איבער'ן אינטערנעט און דער מערכה דערקעגן

[יידל]

אינטערעסאנט, דער רמב"ם אליינס, אין פירוש המשניות שרייבט אז ודע מה שתשוב איז נאר ביי אן אפיקורס גוי, אבער אפיקורס ישראל טאר מען נישט.

[DotCom]

כעת האב איך נישט א רמב"ם מיט מיר, אבער קוק דעם לינק פון פריער, עס איז אין יענע פרק.

[שמעקעדיג]

אקעי, ס'איז א אריכות נדברים.
אבער לאמיר פרובירן בקיצור.

דער רמב"ם האט געמיינט עכטע נידריגע אפיקורסים, מומרים להכעיס, וואס ווילן עוקר זיין דעם באשעפער'ס נאמען און זיין תורה, נישט א יונגערמאנטשיקל וואס האט זיך פשוט געעפנט דעם קאפ און וויל נאך אלץ אז זיינע קינדער זאלן יא זיין ערליכע אידן.
א ראצערל וואס רופט זיך כופר, איז ווייט נאך נישט קיין כופר. ער קען נאך - און וועט מסתמא - תשובה טון בקרוב... עס איז נאר אביסל קיל זיך צו רופן כופר....

פארשטאנטא?

ביסט אזוי נישט גערעכט אז איך קען עס ניטאמאל ארויסברענגען אויפן פאפיר, די רמב"ם רעדט פון די זעלבע כופרים וואס האבן 'פארשטאנען' אז ס'איז ח"ו גארנישט דא (עפ"ל), אזעלכע וואס האבן 'בדעתם' געפארשט און געוויסט, פונקט ווי אנ"ש הכופרים, און באמת איז נישטא קיין תירוץ אויף יעדע קשיא, און לאו דוקא קשיות, נאר עיונים דקות'דיגע מחשבות (פאר ווער עס פארשטייט..) אן אמונה פשוטה סוף כל סוף קען מען קיין איד נישט זיין, די תניא אליין כמה פעמים זאגט ער וועגן די סתירה פון שמע ישראל מיט ברוך שם, און ער איז מסביר אז נאר א יוד קען גלייבן אין א סתירה און פאר דעם זענען מיר אידן באמונה פשוטה נאך אלע חכמות און חיקורים, איי אנדערע אידן טרעפן אן א וואנט? א מלחמה כבידה למאוד מאוד מיט די אייגענע מחשבות און הרהורים וכו'? און זיי שטייען נישט ביי? אויף דעם איז געזאגט געווארן דברי האר"י אז א נשמה קען זיך פארטוישן, און יא דאס אז די גלייבסט נישט סוכ"ס באמונה פשוטה איז א ראי' אז דיין נשמה איז פארטוישט ליידער.

אבער דאס נעמט נישט אוועק די ריכטיקייט פון די מציאות אז רוב רובם פון אידן היינט צוטאגס זענען ליידיג, זיי דינען נישט דעם אויבערשטן פונקט ווי די כופרים, (הגם ביידע טוען לפנים די זעלבע מעשה המצוה, ביידע שאקלען לולב און עסן מצה, אבער ביידע מיינען נישט דעם אויבערשטן, דער כופר ליידער דארף מען נישט מסביר זיין, און דער עמך איד טוט מצות אנשים מלומדה קיין שייכות צו הקב"ה), די מציאות איז אבער ליידער זייער ריכטיג, הגם צו זאגן אז ס'איז דא הונדערטער אדער גאר טויזענטער איז זייער איבערגעטריבן, אבער אסאך איז דא, ושכינה מה אומרת??

פארשטאנד, עפעס זאגסטו אבער נישט גענוג קלאר.
ביטע זיי מסביר בעסער.
אויב זעה איך איין אז מ'איז גערעכט גיב איך אויף.
אבער איך וויל פארשטיין קלארער.

[לעמיל]

וועלכע פארט פארשטייסטו נישט? פארוואס מ'טאר אים נישט ענפערען?

[DotCom]

אינטערעסאנט, דער רמב"ם אליינס, אין פירוש המשניות שרייבט אז ודע מה שתשוב איז נאר ביי אן אפיקורס גוי, אבער אפיקורס ישראל טאר מען נישט.

גערעכט כאב פארגעסן דערפון, נו דעמאלט טאר מען אים ממ"נ נישט ענפערן.

און דער רמב"ם און אנדערע ראשונים וואס האבן ארויסגעגעבן ספרים איבער אמונה איז עס געווען אדער געווען פאר גוים אפיקורסים, אדער פאר אידן מאמינים וואס האבן געוואלט וויסן און פארשטיין.

[געפילטע פיש]

חברה, איר פארפירט דעם אשכול.
רמב"ם הלכות תשובה פרק שלישי
ווער איז אן אפיקורס?
שלשה הן הנקראים אפיקורסין:
האומר שאין שם נבואה כלל ואין שם מדע שמגיע מהבורא ללב בני האדם,
והמכחיש נבואתו של משה רבינו,
והאומר שאין הבורא יודע מעשה בני האדם.

ווער איז א כופר?
שלושה הן הכופרים בתורה:
האומר שאין התורה מעם ה', אפילו פסוק אחד, אפילו תיבה אחת, אם אמר משה אמרו מפי עצמו, הרי זה כופר בתורה,
וכן הכופר בפרושה והוא תורה שבעל פה, והמכחיש מגידיה, כגון צדוק ובייתוס,
והאומר שהבורא החליף מצוה זו במצוה אחרת, וכבר בטלה תורה זו אע"פ שהיא היתה מעם ה', כגון ההגרים.

איך האב נישט געזען שטיין אין רמב"ם אז איינער וואס דעקלערט זיך אן אפיקורס גייט אטאמאטיש אריין אינעם גדר, מ'רעדט נישט דא פון א אשה וואס זאגט טמאה אני לך.
אונזער פירש האב איך נישט געזען זאגן קיין איינער פון דעיע זאכן, און גלייבען אין די ביג בענג און עוועלאשאן מאכט נאך נישט קיין אפיקורס, ווי אזוי ווען ווי? קען מען אויסשמועסן אין א צווייטע אשכול אין תורה ומחשבה, יעצט אז מיר האבן עסטעבלישד אז ער איך נישט קיין כופר, קען מען צוריק גיין צום נושא פונעם אשכול?

סאבטאטאל פון זיין פוינט איז אז 1) אינטערנעט איז א פאקט, 2) די פראבלעם איז נישט שמוץ, נאר כפירה, 3) פילטערס וועט נישט העלפן פאר כפירה.

און די עצה דערצו איז אויסלערנען קינדער 1) די יסודות פון אמונה, אויסלערנען וואס די חכמי המחקר זאגן ווי למשל ביג בענג וכדו' און פארוואס ס'נישט קיין סתירה מיט בראשית ברא, 2) די שיינקייט און ווארעמקייט פון יידישקייט, אז ס'זאל נישט ציען א קינד אוועקצוגיין און זוכען עפעס בעסערס, און אין דעם גייט אריין מ'זאל זאפארט סטאפען מיט די איסורים יעדען טאג, אוועק נעמען די פרעשור פון מצוות, אריינלייגען שמחת התורה, שמחת החיים אינעם קוריקולום.

דאס זענען אלע שטארקע פוינטס, לאמיר רעדן דערוועגן, קריגט איר זיך מיט דעם? האלט איר אנדערש?

[זר זהב]

און וואס זענען די בענעפיטן פון נישט זיין אן אפיקורס/כופר?

[DotCom]

ער האט אנגעפאנגען זיין בריוו זאגענדיג אז ער גלייבט נישט אין גארנישט, דאס מאכט אים פאר אן אפיקורס מיט א כופר צוזאמען, און קיינער קריגט זיך נישט מיט אים, אבער מען טאר אים נישט ענפערן, אז מען פארפירט דא דעם שמועס ווייטער איז עס אויטאמאטיש אים גענטפערט, ענדערש עפן דו אויף אשכול איבער אינטערנעט און אידישקייט און כוועל מיר פרייען אנטייל צו נעמען דארט.

[chasid]

געפילטע, אפי' אויב דו ביסט גערעכט, איז שוין די נושא אויסגעשמועסט דא אסאך מאל אין עטליכע אשכולות ווי אויבן דערמאנט, מ'קען דארט עס ווייטער צולייגן,
איך פארגין פשוט נישט פאר דעם כופר דעם עטענשאן דא אין קאווע שטיבל.

[No_name]

איך זעה נישט אז ער זאל זיך דא טענה'ען אין אמונה - אז מ'זאל איהם נישט טארן ענטפערן - בסך הכל האט ער פותח געווען זיין בריוו מיט מודיע זיין די מצב אין וועעלכע ער איז.

ער ברענגט ארויס גאר גוטע נקודות וואס איז גאר אנרילעיטעד צו זיין כפירה, נאר וויבאלד ער גלייבט נישט אין גארנישט (און ער איז נישט העפי דערמיט - ווי ווייט איך פארשטיי) און ער האלט אז דאס וואלט געקענט ווערן פריווענטעד אויב וואלט מען געלערנט אנדערש מיט איהם אלס קינד...

אין א געוויסן זין בין איך אויך אזוי ווי איהם, איך בין א חסידישער אינגערמאן וואס שיקט די קינדער אין די פרומסטע מוסדות אין שטאט און מיין פאמיליע גייט מיט אלע שמונה בגדים, אבער איך בין אנגעגעסן אויף די גאנצע חסידישע סיסטעם, אנגעהויבן פון די וועג וויאזוי מען לערנט אויס אונזערע קינדער וויאזוי צו קוקן אויף א גוי, ביזן אריינבאקן אלערליי שטותים און אומוויכטיגע זאכן וואס טוען אויף דאס פארקערטע פון וואס מ'וויל, און אנשטאט ברענגען נענטער צום באשעפער מאכט דאס אז מ'זאל ווערן פעד אפ.

יעצט איך טוה גארנישט דערצו, איך לעב ווייטער מיין לעבן איך גיי אין שול - זינג זמירות שבת - א.א.וו. אבער איך וואלט נישט געוואלט מיינע קינדער זאלן זיין אין מיין מצב, הגם איך האלט אז די גאנצע חסידות איז אין דר'ערד, וויל איך אז מיינע קינדער זאלן זיין צופרידן ווי זיי זענען און זאלן נישט אויסקוקן ווי מיר.

די זעלבע פרובירט מר פירש. ער האלט טאקע אז ער פארשטייט בעסער ווי א יעדעם איינעם, אבער וואספארא לעבן איז צו פירן א דאפלט לעבן? און ער וויל דאס נישט פאר זיינע קינדער, ממילא איז נישט קיין טענה וואס אייניגע האבן ארויסגעריקט הלמאי דו ביסטאך אן אפיקורס איז וואס דרייסטו א קאפ מיט פארבעסערן די סיסטעם, דו האלטס דאך נישט ביי גארנישט. ער האלט טאקע נישט ביי גארנישט אבער ער וויל נישט אז זיינע קינדער זאלן ליידן אזוי ווי ער...

איך וואלט ווען נישט געוואלט זיין צוריק אזוי ווי די צייטן אלס בחור? ווען גיין כאפן שריים פון א פיש ביין ביים טיש צוזאמען מיט 100 אנדערע אידן האט מיך צופרידן געשטעלט? אדער ווען וואו מער מ'האט געשטינקען אלס מער מרוצה איז מען געווארן פארן באשעפער? איך קען נישט טראכטן אויף די מינוט פון אלע זאכן וואס באדערט מיך, אבער דאס איז זיכער אז דאס לעבן איז געווען סאך גרינגער, און אויב איך פלאן צו בלייבן אין די ענווייראמענט מיט מיינע קינדער וויל איז אז זיי זאלן זיין צופרידן וואו זיי זענען.

[שמעקעדיג]

געפילטע, אפי' אויב דו ביסט גערעכט, איז שוין די נושא אויסגעשמועסט דא אסאך מאל אין עטליכע אשכולות ווי אויבן דערמאנט, מ'קען דארט עס ווייטער צולייגן,
איך פארגין פשוט נישט פאר דעם כופר דעם עטענשאן דא אין קאווע שטיבל.

סאו זאגסטו אז די גאנצע טענה'ריי דא האט פשוט מיט דיינע מדות?
נישט גערעכט אדער נישט?
כ'הער.

[פארשטאנד]

שמעקעדיג, איך זאג דריי פונקטן, איינס די רמב"ם רעדט נישט פון מומרים להכעיס נאר כופרים וואס גלייבן און זענען איבערגעצייגט אז ס'איז נישטא וועם אויפצורעגן (ח"ו), און דאס איז אונזער כופר, צוויי, מ'קען סוכ"ס נישט ענטפערן יעדע קשיא מ'מוז צוקימען צו אמונה, (ווי דער תניא זאגט בפירוש וכו' איי ער גלייבט נישט האב איך געברענגט די אר"י), דריי זיין הויפט נקודה איז אמת אז אונזער אידישקייט אמונה איז ליידיג, און מ'מעג ווען לעבן מיט מער פנימיות.

[געפילטע פיש]

נאו נעים זאגט דאך אייזען, פריש איז נישט געקומען דא דיקוסירן עניני אמונה, די עולם דא האט עס פארוואנדעלט אין א אמונה וכפירה אשכול, ער איז געקומען די רעדן סאסייעטישע סאציאלע ענינים, דאס וואס ער האט געזאגט אז ער איז א כופר, צי ס'אי צי נישט אמת, איז געווען צו מאכן א פוינט, צו ווייזען ווי מ'קומט אן מיט אונזער יעצטיגע חינוך. יעצט לאמיר רעדן ווי עדאלטס, וועגן די אישוס, און נישט איבערען מענטש.

אז דו האסט א פראבלעם צו "פארגינען" א פיקטיווער אנאנימע ניק וואס האט געברענגט אויפריכטיגע פוינטס קען איך דיר נישט העלפן, ווילסט, גיי עפן א אשכול און רעד נישט אריין דא, נישט קום דא יעדע 5 מנוט לייענען וואס מ'שרייבט און און מוחה זיין.

[אזוי גאר]

מהאט דאך שוין פריער נאכגעברענגט די ווארט פון ר שלום שוואדראן אין איך גלייב זייער שווער אז ער גייט אריין און דעם בחינה

[DotCom]

נאו נעים זאגט דאך אייזען, פריש איז נישט געקומען דא דיקוסירן עניני אמונה, די עולם דא האט עס פארוואנדעלט אין א אמונה וכפירה אשכול, ער איז געקומען די רעדן סאסייעטישע סאציאלע ענינים, דאס וואס ער האט געזאגט אז ער איז א כופר, צי ס'אי צי נישט אמת, איז געווען צו מאכן א פוינט, צו ווייזען ווי מ'קומט אן מיט אונזער יעצטיגע חינוך. יעצט לאמיר רעדן ווי עדאלטס, וועגן די אישוס, און נישט איבערען מענטש.

אז דו האסט א פראבלעם צו "פארגינען" א פיקטיווער אנאנימע ניק וואס האט געברענגט אויפריכטיגע פוינטס קען איך דיר נישט העלפן, ווילסט, גיי עפן א אשכול און רעד נישט אריין דא, נישט קום דא יעדע 5 מנוט לייענען וואס מ'שרייבט און און מוחה זיין.

קודם בארואיגט אייך, כאב שוין געפנט א נייע אשכול, צווייטענס כאב איינמאל טאקע מוחה געווען אבער נאכדעם איז שוין אלעס געווען א חלק פונעם שמועס, בשיטה זאג איך נישט איבער צוויי מאל א זאך, לאו דוקא מוחה זיין.

און דער ענין דעס הייסט יא קלאר עניני אמונה, כאטש ער זאגט אז ער מיינט אונזער טובה, האט ער אבער אנדערע תירוצים פאר זיך ווי ער לייגט דא פאר, ווייל ער גלייבט דאך נישט, און קענסט נישט וויסן וואוהין ער צילט.

[שמעקעדיג]

ער זאגט דאך קלאר אז ער צילט פארן עתיד פון זיינע/אונזערע דורות. לטובת אידישקייט.
דאס איז דאך מיין גרעסטע ראי' אז ער מיינט עס נישט אמת'דיג.

א ריכטיגער כופר האלט בשיטה וואס ער האלט, און פרובירט איבערצוצייגן יעדן ארום, ובתוכם זיינע קינדער, צו זיין שיטה. אין אדם מוריש שקר לבניו.
משא"כ אזא סארט מ'כלומר'שטער כופר, וואס זארגט זיך אויפצוהאלטן אידישקייט, מיינט אז די אמת'דיגע אמונה ליגט נאך נישט אזוי טיף באגראבן,
ער איז נאר ארומגענומען מיט אסאך קשיות

[געפילטע פיש]

קודם בארואיגט אייך, כאב שוין געפנט א נייע אשכול, צווייטענס כאב איינמאל טאקע מוחה געווען אבער נאכדעם איז שוין אלעס געווען א חלק פונעם שמועס, בשיטה זאג איך נישט איבער צוויי מאל א זאך, לאו דוקא מוחה זיין.

און דער ענין דעס הייסט יא קלאר עניני אמונה, כאטש ער זאגט אז ער מיינט אונזער טובה, האט ער אבער אנדערע תירוצים פאר זיך ווי ער לייגט דא פאר, ווייל ער גלייבט דאך נישט, און קענסט נישט וויסן וואוהין ער צילט.

איך בין זייער רואיג, און אויב האסטו נאר געזאגט איין מאל דעמאלס האב איך דיר נישט געמיינט.

עניני אמונה מיינט רעדן וועגן השגחה עליונה, יחוד השם, וכדו', נישט ווי מ'קען טוהן אז קינדער זאלן נישט אפפארען.

און האסטו מורא אז ער האט דא א פלאן "וואוהין ער צילט" דעמאלס קען ער טוהן די זעלבע זאך אין דיין נייע אשכול.

--

שמעק האקט, יא יא, אזוי ווי דו זאגסט.

[a1b2]

הערט דרשית ר'אהרן ביארצייט טיש אויף קול סאטמער

[DotCom]

קודם בארואיגט אייך, כאב שוין געפנט א נייע אשכול, צווייטענס כאב איינמאל טאקע מוחה געווען אבער נאכדעם איז שוין אלעס געווען א חלק פונעם שמועס, בשיטה זאג איך נישט איבער צוויי מאל א זאך, לאו דוקא מוחה זיין.

און דער ענין דעס הייסט יא קלאר עניני אמונה, כאטש ער זאגט אז ער מיינט אונזער טובה, האט ער אבער אנדערע תירוצים פאר זיך ווי ער לייגט דא פאר, ווייל ער גלייבט דאך נישט, און קענסט נישט וויסן וואוהין ער צילט.

איך בין זייער רואיג, און אויב האסטו נאר געזאגט איין מאל דעמאלס האב איך דיר נישט געמיינט.

עניני אמונה מיינט רעדן וועגן השגחה עליונה, יחוד השם, וכדו', נישט ווי מ'קען טוהן אז קינדער זאלן נישט אפפארען.

און האסטו מורא אז ער האט דא א פלאן "וואוהין ער צילט" דעמאלס קען ער טוהן די זעלבע זאך אין דיין נייע אשכול.
.

איך האלט נישט אזוי, אבער איך בין אוודאי מסכים נישט צו זיין גערעכט.

[משכיל]

אמאל זיינען מלמדים געווען תמימות'דיגע אידן, און מען האט דאס געפילט עס איז נישט געווען קיין שום שאלה, היינט איז נישט זיכער אפילו אויפ'ן הייליגען רבי'ן אויב ער איז א מאמין, איך מיין אמונה שלימה אז עס איז א פאקט וואס מען רופט אין די ליטא "אמונה בחוש" ממילא כח הפועל בנפעל די אמונה וואס ווערט אריינגעלייגט איז נישט קיין אמת'ע אין די נשמה פון די קינדער פילען דאס,י

[ונבנתה העיר]

א בחור האט אים אמאל געזאגט אז ער האט געהאט אזויפיל קושיות און ער איז געווארן אן אפיקורס. האט ר' שלום אנגעהויבן לאכן. פרעגט אים דער בחור פארוואס ער לאכט, זאגט אים ר' שלום, דו מיינס מ'האט אפאר קושיות און מ'קען זיך שוין דערקלערן אלס אפיקורס? מ'גייט עסן אביסל טריפות אין א תל אביב'ע רעסטוראנט אין מ'איז שוין א שגץ? ניין ניין, זאגט אים ר' שלום, ס'גייט נישט אזוי גרינג... לאמיר נאר זען ס'זאל קומען איין ערנסטע פראבלעם, וועט ער זיך שוין טרעפן שעפשען א תפלה צו גאט. וואו איז זיין אפיקורסות דעמאלטס?

זעהנדיג ווי דער עולם מוטשעט זיך ווי קען זיין אז ער איז א כופר און דאך אינטערעסירט איהם דער גאנצער עסק, האב איך זיך דערמאנט אין א מעשה.

א חסיד האט זיך אפגערעדט פארן צמח צדק אז ער האט מחשבות פון כפירה, פרעגט איהם דער צמח צדק, נו וואס גייט דיך אהן? זאגט ער וואס הייסט ס׳איז דאך כפירה?! זאגט איהם דער רבי, נו,זעהסטו דאך אז דו גלייבסט...

[No_name]

ער זאגט דאך קלאר אז ער צילט פארן עתיד פון זיינע/אונזערע דורות. לטובת אידישקייט.
דאס איז דאך מיין גרעסטע ראי' אז ער מיינט עס נישט אמת'דיג.

א ריכטיגער כופר האלט בשיטה וואס ער האלט, און פרובירט איבערצוצייגן יעדן ארום, ובתוכם זיינע קינדער, צו זיין שיטה. אין אדם מוריש שקר לבניו.
משא"כ אזא סארט מ'כלומר'שטער כופר, וואס זארגט זיך אויפצוהאלטן אידישקייט, מיינט אז די אמת'דיגע אמונה ליגט נאך נישט אזוי טיף באגראבן,
ער איז נאר ארומגענומען מיט אסאך קשיות

איך קריג זיך מיט דיר, איך למשל האלט אז איך פארשטיי בעסער ווי יעדן אין געוויסע זאכן (דזשאסט א פיגור אוו ספיטש) חסידות וכדומה - זאכן וואס כ'האב פריער געזאגט. אבער מיינע קינדער וויל איך נישט אז זיי זאלן האבן די זאכן אין קאפ, פאר זיי וויל איך: אדער זאלן זיי נישט אויפוואקסן חסידים, אדער זאלן זיי זיין צופרידן מיט די פלאץ וואו זיי זענען.

יעצט, אפי' איך וויל טאקע מתקן זיין די וועלט זייער שטארק, אבער איך האב זייער שטארק ליב מיינע קינדער און איך וויל ס'זאל זיי זין גוט, און דאס איז גובר די תאווה וואס איך האב מתקן צו זיין די וועלט.

ווען מר פירש זעהט איין אז ער קען זיך נישט אפטראגן פון די סאסייעטי וואו ער איז (צו ווייל ער וויל נישט פארלירן די ווייב קינדער אדער פרנסה, צו ווייל ער שעמט זיך) וויל ער עטליסט אז זיינע קינדער זאלן נישט מיטמאכן וואס ער מאכט מיט.
איז אזוי שווער צו גלייבן אז ס'קען זיין איינער וואס האט א מיינונג און וויל דאס נישט ארויפצווינגען אויף יעדן?

[שמעקעדיג]

לאמיר צוריקגיין צום ענין.

די "סאלושען" צום פראבלעם איז שוין געווארן איבערגע'חזר'ט צענדליגער מאל דא אינעם שטיבל און אויף אנדערע פלעצער, דהיינו, מאכן אידישקייט זיס און בא'טעמ'ט.
אבער! דא איז פאראן אן אנדער פראבלעם: קיינער ווייסט נישט קיין אינסטרוקציעס ווי אזוי דאס צו מאכן!

דער דרך ווי אזוי מיר ווערן היינט אויפגעצויגן האט עכ"פ א שטיקל מקור, כ'פארשטיי מ'לייגט צו אומוויכטיגע זאכן, מ'טוישט אביסל, אבער לכה"פ בערך האט עס א מסורה.
אבער אנפאנגען א נייע וועג אן א ריכטיגע מהלך? קיינער ווייסט נישט און קען עס נישט טון!

ער שרייבט אז אין ברסלב טאנצט מען וכו', איז מיינט ער צו זאגן אז מהיום והלאה זאל מען אין חדר אדער ביים שבת טיש בכוונה טאקע דאס טון?? אשפ"ג.

איך האב געעפנט א אשכול "ווי אזוי מען מאכט זיס אידישקייט", און געווארט צו הערן פון אונזערע הויכגעשעצטע שרייבערס עפעס זאכליכע רעיונות, אבער לשוא תוחלתי, אן ערפאלג.

אויב האט איר עצות, ביטע שרייבט עס דארט! איך ווארט נאך צו הערן!
אן א גוטן פונקטליכן מהלך וועט קיין איין רב נישט טוישן גארנישט!