שומר שפשע בשמירתו – די טריפה'נע 'שומרים' קארטלעך (וועקער #5)

[[NAMELESS]]

[center]שומר שפשע בשמירתו – די טריפה'נע 'שומרים' קארטלעך[/center]
[left]פון: שטילע אינגערמאן[/left]


מיין טייער לעכטיג קינד, תנחום'ל שיחי'.

א ביטערע טראגעדיע איז געקומען אויף אונז, אידן חיות רעות טוען אלע מיטלען אוועקצוכאפן אונזערע קינדער פון אונזערע הענט, זיי ווילן אויסלערנען אונזערע קינדער שלעכטע מידות, אפצו'חוזק'ן פון די עשרת הדברות, אין אפשפעטן פון די עלטערן.

אונזער פליכט איז אויסצולערנען אונזערע צאן קדשים דרך ארץ, מדות טובות, תורה, עבודה, וגמ״ח.

אבער ס׳דרייען זיך ארום נישט געזונטע מענטשן, און קומען דורך אלע מיני מיטלען און לערנען אויס פאר אונזערע קינדער דייקא שלעכטע און ווילדע מדות.

למשל: אז דיין טאטע איז נישט דיין עכטע טאטע, אדער דיין טאטע איז באמת א בהמה, אדער באמת איז דיין טאטע א שוואכע מענטש, ער קען זיך נישט אנהאלטן די תאוות ח״ו א.א.וו.
[center]

מינעוועט אונטער די רעספעקט פאר עלטערן.jpg

א חינוך פאר חוצפה און השחתה.jpg

[/center]
[center]***[/center]

אבער תנחום טייערע, וויסן זאלסטו דעם אמת, דיין טאטע איז אן ערליכער יונגערמאן, ער טוט וואס דער אויבערשטער הייסט, און טוט וואס חסיד'ישע ספרים הייסן.

דו זעסט יעדן אינדערפרי, ווען דו שטייסט אויף 7 אזייגער, אז טאטי איז שוין נישטא, דאס איז ווייל טאטי האט א חברותא פארטאגס.

נאכדעם גייט טאטי דאווענען פון אדון עולם ביז אדון עולם ערליך, אן ארויסקוקן פון סידור.

נאכדעם גייט טאטי אין די ארבעט, און זיצט אויף א געפילטערטע קאמפיוטער, און ארבעט שווער כדי צו קענען צאלן דיין שכר לימוד, און דיר צו קויפן עסן און קליידער.

טאטי גייט אוועק פון די ארבעט זייער מיד, אבער ערשט מאכט טאטי א סטאפ אין ביהמ״ד צו דאווענען מנחה.

טאטי קומט אהיים שוואך, אבער טאטע האט כח צו לערנען מיט דיר דיין חומש און משניות.

בעפאר דו גייסט שלאפן זעסטו אייביג אז טאטי גייט אוועק, דו ווייסט ווי איך גיי? כ'גיי נאכאמאל אין שול לערנען.

[center]***[/center]

תנחום טייערע, זיידי האט מיר נישט געדארפט זאגן דאס אלס. ווייל ווען טאטי איז געווען א יונגל, האט זיידי נאר דעדארפט אנזאגן וועגן שלעכטע חברים, אדער גוים, אדער strangers.

אבער תנחום׳ל, היינט איז אנדערש. ב״ה מ'וואוינט נישט צווישן גוים, ב״ה שלעכטע מענטשן טראכטן שוין צוויי מאל בעפאר'ן צוקומען צו דיר מיט שמוציגע מחשבות, אבער היינט איז דא א נייע מכה, היינט קענען זיך דרייען מענטשן מיט ברייטע הוטן און בעקיטשעס אין די וואכן, און פון זיי דארף מען מער מורא האבן ווי פון דאס טויט.

זיי ווילן דיר זאגן אז טאטי איז ח״ו נישט ערליך, ווייל טאטי דארף ארבעטן.

אבער דו פארשטייסט אז טאטי מוז ארבעטן כדי אהיימצוברענגען פרנסה, דו פארשטייסט אז טאטי דארף צאלן רענט און שכר לימוד יעדע חודש, אמת?

טאטי קען נישט זיצן א גאנצע טאג אין ביהמ״ד, און פירן קופקעס אין מאכן ליצנות פון מענטשן, און מאכן געלט דערפון, ווייל טאטע איז נישט אויף פעי-ראלל אזויווי אנדערע.

[center]***[/center]

אה תנחום, געדענקסט נאך ווען ביסט געווען ביים ציין דאקטער, און דעמאלס האב איך דיר גענומען צו דאווענען אין שוהל 12 אזייגער?

געדענקסט אז כ'האב דיר דעמאלטס געזאגט, אז איך האב נאכנישט געדאווענט אזוי שפעט פאר צען יאר?

געדענקסט אז דארט איז געווען א פאני מענטש? יעדער האט געלאכט ווען ער האט געזאגט אז אלע טאטעס זענען מחללי שבת?

די סארט מענטשן דארף מען נאר גריסן, און ח״ו זיך נישט אפשטעלן.

ער זעט טאקע אויס ענליך צום רב, אבער דו ביסט א קלוג יונגל, לאז דיך נישט נארן פון זיין לבוש, טאמער וועסטו גוט קוקן וועסטו תיכף זעהן א חילוק צווישן אים מיטן דיין שליט"א, אפילו ביידע גייען מיט א בעקיטשע.

געדענקסט אז כ'האב דיר אמאל געזאגט, אז דער דיין איז אן איידעלער איד וואס דאוונט יעדן טאג מיט א מנין קבוע, ער קומט אריין אין ביהמ״ד מיט אן איידלקייט, ער האט זיך זיין מקום קבוע, ער רעדט נישט קיין עקסטערע ווערטער, ער איז אן ערענסטער מענטש, און ער שרייט נישט אין אזא הייליג פלאץ ווי א ביהמ״ד.

אבער די אנדערע סארט מענטשן קומען אלס זייער שפעט אין ביהמ״ד, זיי קומען אריין מיט א צולאזטקייט, אנגעטון שמוציג, לאכן זייער נישט איידל, שרייען אינמיטן דאוונען, ווארפן ארום נארישע קונטרסים מיט סי.די.'ס, און זענען זיך מתחצף צו עלטערע מענטשן.

[center]***[/center]

תנחום, קוק פונדערווייטענס, וועסט זיכער תיכף זען א גרויסע חילוק צווישן זיי, אבער מ׳דארף פארט זייער אכטונג געבן: נישט בעטן צו קראסן די גאס, נישט פרעגן וויפיל אזייגער ס'איז, און טאמער וויל ער געבן א קענדי אדער א ביזנעס קארטל זאלסטו עס ח״ו נישט נעמען.

טאמער ווילסטו שטארק שפילן קארטלעך קענסטו שפילן "ברכות" קארטלעך, דאס וועט דיר אויסלערנען וואספארא פירות זענען פון די שבעת המינים, וואס איז א 'העץ', אין וואס איז א 'האדמה'. אדער קענסטו שפילן די "כיבוד אב" קארטלעך, ווי וויכטיג ס'איז צו פאלגן א טאטע. אזוי וועסטו ארויסקומען מיט עפעס ווערטפול פון די שפיל.

די היינטיגע קארטלעך, סיי די שומרים קארטלעך וואס לערנט חוצפה, אין סיי די מעמבער קארטלעך וואס לערנט נארישקייטן, איז נישט צוגעפאסט פאר אזא איידעלע יונגל ווי דיר, און ס'איז נישט צוגעפאסט פאר אונזער משפחה.
[center]

ארייננעמען קינדער אין אן ארגאניזאציע צו האקן אויף די עלטערן.jpg

[/center]
פאר דיר פאסט צו וויסן, אז כיבוד אב איז פון די עשרת הדברות וואס איז געזאגט געווארן ביים בארג סיני, און חוזק צו מאכן פון א טאטע ווייל ער ארבעט שווער, איז נישט איידל.


תנחום געדענק: קיינער האט דיר נישט ליב ווי דיין טאטע, און קיינער מיינט נישט דיין טובה אזויווי דיין טאטע!


[left]החותם בדמעות שליש וברגשי אהבה,
דער וואס זארגט זיך עכט פאר דיין צוקונפט,
דיין ליבליכע טאטע[/left]

[פישי]

אוי ווי ריכטיג די זאגסט!

[פליקער]

תנחום טייערע איך בין טאקע נישט דיין טאטע, אבער דאך צוגייט מיין הארץ פאר דיר, וויסער זאלסטו אז איך האב דעם זעלבען פראבלעם מיט מיינע קיהדער, און איך קען פילע אנדערע קינדער און אנדערע טאטע'ס גענוי ווי דיין טאטע, און אלע אינאיינעם הייבען הענט צים גרויסן בראך, אבער וויסען זאלסטו אז אפילו היינט ביזטו נאך קליין, עס וועט נאך קומען א צייט ווען דו וועסט ווערן גרויס וועט אלעס קליפ און קלאר ווערן.

[שושן פורים]

איך האב קודם געלייקט אבער גלייך צוריקגעצויגן, צו וואס זאל [tag]אדנירם[/tag] באקומען א לייק אויף שטילע'ס ארטיקל? ?
[tag]שטילע אינגערמאן[/tag] וואו ביסטו? איך וויל אייך לייקן

[[NAMELESS]]

אדנירם איז זיין יורש

[ווייל אזוי]

אז מ'רעדט שוין:
האב איך היינט רעדנדיג צו קינדער זיי מסביר געווען אז ס'האט נישט קיין פשט צו נאכשרייען עלטערע מענטשען, איך האב דערמאנט די ברכות קארטלעך וואס פלעגט זיין און זיי געפרעגט אויב ווען דו זעהסט איינעם מאכן א האדמה אויף א העץ צו וועסטו איהם אויך צייגן די ברכה קארטעל......

איך האב זיי זייער שיין מסביר געווען און איך מיין אז זיי האבן פארשטאנען.

[שמעקעדיג]

תנחום טייערע איך בין טאקע נישט דיין טאטע, אבער דאך צוגייט מיין הארץ פאר דיר, וויסער זאלסטו אז איך האב דעם זעלבען פראבלעם מיט מיינע קיהדער, און איך קען פילע אנדערע קינדער און אנדערע טאטע'ס גענוי ווי דיין טאטע, און אלע אינאיינעם הייבען הענט צים גרויסן בראך, אבער וויסען זאלסטו אז אפילו היינט ביזטו נאך קליין, עס וועט נאך קומען א צייט ווען דו וועסט ווערן גרויס וועט אלעס קליפ און קלאר ווערן.

תנחום, קוק נאר פליקערס חתימה וועסטו פארשטיין.

[פליקער]

תנחום טייערע איך בין טאקע נישט דיין טאטע, אבער דאך צוגייט מיין הארץ פאר דיר, וויסער זאלסטו אז איך האב דעם זעלבען פראבלעם מיט מיינע קיהדער, און איך קען פילע אנדערע קינדער און אנדערע טאטע'ס גענוי ווי דיין טאטע, און אלע אינאיינעם הייבען הענט צים גרויסן בראך, אבער וויסען זאלסטו אז אפילו היינט ביזטו נאך קליין, עס וועט נאך קומען א צייט ווען דו וועסט ווערן גרויס וועט אלעס קליפ און קלאר ווערן.

תנחום, קוק נאר פליקערס חתימה וועסטו פארשטיין.

איך האף דו מיינסט נישט מיין חתימה פון די קענסער סעריע.. עניוועי א חתימה טובה

[בלויע רעקל]

ווילסט עפעס טוען דערצו?

די עסקנים האבן זיך באהאלטן אונטערן שלייער, איך האב א גוטע עצה...

אפשר האמיר דא געניטע דעזיינערס און מיר וועלן פארפלייצן די גאס מיט אונזערע קארטלעך

איך קען נישט די מלאכה אזוי גוט איז די bleed נישט אזוי אזוי, אבער נאדיר, דא האסטו קארטלעך וואס דו קענסט פארשפרייטן אנאנים.

דארפסט עס דרוקן אויף די זעלבע פאפיר ווי זיי, דוכט זיך אז עס איז 16pt glossy עס קאסט נישט קיין סאך צו באשטעלן אונליין און ווארפן אין די שולן....

דא האסטו א פראנט

http://imgur.com/H19VBtb

דא האסטו איין בעק

http://imgur.com/cBzkr9b

און נאדיר נאך איין בעק

http://imgur.com/MOwscN3

http://imgur.com/a/znsO9

[ביבער]

די איידיע איז אייזן. איך וואלט רעקאמענדירט עס זאל שטיין סתם פילטער, נישט קיין גדר, משומר, אדער סיי וועלכע טערראר ארג.

נאך מעגליכע Themes פאר קארטלעך:

כיבוד אב
כיבוד הבריות
היטן פון פעדאפיילס
משא ומתן באמונה
עיוות הדין
שוחד
ערכאות עכו"ם
תורה עם דרך ארץ
חילול השם
גניבת עכו"ם

[ביבער]

איך האב דעם יו"ט איבערגעהערט 2 אינגלעך זיך טענה'ן וועגן סמארטפאונס, איינער רופט זיך אן, די קארטלעך זענען טריפה מיין טאטע האט א גאנצע ביאור אינדערהיים פון דעם...

[בלויע רעקל]

מען דארף דאס פארשפרייטן אויף די וואטסאפפ גרופעס, איך האב נישט קיין צוטריט..

און ביבער, די סיבה פארוואס איך האב געשריבן משומר און גדר איז ווייל דאס איז בהוראת אונזערע אדמורים, און די עסקנים מיט די טעראריסטן האבן נישט קיין תירוץ דערפאר... זיי קענען נישט שרייען די זענען טמנע קארטלעך, ווען עס האט א לאגא מיט א טעלעפאן נאמבער פון א סאטמארע קאמפאני...

[ליטוואק פון בודאפעסט]

[tag]ביבער[/tag], דו מיינסט גניבת עכו"ם אדער גבינת עכו"ם, צוויי ערליי איסורים.

[יהושע חיים]

איך ווייס נישט וועלכע אויסגאבע דאס איז אבער עס איז שיין און איידל ארויסצוברענגן די חורבן פון די קארטלעך

[שמעקעדיג]

וירא שמעקעדיג כי טוב, ס'איז גוט אז מען נעמט די דרייסטקייט אפצושרייען די עקסטרעמע משוגעים.

די וואך אינעם מאמענט איז דא א אינטערוויאו מיט א חשוב'ן מלמד, פון 2 תשובות האט איך ספעציעל הנאה געהאט, ערשטנס וואס איז זיין מיינונג אויף די שומרים קארטלעך? זאגט ער אז ס'איז איבערגעטריבן; והשנית וועגן עדיוקעישאן, טענה'ט ער אז מען דארף מער לערנען די יונגלעך און בחורים אפילו קאמפיוטערס, ווייל למעשה זענען זיי די וואס גייען ברענגען פרנסה כל ימי חייהם און נישט די מיידלעך, ממילא פארוואס ביי די מיידלעך איז מען זיך מורה היתר אבער ביי די אינגלעך איז מען נישט מקיים דעם מלמדו אומנות.

כה לחי.

[קרעקער]

דער פראבלעם איז אז אפילי די קינדער שפילען מיט די קארטלעך האלטען זיי עס פאר א זשאוק
איך האב דע וואך געלערענט שבת אין שוהל נאכמיטאג און 2 קינדער לעבען מיר האבען געשפילט מיט שומרים קארטלעך און כהאב מיך ציגעהערט צו זייער שמועס
זאגט איין יונגעל אז ביי זיין קלאס האט א יונגעל אלע קארטלעך נאר נאמבער 99 פעלט עם, רופט זיך אהן דע אנדערע יונגעל אז ווען ער גייט האבען אלע וואסערע פרייז גייט ער באקומען? ענפערט דע ערשטע יונגעל א סמארטפאן, און זיי ביידע האבען אויסגעשאסען אין געלעכטער

[גרויסע מענטשעלע]

ווילסט עפעס טוען דערצו?

די עסקנים האבן זיך באהאלטן אונטערן שלייער, איך האב א גוטע עצה...

אפשר האמיר דא געניטע דעזיינערס און מיר וועלן פארפלייצן די גאס מיט אונזערע קארטלעך

איך קען נישט די מלאכה אזוי גוט איז די bleed נישט אזוי אזוי, אבער נאדיר, דא האסטו קארטלעך וואס דו קענסט פארשפרייטן אנאנים.

דארפסט עס דרוקן אויף די זעלבע פאפיר ווי זיי, דוכט זיך אז עס איז 16pt glossy עס קאסט נישט קיין סאך צו באשטעלן אונליין און ווארפן אין די שולן....

דא האסטו א פראנט

http://imgur.com/H19VBtb

דא האסטו איין בעק

http://imgur.com/cBzkr9b

און נאדיר נאך איין בעק

http://imgur.com/MOwscN3

http://imgur.com/a/znsO9

כגיי פארדעם געדאנק ווער נעמט זיך אינטער צו פארשפרייטן

[[NAMELESS]]

קוקט אויס דער ארטיקל האט געשלאגן ווארצלן, די שומרים חברה לויפן יעצט ארום ווי פאר'סמ'טע מייז צו נעמען הסכמות פון רבנים.
https://t.co/pjGXQwNscj

[שמעקעדיג]

"ונוחכה"? אה, ס'איז דאך בלתי מוגה.
אבער באמת איז דער גאנצער קונטרס בלתי מוגה, ביג טיים!
אזוינע קרומע סברות! וויפיל שטותים יענער רעדט צוזאם! וואלט איך געהאט אביסל צייט וואלט איך צונומען יעדן פארגראף און געמאכט דערפון מטעמים.
יעדער בעל דעת זעהט אז יענער האט אן אגענדע און מיינט בכלל נישט קיין באשעפער, וויל נישט זעהן דעם מציאות.

[שמעקעדיג]

אויף אייוועלט צייכענט ער צו נאך א לינק פון הסכמות פון געציילטע (מערסט-עקסטרעמיסטישע) רבנים

https://www.dropbox.com/s/5x9ddxqc2jc8h ... A.pdf?dl=0

אויפן דאטום קען מען זעהן אז דאס איז נארוואס לעצטנס גע'חתמ'עט געווארן.
זעהט אויס אז די עקסטרעמיסטן האבן געשריבן "בהסכמת הרבנים הגאונים" על שם העתיד.

[[NAMELESS]]

הרב שמעקעדיג, כ'האב בטעות געהאט געלייגט די אנדערע לינק פון זיי, שוין פאראכטן.

[שמעקעדיג]

דו מיינסט דעם גליון "לכו נא ונוחכה".....
https://www.dropbox.com/s/oeijzkmgkjssb ... 4.pdf?dl=0

[פליקער]

ר' מנחם מאיר ווייסמאנדעל איז הייס פאר די שומרים קארטלעך