קאווע שטיבל פרעזענטירט: "דער וועקער" - נומער 3 (אב תשע"ו)

[[NAMELESS]]

עס איז מיר א גרויס כבוד צו פרעזענטירן פאר אייך דעם דריטן זשורנאל פון "דער וועקער" (אב תשע"ו), מעשי ידיהם להתפאר פון אונזערע באליבטע פריינט, די סאמע געלונגענסטע מוחות און בעסטע פעדער'ס פון 'קאווע שטיבל', און גראפירט דורכן גלגול חדש פונעם באקאנטן ארטיסט - החכם פיקאסא הי"ו. ווי אויך קומט א דאנק פאר החברים היקרים שלום שטיסל, געוואלדיג, און ראובן, פאר זייער הילף.

ברוך ה' שהחיינו וקיימנו והגיענו לזמן הזה!


איך קען נישט גענוג באטאנען די אומערמידליכע ארבעט וואס איז אריינגעגאנגען דערינען, און מיר האפן אז איר וועט אלע הנאה האבן דערפון. גלייכצייטיג ווילן מיר בעטן, עס איז אן עבירה אז די רייכע קאלירן זאלן פארלוירן גיין, פרינט ביטע ארויס דעם שיינעם זשורנאל "דער וועקער" אין א קאלירטן פארמאט פאר אייער פולער הנאה.

ביז מארגן וועט אי"ה שוין זיין א מעגליכקייט צו באשטעלן דעם זשורנאל אויף עמעזאן [קאלירט, און שווארץ/ווייס], און וועט באזונדער געמאלדן ווערן.


גלייכצייטיג טוען מיר בעטן, אונזער הארעוואניע וועט זיך אויסצאלן נאר אויב עס וועט דערגרייכן וואס ווייטער מעגליך. זאל זיך יעדער פארנעמען דאס צו שיקן ווייטער פאר וועם ער קען נאר, כדי דאס זאל האבן א הילכיגע ווידערקלאנג אין גאס.



ליינט און האט הנאה!


ווי עס וואונטשט,
אייער פריינט - אדנירם

[שמעקעדיג]

א דאנק!
ווען קומט די הויכע-רעזאלוציע ווערסיע?

[פליקער]

א דאנק פאר אלע שרייבערס און די אלע וואס מאכן דעם שרייבער אויסזען גוט, און אלע וואס פלייצען דערצו, און אלע ליינער, קאמענטירער, און קאמפלימענטירער.

[שמערל]

זייער קינדיש און אומפראפעסיאנעל, פאסט נישט אין א פרעסטיזשפולע אויסגאבע.

[[NAMELESS]]

אנווייזונג וויאזוי ארויסצו'פרינטן דעם זשורנאל אלס 'ביכל'/BOOKLET [געשריבן אין ענגליש, צוליב די פילע ענגלישע טערמינען]:

[left]Under Page Sizing & Handling, choose Booklet
Select Auto-Rotate Pages to automatically rotate each page, if you don't have an auto rotate printer, folow the instruction on screen
IMPORTANT: make sure binding is set to RIGHT[/left]

ליינט דא מער דעטאלירט, מיט בילדער.

[כוכב]

זייער קינדיש און אומפראפעסיאנעל, פאסט נישט אין א פרעסטיזשפולע אויסגאבע.

אנטשולדיג מיר, קודם זאגט מען א גוט ווארט, דערנאך קריטיקירט מען.

[[NAMELESS]]

ער האט טאקע אנגעהויבן מיט א גוט ווארט, ער האט נאכגעברענגט עפעס גאר א גוט ווארט...

[קל וחומר]

ס'איז אבנארמאל וואס דא גייט פאר, ס'איז א שאלה פון צייט ביז דאס גייט זיך עמטליך פארקויפן אין אלע געשעפטן (עכ"פ מתחת לשולחן)!
מייסטער ארבעט!
גראפיקס פון די העכסטע קוואליטעט!
ארטיקלן פון די סאמע בעסטע און אינהאלטסרייכע!

כ'קען נישט גלייבן אז כ'באקום עס בחינם!!! סיריעסלי!

[סמבטיון]

איך האלט אז די מינימום הכרת הטוב וואס אונז אקטיווע מעמבערס קענען געבן, איז צו קויפן די אויסגאבע אויף עמעזאן. וכן אני נוהג.

[יעלה ויבא]

וועט מען עס פארקויפען ביי די news stand אויף דרייצן?

lead, follow, or get out of the way

[פיקאסא]

יאפס. מיר האלטן שוין ביי חזקה לכל הדעות! און ווי יעדער קען זעהן האלט מען שוין ביים עכטע "חזקה" על חבר שאינו מוציא מתחת ידו דבר שאינו מתוקן, ה"ה החבר הרב אדנירם זז"ג וואס האט אנגעפירט דעם גאנצע זשורנאל מרישא עד גמירא מיט א מורא'דיגן אחריות כדרכו בקודש, און ב"ה האט ער זוכה געווען צו הזורעים בדמעה ברנה יקצורו מיט א געוואלדיגן הצלחה.

תהלה לקל אז כ'האב געהאט די זכיה צו דיזיינען דעם גאנצע זשורנאל, און מיט דעם האבן א חלק בזיכוי הרבים. השי"ת זאל מיר געבן צייט און כח ווייטער געזונטערהייט.

ברוך השם מ'קען זאגן אז ס'איז זיכער א בחינה פון מעלין בקודש, די תוכן איז מסלתה ומשתנה פון די טאלאנטפולער שרייבערס, מיט טיפע און געשמאקע עניינים וידיעות. איינס בעסער פון צווייטען. אשר על כן דאנק איך דא בשער בת רבים די אלע שרייבערס כל אחד בשמו הטוב יבורך אויף זייערע געלונגענע ארבעט. יו מעיק אס פראוד!

א דאנק דיר @שש. אין עליך!
א דאנק דיר @שטיסל פאר דיין פראפעשענעל הילף !
א דאנק @אבטולמוס וואס העלפט צו פון אונטער די פירהאנג.
א דאנק דיר @ליטוואק פארן העלפן מיט עמעזאן.
א דאנק דיר @געוואלדיג על העבר ועל העתיד
א דאנק אלע שטיצערס!
א דאנק די מפיצים הרוצים בעילום שמם! כמותם ירבו בישראל.

הכותב וחותם מתוך הכרת הטוב מעומק הלב לכולם
ידידכם עוז
פיקאסא

[Chuchem]

יעצט פיל איך גילטי אז כ'האב זיך געפרייט צו זען דעם דריטען דשורנאל ערשיינט אין די ניין טעג.

אבל כשהתחלתי לקראות, ראיתי את חורבן של ה'אכשר דרא' חזרתי להעצבות . . .

[ליטוואק פון בודאפעסט]

איך האב עס געדרוקט ביי מיר, ווייל די פאריגע האב איך נאר געליינט אןיפ'ן קאמפיוטער און ס'האט נישט די זעלבע טעם. איך האב אנגעהויבען ליינען און ס'האט אלע טעמים. איך זעי נישט וויאזוי די קאמאפאני'ס רייסען אזויפיהל געלט פאר זייערע אויסגאבע ווען מיר האבען אזוינס אומזיסט.

מ'דארף זיך מזדרז זיין און טרעפען וועגען פון אויסטיילען און ארומלייגען די אויסגאבע, ווייל לדעתי האט עס א שטארקער צוקונפט לפניה.

[פיקאסא]

איך האב עס געדרוקט ביי מיר, ווייל די פאריגע האב איך נאר געליינט אןיפ'ן קאמפיוטער און ס'האט נישט די זעלבע טעם. איך האב אנגעהויבען ליינען און ס'האט אלע טעמים. איך זעי נישט וויאזוי די קאמאפאני'ס רייסען אזויפיהל געלט פאר זייערע אויסגאבע ווען מיר האבען אזוינס אומזיסט.

מ'דארף זיך מזדרז זיין און טרעפען וועגען פון אויסטיילען און ארומלייגען די אויסגאבע, ווייל לדעתי האט עס א שטארקער צוקונפט לפניה.

די אמת'ע קשיא איז באמת אויף אונז פארוואס דאס איז בחינם... די ווייסט דאך יא ווי לאנג דאס נעמט צו באווייזן.

הלואי טרעפט מען א לעהזונג! א ריזיגע שאד אז אזא הערליכע אויסגאבע קומט נישט אהן צו איהר מקסימום עקספוזשער.

על אלה אני בוכיה.

[געוואלדיג]

איך ברויך אן ערנסטע עצה פאר מיינע פינגער ווייטאג, צום דריטן מאל האב איך עפעס א מאדנע קרענק אז ערגעץ אנהייב חודש ווערן מיינע פינגער פארקלעבט זיי ווילן נישט פארלאזן דעם וועקער ביז מיינע אויגן לעהזן אלע ארטיקלען, איינס בעסער פונעם צווייטן און טאקע פון אלע מינים און אלע סארטן, א ריזן דאנק כל חברי המערכת ואני הגדול בתוכם.

[Chuchem]

איך האלט אז די מינימום הכרת הטוב וואס אונז אקטיווע מעמבערס קענען געבן, איז צו קויפן די אויסגאבע אויף עמעזאן. וכן אני נוהג.

הגם ס'קאסט א פרייז, איז עס ווערט, פאר די וועליו.

וכן אני נוהג כנ"ל

[פיקאסא]

דאכצעך אז מ'מאכט כמעט נישט קיין געלד פון קויפן אויף עמעזאן, פרוטות אפשר.
אבער ווען איך ווייס אז ס'האט זיך זיך פארקויפט הונדערטע שטיק און א געהעריגן שיינעם פארמאט, דאנסמאל ווייס איך אז די יגיעה איז נישט געווען לריק. און מיין הארעוואניע האט זיך אויסגעצאהלט. דער הכרת הטוב איז אין געבן די הנאה אז די האסט הנאה.

מ'קען אויך אויסדרוקן הכרת הטוב מיט קאמפלימנטען, הארות, הערות, בלומען און מיט געלד..

[[NAMELESS]]

איך שיק אפ אי״ה א קראנץ בלומען לכבוד שבת נחמו פאר מר ענד מרת פיקאסא, ווער ס׳וויל אריינטשיפן זאל אריינרופן 1800flowers און זאגן אז מ׳וויל צולייגן א רויז צו שטיסל׳ס קראנץ.

ווי אויך ווערט איינער געבעטן אויסצופילן די פאלגענדע שורות מיט עפעס קלינגעדיג. [tag]בת קול[/tag] קענסט מאכן עפעס ראמאנטיש? (אגב האסט עפעס פרישע רעצפעטן פאר סיום אין די ניין טעג?)
[justify]פ ........... פ
י ............ י
ק ........... ק
א ........... א
ס ........... ס
א ........... א[/justify]

שטותים אין א זייט, כ׳וויל אויסדריקן א הארצליכע דאנק פאר די חשובע מערכת, אלעמען ערשטען פאר הרב שלום שטיסל פון ירושלים עיה״ק וואס קיינער ווייסט נישט מער ווי איך וויפל ארבעט ער האט יא און נישט דא אריינגעלייגט, ס׳דערקענט זיך דיין אומערמידלעכע ארבעט, כה לחי.

ווי קען מען אויסלאזן די איבריגע חברי המערכת, כל אחד בשמו הטוב יבורך, סאיז א פלעזשער צו ארבעטן מיט ענק. והעיקר די אלע חשובע חברי השטיבל וואס האבן ביישטייערט א ארטיקל.

[קל וחומר]

כה לחי!

איינער מערקט אז שטיסל האלט חשבון אויף יעדעם'ס שטות'ל מאז הייתה יהודי לגוי?

#זאגט נישט אז מ'האט נישט געווארענט.

[Easy Shopping]

http://amzn.to/2b51N4u

[פליקער]

איך האב זיך אוועק געווארפן מיינע ביזיונות, און אריין אין א קאפי צענטער, גענוי וואס איך האב געטוען פסח, און זיך געלאזט פרינטען פונעם העכסטען קאליבאר, די בעסטע פאפיר וואס זענען גלאנציג, 8.5x11 און אריין געלייגט און מיין פאדערשטע זיץ פון מיין וויהקעל, זאלן די שונאים קראכן.

Sent from my VS987 using Tapatalk

[סמבטיון]

רעב שולעם, האסט דאך א רייכע ברודער נחום פון אנטווערפן, אפשר קען ער ביישטייערן אביסעל פאר דעם געוואלדיגן צוועק.. עפעס איז זיכער געבליבן פון די ירושה

[ליטוואק פון בודאפעסט]

http://amzn.to/2b51N4u

ליהוי ידוע אז דאס איז א לינק צום אלטען וועקער, נישט די נייעם. מ'קען אלס טרעפען דורכ'ן זוכען די ווארט veker אין עמעזאן

Sent from my HTC Desire 512 using Tapatalk