שומרים קארטלעך - דעבאטע אין די מאמענט

[[NAMELESS]]

[justify]דערנאך וואס די וואך איז ארויסגעקומען די טעלעפוין קאלל צו הצלה פון די אווערנעס מעשה מיט וואס דער מאמענט שטורעמט שוין פאר אפאר וואכן, און ווען מ'שטעלט צוזאם דעם קליפ מיט דעם טעלעפוין רוף זעהט מען אז ס'נעמט בערך איין מינוט ביז ווען מ'האט גערופן הצלה, וואס דערמיט צופאלט די גאנצע סענזאציע וואס האט געדארפט דינען א ציל צו ברענגן פעים פארן מאמענט, (כאטש זיי פרובירן צו פארענטפערן אז ס'קען זיין אז עפעס א פרוי האט גערופן און קיינער האט נישט געוואוסט) האבן זיי די וואך אינטערוויוט די ארויסגעבער פון די השומרים קארטלעך, א נייע מהלך צו האבן א גוטע קאווער סטארי. כאטש רוב רובו פון כלל ישראל איז דערקעגן, אפילו אזאנע וואס פארמאגן נישט קיין סמארטפאונס, אין וויזניץ איז עס אסור, (א פאקט וואס יעדע וויזניצע חדר אינגעל דערציילט, דער בעל השומרים קארטלעך לייקענט עס אין די ארטיקל) דער ארויסגעבער פון די קארטלעך איז אליין מודה בטעות אין דעם ארטיקל ווי זייערע כלומרשטע רבנים וואס געבן א השגחה אויף די קארטלעך האבן מודה געווען אויף מיסטעיקס וואס זיי האבן געמאכט, דאך האט דער מאמענט געפילט פאר ריכטיג צו פיטערן כלל ישראל מיט דעם ארטיקל.

לאמיר געבן א לויף דורך די ארטיקל בקיצור, ער הייבט אן אז אפילו טייל זענען ברוגז דערויף דאך זעהט יעדער די הומער. ס'דארף ארויסגעברענגט ווערן אז איך זעה אינגאנצן נישט קיין הומער דערין, איז דא איינער וואס זעהט הומער אין די קארטלעך? איך זעה ארטיסטישע בילדער וואס איז הומאריסטיש אבער דאס באלאנגט צו די מחניים ביכלעך פון די דערציילונג פון צדיקים סעריע, די קרעדיט באלאנגט דארט וואו ס'באלאנגט.

וואס האט איר געמיינט ווער געבט ארויס די קארטלעך? עימיצער וואב טוט עפעס מיטן טאג? אן ווארטן פאר אייער ענטפער לאמיר כאפן א בליק וואס זיי שרייבן, און זיי לייגן דערמיט אראפ די יסוד פארוואס די קארטלעך קומען בכלל ארויס, די ארויסגעבער זענען כולל אינגעלייט, דא האב איך געגעבן אזא אטעם אההה... יעצט פארשטיי איך... אין אנדערע ווערטער זיי ארבעטן נישט און דריקן קארטלעך. אויף די ריכטיגע שפראך, נישט ארבעט און נישט כולל, דאס וואס ביי מיר הייסט א ריכטיגער ליידיגייער, זיי רופן זיך בני תורה, ווי ס'קומט קארטון דרוקער צו בני תורה ערקלערן זיי נישט, ווי מיר אלע שטעלן זיך פאר גיי מיר אונז סמארטפאון באניצער חתונה מאכן זיינע קינדער, ווייל ער איז דאך א בן תורה, ער דריקט קארטונען און טרייבט שפאס פון די מעשוגעים וואס ארבעטן, אדער פון די נעבעכדיגע וואס ארבעטן נעבעך.

דערנאך ברענגן ער ארויס אז בערל טויבער איז פון די שטארקע שטיצער. בערל טויבער איז א זון פון עזריאל טויבער, זיי מאכן די שלהבת שבתים וואס איז קאפירט פון די אידישיסטישע סארט שבת קאנווענשאנס, ביי אונז ארטעדאקסישע אידן האט מען אייביג געוויסט אז שבת ברויך מען זיין אינדערהיים מיט די קינדער, דאס גאנצע געדאנק פון מאכן די סארט צוזאמקומען קומט פון די פורקי עול וואס האבן נישט געוואלט זיין אנדערשט פונעם גוי, חוץ די פאקט אז די צניעות דארט איז נישט אויסגעהאלטן, איך דארף אייך נישט זאגן וויאזוי דאס קוקט אויס שבת אין א האטעל, מ'שפאצירט קאפעלס גאנץ שבת אין די זעלבע ד' אמות, קיין שמירת עיניים איז בכלל נישט שייך, ווער רעדט נאך פון די דרשות, זיצן מענער מיט פרויען און הערן ספיעטשעס צוזאמען, כאטש ס'איז דא א מחיצה ווערט דאס אבער א געלעכטער צוזאמען, בקיצור אט דער בערל טויבער שטיצט שומרים קארטלעך, גוט מארגן אמעריקא.

דערנאך ברענגן זיי ארויס די מיסטעיק וואס זיי האבן געמאכט מיט זייער ערשטער קארטל וואס איז טאקע נישט געווען אויסגעהאלטן און בערל טויבער האט זיי דאס געזאגט, צוביסלעך זעהן זיי איין דאס אמת, די מציאות פראסקעט אין פנים, דער גאנצער ארגענעזאציע האט זיך אנגעהויבן אומ'אויסגעהאלטן לויט זייער מיינונג. נאך א אינטערסאנטע אנעקדאט, זיי שרייבן אז די קארטלעך וואס ווערן די מערסטע אויפגעכאפט איז די וואס זיי קאפירן פון די מחניים ביכלעך, דאס ווייזט אויף די ווייניג געלונגענקייט וואס זיי זעלבסט פארמאגן.

אויך שרייבן זיי ווי זייער דיין רבי שמעון יואל וויינבערגער (וואס טראגט דער נאמען דיין ווייל ער איז א ברודער פון א דיין) האט זיי געגעבן א הוראה מער נישט ארויסצוגעבן קארטלעך וואס מאכן א טיילונג פון טאטע און קינד, דא זענען זיי מודה אויף נאך א מיסטעיק וואס זיי האבן געמאכט, און נישט מיר נישט דיר זענען זיי דא מודה אויף די מיסטעיק פון זייער גאנצער וועזן וואס איז געבויעט אויף חוצפה, און יעצט גייט מען שוין נישט שרייבן קעגן טאטעס אבער די חוצפה גייט מען ווייטער פיטערן נאר מיט כשר'ע חזיר פיסלעך, די קארטלעך איז דאך געמאכט צו געבן פאר עלטערע וואס הייסט מ'גייט מער נישט צולאזן קיין חוצפה? דער בעל השומרים קארטלעך איז אזוי צעמישט מיט זיין מיינונג, כאטש דא שרייבט ער קעגן דאס חוצפה וואס די קארטלעך ברענגט פארטיידיגט ער די חוצפה אביסל פריער אין די ארטיקל און ער ברענגט א היתר דערצו פון וואזנער פון לאנדאן מיט דעם דערמאנטער בערל טויבער וואס מאכט געמישטע ראמאנטישע שבתים אין האטעל'ן, און אויך אביסל שפעטער אין די ארטיקל שרייבט ער אז ער גייט ארויסגעבן א קונטרס וואס איז מברר אז ס'איז יא א גוטע זאך אז קינדער זאללן עס געבן פאר עלטערע.

זיי שרייבן אויך אז וואזנער פון לאנדאן בעקט זיי, אינטערסאנט אז ווער עס קען דעם וואזנער ווייסט אז ער האט נאר באקומען זיין דיינות פאסטן ווייל ער טראגט דעם נאמען וואזנער, יעצט עפעס זייט זייין זיידע לעבט שוין נישט רעדט מען שוין פון אים פארשיקן, נאך אביסל און ער ווערט צוריק א שיסטער, ער מאכט לעצטענס העדליינס מיט אלע אומבאטעמטע נושאים מיט וואס א געהעריגע רב אידענטיפיצירט זיך נישט דערמיט, לכאורה וויל ער אז נאכן ווערן אויס דיין זאל מען אים געדענקן אלץ עימיצער וואס האט אמאל פארמאגט א רבנישע לעדדערהעד, מר וואנער, לאמיר זעהן עפעס א קנאקעדיגע תשובה להלכה, דאס וועט מען סך מער געדענקן.

אביסל שפעטער שרייבן זיי אז סטאלינע רבי האלט עכט פונקט ווי זיי, ס'איז נאר דא אפשר א דקות'דיגע חילוק, איי ס'איז דא די דרשה ווי סטאלינע רבי זאגט אנדערשט, טענהט ער אז ער האט געהערט די דרשה פינף מאל און סטאלינע רבי האלט פונקט ווי אים מיט ראבינאוויטש וועגן די אינטערנעט, נו גיי טענה דיר אז איך האט אויך געהערט סטאלינע רבי דרשה...

כאטש זיי פרובירן זיך ארפאצומאללן אלץ דורכגעטראכטע אידן ווייזן זיי עטליכע מאל אן משך די ארטיקל ווי זיי ציען צוריק מיט רוב פון זייערע שיטות שוין נאכן עס טוהן למעשה, איך דארף ענק נישט זאגן אז אויף קיין איבערגעטראכטקייט ווייזט דאס נישט, ענדערשט א באנדע צעלאזטע פערד, אומערפארענע כולל אינגעלייט, פון די סארט וואס ארבעטן נישט און לערנען נישט, אזאנע וואס לעבן אויפן ציבור'ס חשבון און געווענדליך זענען זיי די וואס מאלעסטן אונזערע קינדער, זיי זעהן אליין איין אין זייערע טעותים און דאך טוהן זיי ווייטער זייער ווילדע שטיק. אפאר גראבע ליגענטס ווי די שיטה פון סטאלינע רבי באצירן דעם ארטיקל, און דער גאנצער ארטיקל איז בבחינות מעיקרא מאי קסבר ולבסוף מאי קסבר, אנהייב נעמט ער א שטעלע אז מ'מעג זיין א מחוצף, אינמיטן פארדאמט ער עס שטארק בשם הרב וויינבערגער דומ"ץ סקולעני, דערנאך האלט ער ווייטער דערפון און ער שרייבט אז זיי גייען ארויסגעבן א קונטרס מסביר זיין פארוואס זיי האלטן אזוי.

מ'דארף אבער געדענקן אז לאו עכברא גנב, דאס גרעניצלאזע חוצפה פון די חובות געווייקטע מאמנעט פארן זיי געבן א פלאטפארמע טאר נישט פארגעסן ווערן, אויב האט איר א אויסוואל פון עטליכע אויסגאבעס און איר טראכט וועלכע צו קויפן געדענקט נישט צו שטיצן די וואס גייען קעגן רצון הציבור, דער מאמענט'ס פינאנץ איז נישט גענוג שטארק צו פארלירן קאסוטמערס, דאך טראכטן זיי נישט פון שעצן זייערע ליינער. כאטש דער ארטיקל האט געזאלט זיין לטובת די בעה"ב פון די שומרים קאטלעך האט עס אבער איינמאל פאר אלעמאל געוויזן זייער ריכטיגע פרצוף.[/justify]

[mevakesh]

וואס הייסט וויזניץ איז קעגן? דער גרינדער איז דאכט זיך א וויזניצער און ישראל הגר פון מאנסי איז זייער גרעסטע שטיצער

[ליטוואק פון בודאפעסט]

און איך האב אלס געמיינט אז בני תורה מיינט מענטשען וואס וועלגערען טייג אויף מצות מצוה.....

לויט וואס איך הער פון דער עולם דא אין שטיבעל, דער מאמענט איז אן אויסגאבע וואס שטופט יא אביסל דער ליניע צו מער אפענקייט. קראקס אין גאס איז א שוואכע ריכטונג, אבער פארט. אין דער איד וואלט מען נישט צוגעלאזט קיין דעבאטע. איך וואלט נישט פארדאמט מאמענט צו שנעל, עכ"פ לויט וואס מ׳הערט דא אין שטיבעל. איך האב עס נאך קיינמאל נישט געקויפט

Sent from my LG-K373 using Tapatalk

[[NAMELESS]]

זייער שיין און צום פינטל שטיסל. איך מיין מען דארף אפטיילן די מאמענט קריטיק צו א באזונדערע אשכול, וועסט באקומען א לייק פון שמעקעדיג.

[שבת אחים]

מ׳דארף מאכן א נייע סעריע שומרים קארטלעך קעגן די שומרים קארטלעך, אפשר לייגן בילדער ווי ראבינאוויטש און צימערמאן פלאקערן אין גיהונים.

[שמעקעדיג]

בודהיסטן האבן אויך גיהנם? נו מאי הועילו חכמים...

[שבת אחים]

בודהיסטן האבן אויך גיהנם? נו מאי הועילו חכמים...

הוא אשר דברתי, מ׳דארף נוצן די זעלבע טאקטיק ווי זיי, זיי פארשפרייטן ליגיונת מיט זייערע קארטלעך און אזוי וואשן זיי די יונגע אומוויסענדע מוחות אז מ׳גייט פלאקערן אין גיהונים ווייל מ׳האט א סמארטפאון, זאלן זיי נאכמאכן די זעלבע שומרים קארטלעך מיט די זעלבע פארמאט וואס אלעס וואס זיי זאגן אז סגייט געשעהן אויב מ׳האט א סמארטפאון זאל מען ארויסדרייען די ריוואלווער אויף זיי.

[ליטוואק פון בודאפעסט]

לויט דער וועבסייט, האבען שוין מער ווי 6000 מענטשען א בליק געטוהן אין די אשכול. איינער ווייסט וויאזוי ס׳איז אזוי נתפרסם געווארען? שלום האט עס ערליך פארדינט, אבער ווער האט זיי אלעמען פארציילט דערוועגען?

[פרייוויליג]

געשריבן אין א דערנעבעדיגן אשכול:

[justify]אויב האב איך געהאט א צל של ספק אז דער מפיץ פונעם א.ג. השומרים פראבירט צו האבן גוטע כוונות, האב איך נאכן ליינען דעם אויספירליכן אינטערוויו אינעם "מאמענט" מיטן מפיץ, זיך איבערצייגט, אז דער מפיץ, איז א שקרן וכזבן, און אן אומפארשעמטער פריוואריקעטאר. דער אומאידענטיפיצירטע באנדיט הילט זיך איין אין א איצטלא פון אומבאוויסטע רבנים וואס שטיצן אים אין געהיים - א מושג וואס גיבסט נישט אין דת היהדות. און לאזט לויפן א רינדע פון גראבע שקרים וכזבים דורכאויס זיין אינטערוויו, אז אלע רבנים שטיצן אים, און מכלומר'שט האט שוין די קארטלעך אפגעראטעוועט טויזענטער אידן פון אינטערנעט. איך גיי נישט דורכלויפן דעם גאנצן אינטערוויו, און ווער עס וויל קען דאס לייינען. דער שחצן שרייבט, אז די קריטיק קומט נאר אפיר אויף אינטערנעט, און דורך דעת פון בעלי בתים. א זאך וואס איז שקר וכזב, און יעדער רעכדענקעדיגער מענטש זעט און פארשטייט דעם בור ברשות היהדות וואס די גרוליגער קארטלעך טוען גראבן. דער גאנצע אינטערוויו קוקט אויס אזוי ווי דזשוליען אסאנדזש וואס געבט אן אינטערוויו פון א געהיימע קעלער, און האט מורא פון זיין לעבן. כל דבריו וואס דער מפיץ זאגט נאמרו ברוח שקר. און עס איז א וואונדער פארוואס דער מאמענט האט נישט ארויסגעלייגט א דיסקלעמער אז השומרים קארטלעך, איז פארדאמט ביי יעדער ראציאנאלער מענטש, אבער מיר האבן זיך געטון פארבינדן מיט די מפיצים, צו באקומען א קאליר פון זייער זייט, און ארויסברענגן די צביעות לעיני שמש.[/justify]

די אכזריות פון די השומרים קארטלעך און די נאכפאלגן איז אזוי שרעקליך אז איך בין מסופק אויב די מספר יארן פון אותו האיש וואס גייט פארמשפ'ט ווערן [לויט די אריז"ל פופציג יובל'עך] איז א מספר קטן קעגן די מפיצים.

[שמעקעדיג]

די וואך האט יואל אשר לאבין א הערליכע ארטיקל, טאקע אין דעם זעלבן מאמענט, ער באציעט זיך אויף די דעבאטע פון די שומרים קארטלעך, און שרייבט סך הכל אז ביי אונז האט מען געוואוסט אז המטרה איז נישט מקדש די אמצעים, און אז תוכחה איז געמאכט כדי צו מקרב זיין אידן צום ריכטיגן וועג און נישט מרחק זיין, בקיצור א הערליכע דרשה, עיי"ש ויונעם לך.

[שמעקעדיג]

אן אטאקע אויף די שומרים האטליין אקעגן דעם מחנך הרב וואזנער, שרייבער אינעם "מאמענט", פאר'ן זיך וואגן צו שרייבן אז אקעגן געפילטערטע פאונס פעלט נישט אויס קיין שומרים קארטלעך.

דא האט איר די מאמענט ארטיקל פון די וואך:

[[NAMELESS]]

ס'דארף ארויסגעברענגט ווערן לשבח די אייגענטומער פון די מאמענט וואס האבן איינגעזעהן אין זייער פארדריסלעכער טעות מיטן געבן א אפיציעלע פלאטפארמע פאר די געאסרטע השומרים קארטלעך. און שוין די צווייטע מאל וואס זיי ברענגן ארויס די אמת'ע צד פון רוב גדולי ישראל בנוגע די שומרים קארטלעך. כאטש ס'ווערט נישט ארויסגעברענגט מיטן גאנצן דרייסקייט איז אבער דאך שיין צו זעהן ווי א אפיציעלע אויסגאבע האט נישט מורא ארויסצוקוצען מיטן אמת.

אויך דארף ארויסגעברענגט ווערן די נאכגעלאזקייט אין חינוך אז אפילו אזא חשובע מחנך ווי הרב שלום יעקב וואזנער האט געקענט פארזעהן נאכצוקוקן מיט וועלעכע שעדליכע שפילצייג זיינע קינדער שפילן, אט דער חולשה האט אריינגעשפיעלט אין די הענט פון די שוואכערע עלעמענט צווישן אונז און אזוי האבן זיי אריינגעברענגט די טריפה'נע שומרים קארטלעך.

[איש את רעהו]

די נאכגעלאזקייט אין חינוך אז אפילו אזא חשובע מחנך ווי הרב שלום יעקב וואזנער האט געקענט פארזעהן נאכצוקוקן מיט וועלעכע שעדליכע שפילצייג זיינע קינדער שפילן, אט דער חולשה האט אריינגעשפיעלט אין די הענט פון די שוואכערע עלעמענט צווישן אונז און אזוי האבן זיי אריינגעברענגט די טריפה'נע שומרים קארטלעך.

הרב וואזנער רימט דאך אויס די הצלחה אז די קארטלעך איז עס ממאס ביי זיינע קינדער
עס האט אים נאר געבאדערט וואס עס האט געטין צו זיין קינד
איך קען גוט הרב וואזנער פון קליינערהייט, ער לאזט נאך יעצט זיינע קינדער דערמיט שפילען.

[יעלה ויבא]

די תוhttp://cloud.tapatalk.com/s/58d4615849289/VID-20170323-WA0097.mp4
תוצאות פונעם שומרים קארטלעך הייבן אן זיך שפירן תלמוד תורה תשב״ר

lead, follow, or get out of the way

[יתרו]

דער רינדיכיגער וואס שרייעט דארט וועט נאך איינטאג שערן א בעיסמענט מיט מושב זקנים.

[קאצקע ציקער]

איין קינד שרייט אהבתי את אדוני לא אצא חפשי די חברה זענען מיעס באהאווענט אין די קארטלעך. ליידער ליידער

[פליקער]

די תוhttp://cloud.tapatalk.com/s/58d4615849289/VID-20170323-WA0097.mp4
תוצאות פונעם שומרים קארטלעך הייבן אן זיך שפירן תלמוד תורה תשב״ר

lead, follow, or get out of the way

האב איך געזען די קליפ, און מיין בלוט האט געמאכט איר רייזע צו מיין מוח און א אימגעהויערע שנעלקייט, און מיר שיעור געברענגט א שטורץ.
יאפ מיר זענען דא, דטס איז די פיוטשער, דאס זענען די פירות, די קליפ איז די ווירקלעכקייט, דאס איז די ריאליטי, און דאס איז די רצון קדשו פון די רבנים

בין איך דער איינציגער וואס האט באקומען אויף פאסט דורך ברוך טעם א געהענגעל מיט שומרים קארד'ס, איך גלייב אז נישט, דאס איז שוין חוצפה עמי בבית סטייל, מען מיז ציריק דערלאנגען פאר ברוך טעם, צו וועט ער אויך פאר א פאר טולער מפיץ זיין קורן אדער פיצי צלמים?, זיכער נישט, שמע מינה אז ער איז א חלק דערפון, מיז מען זיי שינדען די הויט.

[גראף]

עס זענען דא מער ווי איין אפשען עוועילעבעל ווי אזוי צו האנדלן מיט די חברה. ערשטענס דער וואס האט געכאפט די ווידיאו וואלט עם עם... געדארפט ווי אזוי זאגט מען עס יא, אבער מען טאר דאך נישט אלס טשיילד אביוז. וואס איך וואלט געטיען איז, איך וואלט פשוט אריין געגאנגען אין בנין און געבארגט א פייער עקסטינגוועשער פאר צוויי מינוט.

פאר די לאו לייפס וואס שיקן און דיסטרוביוטען די שומרים קארדס דארף א באזונדער אפהאנדלונג.

[[NAMELESS]]

איך זעה נישט וואס איז אזוי געפערליך מיט דעם קליפ. איינער האט זיך ס"ה גערייצט מיט זיי האבן זיי צוריקגעשפילט די געים.

[שבת אחים]

א רחמנות אויך די קינדער נעבעך! וואקסן אויף אין א צוטדרייטע עקסטרעמע קולט ליידער!

[די קעניג פין אמעריקע]

די תוhttp://cloud.tapatalk.com/s/58d4615849289/VID-20170323-WA0097.mp4
תוצאות פונעם שומרים קארטלעך הייבן אן זיך שפירן תלמוד תורה תשב״ר

lead, follow, or get out of the way

פריקען אונבעליוועבל! יעדע ברעקל נארמעליזעם רייסט מען ארויס פון זיי. מיר מיזען דאס פייטען מיט ציין און נעגל.

[קומזיץ]

דאכט זיך מיר אז תשב"ר איז אפיציעל א עקסטרעמע פרימע חדר , איז אויף דעיע קינדער איז עס נישט קיין חידוש זיי זענען דאך מחונך אז נאר זיי זענען די ערליכע יודן וואס וועלן ג'יין קעגן משיח , אבער אונז נארמאלע מענטשן דארפן מיאוס מאכן דעיע שומרים קארטלעך ביי אונזערע קינדער . אז עס זאל זיי אויסזען ווי א גרף של רעי

[די קעניג פין אמעריקע]

כ׳מיין אז די שומרים קארטלעל וועלען זיך ענדיגען ווען ס׳וועט קומען א (אויספארף?) פון די פארקערטע מחנה און דריקען קורן. צו טיילען פאר זיי. אבער נישט קורן וואס איז לעגאל קורן. ס׳דא גענוג זאכען וואס ביי אונז אוז עס קורן גמור אבער ביים גוי איז עס אוסגעהאלטען. כ׳קען געבען דוגמאות. אבער כ׳האב מורא אז כ׳גיי שוין צו ווייט.
(אויב האב איך שוין געשריבן צי ווייט ביטע מעורר זיין און אישי)