מיין היסטאריע אויף היימישע קרעטשמע

[הוגה]

[justify]איך בין שוין אן אלטגעזעסנע אויפן אינטערנעט, לאנג פאר פעיסבוק, דזשימעיל אדער אפילו די בלעקבערי האבן עקזיסטירט. איך האב נאך געליינט ארטיקלן אויף די אינטערנעט וויאזוי זיך צו באשוצן פון די Y2K באג. פון ווען איך האב געטראפן די אינטערנעט האב איך אלעמאל געטראפן פארומס און בלאגס צו שרייבן און שמועסן. איך האב געהאט א ניק, אדער ריכטיג געזאגט דריי ניקס אויף היימישע קרעטשמע. מיין ערשטע ניק איז געווען ווען עס איז נאך געווען אויף היידפארק, ערשט אונטער היימישע שטותים און שפעטער אלץ א געהעריגע בלאג/פורום פאר חסידישע אידן צו שמועסן אפן איבער אלעם און אלעמען, כמעט בלי גבול.

שפעטער ווען היימישע קרעטשמע האט זיך אריבערגעצויגן צו איר ערשטע היים האב איך געעפענט א נייע ניק מיט וועלכע איך האב געשריבן טויזנטע תגובות (א גרויסע טייל פון זיי שטותים והבלים). שפעטער ווען איך האב זיך אנגעהויבן צו באקענען פערזענליך מיט חברי הקרעטשמע האב איך געמיינט אז איך גיי מיך אמאל שעמען מיט וואס איך האב געשריבן (איך שעם זיך למעשה נישט), האב איך געעפענט א דריטע ניק אונטער וועלכע איך האב געשריבן עטוואס מער געמאסטן. אלע דריי ניקס זענען בשעתם געווען שטארק פאפולער.

מיט די צייט איז די קרעטשמע פארוואנדלט געווארן אין אן אייוועלט און האט אנגעהויבן צו ווערן מער און מער רעכטס. איך האב געהאט אפגעשריבן א לאנגע קינה ווען די קרעטשמע האט זיך געגרייט צו אריבערציען צו איר היינטיגע וואוינארט און געווארן אייוועלט. אין די קינה האב איך פאראויס-געזאגט אז ס'גייט געשעהן וואס עס איז געשעהן. צבועים האבן ארויסגעשפראצט רעכטס און לינקס, פרובירנדיג איבערצושטייגן איינער דעם אנדערן מיט מחאות, קריטיק און פרומענישן. מיינע לעצטע פאר תגובות זענען אין די מוזיק אפטיילונג, א היציגע דעבאטע איבער די חורבנות וואס די היינטיגע מוזיק און די היינטיגע זינגערס זייען נעבעך אן לעול"ע היל"ת רח"ל. די חברה האבן געמאכט פארגיין מיין אפעטיט פון פארוויילן דארט און איך האב מיך אפגעפעקלט. איך האב אסאך צייט פארברענגט דארט, בייטאג און ביינאכט, אבער עס איז געווען זייער איינגענעם און איך האב מיך דארט באקענט מיט פיינע מענטשן.

עס זענען געווען צוויי ניקס מיט וועם איך האב ספעציעל הנאה געהאט צו פארברענגן, איזאק און בני היכלא. איך האב מיך קיינמאל נישט באקענט מיט זיי פערזענליך און זיי האבן ביידע פארלאזט די קרעטשמע פון איין טאג צום צווייטע (נישט די זעלבע צייט). פון צייט צו צייט דערמאן איך מיך פון יענע טעג און איך וואונדער מיר וואס איז למעשה געשעהן מיט מיין פריינט בני היכלא, און וואס טוט איזאק היינט. זיי האבן ביידע געשיינט צו זיין - פונקט ווי מיר - קאכעדיגע נשמות וואס זוכן עפעס טיפערס, אדער עפעס מיט וואס צו ערפילן די טיפע abyss. איך וואונדער מיך אויב מיר האבן אמאל אריינגעבאמפט איינער אינעם אנדערע. זענען זיי - פונקט ווי מיר - עווענטואל אנגעקומען דא אין שטיבל?

אונטערשטע שורה, איך האב גוטע געשמאקע זכרונות פון יענע טעג/נעכט. איך נעם פון צייט צו צייט ארויס מיינע ארטיקלן וואס איך האב דארט געשריבן און ליין זיי מיט נאסטאלגיע. יא, איך בין געווען דעמאלטס אין א טאטאל אנדערע פלאץ ווי איך בין היינט, דאך איז עס אן אינטעגראלע טייל פון מיין journey. אן היימישע קרעטשמע וואלט איך נישט געווען וואו איך בין היינט.

להוי ידוע, דאס איז נישט קיין גילוי אשכול. מיין כוונה איז נישט אז א יעדער זאל זיך אידענטיפיצירן און/אדער אנטפלעקן זייער געוועזענע ניק אין היימישע קרעטשמע/אייוועלט.


.[/justify]

[קורקלענד]

וויאזוי האסטו געהייסן דארט? הוגה? אדער אפשר וואס איז די נאמען פון אייער ערשטע ניק מיט וואס איר שעמט זיך סייווי נישט?

[נולד מאוחר]

דארף איך גיין קיין אייוועלט צי זען דיין אשכול אויף "מיין היסטאריע אויף קאווע שטיבעל"
ווער זענען דא דיינע איזאק און בני היכלא, זאג פאר עפעס א קינה אויף קאוע שטיבל, וויאזוי טוט ק"ש ערפילען דיין abyss ?

[הוגה]

[justify]

דארף איך גיין קיין אייוועלט צי זען דיין אשכול אויף "מיין היסטאריע אויף קאווע שטיבעל"
ווער זענען דא דיינע איזאק און בני היכלא, זאג פאר עפעס א קינה אויף קאוע שטיבל, וויאזוי טוט ק"ש ערפילען דיין abyss ?

איך האב שוין נישט געשריבן אויף אייוועלט מער ווי זיבן יארן. דא אין שטיבל האב איך נישט געמאכט די זעלבע טעות און איך האב מיך פערזענליך באקענט מיט אלע איזאקס און בני היכלא'ס. איך cherish אלע רילעישאנשיפס וואס איך האב געמאכט אויף ק"ש, ספעציעל מיט דיר. מיין קינה אויף ק"ש האב איך שוין לאנג צוריק געזאגט. אבער היינט האבן מיר די וועקער.


.[/justify]

[הוגה]

וויאזוי טוט ק"ש ערפילען דיין abyss ?

איך האב דאס נישט געזאגט. איך האב געזאגט אז איך פיל די דראנג דערפאר. דער דראנג פירט דער מענטש אויף א ride.

[berlbalaguleh]

צו דעם חשוב'ן און געלערנטן הויך-אינטעלעקטואל. אדער, פסעוודא-אינטעלעקטואל...! עס פרעגט דא א פשוט'ער, אומ'געלערנטער בעל עגלה וועלכער ווייסט זעלבסט פארשטענדליך גארנישט מער ווי צו געבן עסן פאר זיינע פערד און זיי איינשפאנען אין וואגן און אונטערשמייסן. זאו האט דער הויכגעשעצטער העררן זעלבסט געזאאגט...! מיט דעם אלעם נעם איך מיר די קוראזש אדער חוצפה צו פרעגן א פשוט'ע פראגע...אויב דער העררן הויכגעשעצטער אינטעלעקטואל (מיט וואס ווייס איך נישט. אפשר ווייל ר'האט אדורכגעליינט אנדערטהאלבן אפיקורס'ישע ביכלעך...?!) זיצט אפ טאג און נאכט אויפ'ן אינטערנעט, איז שווער 2 קשיות. ביידע געפרעגט דורך דעם פראנצויזישן וויין פראדוצירער/הענדלער ר' שלמה יצחקי..."ואם תאמר, מה נאכל"...?! און די 2'טע פראגע אויך געפרעגט דורך דעם זעלבן מענטש..."מהיכן ירק זה חי"????! און אונז פראסטע בעלי עגלות פרעגן פון וואו נעמט מען געלט צו צאללן מארגעדזש אדער רענט און קויפן אין גראסערי...?!

[ליטוואק פון בודאפעסט]

לא שבט לוי בלבד אלא .......

Sent from my LG-K373 using Tapatalk

[[NAMELESS]]

שפעטער ווען איך האב זיך אנגעהויבן צו באקענען פערזענליך מיט חברי הקרעטשמע האב איך געמיינט אז איך גיי מיך אמאל שעמען מיט וואס איך האב געשריבן..... האב איך געעפענט א דריטע ניק אונטער וועלכע איך האב געשריבן עטוואס מער געמאסטן

כ'מיין אז יעדער קען זיך טרעפן אין די פאר ווערטער....