א' שלח היסטארישע כינוס אפצוהאלטן דאס דערשטיקן די קול מחאה

[קלוגע יודל]

ווער קען ברענגען אן אפדעיט?
ווי האלט מען דארט?

[גאנצל]

ס'האט זיך שוין אנגעהויבן 2 א זייגער ווען די שבת בעל'ס האבן געפיפען...........

געזען אין איי וועלט

[berlbalaguleh]

ער ווייטיגט שטארק אז מ'האט געשפילט פאליטיק ביים ארגענעזירן דעם כנוס און מיט דעם איז ער הייליג גערעכט מיט די איבריגע זאכן אויך אבער דאס איז עולה על כלנה

און ווער איז געווען דער וואס האט געשפילט דאס מערסטע פאליטיק אויף וואס ער ווייטאגט אזוי שטארק? די ארגעניזירער וואס האבן עס ארגאניזירט אדער די פאליטיקאנטן וואס ווילן נישט גיין צוליב פאליטיק?

איסר האיטלקי: שב ועל תעשה איז אייביג בעסער. ביי דעם איז נישט שייך פאליטיק. איך מוז דאך נישט מיטטאנצן לויט יענעם'ס פידלען. ווייל יענער האט עפעס אן אגענדא. ער איז פערזענליך געקומען צו די מסקנא אז דער יעצטיגער כינוס איז נישט נוגע בעצם כלל ישראל. ס'איז נישט מער ווי א פאליטישער שפיעל דורך געוויסע יחידים. מעגן זיי זיין ווי גרויס זיי זענען. אבער זיי האבן א געוויסן פאליטישן פונקט אדורכצופיהרן. און ער און זיין קהילה זענען נישט מחוייב זיך צו צושטעללן...! נישט אזוי ווי אין די טעג פון רבינו הדברי יואל זצוק"ל, ווען כלל ישראל איז ארויסגעגאנגען מוחה זיין אויף גיוס בנות אדער די געמישטע בריכה/סווימינג פול אין ירושלים עיה"ק. וואס דאס איז נוגע כלל ישראל. און די פרייע חברה וואלטן זיך אנדערש נישט געבראכן. נאר דורכ'ן דרוק וואס איז געקומען פון די אידן אין אמעריקע. משא"כ דא ביי דעם חוק הגיוס איז דא פארשידענע אנדערע נארמאלע און לעגאלע וועגן זיך אן עצה צו געבן. און די ק"ק וועלכע שטייען אונטער די מרות פון כ"ק מהר"א שליט"א און אנדערע נארמאלע מענטשן ארבעטן צוזאם מיט די חברה יעוץ ועזרה. מיט לאיערס. און מ'גייט אויף לעגאלע אופנים. נישט מיט איבערקערן דאס לאנד דורך א פאר תינוקות שנשבו. צוהיצטע בחורים וועלכע ווערן געפיהרט דורך (אנטשולדיגטס) א צודרייטן מנהיג. א תמהוני. וועלכער מאכט משוגע דאס גאנצע יהדות החרדית אין ארץ ישראל...!

[[NAMELESS]]

די ערשטע בילדער קומען שוין אריין פון די טויזענטער שטראמען צו בארקליעס סענטער.


הרב הגאון ר' יעקב מאיר שעכטער גייט רעדן

[ליטוואק פון בודאפעסט]

יעקב מענטש/יענקעל משה(אייוועלט)
http://www.ivelt.com/forum/viewtopic.ph ... &start=800

פארוואס לאזט מען מיר קיינמאל נישט אריין דארט?

[מיר'ער בחור]

איז דא ערגעץ ווי מ'קען עס מיטהאלטן live אויף די געוועב?

[יהודי פשוט]

מ'האט שוין מחליט געווען וויפיהל מענטשען זענען געווען?

יא די ארונים ווייסן שוין אז ס׳געוועהן אפאר הונדערט מענטשן

[קאווע טרינקער]

די ווערטער "התאחדות הרבנים" איז אפעציעל אראפ פון די געלע לאטע

[cictim]

https://livestream.com/accounts/9067258 ... 072/player
יעצט אנגעפאנגען

[גאנצל]

די אויבן אן איד אויפ'ן פעלד אונטן

ביי כינוס כלל ישראל איז אויך אזוי געווען ?

[גאנצל]

נאך צוגעקומען עפעס לעצט מינוטיגע חתימות ?

[כפתור]

איך פיל עפעס מחוץ למחנה.
די גאנצע מערכה אינטערעסירט מיך נישט כהי זה. סי דערמאנט מיך עפעס פון חדר ווען מ'איז אריינגעקומען נאך לאנטש, און אלע קינדער האבן נאך געהאלטן אינמיטען זיך טעהנ'ן אויף די העכסטע טענער ווער האט 'ג'טאפט' וועמען און ווער איז גערעכט.
סך הכל די איינציגסטע זאך וואס גייט בלייבן דערפון איז די וואטסעפפ גרופעס און די נעקסטע פאר טעג אז מ'גייט זיך טעהנ'ן וויפיל און ווער, און ס'גייט פליען פיקטשער און ווידעאס אהין און אהער. גארנישט גייט זיך טוישן און צבא.

#שוישפיל

[החוקר]

download_20170611_162446.jpg

download_20170611_162441.jpg

[[NAMELESS]]

ס'איז ליידיג... הא? נעקסטע יאר וועט מען שוין מאכן די כינוס אין ראדני!

[ליטוואק פון בודאפעסט]

'מערצעשעם, דער אויבישטער וועט העלפען און מ'עט אונז שיקען נאך א גזירה, און אז ער שיקט נישט וועט מען עפעס אויפמאכען, און יענער מאסען פארזאמלונג וועט פאסירען אין די אונטערשטע צימער אין שומרי שבת אין ב.פ. און אינדערזייט וועט מען דאווענען מנחה מעריב

[גאלד]

שלום עליכם רבותי,

לאמיך דא מסביר זיין פונקלטיך וואס דא גייט פאר, בקצה המזלג

1. ראשית כל, ליידער גייט ארום א שרעקליע הסתה וואס מקורם איז ליידער פון חרדים און אר"י, ספעציפיש די וואס האבן נציגים אינעם איזראעלי פארלאמענט, וואס פארפירן אז עס עקזיסטירט שוין נישט קיין גזירות גיוס, און דער סטאטוס איז צוריקגעשטעלט כבתחלה און מ'זוכט סתם צו מאכן מהומות על לא דבר.

2. רבותי! דאס איז שקר ווי ע"ז! איך בעהט יעדן צו זיך נעמען אפאר מינוטן און אפליינען דעם מכתב קודש פון הרה"ג ר' אהרן שעכטער שליט"א ר"י ר"ח ברלין, ר' אהרן שרייבט ער האט זיך אריינגעלאזט אין דעם ענין לאורכה ולרחבה ער האט קלארע עדות'שאפט און דאקומענטן וואס צייגן קלארע אז די מדינה האט א גאר רעפונירטע פינסטערע קאמפיין צו אריינכאפן וואס מער פרומע אידן אין מיליטער אויף א מער רעפונירטע אופן ווי בעפאר.

3. די רעגירונג האט אנגענומען עמלק'ס מהלך פון "ויזנב בל כל הנחשלים אחריך", דאס איז נישט קיין סאטמארע רעטאריק, ס'איז ממש דאס. עס זענען דא רבבות אידן יראים ושלימים תממים באמנותם, ציזייעט און צישפרייט בארצינו הקדושה און קליינע שטעטלעך אדער סאבערבס, וואס געהערן נישט צו קיין חסידות'ן וואס געהערן נישט צו קיין גרויסע קהלות, אשר אין להם גואל, צו זאל דאס זיין ספרדישע, צו ארימע אומעגראנטן, צו סתם וואוילע אידישע קינדער וואס האבן קיין קאנעקשנס, אט די אידען ציעלן די רשעים ארורים אויף א גאר רעפונירטע און סיסטאמעישע אופן.

4. ווען איר זעהט באריכטן אז מ'האט ארעסטירט עפעס א תו"א איד צוליב גיוס זאלט איר טאנצן פאר שמחה ווייל די אידן וועלן זיין אקעי, וויינען דארף מען פאר די טייערע נשמות וואס זענען נישט אין תפיסה נאר גייען כצאן לטבח אין דעם טמנ'ע צהל פשוט ווייל זיי האבן נישט די השגות, זיי האבן נישט די סופארט, זיי האבן די מוט צו זיך שלאגן מיט א רעגירונג.

5. און ווער איז שולדיג דערין? ליידער אך ורק די פרומע פאלעטישענס און די כנסת. נישט ווייל זיי זענען שטיל און פראטעסטירן נישט, אויב בלויז צוליב דעם החרשתי. נאר זיי זענען גאר די שותפים דערין זיי האבן געמאכט א דיעל מיטן שטן אליין, צו פארשווייגן די מעשה נבלה תחת אז זיי באקומען זייער בינטעל געלט און אז זייערע בני הישיבות זאל מען נישט טשעפען אויפן מאמענט.

6. דאס איז די יסוד וואס ליגט באגראבן אונטער די הסתה אז היות די פאלעטישנס האבן דאך למעשה אויסגעפויעלט צו אפשטעלן די גזירה קעגן זייערע בני ישיבות מיינט דאך דאס אז אמער, "טראסט אונז! אונז טוה מיר אויף" דערווייל במציאות איז דאס בלויז א תחבולה, די רעגירונג האט נאך אלס א געזעץ כהיום יום אז מ'מוז דרעפטן א געוויסע מספר חרדים (קוואט"ע) אינעם מיליטער כדי זיי צו אריינשמעלצן און זאלן קאנטריביוטן צו די אלגעמיינע סאסייעטי, רח"ל הי' לא תהי',

7. יעצט העמיר גיין א שטאפל ווייטער. מאז גזירת גיוס בני הישיבות איז נגזר געווארן האט עס ארויסגעברענגט א ווייגעשריי פון א ברייטערע חלק מאחינו בנ"י נישט נאר קנאישע סאטמרע פראקציעס. דאס איז אזאך וואס יעדערער זעהט. יעדער בר שכל פארשטייט אז דאס דארף זיין א געוואונטשענע זאך און באטראכט ווערן ווי א אפארטוניטי פאר די מחנה הקנאים, וואס מ'טאר חלילה נישט פארפאטשקענען.

8. ליידער אבער קפץ עליו רגזו של שטיינימאן. דאס איז עפעס אמין מעשה שטן ממש לא יאומן כי יסופר. ס'איז ממש צום שטוינען וואס דא גייט פאר. ס'פארן ארום צידרייטע בילבולים ושמעות שוא ושקר אשר אין להם שום שחר בעולם. אז נישט מער אין נישט ווייניגער רב שטיינימאן איז גאר דער שורש הצרה הזאת עד כדי כך אז דער עוורעדש סאטמארע איד גלייבט ערענסט אז רב שטיינימאן אז גאר דער מייסד פון נחל חרדי. און די גאנצע גרימצארן גיעסט מען אויס אויף דעם אלטן תלמיד חכם.

9. רב שטיינמאן האט שוין משמיע געווען חוות דעתו כמה פעמים "בכתב ובעל פה" זיין אומצווייזייטיגער התנגדות צו די גיוס צו די צה"ל וכדומה, אין איין פאל האט ער געזאגט אז שבת זכור ביי מחיית עמלק זאל מען אינזין האבן די רשעי עמינו, נאר היות רב שטיינימאן האט נישט קיין פארטיי קיין פארשטייער און די כנסת קיין ישיבה קיין בחורים, ער איז זייער איזולירט ארום זיינע גבאים, קען מען גרינג אנלייגן אויף איהם וואס ס'לאזט זיך.

10. אינה"נ ער איז נישט קיין סאטמארער, ער איז זיך נישט נוהג 100% בשיטת סאטמאר, אבער רבוש"ע! וואס ווילסטו פונקט פון איהם? אזוי זענען אלע אגודה רבנים. וואס האט מען זיך עפעס ארויפגעווארפן פונקט אויף איהם ווי א חי' טורפות. איך האב נישט קיין שום הסבר אויף דעם נאר אז ס'מעשה שטן צו אנווירטשאפן א ריס בין מחנה החרדים צו מחליש זיין דער כח עדת היראים. אז איינער האט א אנדערע הסבר בין איך גרייט צו הערן.

11. יעצט לענינינו. לאור כל הנ"ל האבן רבנים ומנהיגים אין ניו יארק מכל החוגים איינגעזעהן אז עס פארלאנגט זיך קריטיש א אקציע. נישט די פשט אז די ליטווישע האבן מסכים מיט צו גיין, זיי האבן עס גאר "פארלאנגט".

12. אויב זאל מען מאחד זיין יעדן פרומע איד וואס איז נגד הגיוס תחת קורת גג אחד וואלט 3 בארקליעס נישט גענוג געווען. איך בין לגמרי נישט מגזם, צו עס לייגן אביסל אין פרעספעקטיוו, דער סיום הש"ס ווי א סאטמארער איד איז לא יזכר ולא יפקד, איז געווען אין מעטלייף סטעדיום נעמט אריין פונקטליך 82 טויזנט מענטשן, דער אינטערנעט אסיפה אין סיטיפיעלד נעמט 42 טויזנט + די דערנעבדיגע ארטור עש סטעדיום 23 טויזנט, ס"ה 65 טויזנט. לעומת זה די בארקליעס נעמט אריין נישט מער ווי קארגע 18 טויזנט זיצן! ועוד דער בארקליעס איז ווי עגול רינדיג ווי א ס', און פון די ס' האט מען געמאכט א ח', (די ציפערן קען מען זעהן אנליין אויף וויקיפידיע).

13. יעצט זייער וויכטיג: ווען מ'רעדט פון אנדערע קרייזן מיינט עס בעיקר איין קרייז: ה"ה די "בני הישיבות", אויך באקאנט אלס "ישיבישע מענטשן" אדער "ליטוואקס" אדער "מתנגדים". פארוואס? 1. זיי זענען א ציבור רב קע"ה כ"י, אלע ישיבישע אידן בכל רחבי מעטראפאלעטין זענען לכה"פ טאפעלט ווי ביידע סאטמארס אינאיינעם, בלי גוזמא כלל. און איך שאץ זיי זיכער אונטער. 2. די זענען די מערסטע קרוב צו שיטת סאטמאר לגבי קנאות, כידוע ואין לי געדולד להאריך בזה 3. די עצם מציאות אז א "קאלאפולער" ציבור איז מאוחד איז קריטיש וויכטיג לתועלת הענין, וויכטיגער ווי די מספר פון די מענטשן.

14. ממילא פארשטייט יעדער בר דעת כל מי שיש לו קצת מוח בקדקוד אז ס'ממש א עוון בל יכופר נישט צו בארבעטן די זאך אז די בני ישיבות זאלן זיין א חלק פון די זאך, מ'וויל דאך דא א תכלית הנרצה,

15. יעצט וואס האבן די ליטוואקעס פארלאנגט? 2 סימפל זאכן, איינס, אז מ'זאל מאכן גרויסע אסיפות פון אלע רבנים מכל המינים און אפי' אראפגיין פערזענליך צו די גרויסע רבנישע פערזענליכקייטן און זיי פארלייגן מיט קליפ און קלארע באווייזן וואס עס טוט זיך איבער די גיוס אזוי זיי זאלן וויסן דעם אמת הדבר, ווייל כהיום יום זענען נאך זייער אסאך אונטער די פאלשע אומפרעשן אז ס'נישטא קיין גיוס, מ'טשעפעט זיך אן אויף גראדע ווענט וכדומה,

16. נאך מער, די בני ישיבות האבן געזאגט אז זיי זענען גרייט אויב נאכן אויפווייזן די חומר הדבר וועלן זיך נאך אלס עקשנן געוויסע רבנים, וועלן זיי זיך נעמען צו יענע רע-בנים'ס ביינער און מאכן א מערכה קעגן זיי. איר הערט ווערטער?!!

17. צווייטענס האבן זיי פארלאנגט אז זיי ווילן א פולקאמער גאראנטי אז די עצרת וועט געפירט ווערן לפי רוחם, און דאס מיינט איין זאך, יא איר הערט גוט: "נישט פוגע זיין בכבודו של רב שטיינימאן, לא במישרים ולא בעקיפין"

18. יעצט די ליטוואקעס זענען נישט קיין בטלנים זיי האבן נישט געהאט קיין שום טראסט צו גלייבן באמונה שלימה אז די סאטמארע וועלן זיי פאלגן, ממילא האבן זיי נאר געוואלט אז זיי זאלן אויך זיין אין טשארדש און אויך פירן די אגענדע פונעם עצרת, עכ"פ מיט א גלייכע שיתפות

19. די 2 פארשטענדליכע פארלאנגען איז נישט מעגליך געווען ע"פ דרך הטבע צו נאכקומען אין איין וואך, מ'דארף רופן רבנים, מיט אסיפות וכדומה. און להוי ידוע די פאלי סקווער עצרת איז אויך געווען נאך חדשים פון פארהאנדלונגען ביז עס ארויסגעקומען א דבר השוה,

20. יעצט דא קומט אריין די סאטמארע חאזעריי, וואס קאכט אין זיעט שוין ב"ה פאר 17 יאר קע"ה כולם שוים לטובה , באקל יור סיט בעלט! אמער היות דער באנדיט ר' אהרן טייטלבוים איז גאר געווען דער וואס האט פארלאנגט אז לתועלת הענין זאל מען אפשטופן די אסיפה, אה! דאס איז שוין עק וועלט, גזירות גיוס מהיכי תיתי, אבער אהרן טייטלבוים זאלן פירן די אגענדע פון כלל ישראל קעגן ר' זלמן לייב'ן?? נא נא, דאס טאר מען בשום אין פנים ואופן צילאזן, וויפיל מ'האט זיך געבעטן בתחנונים ביי אנשי רז"ל זיי זאלן אפשטיפן די זאך איז אלעס געפאלן אויף טויבע אויערן, אן קיין שום ראשינאלער סיבה, אדרבא צו האבן געלייגט פרעשור אויף די ליטוואקעס, ביז ממש דארנשטאג נאכט איז נאך געווען קאמיונקאציעס צווישן די מארגני העצרת און געוויסע ראשי הישיבות, און ווארשיינליך לא עלתה בידם און קיין איינע פון די ראשי ישיבות גייען נישט און זיי שיקן נישט זייערע תלמידים,

21. ביני לביני האבן פרישע מאכערס ארויסגעשפראצט, מיט עפעס א #LetMyPeopleGo קאמפיין און עס פארוואנדלט אין א פאליס ברוטעליטי אישו. קיינער ווייסט ווערט די עלעמענטן זענען, #וואספאראלדאסגוטיאר איז דאס? איך זאג נישט, אוואדי איז געפערליך אז פאליציי שלאגן אידן, אבער ווער האט דיך געבעטן, ס'עפעס משמע אז אלמלי פאליציי שלאגן נישט זעמיר צופרידן מיט די גיוס, מ'פרוביר מיר דאך צו ארויסברענגן די גיוס נקודה ווער בעהט דיך צו פארוואסערן מיט אנדערע זאכן

22. די זאליס זענען נישט געזיצן פארלייגט מען איז ארןמגעלאפן צו אלע חסידישע רבי'לעך, פאר קיינעם האט מען אוואדי נישט געזאגט קיין מוק אז ס'דא א צד צו אפשטיפן, דאס גאנצע וואס מ'האט זיי געזאגט אז ס'דא א גזירת גיוס און ממאכט א פראטעסט. שארט סטאפ... נו וואדע זענען זיי מסכים, למה לא? יעדער בענדאון וואס האט אינדארסירט די עצרת איז געווארן כמוצא שלל רב

23. עניוועי מיטוואך נאכמיטאג איז דער עצרת שוין לאנג נישט געווען איבער א גזירות גיוס, ווי וואס ווען, ס'פארוואנדלט געווארן אין א כ"א כסלו אין מיטן זומער, לא עלינו, דער תכלית ומטרה איז געווארן לפאר לרומם להדר לנצח לברך לעלה ולקלה כבוד ר' זלמן לייב טייטלבוים שליט"א, צו ווייזן כל העולם כולו, נאך 17 יאר זיך גראדשענען אז ר' זלמן לייב האט אסאך פאוער,

24. ווי זאגט נאר אונזער פרעזידענט ירום הודו. SAD

[cictim]

ווי זאגט נאר אונזער פרעזידענט ירום הודו. FAKE NEWS

פארוואס דרש'נט מען בנוסח הספד?

[ליפא]

Screenshot_20170611-172215.jpg

[ליפא]

5:05 איז געווען באלד 14 טויזענט טיקעטס געסקענט

[ליטוואק פון בודאפעסט]

מר גאלד - איהר פארדרייט היסטאריא. ס׳איז נישט געווען קיין איין טאג אין די געשיכטע פון מדינת ישראל ווי מ׳האט געקענט נישט גייען אין מיליטער בלויז צוליעב דאס זיין א חרדי. יעדער מוז גייען, כחרדים כמזרחניקעס וציונים גם יחד. גדולי ישראל האבען נאכאנאנד געקעמפט אז מ׳זאל פטר׳ן בני הישיבות. יא, ווי דו הערסט. אז דער וואס וויל לערנען תורה זאל מעגען, צו א ציוניסט צו א חרדי. אזוי איז אלץ געווען און פאר דעם, און בעיקר פאר דעם, האבען אלע גדולי ישראל וואס זענען געווען נאנט צום ענין געפאדערט און געשטורעמט אז מ׳טאר נישט זיצען אין דער זייט, מ׳מוז באקעמפען דער גזירת גיוס, און טאקע באקעמפען הונדרעט פערצענט. וואס מיינט הונדרעט פערצענט? אין די אופן וואס האט די בעסטע אויסזיכטען צו געלונגען. הפגנות אין אמריקה, קובצי הסברה, אויסרופען די ׳ווייגעשריי׳, און אלע אנדערע קינדערישע לאזונגען האבען קיין גזירה נישט אפגעווארפען. נאר אין אופן וואס קען העלפען, דאס הייסט חנופה, פאליטיק און מאכען א שווייג. דער חזו"א פלעגט זאגען "דער פטור בני הישיבות איז א זאך וואס מ׳טאר נישט רעדען דערפון".

נאר אזעלכע וואס פארשטייען נישט דעת גדולי ישראל, זענען נישט נכנע צו תלמידי חכמים, און לעבען אן א טראפ אחריות, קענען ארויסגייען פאדערען א פטור פאר אלע חרדים. דאס טוט ריזיקירען די גאנצע זאך וואס מ׳האט אויפגעשטעלט בדם.

ווען מ׳האט געשטעלט א חק טל מיט א נחל חרדי, האבען די גדולי ישראל געקעמפט מיט די פרייער, נישט דורך נערישקייטען און תאוות הנצחון, נאר דורך וועגען וואס קענען העלפען. מ׳האט געמאכט א נחל חרדי פאר חרדים וואס לערנען נישט, זייער פיין. אבער דער עיקר, די בני הישיבות, האט מען געראטעוועט.

שפעטער ביים אראפווארפען פון חק טל, האבען זיי געמאכט נייע געזעצען, און נאכאמאל האט מען געקעמפט. מ׳האט געבעטען ביים ציבור ׳גיב נישט אויף אייער רעכטען, לאז נישט די מחלוקת פארפיהרען אז מ׳זאל אונזער בחורים דערלייגען׳. אבער די תאוות הנצחון האט געבוזשעוועט און מ׳האט דערלייגט א זיץ.

די מצב כהיום איז, אין א געוויסע זינען, בעסער ווי פאר חק טל, און אין א געוויסע זינען, ערגער. די דיחוי פאר אן אלגעמיינע בן ישיבה איז פיהל לייכטער, טאמער ער לערנט טאקע און ער האט שכל, פאסירט גארנישט. ער גייט מיט די גאנצע ישיבה זיינער זיל צו שטעלען אין אן אפיס ווי ס׳איז נישט דא קיין ווייבער. מ׳האט אויך לייכטער געמאכט דאס באקומען א פטור (דעריבער זענען באלד 5000 אראפ פון די רשימה פון בני הישיבה, ווייל 4000 פון זיי האבען באקומען א פטור) ביי די 24 קען מען שוין באקומען א פטור. ווידער אבער, האבען זיי זיך פארשטערקט קעגען די קונץ מאכערס. גדולי ישראל האבען געווארענט אז מ׳זאל זיך נישט באנוצען מיט׳ן דיחוי בני הישיבות פאר אזעלכע וואס לערנען נישט, ואת אשר יגרנו בא. די מדינה אנשטאלטען האלטען שטארק קאפ און אויג, און איינער וואס קומט אריין נישט ווי א געהעריגע ישיבה בחור איז טאקע אין געפאר. איינער וואס האט א פעיסבוק קאנטע, ווי ער רעדט ארום זיין ארבעט ערפארונג, ווערט געכאפט. דער לעזונג דערצו איז טאקע, אז מ׳זאל אויסלערנען ראש ישיבות און בחורים וויאזוי זיך צו פיהרען ביים לשכת הגיוס, וויאזוי צו רעדען און וויאזוי צו גייען אנגעטוהן. און אויך נישט געבען א מעמד בן ישיבה פאר איינער וואס לערנט נישט אין ישיבה געהעריג.

הפגנות אין אמריקה זענען נאנסענס, א שאד די צייט. די ליטווישע ציבור אין אמריקה וואלט קיינמאל נישט געגאנגען ווען די מנהיגים אין א"י, וואס פיהרען אן דער זאך, הייסען נישט. ס׳האט דאך נישט קיין פשט אז נאר פונדערווייטענס ווייסט מען וואס טוט זיך. לעיקוואוד מענטשען רעדען פון דעם ווי א ליצנות, און קיין אסיפה מיט ר׳ מלכיאל און זיין בערד וואלטען נישט געהאלפען

[[NAMELESS]]

@גאלד וואס האט געשטערט דיין רבי זיך צו באטייליגן?

איך הער לכתחילה איז געשמאקער און וויכטיגער צו האבן די פרעמדע אבער למעשה עס שטעלט זיך ארויס אז עס גייט סיי ווי זיין און אויף די קנאישע נוסח שטעל זיך צו. קיינער האט נישט געמיינט אז מען גייט ח''ו בארעדן הר ב שטיינמן.

אלא מאי איז געווען גאר אן אנדערע סיבה פאר די אי השתתפות.

די סיבה פארוואס די ליטווישע האבן זיך נישט משתתף געווען איז געווען מחמת דרוק פון זייערע גדולים אין אר''י.

[[NAMELESS]]

@גאלד קום אריין קלארער וואס מיינט א ''ס'' און וואס מיינט א ''ח'' איך ברענג די בילד דיר לייכטערע צו מאכן

[כלבאשבוע]

סארי גאלד, געווענליך רעדסטו צום זאך אבער דא מוטשעסטו און קוועטשסט סאיז אבער שוואכע הסברים, מהאט פשוט געבעטן אפצושטופן א וואך צוויי....... סארא נאנסענס

זאג פשוט, דיין רבי האט נישט ליב צו שפילן second fiddle און שוין, נאטינג ראנג, ער איז גענוג א גרויסע רבי און ער איז ענטייטלט צו זיינע אייגענע דיסיזשענס און ער קען זיך מאכן אייגענע אסיפות וויאזוי סשמעקט אים, נאר דריי נישט קיין קאפ מיט קינדערישע תירוצים