פארוואס נאר אידן זענען באזארגט איבער דעם יום הדין, ר"ה

[berlbalaguleh]

זאגנדיג די תפילות און פיוטים פון היום הרת עולם און ...ועל המדינות בו ייאמר, איזו לחרב, ואיזו לרעב. אויך אין ונתנה תוקף וואו ס'שטייט ...מי בחרב, מי בחיה, מי ברעב, ומי במגפה...דעם פארגאנגענעם יו"ט, האביך אזוי אריינגעטראכט אז די אלע אויסגערעכנטע מצבים טוען דאך אפעקטירן די גאנצע וועלט. נישט נאר אידן. אלע ברואים פון די וועלט. אפגעזעהן פון רעליגיע אדער ראסע. פארוואס זעהט מען נישט אדער מ'הערט פון א באוועגונג אדער לכה"פ א גרויפ פון מענטשן וועלכע זאללן זיין באזארגט איבער דעם גורל פון די מענטשהייט אין דעם קומענדיגן יאר. און דאס איז דאך א באשטעטיגטער פאקט אז די אלע פענאמענאלע געשעענישן זענען דאך אויף א גלאבאלן פארנעם. די ערדציטערנישן אין איטאליע, טערקיי אדער איראן. די פארפלייצונגען און צונאמי'ס אין טאילאנד און אויך אין די פאראייניגטע שטאטן. ס'זענען דא געוויסע סטעיטס וועלכע ליידן דאס גאנצע קיילעכיגע יאר אדער גאר די לעצטע 2 יאר פון שטענדיגע פארפלייצונגען. און טויזנטער מענטשנ'ס לעבן איז איינגעשטעלט. איז מיר א גרויסע פלא אז קיינער. ממש קיינער, אויסער די אידן זענען באזארגט איבער דעם מצב פון די וועלט אין דעם בעפארשטייענדן יאר...!
ווער ס'ווייסט פון א לאנד, שטאט, באוועגונג אדער גרופ פון די אלגעמיינע וועלט'ס באפעלקערונג וועלכע ווייזן ארויס זארג, אדער ארגאניזירן א יום תפילה אין די 2 טעג פון ר"ה, זאלל עס ביטע אהערברענגען אדער לינקן צו די אינפארמאציע.
אויך. ווער ס'קען אפשר מסביר זיין א מאטיוו פארוואס דאס איז אזוי, ווערט געבעטן צו שרייבן און קלאר מאכן דעם אינטרעסאנטן מצב...!