רבי ישעיה'לעס כולל עפענט אירע טויערן

[[NAMELESS]]

[justify]פארוואס פעלט אויס א ר' ישעיה'לעס כולל פרעגסטו?

ס'איז נישט מער ווי יושר אז ווען כולל חצות, תהלים כולל, עיני ישועה, רחם פקודה, פארמאגן שוין עטליכע ברענטשעס איבער די גארער וועלט, איז נאך ר' ישעיה'לע - וואס פאקט זיי אלע איין מיט ישועות - בכלל נאך נישט אויפן מאפע.

גראדע דער אונגארישער פרעימיער מיניסטער האט יעצט געזאגט פאר טראמפ אז א גרויס חלק פון די פרישע דזשאבס קומט זיך אונגארן קרעדיט, אונגארן האט צוגעשטעלט קערעסטיר..

געטון ווי געזאגט געזאגט ווי געטון. נאכן דורכרעדן מיט פראמינענטע רבנים ווי אזוי ס'איז די ריכטיגסטע מהלך צו פאראייביגן די נאמען פון באדראג קערעסטיר האמיר באשלאסן צו גרינדן א כולל על שמו. כ'האב עס א נאמען געגעבן: רבי ישעיה'לעס כולל. כשמו כן הוא א כולל ווי מ'איז זיך מתעמק בדרכי רבי ישעיה'לע.

ווי יעדער פארשטייט אליינס איז נישט יעדער קוואליפיצירט צו זיין בין הני חבורתא. יעדער פון די שלוחא דרחמנא האט מען עקסטער געקליבן באזונדער; יעדער איינער איז אינטערנעט פריי, סקיסע גייער'ס מיט די קאפ וואסער ווען די ציצית הענגט איבערן דלת ווי צו זאגן דא וואוינט אן הכנות עדיקט, גרויסע און פולע אידן, דארפן קענען טינקען בראוני טאפס אין מאטיאש אראפ ווישענדיג מיט א זכיעסע יאגיין אליינו, זייענדיג מקיים אלע מצות התליות בעבודת האכילה בכל פרטיה.

די פרייזן פאר די זכותים זענען עס פאלאוס:

פאר $18 טרינקן מיר ח"י ראטל ר' ישעיה'לע זופ, אדער ח"י ראטל מטרנה.

פאר $36 עסן מיר פאר אייך שתי פעמים ח"י דעלקעלעך, צו יוצא זיין שיעור שביעה שיטת קערעסטיר.

פאר $72 עסן מיר פאר אייך ח"י דעלקעלעך פלאס א פושקע מאטיאש.

פאר $180 עסן מיר כל הנ"ל פלאס א טאץ בראוני טאפס געטונקען אין ר'ישעיה'לע הערינג.

פאר $360 כמנין ולא לרזון עסן מיר אלע אויבנדערמאנטע פלאס פארציילן לזכותך די מופת פון דער גוי וואס האט זיך דערטראנקן אינעם סינק.

פאר $720 כמנין ר' ישעיה'לע שר העכברים וואשן מיר זיך צו א סעודת ר' ישעיה'לע בשעתו, פרישע ראפאגאש בארכעס נוסח ר'ישעיה'לע, א טאץ געפילטע מיט קאטשעניו אויסווישענדיג דערנאך די קאטשעניו אזוי אראפווישענדיג נאך א רעפטל ברויט, פרישע זופ פון א קליינע טאפ זכר לנס, געשחט'ענע קעלבער, הנתחים והפדר, קוגלען און צימעס. לקיים מה שנאמר: זכר לאכילה כשעיהו

דאס יאר וואס עס געפאלט שבת וועלן מיר עסן צוויי סעודות ביז סוף זמן אכילת ר' ישעיה'לע ווי ר'ישעיה'לע האט געטייטשט ואל קין - אויף צו קייען לא שעה - איז נישט דא קיין באשטומטער זמן נאר שטענדיג ווען מ'קען צו'עסן א ר' ישעיה'לע קוגעל הרי זה מעוגל

פאר עקסטערע 68 ראניש כמנין באדראג קערעסטיר, זאגן מיר די הייליגע יהי רצון וואס איז פול מיט מילו"י יודין און אנדערע שמות וואס איז פארפאסט געווארן במיוחד דורך אחד מזקני נכדי ר'ישעיה'לע:

הרֵינִי אוֹכַל אֲכִילָה זוֹ, אֲכִילָה מְרוּבָּה, בַּרְבּוּרִים אבוסים, שְׁמֵנִים וּמְתוּקִים וְדָגִים מְלוּחִים לָעִילּוּי נָשַׁמְתָּ רבינו ישעיה בֵּן מֹשֶׁה בְּשֵׁם כָּל יִשְׂרָאֵל. 
וַיְהִי רָצוֹן שֶׁכְּשֵׁם שֶׁאָכַלְתִּי אֲכִילָה גַּסָּה בְּשָׁנָה זוֹ בָּעוֹלָם הַזֶּה כָּךְ אֲזַכֶּה לֶאֱכוֹל וְלִשְׁתּוֹת לְשָׁנָה הַבָּאָה וּשְׁאָר שַׁבָּתוֹת הַשָּׁנָה. (שכח ונבנתה)


הבהרה: די אלע פרעסטראונטן און אנדערע פראסטע אידן וואס ווילן זיך פילן גוט, טיילן זיי פרעסעריי בחינם מאכענדיג פון ר' ישעיה'לע א חוכא וטלילא א שטיק פרעס! דאס האט מיט אונז קיין שייכות.

אזוי אויך די אלע וואס פרובירן אראפצורייסן די מנהג אבותינו מדור דור פון ממשיך זיין ישועות דורך די עבודה פון אכילה, די זענען שוין אלטע משכילים, מינות דמשכי, וואס זענען שוין אלץ בחור געגאנגען מיט די אונטער-העמעדער אן די ערמל..

---------

די ישועות למעלה מן הטבע זאגן עדות די פולע אידן וואס האבן דאס שוין פרובירט. אונזערע קליענטן באהאלטן זיך נישט מען קען זיי אליינס איבער פרעגן די ישועות. כ'וועל נאר דערציילן בקיצור נמרץ די לעצטיגע יישועות פון די וואך אליינס

זלמן בערגער פון בארא פארק איז ליידער געווען א חשוך בנים יארן לאנג. כולל חצות אפפער אויף זכרים איז שוין נישט יעצט געווען עוועליבעל און לייבעל איז עפעס פונקט נישט נעתר געווארן לבקשת תושבי ברוקלין יענע וואך... האט ער האט באשלאסן צו רופן ר'ישעיה'לעס כולל, ער האט גענומען די זכות פון שתי פעמים חי דעלקעלעך. הערשט נאך די אינגעלייט האבן אים פארזיכערט אז זיי וועלן ענדיגן דאס מערסטע וואס זיי קענען, האט ער זיך בארואיגט. אבער ווי וואונדערליך, נאך בשעת'ן אראפלייגן רופט אים זיין ווייב מיט איבערראשונג אז פלוצלינג אינמיטן וואשן דישעס האט זי געהאט א בן זכר... פאר אונז אבער איז אזא מעשה בכלל נישט קיין איבערראשונג.

חיים שלום וואלדמאן פון קרית יואל האט לעצטענס זיך געפלאגט מיט א גוי'אישע שכן וואס האט אים אויסגעטיילט שווערע צרות. חיים שלום האט זיך איינגעהאנדעלט די 360 פעקידזש פון מאטיאש מיט די מעשה פונעם סינק. עטליכע טעג זענען פארביי ווען איין טאג קומט ער צו לויפן צו חיים שלום'ן פרעגענדיג ווער איז דיין ראביי? פארציילנדיג מיט קענטיגע שרעק: נעכטן נאכט אבער'נדיג אויף פירסט עוו' פיל איך א שלעפ ביים קארג, און דער ראביי זאגט מיר איבער און איבער 'לייגן אדער בייגן' כ'האב נישט געוויסט פונקטלעך וואס ס'מיינט האביך געטשוזט די ערשטע אפשען... מיין אבער דרייווער זאגט מיר דו האסט מזל ווי א גוי.. ווען דו טשוזט ווען 'לייגן' ביסטו יעצט אויפן וועג צום פיונערעל...

און מיין דרייווער פארציילט מיר ווייטער, אז הערשט א טאג פארדעם איז געווען די זעלבע מעשה אין באסטאן, ווען א יוגענטליכער האט אהיים שפאצירט פון סקול האט אים דער אידל אפגעשטעלט אבער דער גוי האט געטשוזט די לייגן אפציע, און יענער נאכט האט ער זיך איבערגעבויגן איבערן סינק און ער האט זיך דערטראנקן.. די פאליציי האט געעפענט די דרעין אבער והנער איננו, אזויפיל יא זאגן זיי, אז לעצטענס שפייט דער טייס און דונא טייכן אין אונגארן ארויס צענדליגער קערפער ס'איז דערווייל נישט באשטעטיגט צו ס'האט א פארבינדונג מיט די מעשית דא.

די פאליס דעפארטמענט האט יעצט ארויסגעלייגט א באלוינינג ווער עס ברענגט זיי אינפארמאציע איבער א סיריעל קיל..ר (רח"ל) זיי האבן פארשפרייט א סקיצע פון א עלטערער האנגעריען ראביי מיט א פלאכן היט אויפן קאפ און איז לעצט געזען געווארן אין וויליאמסבורג ביי די קליימער פראדזשעקטס כמעט הרג'נענדיג א טענענט.

דורך די סובוועי און ביי בערי קליין איז ער דערווייל נאכנישט דורך, דארט האט מען יעצט געזען מייזן לויפן.


חלילה צו לצ'ווען פון א קדוש בישראל, ס'איז נאר צו חוזק מאכן פון די איבערגעטריבענע עסעריי און מעשיות באקעריי. נישט נעמען פערזענליך, ס'איז דאך אין שמייכל[/justify]

[[NAMELESS]]

נאך א מזל כ'בין אליין אין צימער יעצט...

[שמעון וואלף]

אייזן גוט באשריבן.
נאר איין הערה. די שרייבסט נעמען פון די באטראפענע - זלמן בערגער פון בארא פארק און חיים שלום וואלדמאן פון קרית יואל. איך האלט אז אזא מוסד ווי מענטשן געטרויען מיט פערסאנעל פראבלעמען וואלט געדארפט זיין קאנפידענשאל און שרייבן בלויז די ראשי תיבות פון די נעמען

[וואלווי]

לעשות רצון ש.וו. וועלעך מגלה סוד זיין אן קיין נעמען.

אני הקטן וו. פון ק"ש. פיר שוין יארן לאנג אזא כולל ביי מיר אין שטוב כנהוג מקדמת דנא אז די שיינע יודען אין די מעשה ביכלעך פלעגען מחזיק זיין א כולל בביתם, איך ריק בארכעס און פיש יאך, קיכען געזאלצען און געציקערט, זויערע און זיסע פיש, קארן ביף און לשונות בחרדל, פארעווע טשאלענט און פליישיגע, ספייסי און וועגיטעריען, צווישען א יעדער טעימה פיש און פלייש שווענק איך מיט יי"ש וחוזר חלילה בין בשר ודגים. אזוי אויך פיר איך א קרטעשניפער-נדבורנא כולל ווי איך בין תוחב בבית הבליעה נאר מאכלי שב"ק משבת לשבת שוין יארן לאנג וואס כ'נעם נישט אריין אין מויל נאר מאכלים וואס זענען אנגעגרייט דורך די רעביצין מחד לשבתא לשבתא. אבער היות אין הקומץ משביע את הארי ודא עקא קושית כסף מנלן נאכ'ן דורך רעדען מיט געטרייע עסקנים פונם כולל בשעת זיצען מיט פראפסיענעלע אקאונטענטס און לויערס האט מען מחליט געווען צו קאנסאלידעיטען די צוויי כוללים און מערדזשען כולל קערעסטיר מיט כולל קרעטשניף נדבורנא ויצא מה שיצא א כולל קערעסטיר-קרעטשניף-נדבורנא, און פון דעמאלטס און ווייטער עסען מיר כפליים כיוצא מצרים אלס נאר לכבוד שבת קודש. ב"ה מיר האבן קינדער ק"ע ,פרנסה, הרחבת הדעת, עס איז נישט שולט קיין עין הרע, שידוכים, אריכות ימים, נישטא קיין חולאים און מקשה לילד'ס. באשעפער זאל העלפען אז די קערעסטירער-נדבורנער-קרעטשניפער כולל זאל קענען אנהאלטען עוד רבות בשנים כולן שוין לטובה.

די עסקנים קלערען יעצט צו מערדזשען מיט פשעווארסק, און צייליגען א פשעווארסקער קיגל, וועט מען זוכה צו כולל קערעסטיר-נדבורנא-קרעטשניף-פשעווארסק....

[קל וחומר]

איך האב אין פלאן צו עפענען א 'כולל עלית למרום' וואו צעהן אינגעלייט וועלן אייננעמען די אלע סממנים המנויים בתורה במקטרת העשן לריח ניחוח אשה לה', אזוי וועלן די אינגעלייט ארויפטראפעווען צו גאר הויכע עולמות און קענען זעהן און הערן פונקטליך וואסארא דינים עס איז דא אויפן מענטש און לויט דעם וועלן זיי קענען איינטיילן צו וועלכע כולל ער זאל זיך ווענדן פאר א ישועה!

אמאל קען עס זיין איינעמס אפגעריסענער שלעכט עין וואס ער האט ארויפגעשמירט אויף יענעם על לא דבר.

אמאל איז דא א קטרוג חלילה וויבאלד ער טוט מצוות נאר כמעשה קוף בעלמא ברויך מען לעומת זה זאגן תהלים בי עשרה צו מבטל זיין די מעשי קוף זיינע.

אמאל קען זיין וויבאלד ער איז נישט זהיר געווען אין די מצוות התלויות בחצות (כאכילת אפיקומן ועוד שאיני יכול לפרט מטעם הכמוס) ברויך ער דרינגנד א חצות טיעם וואס זאל אינאיינעם פאריכטן זיין אפגעפליקטן חצות ווירטשאפט.

וכן לעניין אכילה, אמאל קען מען חלילה עסן שלא לשם ר' שייעלע קערעסטירער בזמן וואס עס איז דייקא פארהאן א שטארקע תביעה ממרום אז מ'זאל אן עס טאן לשמו כמנחת שייע כידוע ליודעי חריין, ברויך מען א גרויסע תיקון אין דעם פעלד פון מיכלא יתירה לפטם בני ייחוס לזכות עבות אז עס זאל געגעסן ווערן פון אלע מיני תבשילין בכדי אכילת פרס ומדי אויף אן אופן וואס וועט צושפאט לייגן סעודת אחשורוש בשעתו. וכו' וכו'.
וועט דער כולל דינען ווי א וועגווייזער פאר דעם קווה ישועה צו קענען גיך אנטרעפן זיין ריכטיג מקור הישועה און שפארן געלט און צייט און עגמ"נ פון ברויכן ארומקלעטערן אלע כוללים ביז'ן אנקום צום ריכטיגן מקום ישועה!

[איך אויך]

גאנץ פיין געלאכט, אבער וואס אל איך טוהן אז איך האב פערזעכנליך און ערשט האנטיג מיטגעהאלטן פלא'דיגע ישועות געשעהן צו אידן פון אלע שיכטן און סארטן ביי דעם צדיק נשגב. הה''ד אז עס איז דא גענוג אמתע מעשיות דארף מען נישט באקן.

[קורקלענד]

איך ווארט אויף איינער וואס זאל אויפמאכן א דאווענען כולל. וואו מען ערענסטע אינגעלייט וועלן דאווענען פאר מיר שחרית, מנחה און מעריב בכוונה. פארוואס נאר מיט תהלים אדער אויף זיין אויף וואכנאכט קען מען איבערגעבן פאר יענעם. ווי אויך אסאך מאל איז מען בכלל נישט ראוי צו דאווענען.

[פליקער]

.

[berlbalaguleh]

דער געוואגטער יונגל: איך וועל זאגן אזוי ווי אונזער זיידע אברהם אבינו ע"ה האט געזאגט צו שרה אמנו..."עתה ידעתי כי אישה יפה מראה את"...אונז קעמיר זיך שוין כמעט 3 יאר. אמת, איך האב אייביג געוואוסט אז דו האסט א ספעציעלן טאלאנט צו הומאר. אבער אזוי ווייט צו קענען צונעמען אן עניין לפרטי פרטיו מיט אלע פיטשעווקעס און ארויפגעבן עס כשולחן הערוך אז דער עולם קוילערט פאר געלעכטער. פארשטייצעך נאכ'ן כאפן דעם ריכטיגן פשט פון דיינע ווערטער...!

איך פארשטיי אז דו מאכסט ח"ו נישט ליצנות פון א צדיק אמת און איש מופת. נאר פון די נארישע קולטור וואס האט זיך דעוועלאפט דורך מענטשן וועלכע האבן פארשידענע אגענדאס צו שטופן נישט געשטויגענע אזוי-גערופענע מופתים עד כדי חוכא וטלולא. איז זייער גוט אז ס'איז דא איינער וועלכער קען ארויפהאלטן א שפיגל און ווייזן פאר א יעדן ווי אבסורד די גאנצע מאכערייקע פון די פאלשע אמונת צדיקים איז...נאכאמאל. א יישר כח...!

[berlbalaguleh]

אייזן גוט באשריבן.
נאר איין הערה. די שרייבסט נעמען פון די באטראפענע - זלמן בערגער פון בארא פארק און חיים שלום וואלדמאן פון קרית יואל. איך האלט אז אזא מוסד ווי מענטשן געטרויען מיט פערסאנעל פראבלעמען וואלט געדארפט זיין קאנפידענשאל און שרייבן בלויז די ראשי תיבות פון די נעמען

שמעון וואלף: דו האסט א הווה אמינא פאר איין מינוט אז דאס זענען אמת'ע נעמען פון מענטשן וועלכע זענען געווען אין קערעסטיר. ס'קען זיין ס'איז דא מענטשן מיט אזעלכע נעמען. אבער ביי די מעשה איז עס נישט אמת. וואס דארפסטו א בעסערע ראיה...?! וויפיל גויים קענסטו וואס וואוינען אין די היימישע געגנט אין קרית יואל...?!

[שמעקעדיג]

אמאל קען זיין וויבאלד ער איז נישט זהיר געווען אין די מצוות התלויות בחצות (כאכילת אפיקומן ועוד שאיני יכול לפרט מטעם הכמוס)

[[NAMELESS]]

איינער פרעגט מיר יעצט צו כ'פאר אויף קערעסטיר, זאג איך אים כ'בין יעצט אויף א שטרענגע דייעט אפשר קומענדיגע יאר...

[שמעון וואלף]

אייזן גוט באשריבן.
נאר איין הערה. די שרייבסט נעמען פון די באטראפענע - זלמן בערגער פון בארא פארק און חיים שלום וואלדמאן פון קרית יואל. איך האלט אז אזא מוסד ווי מענטשן געטרויען מיט פערסאנעל פראבלעמען וואלט געדארפט זיין קאנפידענשאל און שרייבן בלויז די ראשי תיבות פון די נעמען

שמעון וואלף: דו האסט א הווה אמינא פאר איין מינוט אז דאס זענען אמת'ע נעמען פון מענטשן וועלכע זענען געווען אין קערעסטיר. ס'קען זיין ס'איז דא מענטשן מיט אזעלכע נעמען. אבער ביי די מעשה איז עס נישט אמת. וואס דארפסטו א בעסערע ראיה...?! וויפיל גויים קענסטו וואס וואוינען אין די היימישע געגנט אין קרית יואל...?!

בערעלע, מיר זענען אין שמייכל. ביטע לעזן דיזע פארום מיט א סארקאסטיש בליק

[תנחום]

איינער פרעגט מיר יעצט צו כ'פאר אויף קערעסטיר, זאג איך אים כ'בין יעצט אויף א שטרענגע דייעט אפשר קומענדיגע יאר...

אדרבה ביי רעב שייעלע'ס יארצייט געט מען בייגלס מיט לאקס וואס איז אסאך געזונטער פון די ספאנזש קעיק וואס מ'געט ביי אנדערע יארצייטן מ'דארף עס טאקע איינפירן א ביי יעדע יארצייט

[[NAMELESS]]

הזהרו! סוף זמן אכילת ר'ישעיה'לע..

[טמיר]

הזהרו! סוף זמן אכילת ר'ישעיה'לע..

די קלוגע יודן ווייסן צי מיטנעמען די השפעות פון'עם הייליגן טאג אויף א גאנץ יאר

[תנחום]

ביי אונז אין ביהמ"ד האט מען דעי שבת ארויסגענומען צוויי ספרי תורה מ'האט געליינט פרשת המן...

[וואלווי]

העי! רימאנוב נעמט שוין ארויס אן עיקול

[וואלווי]

הזהרו! סוף זמן אכילת ר'ישעיה'לע..

די קלוגע יודן ווייסן צי מיטנעמען די השפעות פון'עם הייליגן טאג אויף א גאנץ יאר

נאו קידדינג. אז מ'נוצט אויס דעם יום קדוש בכל פרטיה נעמט מען טאקע מיט די השפעות ווי מען גייט א גאנצע יאר. ווער ס'גלייבט נישט זאל פרובירן ארויף צו וואקען 5 שטאק טרעפ און איין צו וועט ער זען אז ער האט מיטגענומען השפעות

[כלבאשבוע]

viewtopic.php?f=4&t=9296

[[NAMELESS]]

רבותי נאך געציילטע פלעצער עוועליבעל. נאר ערענסט פאראינטערעסירטע...

[וואלווי]

רבותי נאך געציילטע פלעצער עוועליבעל. נאר ערענסט פאראינטערעסירטע...

מ'דארף זיך מכין זיין פאר א פארהער?

[ליטוואק פון בודאפעסט]

נאכ׳ן סעודה וועסטו זיך מכינ׳ן און נאך ווי.

מיין גרויסע געפאר פון מיין דייעט איז נישט פסח׳דיגע קניידלעך און לאטקעס, נישט מארשמעלאוס ל"ג בעומר (אין די פייער), נישט קעז קוכען און קרעפלעך אום שבועות. ניין, איך האב מורא פאר די ג׳ אייר חגיגות. מיין נישט, ביזדערווייל רוקט זיך עס אריין אין לעיקוואד פאמעלאך, און איך האב שוין אפאר דאללאר דערפון פארדינט. אבער ווי וועט מען קענען זיך באהערשען ווען די טעץ בייגעלס מיט לאקס, אלערליי קעזען און זאפטען, מזונות פון אלע סארטען און וואלאזינע, קאצקע און בוכארישע העררינג (פלאומ׳ס נייע ביזנעס קאמפעין)? אפשר דארף מען גאר מוותר זיין און צולייגען נאך א צען פונט לכבוד יו"ט. אמער, נאר געלט מעג איך צולייגען אדאנק ר׳ ישעיע׳לע?

Sent from my LG-K373 using Tapatalk