"דער וועקער" פינאנצן

[געוואלדיג]

בתלת זימנא הוי חזקא, נישט צום גלייבן וואספארא מהפיכה קומט פאר אינעם אידישן וועלט אין יארע תשע"ו, מען האלט שוי עכט די דריטע מאל וואס דאס אומגלויבליכע געשעהט, דער דריטער וועקער איז נעכטן ערשינען צום מזל נאך גרויס מיה און פלאג פון די חברי המערכת.

און לאמיר זיך טאקע דא אפשטעלן איין מינוט און צונעמען די פאר איינצעלנע ווערטער וואס איך האב דא יעצט דערמאנט, עס איז באמת נישט קיין חידוש אז ק"ש גיבט ארויס העכסט קאליבאר אויסגאבעס אן צו פאדערן קיין פרוטה אחת פון די צופרידענע ליינער, אנגעהויבן האט זיך דאס מיטן פיאנער [tag]פישלע העררינג[/tag], און געקומען צו א נייעם און העכסע פראפעסיאנאלן ניווא דורך [tag]כוכב[/tag]'ס עטליכע פראיעקטן וואס האבן אויפגעשיינט ווי אויף א נייעם האריזאנט און אנגעגרייט די באדן פאר די דויערהאפטיגע אויסגאבעס, אונז זענען שוין געווארן צוגעוואוינט צו באקומען אויסגאבעס וואס קענען זיך שטעלן אויפן אויבן אן פון אידישע ליין מאטריאל אן צו דארפן באצאהלן א פרוטה אחת צו דעם.

די יעצטיגע אויסטערלישע העליכע "דער וועקער" אויסגאבע איז אבער א בריה חדשה, א נייער דערהער אין קאווע שטיבל'ס אויסגאבעס, ווייל אנדערש פון ביז היינט וואס אלע אויסגאבעס זענען געווען איינמאליגע אויסגאבעס וואס טראץ די פילע ארבעט וואס גייט אריין אין יעדע אויסגאבע און ספעציעל אין א איינמאליגע וואס מען דארף אויסשטעלן אינגאנצן א נייע אויסשטעל, אבער קעגן דעם איז די מאטאוואציע הויעך און נעמט נישט אויף צייט צו צושטעלן מער ווי די איין מאל, אנדערש איז אבער "דער וועקער" וואס אנטשפרעכט צו זיין - און איז שוין טאקע - א חודש'ליכע קביעות'דיגע אויסגאבע וואס ערשיינט מדי חודש בחדשו כן יתן ה' להלאה.

כמובן אז אין יעדע אויסגאבע גייט אריין פילע ארבעט טעג און וואכן, אריינגערעכנט נאכלויפן שרייבער צו זיכער מאכן אז "דער וועקער" פארמאגט פלייש, די מאנאטאנע ארבעט פון אויפזוכן אין די ק"ש אוצרות די ריכטיגע ארטיקלען, אויסוועלן און סעלעקטירן וועלכע ארטיקלען זענען ראוי לעלות על שלחן מלכים, מגיה זיין אלעס מהחל ועד כלה, גראפירן און אויסשטעלן, אפירזוכן און צוזאם קראצן פאסיגע בילדער מארבע קצוות תבל, און דאס אלעס אנהאלטן מדי חודש בחדשו.

ברוך ה' אז די ארבעט צאהלט זיך דערווייל אויס מיט לייקס פאר די עוסקים במלאכת הקודש, מיט די גרויסע תפוצה און פארשפרייטונג וואס "דער וועקער" באקומט ווי נאר דאס ערשיינט, און מיט די מורא'דיגע פאזעטיווע פידבעק וואס מען הערט כסדר צוריק, אבער די מציאות האט אונז שוין ר' יו"ט ערליך אויסגעלערנט 'אן קיין גאזעלין, פארט נישט די מאשין' חברינו היקר [tag]פיקאסא[/tag] לייגט אריין א עבודה רבה אין די גראפיקס כאשר עיניכם תחזינה, אבער עס איז דא א כלל אז פון א טעקסי דרייווער בעהט מען נישט קיין היטש און אוודאי נישט קיין קביעות'דיגע ווייל דאס איז זיין פרנסה, ער וועט זיכער נישט קענען אנהאלטן די ארבעט איוב ווערט ער נישט באצאהלט לכה"פ עפעס, אזוי אויך איז ר' [tag]שלום שטיסל[/tag] נישט קיין הולך בטל, ער ארבעט שווער אין ת"ת און אין זיינע חינוך שיעורים צו ברענגען לחם לפי הטף, מורינו ר' [tag]אדנירם[/tag] איז אויך נישט קיין יושב קרנות חלילה דער רבי איז פארנומען מיט די מוסדות א גאנצן טאג, [tag]אבטולמוס[/tag] איז באקאנט אלס א פול טיים פארשער, און אני הקטן זיץ אויך נישט עפעס א פוס אויף א פוס זוכנדיג וואס צו טוהן, ב"ה יעדער איז פארנועמן יעדער האט תירוצים אבער פאר די וויכטיגע צוועק גיבט מען זיך אוועק בלב ונפש.

אונז ווייסן אבער אז עס איז נישטא קיין אומזיסטע לאנטש, א וואלונטיר ארבעט וועט האבן אזא פנים אויב וועט דאס נישט האבן קיין יסוד איתן, און עס איז בלי שום ספק זיכער אז אויב וועט מען חלילה נישט מצליח זיין צו שטעלן א שטארקע און ברייטע באזע פון חודש'ליכע פעימענטס וועט דאס זיכער ביום מן הימים און נישט לאנג ארום צוזאמפאלן, מען פאדערט טאקע נישט קיין באצאהלונג פאר ליינען און באקומען די אויסגאבע, מען וויל און מען זוכט עס זאל ווערן פארשפרייט וואס מער, אבער עס איז צייט אז אונז אלע וואס האבן אזוי הנאה פון "דער וועקער" זאלן ווערן פינאנציעלע שותפים אינעם אויסגאבע און אנהייבן געבן א חודש'ליכע אפצאל העשיר ירבה והדל ימעיט כל אחד כפי יכולתו.

אין אמת'ן אריין איז דער באדן רייף פאר די בקשה דער ציבור האט שוין כמה פעמים ארויסגעברענגט זייער וואנדער אז עס איז בחינם און אז זיי זענען גרייט צו באצאלן פאר זייער הנאה, קיינער זוכט נישט נהמא דכיסופא און יעדער פארשטייט אז עס פאסט צו באצאלן פאר הנאה האבן, בפרט אז מען וויל אז מען זאל טאקע קענען ווייטער הנאה האבן, און כמובן אז די מערכת האט גרויסארטיגע פלענער פארן עתיד, אבער די פלענער זענען געקניפט און געבונדן מיט געלט און אז עס וועט זיין גענוג דורשין לשבח וועט מען קענען אויספירן אלע פלענער.

מען ארבעט אין די טעג אז עס זאל ווערן א אפיציעלע אויסגאבע און דאן וועט מעגליך זיין צו אויסשטעלן אטאמאטישע חודש'ליכע צאלונגען, אבער ביזדערווייל ווערט יעדער געבעטן צו באשטייערן מיט גרויסע אדער אפילו קליינע סכומים דורך די פעי-פאל אקאונט פון info@derveker.com, און פארשטייט זיך אז אלס קנאת סופרים תרבה איז זייער ראטזאם אז יעדער זאל דא מפרסם זיין זיין חודש'ליכע אונטערנעמונג אז עס זאל זיין אין די בחינה פון ממנו יראו וכן יעשו.

דא איז די ריכטיגע געלעגנהייט צו ארויסברענגען די דאנק פון די מערכת פאר הני תרי צנתרא דדהבא ידידנו [tag]רויטע וואנצעס[/tag] און ידידנו [tag]שטאפענע קאפעליטש[/tag] וואס זענען געווען די ערשטע צוויי נחשונים צו באצאלהן פאר זייער הנאה מיט א סכום שיש בו ממש וואס איז טאקע געווען א ערנסטע טרייב קראפט פאר די יעצטיגע וועקער.

גלייכצייטיג וויל איך דא קלאר מאכן אז עס גייט נישט זיין קיין שום טויש אינעם פארשפרייטונג פונעם וועקער און עס וועט ווייטער זיין צו דאונלאודן פאר גענצליך בחינם, די באצאלונג פארן וועקער וועט זיין פרייוויליג און אונז וועלן פארשטייט זיך שטופן דערצו.

דער אשכול וועט דינען פאר אלע פינאנציעלע אנגעלעגנהייטן פונעם וועקער, און פארשטייט זיך אז יעדער איז געלאדנט צו לאזן הערן זיינע מיינונגען, עס איז אונזער אויסגאבע.

[פרייוויליג]

די באצאלונג פארן וועקער וועט זיין פרייוויליג און אונז וועלן פארשטייט זיך שטופן דערצו.

איך קען מיך נישט אינטערנעמען צו פינאנצירען די גאנצע פראיעקט, אבער אשתדל זיך משתתף צו זיין אי"ה.

[א איד]

מען מעג באצאלן מיט מעשר?

[כוכב]

מיין עקספיריענס איז אז פון וויינען און קלאגן וועט גארנישט ווערן ביז איינער וועט עס נעמען אויף זיך צו זיין דער פאנדרעיזער פאר וועקער און זאמלען נדבות און חודשליכע צאלונגען.
אזוי זענען מענטשן, ווילאנג מ'קלאפט נישט אין טיר טוט מען נישט גארנישט, אבער טאמער איינער וועט נאכלויפן וועט ער זיכער זען הצלחה, איך וואלט אויך עפעס געגעבן.
מ'קען מאכן פארשידענע סיסטעמס, פאר פופציג דאלאר איז מען א ספאנסאר, אדער אפילו צוואנציג דאלאר יעדן חודש וכו'.
דאס אמאל זיכער אז אם אין קמח אין תורה און אן קיין געלט וועט דער וועקער בדרך הטבע נישט האבן קיין קיום.

[געוואלדיג]

כוכב איז גערעכט און ער איז טאקע מיין אריינטרעינער אין די ק"ש פארנדרעיזינג ליין.

[געוואלדיג]

די הנהלה האט ב"ה זייער שיין צושטייער געגעבן מיט 150$, חן חן להם.

[כוכב]

עס דארף זיין א באשימטע פרייז, א מינימום געהאלט פאר פיקאסא וכדו' און דאס זאל מען זוכן צו ערפולן מדי חודש בחודש, סתם פלענער פורחים באוויר וועט גארנישט ברענגען.

[סמבטיון]

אפשר איז כדי ארויסצושטעלן די נאמבערס מיט וואס די נדבנים זענען זיך משתתף בבחינת קנאת סופרים תרבה כסף

[געוואלדיג]

עס דארף זיין א באשימטע פרייז, א מינימום געהאלט פאר פיקאסא וכדו' און דאס זאל מען זוכן צו ערפולן מדי חודש בחודש, סתם פלענער פורחים באוויר וועט גארנישט ברענגען.

די געדאנק איז אויסגעאלטן, איך בין אבער מסופק, צו דאס מפרסם זיין איז א טובה עס קען גורם זיין אז מענטשן וועלן אנהייבן מאכן חשבונות אז מען ווערט דא רייך וכדו' אבער מצד שני אז עס איז דער ציבור'ס געלט מעגן זיי האבן א קלארע רעפארט, וצ"ע.

[קל וחומר]

עס דארף זיין א באשימטע פרייז, א מינימום געהאלט פאר פיקאסא וכדו' און דאס זאל מען זוכן צו ערפולן מדי חודש בחודש, סתם פלענער פורחים באוויר וועט גארנישט ברענגען.

מיין מיינונג איז אז לפחות פינף מאות פארן גראפיקער און פינף פאר שש, הגם דאס איז א דשאוק קעגן די ארבעט ברויך מען אנהייבן מיט עפעס וואס קען ערמעגליכט ווערן.

[Chuchem]

עס דארף זיין א באשימטע פרייז, א מינימום געהאלט פאר פיקאסא וכדו' און דאס זאל מען זוכן צו ערפולן מדי חודש בחודש, סתם פלענער פורחים באוויר וועט גארנישט ברענגען.

די געדאנק איז אויסגעאלטן, איך בין אבער מסופק, צו דאס מפרסם זיין איז א טובה עס קען גורם זיין אז מענטשן וועלן אנהייבן מאכן חשבונות אז מען ווערט דא רייך וכדו' אבער מצד שני אז עס איז דער ציבור'ס געלט מעגן זיי האבן א קלארע רעפארט, וצ"ע.

קיינמאל נישט מפרסם זיין פערזענליכע געהאלטען.
ענדערש שרייבען, א טאטאל פון די ציל, פון געלט פער חודש, און דערנאך אפערן ספאנסארשיפס פארן דעקל, ספאנסארשיפס פארן עדיטאריאל, הויפט ארטיקל וכו'.

[שטאפענע קאפעליטש]

עס דארף זיין א באשימטע פרייז, א מינימום געהאלט פאר פיקאסא וכדו' און דאס זאל מען זוכן צו ערפולן מדי חודש בחודש, סתם פלענער פורחים באוויר וועט גארנישט ברענגען.

אנטשולדיגט פארן איבער האקן אבער דער וועקער ראקט אין פולן גאלאפ אן די מערכת פון פרי עט אדער עני אנדערע יו״טדיג גליון.
כוואלט געזאגט אז מזאל לאזן געדאנקן פאר די אינגע נייע עסקנים, זיי באווייזען ווינדער.
אזוי דרייט זיך די רעדעל. משה גבאי איז היינט בכלל נישט אקטיוו אין סאטמער, די נייע קנאקערס האבן זיין מיינוג טיף אין .....

[סמבטיון]

ווארט נאר וואס גייט קומען חמשה עשר באב פון כוכב, נאכדעם עמער זעהן וואס הייסט סע ראקט.

[ליטוואק פון בודאפעסט]

מיין עקספיריענס איז אז פון וויינען און קלאגן וועט גארנישט ווערן ביז איינער וועט עס נעמען אויף זיך צו זיין דער פאנדרעיזער פאר וועקער און זאמלען נדבות און חודשליכע צאלונגען.
אזוי זענען מענטשן, ווילאנג מ'קלאפט נישט אין טיר טוט מען נישט גארנישט, אבער טאמער איינער וועט נאכלויפן וועט ער זיכער זען הצלחה, איך וואלט אויך עפעס געגעבן.
מ'קען מאכן פארשידענע סיסטעמס, פאר פופציג דאלאר איז מען א ספאנסאר, אדער אפילו צוואנציג דאלאר יעדן חודש וכו'.
דאס אמאל זיכער אז אם אין קמח אין תורה און אן קיין געלט וועט דער וועקער בדרך הטבע נישט האבן קיין קיום.

ביסט נישט אין גאנצען גערעכט. ווען מ'זעט וויינען און קרעכצען אין שטיבעל, דעמאלס ווען דער גבאי צדקה קומט קלאפען אין טיר איז מען שוין הלאב וועגס אנגעווארעמט

[קל וחומר]

כוכב איז א רוח שאינו מצויה!
פארפאלן, פאקט בלייבט פאקט.

[קלוגע יודל]

איך מיין אז מען זאל מאכן א gufundme.com בלאט, אדער א בלאט ביי thechesedfund אזוי וועט זיין א קנאת סופרים, ווען יעדער העט זעהן וואס די אנדערע געבט.

למשל ווען @קלוגע יודל וועט זעהן ווי @געוואלדיג האט געגעבן א $1000, וועט ער כאפן א ציפ און אויך מוזן געבן א שיינע סכום.

[מרדכי ישראל]

פארוואס זיכט מען נישט קיין עדווערטייזער?

[געוואלדיג]

אדרבא ברענג אדוועטייזמענט און באקומסט פראצענטן.

[טאמבל סאס]

מען מעג באצאלן מיט מעשר?

100%. עלי ועל צווארי.

אלי ואל צווארי מעגסטע

[געוואלדיג]

וואו געפונט זיך דיין האלז?

[געוואלדיג]

מורי ורבותי, דער וועקער 5 חודש אלול גייט שוין אט אט צום דרוק אבער דער גאנצער וועקער איז תלוי ועומד, ב"ה מען האט דעליווערט סחורה און נאך ווי די לעצטע 4 חדשים ועוד היד נטויה אבער דערווייל איז די דיני ממונות היבש שוואך און אזוי איז זייער שווער צו אנהאלטן די אונטערנעמונג אויף נאך א לאנגע צייט, אונז אפעלירן צו אונזערע ידידים אחים לדעה וואס פאדערן כסדר צו טוהן למעשה "החלצו חושים",

[center]איך פראקלעמיר דא א פינאנצן דרייוו, עס זאל ביז ר"ח אלול אריין קומען צו די מערכת 700$[/center]

צו געבן די ריכטיגע בוסט אז די חברי המערכת זענען נישט אליין, רופט אייך אן ווארעם

שיקט אריין אייער חלק צו די פעיפאל אקאונט info@derveker.com

[געוואלדיג]

ב"ה דער עולם האט זיך ווארעם אנגערופן צום פינאנצן דרייוו, א דאנק פאר אלע משתתפים, און א ספעציעלע דאנק פאר אחד מבני החבורה החשובים וואס איך האב איהם נישט געפרעגט אויב איך מעג פאבליצירין זיין נאמען וואס האט זיך משתתף געווען מיט גאר גאר א שיינע סכום תשוחח"ל.

רבותי אונז דארפן יעצא נישט מער ווי נאך 375$ צו אנקומען צו אונזער ציהל, אונז קענען דאס באווייזן ביז זונטאג נאכט.

דארפסט נישט געבן א גרויסע נתינה נאר ווי דו באצאלסט פאר די שטערן און שפאקטיוו, 5$ אדער 20$, פרוטה לפרוטה מצטרפת.

[יב הלוי סאלאווייטשיק]

איך דערהייב נישט דאס קליינלעכקייט פין די קאמפיין
מפראקלעמירט א דרייוו פין $700..
ומבדאנקט זיך פאר איינעם וואס האט זיך אנגעריפן ׳גאר גאר א גרויסע סכום מיט א ברכה פין תשוחח״ל..
און אין די נעקסטע שורה וויינט מען אז מדארף ׳נאר׳ $375...
איי קאד אימעדזשן די גאר גאר גרויסע סכום יענער נגיד האט געגעבן...
קאמ אן..! אינז זעמר עפעס בחורימ׳לך אין ישיבה..?
אינז זעמיר פעסטע עמעזאן/jet יונגעלייט אינז דרייון שיינע מיניווענס,,
אזא קליינלעךקייט רעדט עפעס נישט צי אינז...