הרב אשר ווייס

[קאווע טרינקער]

http://www.torahbase.org/

א תורה זייטל פאר הרב ווייסס' שיעורי תורה שבכתב ותורה שבעל פה.

[טייערע ברודער]

ר' אשר האט זיך מורא'דיג ליב. ער וועט טוהען אלעס אז מ'זאל רעדען פון איהם.
ר' בער'ל איז חד בדרא ממש. לא פסיק פומיה מגירסא, א ספר תורה מהלך, אין לו בעולמו אלא ד' אמות של הלכה.
ר' מאיר איז א תלמיד חכם און א עובד.
ר' מרדכי דוד איז א בעל הבית וואס האט ליב צו לערנען.

[רויטע וואנצעס]

ר' מאיר איז א תלמיד חכם און א עובד.

און א ריזן בעל מדות.

[קאמענטירער]

ר' אשר האט זיך מורא'דיג ליב. ער וועט טוהען אלעס אז מ'זאל רעדען פון איהם.
ר' בער'ל איז חד בדרא ממש. לא פסיק פומיה מגירסא, א ספר תורה מהלך, אין לו בעולמו אלא ד' אמות של הלכה.
ר' מאיר איז א תלמיד חכם און א עובד.
ר' מרדכי דוד איז א בעל הבית וואס האט ליב צו לערנען.

אויב דו ביזט שוין יא באקאנט מיט די מענטשען אפשר ברענגסטו בילדער

ווי גייט נארדעי וויץ איינער האט געשמועסט פונקטליך וויפיל געלט יענקל עושר האט, פרעגט אים איינער זאג נאר וויפיל קינדער האט יענקל עושר? האט ער נישט געוויסט צו ענטפערן, פרעגט די גאנצע עולם הלמאי די געלטער וואס יענקל עושר האט באגראבען אין באנק דאס ווייסטו פונקטליך, אבער די קינדער וואס דרייען זיך דא ארום אונטער די פיס האסטו נישט קיין מושג??

[יעקב מענטש]

אויף קאווע טרינקער'ס רעקאמענדאציע בין איך ארויף אויף זיין סייט און געקליקט אויף פר' פנחס ענגלישע שיעור, הייבט ער אן אז די שיעור איז לעילוי נשמת א צה"ל זעלנער (דערווייל נישט קיין פראבלעם) וואס איז געקומען פון ניו דזשערסי אנטייל צו נעמן אין די מלחמת מצוה... איז דאס די קלויזנבורגע השקפה ? (איך מיין אז ניין).

איך פרעג נישט אים אראפצוברענגען, ער מעג האלטן וואס ער וויל, ס'איז מיר נאר אינטערסאנט צו וויסן צו דאס איז א השקפה וואס היימישע אידן האלטן.

[יהושע חיים]

מלחמת מצוה האט נישט מיט קיין השקפה נאר מיט הלכה (עי' ברמב"ם מה נקרא מלחמת חובה/מצוה/רשות)

Sent from my Fire Phone using Tapatalk

[דענקער]

איך פרעג נישט אים אראפצוברענגען, ער מעג האלטן וואס ער וויל, ס'איז מיר נאר אינטערסאנט צו וויסן צו דאס איז א השקפה וואס היימישע אידן האלטן.

זיכער אז יא. והא ראיה, אז דער היימישער מענטש האלט אזוי. וחוזר חלילה.

[טייערע ברודער]

ער איז נישט קיין היימישע בכלל. ער האט ברבים געשפיגען אויף הרה"ק מקלוז"ב זי"ע. אין בית דין האט ער גערופען דעם צדיק א הפכפך!

Sent from my LG-H525n using Tapatalk

[ליטוואק פון בודאפעסט]

און דאס מאכט אויס היימישע?! נישט לויט די בעלי ה'היימיש', וואס אונז דארפען זיך מכניע זיין צו זיי.

ערנסט גערעדט, ס'זעט מיר אויס אז ער האט פלענער ווי אלס אנצוקומען מיט זיין לערנען, שיעורים און ספרים (ווער ווייסט וואס מיינט תורה לשמ"ה?). ער איז רעספעקטירט ביי די מאדערנע ווייל דאס זוכט ער. ער וויל א רב הראשי פאסטען צו וואס. דעריבער רימט ער אויס א צה"ל זעלנער.
איך געדענק מיט בערך צען יאר צוריק, ווען איך האב געלערנט אין ב.מ.ג., האט ער געזאגט א שיעור אין ביהמ"ד. ער האט א באזונדערע פארצייטישע אונגארישע אידיש, נישט וומסב"ג, וואס ענדעלט אביסל אין הרב טוביה ווייס. ער האט זייער קלאר ארויסגעברענגט זיין חידוש, וואס איז ליידער לעיקוואד'ס חסרון. דער עולם האט זיך פאסמאקעוועט מיט איינער וואס קען קלאר און דייטליך נאכזאגען א גמרא, נישט געקעקעצט און נישט געשטאמערט. ווען הרח"א פריינד האט געזאגט א שיעור, איז עס אויך אזוי געווען, הגם דער תוכן איז פיהל בעסער געווען.
ער פסקנ'ט כל מיני ריזיגע זאכען, דעריבער האף איך ער האט יונגעלייט ארום זיך וואס האלטען איהם אין פלאץ אז ער זאל צופיהל נישט האלטען פון זיך.

איך האב געהערט א מעשה. הרב קרליבך האט געוואלט ארויסגעבען זיין חבצלת השרון עה"ת און ער האט געפרעגט ביי הרב אשר ווייס צו ס'לוינט זיך. הרב ווייס האט געזאגט אז ער האלט נישט אז א לומדישע ספר עה"ת וועט זיין עובר לסוחר. דערווייל האט ער נישט געפאלגט און דער חבצלת השרון איז פון די פאפולערסטע ספרים עה"ת היינטיגע צייטען. מנחת אשר האט נישט לאנג נאך דעם נאכגעפאלגט....

Sent from my HTC Desire 512 using Tapatalk

[קאווע טרינקער]

ר' אשר האט זיך מורא'דיג ליב.

ווען איך קען ווען אזוי קלאר לערנען, וואלט איך מיך אויך ליב געהאט.

[טייערע ברודער]

מיר האט מען אויסגעלערנט אז תורה לשמה לייטער'ט אויס א מענטש. איך קען תלמידי חכמים אזוי גרויס ווי איהם וואס זענען נישט אזעלכע שחצנים.

Sent from my LG-H525n using Tapatalk

[יעקב מענטש]

ר' אשר האט זיך מורא'דיג ליב.

ווען איך קען ווען אזוי קלאר לערנען, וואלט איך מיך אויך ליב געהאט.

איך גלייך נישט צו שרייבן נעגאטיוו אויף תלמידי חכמים. אבער הער אויס זיין שיעור אויף פ' פנחס, איך האב נאכנישט געהערט אזא שפראך פון א בעל דרשן וד"ל.

צו זיין קרעדיט, איך גלייך זייער זיין קלארקייט און שיינע תוכן, קוקט אויס ווי ער גייט ארויף אויף מיין וועכענטליכע ליסט.

[[NAMELESS]]

וואו קען מען דאס הערן?

[יעקב מענטש]

וואו קען מען דאס הערן?

http://www.torahbase.org/?lang=en

[איש חזון]

איך באקום יעדעס וואך די שיעור בכתב אויף אימייל. פרטים אינעם וועבסייט הנ"ל. צום סוף זאגט ער א מוסר דרשה. (אסאך מאל קומט מיט כל מיני הודעות מבית מרן הרב שליט"א..).
(איך דערמאן מיך יעצט אז ביי פרשת הכושר סוויצ' האט ער שטארק געקאכט אנטקעגן דעם, סיי מצד הלכה און סיי מצד השקפה, לכאורה א שטיקל חידוש.

[קאמענטירער]

אנטשולדיגט פארן איבערהאקען די שנירעל אינטערסאנטע שמועס דא, אבער איך וויל בעטן נאכאמאל אזויווי כהאב נישט קיין צוטריט, אויב איינער קען זיך מיען צו ברענגען בילדער פון די מאן דאומרים דנן, מזאל זיך קענען מצייר זיין דמות דקיונום,
א דאנק

[אינטערסאנטער]

עס איז מיר אזוי פאני צו הערן רעדן א געבוירענע חסידישע קלויזנבורגער וואס שטעלט זיך אהער ווי א ליטוואק דורי דורות

[טייערע ברודער]

זיין טאטע ז"ל האט זיך שוין מזלזל געווען אין קלויזנבורגר רב זצ"ל. איך האב אין דער היים א בריוו ווי דער קלוז"ב שרייבט אז משה ווייס גיבט מיר דער גרעסטער צרות זייט׳ן קריג!

Sent from my LG-H525n using Tapatalk

[אינטערסאנטער]

וואס פארא צרות האט אים ר' משה ווייס געגעבן?

[קאמענטירער]

זיין טאטע ז"ל האט זיך שוין מזלזל געווען אין קלויזנבורגר רב זצ"ל. איך האב אין דער היים א בריוו ווי דער קלוז"ב שרייבט אז משה ווייס גיבט מיר דער גרעסטער צרות זייט׳ן קריג!

מיינסט אפשר פארקערט אז קלויזנבורגר רב איז מזלזל אין ר' משה?...

[טייערע ברודער]

איך ווייס נישט גענוי וועלכע צרות ער מיינט, אבער אזוי שרייבט ער.

Sent from my LG-H525n using Tapatalk

[קאמענטירער]

איך ווייס נישט גענוי וועלכע צרות ער מיינט, אבער אזוי שרייבט ער.

נו קען זיין ער רעדט פון אזעלעכע צרות ווי אריינפרעגן אין לערנען וכד'

[אינטערסאנטער]

עס איז נאך אלס פאני וויאזוי ער שטעלט זיך אהער אלס אזא ליטווישע פרעדיגער, ער עקט ווי א ליטוואק דורי דורות מיט די ענגלישע אקצענט, מיט די היט-לאזע קאפ, און מיט די סארט זשאוקעלעך וכו' וכו'

איך קען עטליכע פון די משפחה, זיי זענען חסידיש געשטעלט.