אידישע פרויען אלס זונות אין נאצישע לאגערן

[דעתי הענייה]

די מעשה מיט די קדושים מוז נישט זיין נישט אמת. דער מעשה האט מען שוין דערציילט אין די לאגערען. קיינער ווייסט נאר נישט פעסטשטעלען די מעשה.

אין איינע פין הרב דאמב ספרים ווייזט ער אויף אז די גאנצע מעשה איז נישט געשטויגן און געפלויגען
ער זאגט דאס איז פשוט געווען א פראפעגאנדע פין דע אגודה

אה, און וואס איז מיט זיין פארקערטע פראפגאנדע?
דער לעצטער מענטש צו גלייבן ווען עס קומט צו די ענינים איז ער...

אז מען רעדט: ער האט אמאל געזאגט פאר זיין ידיד פון לובלין) פאלטישאנער רב, בנוגע די לאקאלע בחירות און ארץ ישראל, וואו ער האט אידן לוחם געווען קעגן סאטמארער רב, צווי שטארקע נקודות, פון וואס מען קען אביסל ארויסהאבן זיין מהלך המחשבה.
1) אויפן עצם ענין, וואס ער מאכט אזוי איבערקערניש, האט ער אים געזאגט: איך ווייס דען נישט אז עס איבערגעטריבן, מען דארף אבער טוהן וואס מען פיהלט עס פעהלט אויס.
2) וועגן סאטמארער רב, איך גיי נישט מיט אים ווייל איך האלט אזוי ווי ער, ער איז פשוט דער נענטסטער גדול צו מיין שיטה.

[איחוד פעלד]

אין צווישען די נייעס איז געוועהן אז זיי האבען לעצטענס אויף געטריבען העכערע נומערען אין די דעטאלען פין די לאגערען און געטאס וואס די נאציס ימ"ש האבען געמאכט.

עס ווערט דארט דערמאנט בתוך הדברים

[left]The numbers astound: 30,000 slave labor camps; 1,150 Jewish ghettos; 980 concentration camps; 1,000 prisoner-of-war camps; 500 brothels filled with sex slaves; and thousands of other camps used for euthanizing the elderly and infirm, performing forced abortions, “Germanizing” prisoners or transporting victims to killing centers.

In Berlin alone, researchers have documented some 3,000 camps and so-called Jew houses, while Hamburg held 1,300 sites.[/left]

http://www.nytimes.com/2013/03/03/sunda ... vfJWxthXZQ

[חכימא]

אינע'ם העכסט-אינטרעסאנטן און באלערענדע ספר "עלי מרורות" פון הרב אהרונסון, באשרייבט ער ווי גלייך אינע'ם אנפאנג פון די נאצישע אקופאציע האבן זיך אין א געוויסע נאכט א גרופע סאלדאטן געלאזט איבער'ן אידישע קווארטל, און.... סתם ולא פירש. אבער די רעדאקטארס לייגן צו אז לויטן ראט פון פראמינענטע אנשי חינוך האבן זיי משמיט געווען דעם פאראגראף.

באלד אינדערפרי, שרייבט ווייטער הרב אהרונסון, האב איך זיך באקלאגט פאר'ן קאמאנדיר אויף די וועלכע האבן פארשוועכט דעם אריש'ן הערן-ראסע.


ווי אויך האב איך אמאל געזען א דאקומענטאריש'ן פילם איבער א געוויסע פרומע מיידל וועלכער האט געארבעט אין אוישוויץ אין "קאמאנדא קאנאדע", און א דארטיגער אפיציר נתן עיניו בה און איר גענומען אונטער זיין פליגל.

נאך די מלחמה האבן זיי זיך באזעצט און בערלין אונע'ם רוסישן אקופאציע ראיאן, זי האט געשוואנגערט מיט א קינד, און אין א העלן טאג האבן אים די רוסן גערופן ולא נודעו עקבותיו.

פון גרויס צער און פלאג, און פון די איבערמידליכע זוכעניש האט זי דעם קינד פארלוירן. דערנאך האט זי געהייראט א רוסישן קריגס-העלד, גראדע א איד, און געוואוינט ערגעץ-וואו פארווארפן אין די אומ-ענדליכע רוסישע סטעפעס.

ווי עס האט זיך שפעטער ארויסגעוויזן האבן די רוסן, וועלכער האבן זיך דאן געפונען אין די ערשטע שטאפלען פון אויפשטעלן די קאמוניסטישע שטאאט און אסט-דייטשלאנד, די אזוי גערופענע "דויטשע דעמאקראטישע רעפובליק", אויסגעפארשט איר געוועזענע מאן איבער פארשידענע אנגעלעגנהייטן אנבאלאנג דעם ענין, און דערנאך איהם אריינגעשליידערט און איינער פון די טויזענטער גולאג'ס, און עד היום ווייסט מען נישט וואו זיין געביין איז אהינגעקומען.

[ליטוואק פון בודאפעסט]

איך וויל נאר מעורר זיין. די בוך פון וואנעט די אינפארמאציע קומט, פון דר. ה. שאשקעס, האב איך געהאט ארויפגעלייגט אויף עמעזאן און מ'קען עס דארט קויפן.
זוך די ווערטער a velt vos iz farbei ותמצא נחת

[חכימא]

ליטוואק,

כמדומני אז איהר זענט זיך טועה.
דאס בוך פון וואנעט די אינפארמאציע קומט הייסט "פולין 1946".
אמנם פונעם זעלבן מחבר פון "א וועלט וואס איז פארביי", אבער פארט א צווייטער בוך.