גוט מארגן, וואס מאכט איהר

[mevakesh]

איך האב לעצטנס געהאט א קרוב מיינער פון מאנסי צו גאסט אויף שבת,
אויפן וועג אהיים פון שוהל האב איך באמערקט ווי ער האלט און איין גריסן מענטשן מיט א ווארימע גוט שבת, קודם האב איך געטראכט זעהט אויס אז ער איז גאר א פאפולערע פיגור אז ער קען זיך מיט אזויפיל מענטשן, אבער נאך א מינוט האב איך געזעהן אז ניין ער קען נישט קיינעם, נאר ווען ער זעהט א יוד גריסט ער איהם פשוט מיט א געשמאק. לויט ווי עס האט אויסגעקוקט האט ער הנאה געהאט פון דעם, און די באגריסטע האבן איהם גארנישט וויי געטוהן, און א גרויסע עולם האט גאר ווארעמערהייט צוריק געגריסט מיט געשמאק. בלויז א טייל האבן איהם אנגעקוקט קאלט, פרובירענדיג זיך צו דערמאנען פון ווי זיי קענען איהם.

ביי מענטשן אין אלגעמיין קוקט מען אהן גריסן אלס א זאך וואס מען טוהט אלס מענטשליכקייט, אז מען טרעפט איינעם וואס מען קען איז נישט שיין אז מען מאכט זיך נישט וויסנדיג, ממילא גריסט מען.
אבער דער אמת איז אז גריסן האט גאר אן אנדערע טיפערע באדייט,
דער מענטש איז א סאציאלע באשעפעניש, ער וויל נישט לעבן אליין, און ווען ער לעבט אליין איז דא א חלק אין איהם וואס איז נישט לעבעדיג, מען קען זאגן עס איז ממש אין א קאומע.

דער מענטש לעכצט צו קומען אין באריהרונג מיט אנדערע, צו איז דאס געפיהליש אדער אפילו פיזיש ממש (אין די אלגעמיינע גאס איז א hug א נארמאלע ערשיינונג, נאר אין די חסידישע געזעלשאפט איז דאס א טאבו, מן הסתם איז עס געווארען צוליב קדושה ואכמ"ל)
ווען מען טרעפט א מענטש אויפן גאס איז דא א וועג זיך צו באהעפטן מיט איהם אויף א פאסיגע אופן, און דורך גריסן יענעם איז דא א באהעפטונג מיט א צווייטען, און דער סאציאלע חלק אינעם מענטש לעבט אויף און מען נעמט ממש חיות דערפון.

ליידער די וואס וואוינען אין שטאט געניסן נישט אזוי שטארק פון דעם ווייל אין שטאט איז דא אזא נערישע געוואוינהייט אז מען גריסט נישט סתם א צווייטען און דאס איז נישט דוקא צווישען יודן נאר אפילו ווען מען גייט אויפן באן הערשט אויך אזא טויטע שטילקייט ווי קיינער באמערקט גארנישט אז א צווייטער עקזיסטירט (מען קען אביסל פארשטיין וויאזוי דאס איז געווארען ווייל מען איז אין א גרויסע שטאט און מען טרעפט אלע ערליי מענטשן ממילא היט מען שטארק אויפן אינווידואלען לעבן אבער עס איז גענומען צו גאר א שטארקע עקסטרעם)

אבער עס דארף נישט אזוי זיין, מיר קענען עס טוישען, מיר קענען אנהייבן גריסן מענטשן און און זיך באהעפטן מיט אנדערע, אזוי וועלן מיר באקומען חיות און אנדערע וועלן האבן די געלעגנהייט צו נעמען די חיות, אבער שאטן וועט דאס פאר קיינעם נישט.

אלזא מיינע פריינד גוט מארגען און האטס א וואונדערבארע טאג!

[רויטע וואנצעס]

אזא פרישע אשכול! אהה!

איך פיהר זיך צו גריסן כסדר און ס'גיבט יענעם און מיר א שטיק חיות. כ'האב שוין אנגעטראפן גאר אינטערעסאנטע מענטשן וואס האט זיך אנגעהויבן מיט א פשוטע גריס.

בדרך אגב, לעצטענס בין איך געווען אין באלטימאר אויף שבת און ס'איז נישט געווען א מאן צו פרוי וואס זאל מיר נישט באגריסן מיט א פריינטליכע גוט שבת.

[קאמענטירער]

שקויעך פארן מיר דערמאנען הער @מבקש, איך וויל דיר באגריסען מיט א גוט מארגן פאר דיין פרישען אשכול!

בנוגע גריסן אין די שטאט, מדארף עס נישט אנקוקען אזוי נעגעטיוו, וואס ווילסטו איך זאל גריסן יעדע פארבייגער? מיין קורצע וועג צום ביהמ''ד וועט נעמען לכה''פ אן עקסטערע 15 מינוט, וויזאוי זאל איך מיר מאכן צייט צו גריסן יעדעם איינעם? אין מאנסי טאקע, איז מער שיטערער באוואוינט איז שייך צו גריסן יעדע פארבייגייער.

איך בין טאקע נייגעריג וואס טוט זיך אין די סעקולארער וועלט גריסט מען זיך סתם צוויי פרעמדע מענטשען?

[ליפא]

אין ווילי איז גוט מארגן א קאנטרעווערשעל סטעיטמענט זייט גוט מארגן קומט ארויס דורך א קר'י חסיד קעגן דעם בלעטל דבר יום פון ווילי חסיד. מער ארונים גריסן טאקע גוט מארגן, זל''ס מאכן זיך נישט וויסענדיג. ערנסט גערעדט אבער קען זיין אז גריסן האט נישט מיט'ן מענטש אלס זאציאלע באשעפעניש ווי מיטן קולטור פונעם פלאץ שטאט לאנד. אין נארוועגיע למשל גריסט מען זיך נישט איינער דעם צווייטן חוץ באקאנטע, ווער יא איז קאנסידערט א משוגענער און פרייוועסי פארלעצער.

[mevakesh]

קאמענטירער קודם כל איך וויל נישט גארנישט איך האב סך הכל ארויסגעברענגט א רעיון און איהר זענט פריי צו טוהן וויאזוי איהר פארשטייט
און אויף דעם אז מען קען נישט גריסן יעדעם איז נישט אינגאנצן ריכטיג ווער עס באגעגנט רבי שמען יואל וויינבערגער סקולענע רביןס איידעם זעהט דאס בחוש
חוץ פון דעם מען דארף נישט ממש גריסען יעדע מענטש וואס מען זעהט פון א האלבע גאס אוועק אבער ווען מען גייט אדורך איינעם פנים אל פנים קען מען גריסען אנשטאט זיך מאכן ווי מען זעהט יענעם נישט

[moshav zekeinim]

איך פלעג אמאל אויך זעהן בלויז דער פאזאטיווער חלק פון גריסן. מען פלעגט זאגן אז שבת ווען מען גייט פון פלאטבוש קיין בארא פארק, אז דו זעסט אז מען גריסט נישט גוט שבת ווייסטו אז דו ביסט שוין אין בארא פארק...
ווי ווייט מען גריסט זיך אין פלעטבוש ווייס איך נישט, אבער בכל אופן איז עס נישט קיין יאכנע שטאט, און גריסן אין אזא פלאץ קען בלויז פארטייטש ווערן פאזעטיוו.
אבער ווען עס קומען ניו סקעווער אידן אדער אידן פון אנטווערפן דער עיר הבירה פון יכנאות, און זיי טוען זיך אויף מיט זייער גריסעריי, גיוו מי עי ברעיק.

[mevakesh]

איך פלעג אמאל אויך זעהן בלויז דער פאזאטיווער חלק פון גריסן. מען פלעגט זאגן אז שבת ווען מען גייט פון פלאטבוש קיין בארא פארק, אז דו זעסט אז מען גריסט נישט גוט שבת ווייסטו אז דו ביסט שוין אין בארא פארק...
ווי ווייט מען גריסט זיך אין פלעטבוש ווייס איך נישט, אבער בכל אופן איז עס נישט קיין יאכנע שטאט, און גריסן אין אזא פלאץ קען בלויז פארטייטש ווערן פאזעטיוו.
אבער ווען עס קומען ניו סקעווער אידן אדער אידן פון אנטווערפן דער עיר הבירה פון יכנאות, און זיי טוען זיך אויף מיט זייער גריסעריי, גיוו מי עי ברעיק.

דער נידון דא איז נישט פארוואס יענער גריסט מיר נאר פארוואס איך זאל גריסן יענעם ודו"ק היטב

[אייז קריעם]

אינטערעסאנט אז עס מאכט זיך און בארא פארק גאנץ אפט אז מען גריסט איינעם און יענער פשוט גריסט נישט צוריק, אדער גריסט ער צוריק אזוי ווי עס וואלט געווען תשעה באב צופרי אזא "כמו גריסן".

משא"כ און מאנסי וועם אימער די גריסט באקומסטו צוריק א געהעריגע גריסן.

קען זיין ישיבת כרכים קשה און מענטשן זענען מער ביזי.

[רויטע וואנצעס]

אין בארא פארק איז יענער אלעמאל חושד, אז דו ביסט דער שגץ וואס האט נעכטן געבלאקט זיין דרייוועי.

[mevakesh]

איך האב געהאט א חבר וואס אהיימגייענדיג שבת צופריא פון שוהל כטוב לבו ביין או ביי"ש פלעגט ער דוקא גריסען יעדעם איינעם און הנאה האבן ווי מענטשן ווערן צומישט און פרובירן צו דערגיין פון ווי מען קען יענעם....

[mevakesh]

uploadfromtaptalk1474460937235.jpg

היינט צופריא האב איך באמערקט די עד און דאס איז תורת ניו יורק על רגל אחת

[איש עברי]

https://www.ted.com/talks/kio_stark_why ... anguage=en

[ליטוואק פון בודאפעסט]

א חוצפה צו זאגען א מענטש א גוט מארגען! וויאזוי האסטו א רעכט צו זאגען א צווייטען וואס צו טוהן מיט זיין טאג?!
און טאמער ס'איז סתם אן עצה טובה, וויסען זאלסטו אז אטמגעבעטענע עצות קומען פונ'ם ס"ם, כידוע פון רבי'ן פון לובלין

[סלינקי]

viewtopic.php?t=4904

Sent from my SM-G920V using Tapatalk