האבען הפגנות אמאל עפעס אויפגעטוהן?

[ליטוואק פון בודאפעסט]

איך האב מיר אביסל אריינגעטראכט, לרגל די היינטיגע פאסירונגען, וועגען די היסטאריא פון מערכות אין א"י, וועלכע זענען געלונגען און וועלכע נישט. מ'קומט מיט טענות הלמאי מ'פארשווייגט די פראבלעמען אין א"י, און מ'מאכט נישט קיין ריזיגע עצרת, פארוואס איז נאך נישט געשען קיין עכטע הפגנה און כינוס קעגען די גיוס אין א"י, ווי מ'שלעפט אומשולדיגע בחורים אין מיליטער? מ'האט טענות אז מ'גלויבט נישט קראנטע פאקטען און מ'זוכט אלץ צו האלטען שטיל.

לאמיר אריינגייען אין די היסטאריא פון די ענין. גדולי ישראל האבען אלץ נישט געהאלטען פון די מהלך פון הפגנות. מ'קען ליינען פון הונדרעטער מקורות למשך די לעצטיגע יארען אז זיך רייצען מיט די ציונים איז נישט קיין גוטע זאך. קוקט'ס דא פאר א רשימה פון מקורות איבער דער ענין, פון פיהל שיכטען און קרייזען. דער סאטמארער רב האט אנגעווארענט זיין בחורים דערוועגען, ווי אויך דער סטייפלער גאון ועוד. דאס איז געווען ווי א יסוד מוסד. קיינער פון די אומאפיציעלע הפגנות האבען געהאט קיין שום דעקונג פון סיי וועלכע תורה אוטאריטעט.

נאר אמאל אמאל, האבען גדולי ישראל יא געהייסען מפגין זיין. לאמיר קוקען די מערכות און זע'ען צו מ'קען עפעס אנצייגען א געווינס דערפון.

די ערשטע מערכה וואס מיר ווייסען אז מ'איז ארויסגעגאנגען לרחובה של עיר, איז געווען וועגען גיוס בנות (אגב, פון דעם אליינס אז גיוס בנות יא און גיוס בני הישיבות נישט, זעט מען די לעכערליכקייט פון די היינטיגע דור פון יהרג ואל יעבור'ניקס, ופשוט)
ס'איז מיר שווער אריינצוגייען אין די גנאצע היסטאריא אין די באגרעניצטע צייט וואס איך האב, אבער איין זאך איז זיכער, דער מערכה איז נישט געלונגען. מ'האט איינגעפיהרט א געזעץ, קעגען די ציל פון די מערכה און הפגנות און ביז צום צייטען פון מנחם בגין האט זיך עס נישט גע'ענדערט. פראקטיש האט מען אלץ געפטר'ט די פרומע ווייבער, אבער דאס איז פונקט ווי די פטורים פון די קנאיש'ע ציבור, זיי ווילען זיך נישט מוטשען מיט מענטשען וואס ווילען נישט זיין דארט.

דערנאך איז געווען דער מערכה פון דער שווים באד אין ירושלים. דער מערכה האט געשטורעמט וועלטען, אפילו דער בריסקער רב איז געקומען מפגין זיין, און..... גארנישט מיט נישט. ס'איז אפען און היינט ווייסט קיינער נישט וואס איז דער ענין פון אזא מערכה.

ווידער, אין די כ' יארען און די ל' יארען האט מען באקעמפט ניתוחי מתים. אין די גאנצע וועלט האט מען געשטורעמט, זאגאר אין אמעריקא האבען די חרדים מפגין געווען, און ...... ווידער גארנישט מיט נישט. ביז ווי לאנג מ'איז נישט אריין אין די קאאליציה מיט בגין און געמאכט אן אפמאך דארט, האט מען גארנישט אויפגעטוהן. שום כלום. (אין די מערכה האב איך א פערזענליכע ענין, מיין זיידע איז שטילערהייט געווען א גרויסע חלק דערפון, און נאכאלץ זאג איך דא אז ס'איז אן אומגעלונגענע געווען.

די הפגנה אין שנת תש"ס קעגען די בג"ץ האט געהילכעט און געקלינגען פון אלע סופי העולם ביז צו אלע קצה'ס, און קיין שום זאך האט זיך נישט געטוישט, כמובן.

און די מיליאן מענטשען אין שנת תשע"ד האט אזוי אויך געהאלפען. (בשעת מעשה האב איך פארשטאנען אז די גדולי ישראל האבען פארשטאנען אז מ'דארף געבען דער עולם עפעס אקשען, מ'קען זיי נישט לאזען ברומען און בוזשעווען נאר שטילעהייט, עפעס דארף מען געבען צו קאכען און טומולען כדי מ'זאל נישט טוהן על דעת עצמם).

און צום שלוס, קוקט'ס דא ווי נתי גרוסמן, דער פיהרער פון די היינטיגע הפלס און דער עץ פארטיי, שרייבט וועגען הפגנות.

[ליטוואק פון בודאפעסט]

איך האב יעצט באקומען א מאמר פון המבשר, ווי מ'זעט די היסטאריא פון די בריכה מעורבת סומאטוכע. זיי טענה'ן אז דאס איז געווען א הפגנה קעגען נטורי קרתא, מטעם דער בריסקער רב.

[[NAMELESS]]

זאג נאר ליטוואק, די הפגנות אין לעיקוואד קעגן די מחללי שבת ביים לעיק האבן יא עפעס אויפגעטוהן?

ערענסט גערעדט, זייט ווען טוט א פראטעסט אויף?
ווען מהאט פראטעסטירט קעגן טראמפ האט עס אויפגעטוהן?
ווען מ׳האט מוחה געווען קעגן די וואס באטיטלן א צווייטן פאר גדול הדור האט עס אויפגעטוהן?
איינער פון די צענדליגער טויזענטער שני וחמישי מחאות פון רב שך האבן עפעס אויפגעטוהן?
די מחאות וואס רבי יצחק וואדרידזשער שרייט אויס מנהמת ליבו יעדע דריטע סעקונדע האט עפעס אויפגעטוהן (חוץ דעקונג אינעם וועקער)

[וואלווי]

חוץ פון חשש מדשתקי שמע מינה ניחא להו, גארנישט. ס'קומען פאר טויזענטער פראטעסטס א קעגען גאווערמענטס כסדר און ס'מאכט נישט קיין דענט.

[שבת אחים]

זאג נאר ליטוואק, די הפגנות אין לעיקוואד קעגן די מחללי שבת ביים לעיק האבן יא עפעס אויפגעטוהן?

ערענסט גערעדט, זייט ווען טוט א פראטעסט אויף?
ווען מהאט פראטעסטירט קעגן טראמפ האט עס אויפגעטוהן?
ווען מ׳האט מוחה געווען קעגן די וואס באטיטלן א צווייטן פאר גדול הדור האט עס אויפגעטוהן?
איינער פון די צענדליגער טויזענטער שני וחמישי מחאות פון רב שך האבן עפעס אויפגעטוהן?
די מחאות וואס רבי יצחק וואדרידזשער שרייט אויס מנהמת ליבו יעדע דריטע סעקונדע האט עפעס אויפגעטוהן (חוץ דעקונג אינעם וועקער)

טראמפ פראטעסטן העלפט זיכער! ס׳מאכט גערודער! און סווייזט אז א גרויסע חלק פון די לאנד איז קעגן אים... און ס׳שוואכט אפ זיין אגענדע.

משא״כ ווען א קליין חלק פון ״פרומע אידן״ א קליינע מאנארטי אינערהאלב א מאנארטי פראטסעטירן אין מאנהעטן און שרייען אז די ״אידישע לאנד״ איז נישט אויסעהאלטן ע״פ תורה וכודומה, שרעקט זיך קיינער נישט, מ׳קוקט זיי נאר אן ווי ״ראדיקאלס״, די מדינה זעלבסט ווייסט גאנץ גיט אז סאיז דא 30 ביז פופציג טויזנט ראדיקאל סאטמורים וואס גייען שרייען ״שיקסע״ ביי יעדע גלעגענהייט, ווען זיי קענען נאר, קיינער ווערט נישט סופרייזט פון די פראטעסטן אין מאנהעטן, חוץ פארשעמען די אידישע פאלק האט עס נאך גארנישט אויפגעטוהן און קיינער איז נאך פון דעם נישט געהאלפן געווארן חוץ ״סאנדל׳ס מייק סיסטעם״.
און גיוס בנות פאר 50 יאהר צוריק, וואס איז געוועהן אין א אנדערע עפאכע און אנדערע דור, די מדינה איז נאך דאן געוועהן זייער נייע, און זיי האבן נישט געוואלט טשעפענען מיט די ״פרומע אידן״, זיי האבן געוואלט אז ״אלע״ אידן זאלן זיך פילן באקוועם. אבער היינט גיין שרייען אין מאנהעטן יעדע מאל ס׳ברענט די מאגן פאר איצא גליק מיט הלל מילך-קעסטלעך איז סתם קינדעריש און ארויסגעווארפן געלט און צייט.

[ליטוואק פון בודאפעסט]

ווען איינער גיבט א דרשה, און זיין ציהל איז מחנך צו זיין זיין אויסהערערס, דארף מען קוקען צו דאס האט ער דערגרייכט. ר׳ יצחק לעבאוויטש קומט דאך נישט פארמאכען קיין מוסדות, ער קומט אויסלערנען זיין צוהערער, ווי אויך הרב שך בשעתו (אגב, זיין מערכה קעגען ליובאוויטש איז אזוי געלונגען, אזש מ׳ווייסט שוין נישט וואס ער האט געוואלט). ווייל די זאכען זענען מיט א מחשבה וויאזוי ס׳גייט פאר.

הפגנות אבער, זענען נאך גארנישט באשטעטיגט. און אפילו קעגען טראמפ ווייסט מען נאך נישט. לאמיר ווארטען ביז צום מיד טערמס.

[ליטוואק פון בודאפעסט]

[ווער איז דער מנחת שי?
ער באשרייבט דארט ווי ר' משה פיינשטיין זצ"ל איז אויך געגאנגען פראטעסטירן אינאיינעם מיט סאטמאר רב... פארוואס טאקע איז ער געגאנגען, פראטעסטן טוען דאך גארנישט אויף....]

דאס איז שמעקעדיג׳ס שאלה אין א צווייטע אשכול.

ווען דו וואלטסט ריכטיג געליינט מיין מאמר, וואלטסטו פארשטאנען אז איך האב נאר גערעדט פון הפגנות פון גדולי ישראל, נישט די נאנסענס הפגנות. און אפילו דעמאלס האט עס נישט געהאלפען.

פארוואס האבען די גדולי ישראל געמאכט די הפגנות? ווייל זיי האבען געמיינט אז ס׳וועט העלפען. יעצט זעט מען אז ס׳האט נישט. גאנץ פשוט.

Sent from my LG-K373 using Tapatalk

[קאווע טרינקער]

"אויפגעטוהן" - צומאל זענען די מחאות אויפגעטוהן אויפן מוחה זעלבסט. צו מחזק זיין די התנגדות. ולא עליך המלאכה לגמור.

[ליטוואק פון בודאפעסט]

אקעי, הגענו. דאס האב איך טאקע געוואלט. אז דער לאזונג ׳טוהן נישט אויפטוהן׳ זאל ארויסקומען. דאס איז גאר א נייעם טריט אין די מערכה און דאס איז גארנישט זעלבסט פארשטענדליך. אז איינער קומט מיט א טענה ׳הלמאי מ׳טוט גארנישט?׳, מוז ער עס דעקען מיט עפעס. זיין טענה איז ׳הלמאי מ׳טוט גארנישט, אפילו ווען ס׳וועט גארנישט אויפטוהן?׳ די לעכערליכקייט דערפון פארשטייט יעדער איינער. יא, ווען גדולי ישראל, מיט אחריות פאר׳ן גאנצע ארום און ארום, נעמען זיך אונטער אן אקציע פון׳טוהן נישט אויפטוהן׳, קען מען עס הערען. אבער דאס קומט נאך א היסטאריא פון אחריות און פארשטאנד, און מיט א קראנטע וויסענשאפט פון די פראבלעמען וואס הפגנות קענען פאראורזאכען.

Sent from my LG-K373 using Tapatalk

[אישתישבי]

עס איז פשוט אז דער גיוס הפגנה איז נישט געוועהן אז די מדינה הטמאה זאל מבטל זיין דער דרעפט פין פרומע, נאר כדי יעדער וואס האט שייכות מיט דער האלבער שיכט פין דער קרייז זאל וויסען וואס דער שיטה הקדושה פין סאטמאר איז.

וכן אין ארץ ישראל ביי די הפגנה קעגען בג"ץ וואס בעצם איז דער סלאנימער רבי געוועהן נישט גערעכט און מען האט געמאכט כאילו דער פייט איז קעגען בג"ץ, אין פשוט געוועהן א טאקטיק מצידו מכשיר צו זיין, דער נזם זהב באף חזיר, און האט אריין געצויגען גאנץ כלל ישראל צו מאכען א מערכה און מחזק זיין רעיסיזים מיט א אויסרייד פין בג"ץ.

[ליטוואק פון בודאפעסט]

אלץ זייער פיין (אגב, דער סלאנימער הפגנה איז באמת א בושה און חרפה פאר יהדות החרדית, און דעריבער האב איך עס נישט דערמאנט. דאס קענסטו וויסען, ווען הרב שך לעבט נאך, וואלט עס נישט פאסירט), און דאס האב איך געוואלט ארויסברענגען, עי׳ למעלה.

Sent from my LG-K373 using Tapatalk

[גראף]

נישט צו פארדרייען דא אבער וואס איז דער סלאנימער/בגץ מערכה? עס ווערט שוין באשריבן ערגעץ דא?

Sent from my XT1096 using Tapatalk

[אישתישבי]

אלץ זייער פיין (אגב, דער סלאנימער הפגנה איז באמת א בושה און חרפה פאר יהדות החרדית, און דעריבער האב איך עס נישט דערמאנט. דאס קענסטו וויסען, ווען הרב שך לעבט נאך, וואלט עס נישט פאסירט), און דאס האב איך געוואלט ארויסברענגען, עי׳ למעלה.

Sent from my LG-K373 using Tapatalk

ליטוואק

ווען די שרייבסט האסט נישט דערמאנט די הפגנה, און די שרייבסט אין דיין אריגינעלער תגובה

.די הפגנה אין שנת תש"ס קעגען די בג"ץ האט געהילכעט און געקלינגען פון אלע סופי העולם ביז צו אלע קצה'ס, און קיין שום זאך האט זיך נישט געטוישט, כמובן.

[ליטוואק פון בודאפעסט]

איך מיין דו מישסט אויס. אין תש"ס איז געווען א הפגנה פון מנחם פרוש, הפגנת חצי מיליון. דער סלאנימער הפגנה איז געווען פיהל שפעטער. איך קען יעצט נישט נאכפארשען די מקורות, אבער ס'איז צוויי ערליי זאכען געווען.

[הוגה]

איך מיין דו מישסט אויס. אין תש"ס איז געווען א הפגנה פון מנחם פרוש, הפגנת חצי מיליון. דער סלאנימער הפגנה איז געווען פיהל שפעטער. איך קען יעצט נישט נאכפארשען די מקורות, אבער ס'איז צוויי ערליי זאכען געווען.

תשנ"ט. עס איז פארגעקומען ביים כניסה צו ירושלים. איך האב אין דער היים א רעקארדינג פון די גאנצע עצרת (נישט הפגנה).

[ליטוואק פון בודאפעסט]

גערעכט, איך האב מיר טועה געווען. ס׳האט זיך אבער געלוינט צוריק צו ברענגען הוגה פאר א וויזיט.

דאס האט אבער גארנישט געהאט מיט סלאנים.

Sent from my LG-K373 using Tapatalk

[ליטוואק פון בודאפעסט]

איך האב יעצט אביסל געבלעטערט אין דער ׳פאר הדור׳ אויף דער חזון איש און איך וויל ברענגען אפאר ווערטער אויף די נושא פון הפגנות, נישט די פראקטישע חלק נאר די עקרונות׳דיגע חלק.

זיי רעדען פון די בריונים פון דער מחתרת היהודית, וואס בתוך שאר פעולתם לשבח, פלעגען זיי נאכקוקען די פלעיטס פון קארס וואס פארען שבת און נאך שבת זענען זיי נאכגעגאנגען און מ׳האט פארברענט די קארס.

יעדער איינער פארשטייט די שלעכטס פון אזעלכע טעטיגקייטען, אבער דער טיפקייט דערפון איז דעמאלס ארויס אין א מאמר אין ׳דפים למדריך׳, אן אויסגאבע פון צעירי אגודת ישראל.
וז"ל, כל מי שמאמין שאפשר בכח אלימות לנצח במלחמת הרוח, סימן כי גם הוא נתפס להשקפה של כוחי ועוצם ידי עשה לי את החיל הזה, סימן שאין הוא מאמין שבכוחה של האמת לנמח את השקר, או שהוא מסופק אם האמת שלנו היא, והשקר נחלתם של פורקי עול התורה, עכ"ל.

שטייט דא געוואלדיגע זאכען. תורה רעדט א תורה שפראך. ווען מ׳נוצט א פרעמדען שפראך און דערמיט וויל מען אויסלערנען תורה, היא לא תצלח. דער וואס פארשטייט טאקע וואס תורה פאדערט, און אז די מאס מענטשען מאכען נישט אויס לגבי די ווארהייט פון די פליכטען פון תורה, פארשטייט אויך אז דער תורה קומט מיט א נותן התורה וואס האט אלץ גענומען אין חשבון. וואס מ׳טאר יא טוהן און וואס מ׳טאר נישט טוהן, וואס פארטרעט תורה און וואס פארטרעט דאס פארקערטע, אלץ איז אפען פאר תלמידי חכמים וואס זוכען דער אמת.

דאס ברענגען מאסען אין גאס, אי פאר א ׳הפגנה׳ אי פאר אן ׳עצרת׳ (וואס איז דער חילוק?), איז א וועג פון ווייזען ׳איך בין דא׳. ווער איז דער איך? וואס איז זיין מאכט? דער בורא עולם איז דא אן דיר אויך, ער איז דא צו דו שטייסט אין גאס צו דו בלייבסט אין בית המדרש צו אין אפיס.

[[NAMELESS]]

ווי אויך הרב שך בשעתו (אגב, זיין מערכה קעגען ליובאוויטש איז אזוי געלונגען, אזש מ׳ווייסט שוין נישט וואס ער האט געוואלט). ווייל די זאכען זענען מיט א מחשבה וויאזוי ס׳גייט פאר.

אלץ זייער פיין (אגב, דער סלאנימער הפגנה איז באמת א בושה און חרפה פאר יהדות החרדית, און דעריבער האב איך עס נישט דערמאנט. דאס קענסטו וויסען, ווען הרב שך לעבט נאך, וואלט עס נישט פאסירט), און דאס האב איך געוואלט ארויסברענגען, עי׳ למעלה.

Sent from my LG-K373 using Tapatalk

מ'זעט גלייך די פינגער אפדרוקען פון א פארביסענע שך'ניק...!

ליבאוויטש איז כמעט אינטער געגיינגען וועגן רב שך'ס מחאות און ווען רב שך לעבט וואלט קיינמאל נישט געשען קיין סלאנימע הפגנה אזש מ'דארף עס אפילו נישט רעכענען, אזוי ווי ווען דער סאטמאר רב לעבט נאך היינט וואלט די מדינה שוין פון לאנג נישט עקזיסטירט,ער איז אוועק א טאג צו פרי... זאג, און ווען רב שך האט נאך געלעבט האט זיך יעדער געביקט צו עם? וועלכע נאך ליטוואק איז געווען אזוי קאנטראוועשיל ביי די חסידים ווי רב שך בחייו? אינטרעסאנט, גראדע איז סלונים געווען גאנץ א קליינע פראצענט פון די 'סלאנימע' הפגנה!
--
מ'האקט