ער האט אפגעשייגעצט!

[דבילה]

לעצטענס האט פאסירט אז א היימישע אינגערמאן האט מחליט געווען גענוק איז גענוק, 'ך גיי מיר צו אלע שווארצע יאר. גענוק געווען מיט מיין רעליגעזן לעבן וואס דערויף האביך מיר געהאדעוועט, לא מדובשך ולא מעוקצך.

מיר אינטרעסירט שטארק דער מעשה פון דעם אינגערמאן פונקט אזוי שטארק ווי סיי וועלכע גאססיפ וואסיך הער אין די חרד'ישע קאמיוניטי, ווי נישט האמיר דעך נישט ספארטס, און פון רביס צו רעדן כאפט דעך אן עקל, שוין, זאל זיין דעם אינגערמאן אויפ'ן צימבל. ווי נישט איז שוין אויף דעם אינגערמאן געווען אן אשכול וואס די הנהלה האט אפגעשפארט צוליב'ן פאקט אז דאס טוט אדורך א פריוואטן מענטשנ'ס לעבן און ווי 'ך פארשטיי האט דעך דעם בלאג אן אינטערעסע צו מאריך ימים זיין און אונטער דרואינג פון לאסוטס 'עטעס נישט טויגן. אבער דאך איז דא א וויכטיגע שמועס וואס ווערט דא פארלוירן.

דער אינגערמאן האט דעם טיר אויף ארויס נישט גע'עפנט, און ווי ס'שיינט האט ער ווייט ווייט פון פארשפארט דעם טיר הונטער זיך. ער האט געלאזט דעם טיר ברייט אפן פאר ווער ס'וויל עם נאכקומען, און נישט נאר האט ער געלאזט דעם טיר ברייט אפען, נאר מיט יעדן איינעם וואס גייט עם דורך וואקסט ער גרעסער און גרעסער. ממילא איז דאס א פענאמענאן וואס פארלאנגט זיך צוצולייגן דערצו אביסל קאפ.

דער שאינו יודע לשאול שטעלט זיך אפ געפלעפט. ער ווייסט נישט. עפעס האט עם געמוזט האבן שלעכט געווען אין שלום בית. וכו' וכו'. דער תם פרעגט שוין יא. פעלט דען עפעס אונטער'ן מאמע'ס פארטוך? פארוואס? וואס איז עם יעצט בעסער. האט ער דען ביז יעצט נישט געקענט טון וואס ער וויל? דער וואס איז גענויגט צו רשעות 'עט פרעגן אנדערש. וואס אינטרעסירט אונז אז דער אפיקורס גייט. ברוך שפטרנו מענשו שלזה! וויפול אידן האט ער מכשיל געווען מיט שאלות פון ברכות לבטלות אלץ צירוף למנין, יין נסך, און ווער ווייסט צו ער איז נישט צומאל געווען עפעס אן עדי קידושין אונטער די חופה. געלויבט דער פון אויבן וואס איז מבער קוצים מן הכרם. דער אנטלאפענע אידעך נישט מער און נישט ווייניגער נאר פון דער יעניגער ערב רב וואס דער קאמארנע ווארנט שוין אין נאמען פונ'ם בעש"ט אז פאר משיח'ס קומען 'עלען זיי זיך מערען ווי די פליגן.

וכאן החכם שואל, וואס איז באמת דאס וואס שטופט אזוין אינגערמאן אויף ארויס? איז דאס מעגליך בכלל אז א אינגערמאן זאל גיין נאר פאר מאראלישע סיבות צ"ב נישט וועלן לעבן א דאפעלטע לעבן וכו'? אדער אפשר ווייל ער פילט זיך געבינדן צו זאכן וואס זענען קעגן זיין געוויסן צ"ב ברית מילה, חתונה מאכן אומרייפע קינדערלעך, לעבן מיט גניבה וכו'? אדער אפשר איז נישט במציאות אז א אינגערמאן זאל אזוינס האבן אויפ'ן געוויסן. ס'איז בלויז תאוה תאוה תאוה - אזוי ווי יענע ראש ישיבה \ רבי (פיל אין דהע בלענקס) האט געזאגט, נישט דא קיין אפיקורסים – נאר בעלי תאוה!

אין די שאלה איבער אלע שאלות, וואס ווילן מיר באמת? א אינגערמאן מיט שאלות אין אמונה, חוץ פון דעם וואס מיר ווילן ער זאל זיך איבערצייגן אין די אייניגקייט פון גאט, די הויכקייט פון כלל ישראל, און תורה מסיני, ווילן מיר אז ביז ער ווערט איבערצייגט זאל ער זיך ארויסציען פון אונזער געמיינדע? ווילן מיר ער זאל שווייגן און קיינער זאל פון זיינע ספיקות נישט וויסן? אדער אפשר ווילן מיר גאר ער זאל יא רעדן פון זיינע ספיקות ('שטייטזיך אויף אן איידעלע וועג) און טון וואס ער קען שלום צו מאכן מיט'ן מצב?

[a1b2]

viewtopic.php?f=12&t=1477

[DotCom]

דער אשכול וועט אויך אפגעשפארט ווערן גלייב איך, אבער כאב שוין געזעהן דעם אנטשולדיגונג בריוו, די געים איז אווער.

[דבילה]

http://www.kaveshtiebel.com/viewtopic.php?f=12&t=1477

דער אשכול וועט אויך אפגעשפארט ווערן גלייב איך, אבער כאב שוין באקומען דעם אנטשולדיגונג בריוו, די געים איז אווער.

לאמיך נאכאמאל קלאר מאכן. די טעמע פון דעם אשכול איז בכלל נישט בנוגע א יחיד, און זיכער נישט דעם אינגערמאן וואס איז דערמאנט געווארן אין דעם אפגעשפארטן אשכול. די טעמע דא איז אויסדריקליך א געזעלשאפטליכע, פארוואס אזוינע אינגערלייט מיט ספיקות, וואס ווער ס'דרייט זיך אויפ'ן נעץ קען עטליכע, מאכן למעשה אן החלטה צו גיין אדער נישט, און וויאזוי אונזער געזעלשאפט זאל באמת האנדלען מיט דעם פראבלעם. 'ך האף אז אונזערע שרייבער וועלן זיך קענען האלטן צו די פארגעלייגטע פונקטן אן אריינגיין אין די לעבן פון פריוואטע מענטשן.

[DotCom]

שקויעך פאר'ן קלאר מאכן, ס'יז טאקע א וויכטיגע ענין.

[לאדיך אפ]

א ענליכע מעשה האב איך געהערט אויף א וויזניצע איד וואס האט געוואלט איבערטייטשן ר' אביגדור מיללער'ס ספר לאן אויף אידיש.

[זר זהב]

יא ס'אמורא'דיגע ביך
שוין געליינט איינמאל

http://www.amazon.com/Beyond-Reasonable ... 721&sr=1-1

מ'קען ליינען אין דעם לינק

[שמעקעדיג]

איך האלט אז די רבנים וועלן אפגעבן דין וחשבון פארן אסר'ן יעדע זאך (לייען: בוך) וואס קען נאר צוניצקומען, בלויז פאר די פאר געמיינע באצווינגער (לייען: א.ג. עסקנים) אין דעם דור.

[שרייבער]

נו אפשר טייטשט מען עס דא איבער

ווער נעמט די ערשטע פרק?

[שמעקעדיג]

קודם דארף יאנקל שרייבן א בריוו אז יידל זאל עס אימעילן פאר די פובלישערס.....

[זר זהב]

וועגן עס איבערטייטשן אויף אידיש מיין איך אז יעדער וואס דארף שוין צוקומען צו דעם ביך קען געווענליך ליינען דעם גרינגען ענגליש מיט וואס דער ביך איז געשריבן.
זוי מיין איך.

[שלמה_דיין]

האט מיר דערציילט א איד אז הר"ר אהרן ישראל קאהאן, בעל מחבר סידור "תפילה בכוונה" און "הוצאת שמע בני", האט אים דערציילט דאס גרויס חשיבות פון דעם בוך, און ווי עס איז א חיוב א יעדער בחור זאל דאס לערנען און חזר'ן. ער האט דערפאר געוואלט ארבעטן עס ארויסצוגעבן אין א אידישע מהדורא , כדי דער חסידישער עולם זאל אויך האבן צוטריט צו דעם אוצר. וויבאלד ליידער איז אויף אידיש גאאאארנישט דא, אפילו נישט עפעס שוואכער פון דעם.

פארן צוטרעטען צו די מלאכה האט הרב קאהאן געפרעגט איבער דעם פלאן פון הרה"ג יצחק זלמן גיפס שליט"א ראש הכולל ספינקא בארא פארק, - וואס איז אליין א גרויסער חסיד פון דעם בוך. הרב גיפס האט אים געזאגט אז עס וואלט געוועהן געוואלדיג אויב דער בוך ערשיינט אויף אידיש, אבער!! עצה טובה קמ"ל, אנטלויף דערפון!! וואס פעלט דיר אויס אז אלע הימיישע רבנים זאלן ארויסקומען מיט א איסור אויף דעם בוך - וועסט נאר פארלירן געלט און מ׳וועט באשמוצן דיין נאמען!

לויט וואס דו שרייבסט האלט הרה"ג ר' יצחק זלמן גיפס שליט"א אז איבערטייטשן דעם ביכל וואלט געווען א טובה פאר אידישקייט און דאס קען העלפן א סך נבוכים בעניני אמונה אבער ער האט נאר צוריקגעהאלטן דעם אנדערן פון עס ארויסגעבן לטובתו פון יענעם. ר' יצחק זלמן איז טאקע א חשוב'ע קאלעגע מיינע, אן ערענסטע ת"ח, און א יר"ש מרבים. אבער ווי קומט דאס אז ער האט נישט די דרייסטקייט צו טוהן וואס ער האלט איז ריכטיג? אויב האלט ער טאקע אז איבערזעצן דעם ביכל אויף אידיש איז א צורך הרבים זאל ער במחילה אליין שטיצן דעם איבערזעצן און זיכער מאכן אז פאר א צווייטן קומט נישט דערפין ארויס קיין שאדן!

ליידער ליידער איז שוין ביי אונז מקויים געווארן דעם פני הדור כפני הכלב - וואס ווי באקאנט שרייבן דערויף די ראשונים אז א כלב לויפט טאקע אלעמאל פאראויס, אבער אלעמאל קוקט ער פון אונטן ווי די וויידל גייט. ווער נאך איז אין אונזער געמיינדע אזוי פני הדור ווי ר' יצחק זלמן, אין יעדן הינזיכט, צו אין זיין איבערגעגעבנקייט פאר זיין קהלה, צו זיין תורה, צו זיין כלליותדיקע עסקנות, און דאך האט ער נישט די דרייסטקייט צו פירן דעם ציבור אויף די רעלסן וואס זענען לשיטתו די ריכטיגע.

[קאווע טרינקער]

ליידער ליידער איז שוין ביי אונז מקויים געווארן דעם פני הדור כפני הכלב - וואס ווי באקאנט שרייבן דערויף די ראשונים אז א כלב לויפט טאקע אלעמאל פאראויס, אבער אלעמאל קוקט ער פון אונטן ווי די וויידל גייט. ווער נאך איז אין אונזער געמיינדע אזוי פני הדור ווי ר' יצחק זלמן, אין יעדן הינזיכט, צו אין זיין איבערגעגעבנקייט פאר זיין קהלה, צו זיין תורה, צו זיין כלליותדיקע עסקנות, און דאך האט ער נישט די דרייסטקייט צו פירן דעם ציבור אויף די רעלסן וואס זענען לשיטתו די ריכטיגע

איר דארפט פארשטיין, אז הרב גיפס קען א גוטע ענגליש, ער האט מן הסתם אויך געזאגט פאר הרב קאהאן, אז די פאר פארמאכטע וואס קענען נישט קיין ענגליש, נוצען סייווי נישט די קאפ, און זיי ווייסען נישט אז מ'מעג טראכטן.
הרב גיפס איז מייעץ מ'זאל הערן רב בערל וויין, מיין שכן, א תלמיד פון ספינקא כולל, האט מיר נאכגעזאגט בשמו אז ער האט געהאט אינגעלייט אין כולל וואס הרב וויין'ס טעיפס האט זיי צוריקגעברעגט צו אידישקייט.
אגב.
רב גיפס איז א גוטע מענטש.
רב בערל וויין שרייבט לעצטענס אין די "(נערישע)עמי" וועגן סטאמר רב, ס'איז א נחת. 100 מאהל בעסער ווי הערץ פרענקל

[שמעקעדיג]

לויט וואס דו שרייבסט האלט הרה"ג ר' יצחק זלמן גיפס שליט"א אז איבערטייטשן דעם ביכל וואלט געווען א טובה פאר אידישקייט און דאס קען העלפן א סך נבוכים בעניני אמונה אבער ער האט נאר צוריקגעהאלטן דעם אנדערן פון עס ארויסגעבן לטובתו פון יענעם. ר' יצחק זלמן איז טאקע א חשוב'ע קאלעגע מיינע, אן ערענסטע ת"ח, און א יר"ש מרבים. אבער ווי קומט דאס אז ער האט נישט די דרייסטקייט צו טוהן וואס ער האלט איז ריכטיג? אויב האלט ער טאקע אז איבערזעצן דעם ביכל אויף אידיש איז א צורך הרבים זאל ער במחילה אליין שטיצן דעם איבערזעצן און זיכער מאכן אז פאר א צווייטן קומט נישט דערפין ארויס קיין שאדן!

ליידער ליידער איז שוין ביי אונז מקויים געווארן דעם פני הדור כפני הכלב - וואס ווי באקאנט שרייבן דערויף די ראשונים אז א כלב לויפט טאקע אלעמאל פאראויס, אבער אלעמאל קוקט ער פון אונטן ווי די וויידל גייט. ווער נאך איז אין אונזער געמיינדע אזוי פני הדור ווי ר' יצחק זלמן, אין יעדן הינזיכט, צו אין זיין איבערגעגעבנקייט פאר זיין קהלה, צו זיין תורה, צו זיין כלליותדיקע עסקנות, און דאך האט ער נישט די דרייסטקייט צו פירן דעם ציבור אויף די רעלסן וואס זענען לשיטתו די ריכטיגע.

אל תדין את חברך עד שתגיע למקומו.
"שטערן/שפאקטיוו" יוכיח. זיי האבן א היתר פון א בי"ד.
אבער אז די הייליגע חברה הייבן אן מיט א מערכה, דאן זאל דער פון אויבן אפהיטן.
איך גלייב נישט אז דו וואלסט אנדערש געטון, ווי געשטאנען ווייט פון די שרעקעדיגע פארפרומטע מוחים.

[berlbalaguleh]

וועגן עס איבערטייטשן אויף אידיש מיין איך אז יעדער וואס דארף שוין צוקומען צו דעם ביך קען געווענליך ליינען דעם גרינגען ענגליש מיט וואס דער ביך איז געשריבן.
זוי מיין איך.

אבער די וואס פסל'ן אלעס וועלן אויף דעם אויך טרעפן א פסול.

[sunbar]

הרב וויין איז א גיטע בעל מסביר. ער איז פון די איינצעלע דרשנים וועמען איך קען אויסהערן לענגער ווי 5מינוט

[געפילטע פיש]

דאס ווייזט טאקע די שפל המצב פונעם דור, נישט פון דעם רב גיפס, סך הכל האט ער פראקטיש ג'עצה'ט א איד אז אזא אינוועסמענט וועט נישט ברענגען נישט קיין כבוד און נישט קיין געלט.
בד"וו, ווער איז דער רב גיפס? עפעס א באקאנטע פיגור?

[טראכט]

עס איז דא א איד וואס הייסט ראביי דוד סאפירמאן ער האט געגרינדערט א ארגעניזאציע וואס הייסט אני מאמין פאנדעשאן Ani Maamin Foundation מיטל ציל אפציראטעווען אידן וואס פלאגן זיך מיט כפירה ר''ל, ער האט שוין ארויסגעגעבן עטליכע ביכער און MP3's פין צענדליגער שעות ווי ער רעד ארום איבער אמונה, ער רעד אין זייער א גרינגען ענגליש,
איך וועל אפשר שפעטער דא ארויפלייגן א לינק פין א דרשה וואס ער האט געגעבן און ווי ער איז מסביר די שרעקליכער חורבן וואס גייט היינט פאר,

[איחוד פעלד]

דער פראבלעם איז א שרעקליכע און א טיפע. אונזער לעבן איז אויסגעשטעלט אז דווקא די נאאיווע זענען מצליח אין רבנות פאסטנעס, און די אינטעליגענטע בלייבן טמיר ונעלם. אזוי קומט אויס אז די רבנים וואס זענען פאליסי מאכער זענען, צוליב זייער גרויסע נאאיוויטעט און פתי יאמין מענטאליטעט, בכלל נישט אפן צו די מציאות פון אינטעליגענטע פראגעס אויף אידישקייט. זיי האלטן אז פראגעס קענען אפגעפרעגט ווערן מיט א סטעיטמענט פון מרן אור שבעת הימים, א ווערטל פון בריסקער רב, און א טשעפע פון רביה"ק מסאטמאר זי"ע. 

דער פראבלעם פון אנערקענען דאס לעגיטימקייט פון אינטעליגענטע פראגעס איז פארשפרייט אין אלע חרדישע קרייזן, אבער ביי חסידים איז עס פי כמה, ווארשיינליך וויבאלד פאר חסידות - מיט אמונה פשוטה אין רבי'ן - איז א סכנה צו אנערקענען אז פראגעס זענען לעגיטים, און פארלאנגען ערנסטע דורעכגעטראכטע תשובות. 

איין בוך וואס האט שוין געהאלפן גאר אסאך חרדישע אידן איז "בעיאנד עי ריזאנעיבל דאוט", פון הר"ר שמואל וואלדמאן. דער בוך טוט פארענטפערן גאר אסאך פראגעס אויף א הערליכן אופן און מיט א צוגענגליכע שפראך.

האט מיר דערציילט א איד אז הר"ר אהרן ישראל קאהאן, בעל מחבר סידור "תפילה בכוונה" און "הוצאת שמע בני", האט אים דערציילט דאס גרויס חשיבות פון דעם בוך, און ווי עס איז א חיוב א יעדער בחור זאל דאס לערנען און חזר'ן. ער האט דערפאר געוואלט ארבעטן עס ארויסצוגעבן אין א אידישע מהדורא , כדי דער חסידישער עולם זאל אויך האבן צוטריט צו דעם אוצר. וויבאלד ליידער איז אויף אידיש גאאאארנישט דא, אפילו נישט עפעס שוואכער פון דעם.

פארן צוטרעטען צו די מלאכה האט הרב קאהאן געפרעגט איבער דעם פלאן ארק, - וואס איז אליין א גרויסער חסיד פון דעם בוך. הרב גיפס האט אים געזאגט אז עס וואלט געוועהן געוואלדיג אויב דער בוך ערשיינט אויף אידיש, אבער!! עצה טובה קמ"ל, אנטלויף דערפון!! וואס פעלט דיר אויס אז אלע הימיישע רבנים זאלן ארויסקומען מיט א איסור אויף דעם בוך - וועסט נאר פארלירן געלט און מ׳וועט באשמוצן דיין נאמען!

פארשטייט זיך אז פון דעם פלאן איז גארנישט געווארן. 

אזוי קוק מיר נעבעך אויס...

דער בוך טוט נאר ערקלערן אז עס איז דא א בורא עולם.
פאר ספיקות אין תורה מסיני און דאס גלייכן קען דער בוך ערגער מאכן וד"ל.
איך האב עס אמאהל געזאגט פארן בעל מחבר, און ער האט מודה געוועהן.

[טראכט]

עס איז דא א איד וואס הייסט ראביי דוד סאפירמאן ער האט געגרינדערט א ארגעניזאציע וואס הייסט אני מאמין פאנדעשאן Ani Maamin Foundation מיטל ציל אפציראטעווען אידן וואס פלאגן זיך מיט כפירה ר''ל, ער האט שוין ארויסגעגעבן עטליכע ביכער און MP3's פין צענדליגער שעות ווי ער רעד ארום איבער אמונה, ער רעד אין זייער א גרינגען ענגליש,
איך וועל אפשר שפעטער דא ארויפלייגן א לינק פין א דרשה וואס ער האט געגעבן און ווי ער איז מסביר די שרעקליכער חורבן וואס גייט היינט פאר,

נאדער די לינק

[ידען]

דאס ווייזט טאקע די שפל המצב פונעם דור, נישט פון דעם רב גיפס, סך הכל האט ער פראקטיש גע'עצה'ט א איד אז אזא אינוועסטמענט וועט נישט ברענגען נישט קיין כבוד און נישט קיין געלט.

גערעכט, אבער פארוואס זאל נישט רב גיפס אליין ארויסקומען מיט א שטארקע הסכמה דערויף און זיך נישט דערשרעקן פון די רשעים?

קען זיין אז די רשעים האבן יא א שטערקערע כח ווי ער.

[ידען]

רב בערל וויין שרייבט לעצטענס אין די "(נערישע)עמי" וועגן סטאמר רב, ס'איז א נחת. 100 מאהל בעסער ווי הערץ פרענקל

רב וויין איז זייער גוט צו הערן אבער ער איז מער היסטאריע (א אשכול וועגן איהם איז א גוטע זאך) זייט ווען איז ער אין קירוב אדער השקפה?

וואס מיינסטו מיט ״נארישע״ עמי?

און מיט וואס איז ער ״100״ מאל בעסער ווי פרענקעל? פרענקעל איז דאך געווען זייער נאנט מיטן רבין.

[געפילטע פיש]

דאס ווייזט טאקע די שפל המצב פונעם דור, נישט פון דעם רב גיפס, סך הכל האט ער פראקטיש ג'עצה'ט א איד אז אזא אינוועסמענט וועט נישט ברענגען נישט קיין כבוד און נישט קיין געלט.

גערעכט אבער פארוואס זאל נישט רב גיפס אליין ארויסקומען מיט א שטארקע הסכמה דערויף און זיך נישט דערשרעקען פון די רשעים?

קען זיין אז די רשעים האבן יא א שטערקערע כח ווי ער.

זעט אויס ער האלט אז פון "אינעווייניג" קען ער מער אויפטוהן...

באמת אבער, אוודאי וואלט ער געדארפט אזוי טוהן, נאר די שאור שבעיסה איז מעכב.