעלעפאן.

איך האב געהאט שאדען פון זיי, קיינער האט נישט געהאלטען ביים העלפען ווייל "ס'איז דאך דא פערל בלוי!" אבער קיין הילף האבען זיי נישט געגעבען, אפילו בשכר.

זאלען וויסען די אלע ארגאניזאציע'ס, ברגע זיי עפענען אויף און זיי פארקויפען זיך אלס די וואס שטעלען צו די הילף, זענען זיי שוין מחוייב דערין, זיי קענען זיך נישט אויסדרייען מיט'ן אויסרייד אז 'מיר קענען נאר אזויפיל, נישט מער'. דו האסט איינגערעדט דער ציבור אז מ'קען זיך פארלאזען אויף דיר, האסטו אוועק גענומען די געלעגענהייט פון הילף פון אנדערע. ביסטו שוין מחוייב צום ציבור, ביסט שוין נישט קיין וואלונטיר.

[ווייל אזוי]

קוקט אויס אז די ליטווישע פארשטייען נישט וואס א ארגינעזעישאן מיינט, און לויט ווי דו לייגסט עס אראפ דארף מען טאקע פארמאכן אלע ארגינעזאציעס אין די "עיר התארע" לעיקוואד, אבער איין רגע ווער זאגט אז דעמאלטס וועלן די ליטווישע שוין יא העלפן.

ביי אונז חסידישע העלפט מען זיך איינער די אנדערע אפילו אויב די ארגינעזאציעס וואס דארפן צושטעלן שטעלן נישט צו (מ'קען טראגן מענטשען צו שפיטעלער אן זיין א חסד מעמבער וכו' וכו' ) אז איהר ווילט קענט איהר אונז טשוינען

[[NAMELESS]]

ס'איז פשוט, סאטמאר רב האט אויסגעלערנט חסד און רבי אהרן קאטלער האט אויסגעלערנט נאר תורה, און חסד נאר פאר ת"ח.

[ליטוואק פון בודאפעסט]

אפשר האט עס מיט לעיקוואוד אפשר מיט ליטווישער, איך ווייס נישט. ווען איינער אין וומסב"ג ווייסט פון א שכן וואס מוטשעט זיך מיט שפיטאל עניינים, טראכט ער פון מסדר זיין נסיעות צו ער טראכט גלייך אז ס'איז שוין דא אן ארגאניזאציע?

Sent from my HTC Desire 512 using Tapatalk

[[NAMELESS]]

וומסב"ג האט אזא ארגאניזאציע?
איך בין נישט דער איינציגסטע מיט אזא געשיכטע אין לעיקוואוד. מיין ווייב האט א חברט'ע א נעבעכ'ס נעבעך. איהר שכנים האבען אויך געשיקט צו בטן רחל. שאדען האבען זיי שוין געמאכט, מ'קען נישט זאגען 'אז דו ווילסט נישט רוף נישט'

Sent from my HTC Desire 512 using Tapatalk

אזוי ווי @ווייל אזוי האט געזאגט, ביי אונגארישע העלפט מען אן קיין ארגאניזאציעס..

[[NAMELESS]]

ליטוואק, זעט אויס ווי דו ביסט א אונגארישער, און די באלאנגסט נישט אין לעיקוואד נאר אין וויליאמסבורג

[א איד]

דאס איז זיכער איין מאל די ארגענאזאציע העלפט נישט וועסטו ביי די היימישע ווערן געהאלפן, קען זיין אז פארדעם וועט מען דיר שיקן צו די ארגענאזאציע.


בד"וו איך האלט שוין ביי א שיינע פאר ארגענאזאציעס יד רחל, רגלי רחל, בטן רחל, וואס קומט נעקסט?

[איך אויך]

שמעקי האסט עס גענעילט! די נארישע רייץ צו זיין אובר-קיהל און אנטי עסטעבלישמענט איז אסאך מאל גורם אז דער עם חכם ונבון ווערט פארוואנדעלט אין א גרופע פון בלעבערינג מאנקיס.

[ליטוואק פון בודאפעסט]

איבעראל האט מען געהאלפען אן א ארגאניזאציע. נאר ווען ס'איז דא אן ארגאניזאציע, הערט מען שוין אויף צו העלעפן, עכ"פ אין געוויסע אופנים.
איך וויל וויסען וואס איז ווען ס'איז שוין דא אן ארגאניזאציע, צו דער עולם אין וומסב"ג פארגעסט נישט אז ס'איז דא א מענטש וואס דארף הילף?

[[NAMELESS]]

קיינער איז נישט אין די מאד פון מיך לייקן היינט?

[[NAMELESS]]

א דאנק ליטוואק. זעסט, כ'אדיך געזאגט ביסט א אונגערישער...

[ווייל אזוי]

איך וויל וויסען וואס איז ווען ס'איז שוין דא אן ארגאניזאציע, צו דער עולם אין וומסב"ג פארגעסט נישט אז ס'איז דא א מענטש וואס דארף הילף?

אויב די ארגינעזאציע שטעלט נישט צו א שטייגער ווי חסד אויב מ'איז נישט איינגעשריבן וועלן אנדערע אינגעלייט זיכער ארויסהעלפן און אזוי יעדע זאך.
אוואדאי קודם שיקט מען צום ארגינעזעישן אבער דו מיינסט אז טאמער איך וועל אליינס קלינגען מיכאל שניצלער בעטן ער זאל משמח זיין א חולה וועט ער נישט גיין ווייל איך הייס נישט מיקימי ? אויב ער קען וועט ער זיכער גיין אפילו אן מיקימי.