הגאון האדיר ר' יצחק לעבאוויטש שליט"א

[איך אויך]

הכול מודים "רבי יצחק איז עפעס אנדערש" ,די שאלה איז נאר וואס עס מיינט.

[ליטוואק פון בודאפעסט]

דו מישסט אויס פיהל נושאים. כ'מיין 'באשיינען אן אפיציעלע מאורע' איז יא אן עוסק בישובו של עולם.

ער זאגט נישט קיין שיעור אין הלכה און ער שרייבט נישט קיין תשובות. זיין היקף און ברייטקייט אין אגדה איז אבער עפעס אנדערש. קענסט איהם אויסהערן אויף קול הלשון, אויף דער נומער פון 'חומש מיט רמב"ן'. יא, וועסט דארפן איינשלינגען אביסל די קנאות און די לאזונגען, אבער דער עין פקיחא קען ארויסנעמען די גוטע חלקים און נישט משפט'ן א צוויי שעה שיעור פון די פאר ווערטער אין אנהייב און צום סוף.

דולה ומשקה איז נישט וויכטיג. קוק די הקדמה\הסכמה צום חשב האפוד אויף מורה נבוכים פאר עפעס טיפער.

[newkave]

דולה ומשקה איז נישט וויכטיג? פארוואס נישט? ווייל דו גלייכסט עם?

[ליטוואק פון בודאפעסט]

ווייל ס'איז נאר איין חלק פון איין חלק פון דער מענטש. דאס איז זיין היסטארישע פערספעקטיוו. אחוץ דעם האט ער פיהל זייטן און ענינים, און מ'דארף די גאנצע בנין צו פארשטיין.

ווען איך קוק דולה ומשקה, לאך איך אויך. ס'איז טאקע א פארטיידיגונג פון זיין יחוס מער ווי אן אביעקטיווע בליק.
אבער מעסטן א מענטש פון איין זאך איז קטנות.

[berlbalaguleh]

חצוצרות: די שורה פון דיין לעצטן פאראגראף אין דיין רעענט, איז אויסגעקומען פונקט דער היפוך פון וואס דו האסט געוואלט זאגן.

יעצט פארשטיי מיר פשט וואס רש"י הק' זאגט אז ..."שנאה מקלקלת את השורה"... דיין שטויס צו נעגאטיוויטעט האט פארדארבן די לעצטע שורה פון דיין מאמר. ס'איז געווארן ונהפוך הוא...ואידך פירושא. זיל גמור...!

[איש את רעהו]

[tag]חצוצרות[/tag] זייער ראנג אראפגעלייגט
זיינע מאמרים אין זמני השנה ומדי שבוע בשבוע איז מלא תוכן, ער האט פילע תלמידים שוין מעמיד געווען
די לעצטערע תקופה איז שוואך געווארן בכלל דאס גיין לערנען ביי א פרטישער רב און תופס ישיבה אלעס גייט קאמערשעל, איז די וואדרידזשע רב פארווייטאגט אויף דעם אז די וועג פון איבערגעבן מרב לתלמיד איז היינט נישט קיין מציאה מער.

[tag]ליטוואק פון בודאפעסט[/tag] די רב האט א רייכע היסטאריע פון זיינע אינגע יארן ווען מען האט אים איבערגעגעבן תיכף נאך זיין חתונה מדריך צו זיין די עלטערע קינדער על דרך התורה, ער האט יענע יארן אסאך גיטע תלמידים אוועקגעשטעלט.

[[NAMELESS]]

ווייל ס'איז נאר איין חלק פון איין חלק פון דער מענטש. דאס איז זיין היסטארישע פערספעקטיוו. אחוץ דעם האט ער פיהל זייטן און ענינים, און מ'דארף די גאנצע בנין צו פארשטיין.

ווען איך קוק דולה ומשקה, לאך איך אויך. ס'איז טאקע א פארטיידיגונג פון זיין יחוס מער ווי אן אביעקטיווע בליק.
אבער מעסטן א מענטש פון איין זאך איז קטנות.

חכם מה הוא - דאס וואס ער איז, אומר - דאס זאגט ער. נו דאס איז דאך דער דולה ומשקה - וואס ער זאגט אלס, ניין?

[שיח ושיג]

וואס זאל איך ענק זאגן?
איך קען שוין דעם וואודריזשער רב יארן לאנג, און איך בין זייער נאנט מיט אים, איך קען אלע זיינע מעלות און חסרונות, עס איז נישט שייך אפצומעסטען דעם איד אויב מ'קען אים נישט פערזענליך גוט, דער דולה ומשקה אליינס זאגט נישט צופיל, הערן פון אים סטעיטמענטס אויך נישט.
איך זאג אלס פאר יעדן וואס וויל אים אוועקמאכן, דורך ארויסברענגען זיינע חסרונות, אז איך קען מיט דיר שמועסן איבער זיינע חסרונות, איך קען דיר עס בעסער מסביר זיין, אבער מיט איין תנאי, אז די ביסט אויך גרייט צו שמועסן איבער זיינע מעלות. און איך זאג דיר אז זיינע מעלות שטייגן איבער זיינע חסרונות!
ער האט אזעלכע מעלות, וואס ווער עס איז אינטערעסירט אין דעם, וועט ער טרעפן אין אים, ממש אין כדוגמתו.
אבער דער מציאות איז, אז איינער וואס קלאפט זיך אן מיט אים, זעט קודם זיינע חסרונות, און זייער אסאך מאל שטעלט מען זיך אפ ביי דעם און מען איז מחליט אז דאס איז ער, און מ'קען שוין נישט זען זיינע מעלות.
פארוואס דער אייבערשטער האט עס אזוי געמאכט, אז זיינע חסרונות דעקן זיינע מעלות, ווייס איך נישט.
אבער דאס איז זיכער ער איז אן אוצר יקר!

[[NAMELESS]]

די אויגן קלעבן נאך א שווערע טאג ארבעט אינדרויסן און אין שטוב, פארן גיין שלאפן פראביר איך כאטש צו כאפן א שנעלען בליק אויפן וועקער, ומה אעשה, כ'האב עס נישט געקענט אראפלייגן ביזן ענדיגן דעם זעלטענעם שלימות'דיגן באשרייבונג אויף דעם איד, די מחשבות ווירבלען מיר, יעצט ווייס איך נישט צו איך וועל קענען אזוי שנעל איינשלאפן... גיימיר רופן קול הלשון, תיכף לנטילה ברכה, און טאקע די רמב"ן קנעפל וואס כ'האב קיינמאל נישט געדרוקט, העמיר זעהן ווילאנג ער וועט מיר אויפהאלטן.

[איש את רעהו]

די הפטורות נישט ?

[ליטוואק פון בודאפעסט]

אז מ׳האט שוין געהאט צייט צו ליינען און רע׳אגירען, וואלט איך הנאה געהאט צו הערען פון דער עולם וואס מ׳האט צו זאגען אויף מיין ארטיקל. ס׳אזי באמת דא צוויי אשכולות אויף הרב יצחק אין שטיבעל, מ׳קען צולייגען ווי מ׳וויל.
טאמער איינער האט ביאגראפישער דיטעילס, וואלט איך אויך הנאה געהאט, איבערלעבעניש׳ן פון תלמידים, זכרונות פון זיין יונגער יארען ועוד.

Sent from my LG-K373 using Tapatalk

[ליטוואק פון בודאפעסט]

איך מוז זיך אנטשולדיגען. די נומער פון דער רב׳ס אפטיילונג אין קול הלשון איז א טעות. דער אמת׳ער נומער איז 718 906 6428 ודלא כמו שכתוב, ואתכם הסליחה.


Sent from my LG-K373 using Tapatalk

[איש את רעהו]

איין נקודה איז שטארק פארזעהן געווארן ביים באשרייבונג פון [tag]ליטוואק פון בודאפעסט[/tag]
ווי שטארק די רב מיטן אש קודש טוט ערווענען זיינע געדאנקעןגאנג פאר א צווייטען וואס ליגט אינעם פראבלעים
עכ"ז טוט די רב מיט אויסערגעווענליכע ליבשאפט יענעם אנצייגן די ריכטיגע מיינונג וואס א איד דארף וויסן, און ווערט נישט יענעם'ס פערזענליכע קעגנער.

וועגן די צייט ווען חסידי באבוב האבן געמאכט א קרעמל ארום דעם רב
דאס איז געווען אין די צייט צווישען נ"ט און די קומענדיגע בערך 10 יאר וואס באבוב האט שוין נישט געהאט מער דעם שטארקער און געזינטער מנהיג וואס זיי האבן געהאט אין זייערע פריערדיגע יארן
האט זיך א גרופע איידעלע אינגעלייט ארויסגעלאזט אויף די כדור הארץ זיכען ערגעץ ווי צו שעפן פון א באר מים.
..


די פוינט פון זיין קשר צו די תלמידים, און וואס די תלמידים זאגן איבער אים וואלטסטו מער געקענט באשרייבן
אבער אוועראול האסטו זיינע פוינט'ס אייזן אראפגעלייגט
האסטו שוין עפעס צוריקגעהערט וויאזוי די רב האט רעאגירט צום ארטיקל אינעם וועקער ?

[אישתישבי]

דו מישסט אויס פיהל נושאים. כ'מיין 'באשיינען אן אפיציעלע מאורע' איז יא אן עוסק בישובו של עולם.

ער זאגט נישט קיין שיעור אין הלכה און ער שרייבט נישט קיין תשובות. זיין היקף און ברייטקייט אין אגדה איז אבער עפעס אנדערש. קענסט איהם אויסהערן אויף קול הלשון, אויף דער נומער פון 'חומש מיט רמב"ן'. יא, וועסט דארפן איינשלינגען אביסל די קנאות און די לאזונגען, אבער דער עין פקיחא קען ארויסנעמען די גוטע חלקים און נישט משפט'ן א צוויי שעה שיעור פון די פאר ווערטער אין אנהייב און צום סוף.

דולה ומשקה איז נישט וויכטיג. קוק די הקדמה\הסכמה צום חשב האפוד אויף מורה נבוכים פאר עפעס טיפער.

ווי קען מען באקומען די צוויי ספרים?

[[NAMELESS]]

אלץ השלמה צום לייענען דעם ארטיקל, האב איך טאקע געפאלגט און געלייענט די צוויי דערמאנטע הקדמות. די הקדמה צו דעם אבני אור פארשטיי איך טאקע ווי מ'זעהט די יסודות ההשקפה פונעם רב, וואו ער גייט דורך די היסטאריע און די השתלשלות פון די תלמידי החת"ס און די גדולי החסידות ביז צו זיין הבנה אין דעם מזוכך'דיגע מסורה, ווי ליטוואק האט דאס אייזן גוט אראפגעלייגט. אבער אין די הקדמה צו דעם חשב האפוד האב איך נישט געזעהן עפעס משהו מיוחד, אויסער דעם חלק אז ער האלט אז אין די היינטיגע פארדרייטע וועלט ברויך מען צוריקגיין און לערנען די השקפה ווערטער פון די קדמונים, דוגמת המורה נבוכים. טאקע א מיוחד'יגע שיטה וואס מען געפונט נישט ביי קיין חרדי'שע גדול, כש"כ אן אונגארישע רב, אבער אויסער די נקודה זעהט מען נישט דארט עפעס צופיהל. איינער האט דא ערווענט עפעס ווערטער מיט א משמעות אז די געדרוקטע ווערסיע פון די הקדמה איז צענזורירט, ס'איז אמת? וואו קען מען זעהן די פולע ווערסיע?

[ליטוואק פון בודאפעסט]

אין יענער הקדמה\הסכמה זעט זיך כל מיני אינטרעסאנטקייטען, ווי למשל דער צושטעל פונ׳ם ראפשיצער רב צו הרב שך מיט׳ן בריסקער רב.

דער עיקר וואס ס׳זעט זיך דארט אין הקדמה\הסכמה איז א. א פארשטאנד צו די עניינים וואס פלאגען פיהל יונגעלייט, ועוד והוא העיקר, א פונדעמענטאלע גאנג דאס צו לעזען, צוריק ביי די שורשים. דער נשמה וואס פיהלט ליידיג וועט זיך נישט אנפיהלען פון א שבת התוועדות און ווארמע זמירות מיט הייסע קוגעל. דאס קען, אויפ׳ן בעסטען אופן, אפשטופען דער בראך א פאר יאר. א גרונטליכע זעלבסט איבערבוי קען אפשר יא עפעס אויפטוהן.

Sent from my LG-K373 using Tapatalk

[קינד_אן_קייט]

ווי שוין געשריבן דא, איז דער ארטיקל אויף הרב לעבאוויטש אינעם ״וועקער״ מלא תוכן, א געוואלדיגער ארבעט דורך מיודענו [tag]ליטוואק פון בודאפעסט[/tag].

אלץ איינער וואס איז נישט געווען באקאנט מיט הרב לעבאוויטש נאר דרך אגב׳דיג, איז מיר געווען שטארק אינטערעסאנט צו לערנען מער איבער דעם רב, זיין מהות און השקפה.

וואס חידוש׳ט מיר נאכ׳ן ליינען דעם ארטיקל, איז וויאזוי אזא כלי איז טאקע אזוי פארווינקעלט ומונחת בקרן זוית, כ׳פארשטיי אז ער איז אן אייגנארטיגקער מענטש און ער שפילט נישט מיט מיט׳ן געווענליכן סיסטעם וואס פאבריצירט און ברענגט אנהענגער, אבער דאך איז שווער אנצונעמען אז ער איז באמת נישט אויסן צו פארברייטערן זיין השפעה און ס׳איז באמת משמע אז ער שעפט דוקא יא הנאה אז מ׳קומט אים אויסהערן.

דאס אז ער האט זיך אפגעזונדערט און געפינט זיך אין א מקום תוהו (צוזאמען מיט׳ן פאקט אז ער פארמאגט ווארשיינליך קנאפע סאשעל סקילס) איז טאקע דער פשוט׳סטער ענטפער, נאר מ׳קען קלערן צו דאס איז בעצם דער גורל פון רוב אנדערע געלונגענע פערזענליכקייטן (יוצאי קהילת סאטמאר און אויך אין אנדערע מקומות) וועלכע האבן נישט געשפרייזט פונקטליך מיט׳ן שטראם און די פארטיי ליניעס, אדער איז דאס מער א תוצאה פון נקודת האמת אז ער זוכט נישט קיין כבוד און ער איז בלתי לד׳ לבדו.

נאך א נושא וואס כ׳האב געוואלט ליינען מער איז זיין פארבינדונג מיט אנדערע גדולי הדור. למשל, אינעם ארטיקל איז דא א בילד פון אים און דעם ירושלימ׳ער רב (דא אינעם אשכול ווערט דערמאנט אז זיי זענען מחותנים), אבער ס׳ווערט נישט אויסגעשמועסט צו ס׳הערשט א הערכה הדדית צווישן אים און אנדערע פערזענליכקייטן און אזוי אויך אויף פארקערט (עכ״פ פריוואט).

בכל אופן, איז דאס גאר א באלענדער ארטיקל און מייסטערליך געשריבן.

[ליטוואק פון בודאפעסט]

זיין סאושעל סקילס זענען נישט צופיהל ערגער ווי אסאך רבנים פון שטיבלעך. ר׳ מרדכי בצלאל איז עפעס בעסער ווי איהם?

איך מיין אז ער איז אביסל בעפאר זיין צייט. ווען ער איז היינט פערציג יאר אלט און ער גייט ארויס פון שטאט, וואלט ער געהאט א שטיקל עולם אויך. נאר מ׳קען נישט בויען א שטעטל אויף א שיטה. מ׳דארף די גשמיות׳דיגע ברויכונגען צוזאמען מיט דעם, און ביז דער עולם האט איינגעזע׳ען אז די גשמיות אין שטאט איז א פראבלעם האט גענומען צייט. אין תשנ"ה, צען יאר נאך זיין ארויפפארונג, איז דער מצב נאך נישט גענוג ענג געווען. ווען ער האט דען א קינד צו אן איידעם וואס איז אן איש המעשה, מיט צוויי דריי יונגע בעלעבאטים, וואלטען זיי אפשר היינט געקענט עפעס מאכען. אבער דעמאלס וואלט מען געדארפט אסאך שכל אויפצובויען די אנשטאלטען מיט א ברייטע פאראויסקוקענדיגע בליק, ווארום אז מ׳בויט אלס פונדאסניי, נישט פארלאזענדיג אויף די אלגעמיינע מהלך הרחוב, דארף מען די שכל פון צען מענטשען.

Sent from my LG-K373 using Tapatalk

[שיח ושיג]

פאר אלע וואס ווילן וויסן, ער וואינט היינט אין וואודריזדש נישט ווייל ער וויל, אז ער האט נישט קיין ישיבה, וויל ער גערן צוריקמופן לכלל ישוב, אבער עס איז נישט אזוי פשוט, עס איז זייער א שווערע זאך מחמת כמה סיבות.
לויפטס אין זייטס נהנה פון דעם יוד, ווילאנג ער איז דא מיט אונז.
די אלע וואס וואס זענען בועט אין אלעס וואס מ'האט זיי געלערנט, ווייל זיי שפירן אז מ'האט זיי געפיטערט שטותים, וועלן זיך מחי' זיין מיט דעם יוד, מ'טרעפט ביי אים חירות הדעת פון אלע נערישע שעבודים, אין מ'פירט צוריק צו עצם התורה. אן דארפן מחמת וועלן זיין אויפגעקלערט אריינקרוכן אין אלעס וואס איז היילגי ביי אונז

[איש את רעהו]

זיין מיינונג וועגן אינטערנעט וואלט געדאפט אריינגיין אינעם ארטיקל

[ליטוואק פון בודאפעסט]

אדרבא, שרייב דו. קיינער האט נישט קיין מאנאפאל אויף איהם

Sent from my LG-K373 using Tapatalk

[איש את רעהו]

ביניך דען אזא שרייבער ווי דיר? כהאב דערווייל נישט געפינעם אין קלייט אזא גיטע פעדער וואס די האסט

[איש את רעהו]

ער האט נאך מיט יארן צוריק מיר געזאגט
ווען די רבנים ומנהיגים זאלן ווען פירן פריוואט קליינע שטיבלאך און אריינגעבן א חיות און א אש קודש אין תורה ומצוות, וואלט קיינעם נישט אזוי געארט דעם שינוי במציאות העולם אז די וועלט ווערט עדווענסד און פארגעשריטן מיטן טאג טעגליכען לעבן.

יעצט אז די הנהגה און מסירת התורה ווערט נישט געהעריג פראקטיצירט
שלאגט מען זיך מיט די נייע מציאות וואס די וועלט קען נאר עקזיסטירן דורך פארגעשריטענע קאמיוניקאציע