אכשר דרא - כבר היה לעולמים (גיוס בני הישיבות)

[איך אויך]

און אנדערע זאגן עס איז סתם שטותים ,אויב עפעס האט ער צוגעהאלפן [ביינאכט] מיט די ביצורים להגנת העורף אזוי ווי כמעט אלע בחורי הישיבות פון יענע יארן. עס הייסט נאכנישט אז מען האט משרת געווען אין צה''ל.

[פלאוויוס]

ס'איז זייער אן אינטערעסאנטער אשכול. איך בין מסכים מיט לעיקוואד ודעימיה בנוגע דעם אונטערשייד פון אמאל און היינט. איינע פון מיינע נאנטסטע מענטשן אלס קינד איז געווען א היימישער איד מיט אפיציעלע מונדירן (צווישן נאך אנדערע וואס כ'האב אזוי געקענט). יענער האט נישט איבערגעלעבט, און כ'בין געווען צוטרייסלט ביים הערן די בשורה... ער ליגט מיר נאך טיף אין הארצן מיט בענקשאפט!...

[שמן זית]

איין זאך איז זיכער, עכ"פ בעיני, אז די פרומע קהילות, ווי סאטמאר, בריסק, תולדות אהרן, א.א.וו. זענען דעמאלטס אויך געווען להשמיד אקעגן גיוס "בנים", און עס איז נישט שייך צו פרעגן וואס איז יעצט אנדערש, ווייל עס איז טאקע נישט אנדערש, עס איז געווען אסור אמאל, און עס איז אסור היינט.

בנוגע די אגודה קהילות, איז ווי איינער האט שוין פריער ערווענט, אז עס איז יעצט א גזירות שמד, (אפגעזען צו איך און דו האלטן אזוי, האבן אבער זייערע רבנים באשלאסן אזוי, און אויף דעם באציט זיך זייער פסק) נישט ווי אמאל וואס מ'האט גערופן אין מיליטער ווייל מ'האט געדארפט סאלדאטן.
ודו"ק.

ודלא כ'לעקוואד.

[דריידל]

איך בין נישט אזוי זיכער. איך ווייס אז פון סאטמאר (בני ברק, קען זיין ירושלים איז געווען אנדערש) איז מען יא געגאנגען אין מיליטער

[איך אויך]

שמן זית טשעק יור סארסעס. מען האט קיינעם נישט געפרעגט ביים מגייס זיין צו ער איז א סאטמארע אדער בריסקער. (העק ביים מלחמת השחרור האט מען אפילו גענומען טויזענטער בחורים מלחמה איבערלעבער גלייך אראפ פון די שיף זיי געגעבן א ביקס אין האנט און גלייך געפירט צו די בעטלגראונדס ,כמובן אז די בחורים האבען קיינמאל פארדעם נישט געהאלטן א ביקס און זענען זיכער נישט געווען א מעטש אקעגן די געשולטע ירדענישע ליגיאנערן און מצרישע קאמאנדאס ,פאר א גרויסע חלק פון זיי איז דאס געווען זייער ערשטע און לעצטע טאג על אדמת א''י הי''ד.)

בן גוריון האט מסכים געווען צו געבן א פטור פאר גאנצע 1400 בני ישיבות אין דעם זענען אריינגערעכנט אלע ישיבות און כוללים הכל בכול מכול פון ירושלים ביז צפת און אלעס אינדערמיט.

דאס האט אזוי אנגעהאלטן פאר איבער 30 יאר ביז בעגין איז געווארן ראש ממשלה און ער האט געהעכערט די נומער אבער אויך נאר ביז עטליכע טויזענט. סאו אויב א אלטער איד שעמט זיך היינט און פארציילט דיר אז ער איז נישט געווען אין צבא (באיזה אופן שהוא) איז ער סתם א שקרן.

[נצבד]

סאטמאר מהרז"ל גיבט ארויס א קונטרס "בלשון חסידים", יעדעס יאר לכבוד כ" א כסליו, דאס איז א קלייבעניש פון אינטערוויוס פון עלטערע יודען, וואס פארציילען איבער די בראשית יארען
הכלל אין, איינע פון די אויסגאבעס פארציילט דארט אן עלטערער ארץ ישראל יוד, אויפן אנפראגע פונעם אינטערוויוער, פארוואס ביי זיין נאמען איז געמעקט דער "לא" און צוגעשריבען "כן"?
ס'איז דארט געדריקט א קאפי פון א דאקומענט מיטן דרוקסארט פון ייטב לב ירושלים,
די גאנצע ליסטע פון אלע בחורים וואס האבען דאן געלערענט און סאטמאר ירושלים,און ביי איטלעכן נאמען איז געווען צוגעצייכענט " כן" אדער "לא".
איז דער איד מסביר, אז דאמאלטס האבען אלע בחורים געמוזט גיין אינעם מיליטער, חוץ א געוויסע פראצענט מצוינים וואס די ישיבה באהערדע האבען איינגעגעבן פאר די מדינה ,זייערע נעמען.
און וויבאלד ער איז געווען א מצוין ,האט ער געהאט א פטור, ממילא איז צוגעצייכענט ביי זיין נאמען " לא", אבער שפעטער איז אנגעקומען איינע פון בעסטע תלמידים פונעם רבי'ן זצ"ל,האט דער יוד געהאלטען אז ס'מאכט נישט קיין סענס,אז ער זאל זיין פטור אלס מצוין,און יענער חשובע'ר בחור זאל זיך מוזען ריינרוקען, האט ער אויפגעגעבן "פרייוויליג" זיין מצוין פטור, און איבערגעגעבן דאס,פארן ניי אנגעקומענעם בחור,ממילא האט די הנהלה געמעקט דעם "לא" און צוגעשריבען "כן", דהיינו ער גייט יא אין מיליטער,

[[NAMELESS]]

כ'האב מיך לכתחילה געספיקה'ט צו כ'זאל אויף ברענגט דעם אשכול היות ס'גייט גלייך ווערן אנגעשמירט מיט די היינטיגע חזעריי, אבער למעשה איז דא אפאר אידן וואס זיכען אביסעלע אמת איז אלס אל תמנע טוב מבעליו ברענגט איך עס יא ארויף להגדיל תורה ולהאדירה.

[ליטוואק פון בודאפעסט]

איך האלט אין איין צושטעלען פון יענער סייט, וואס איז טאקע אן אוצר בלום פון היסטאריא.

נאר דאס דארף דערמאנט ווערען, אז די חרדים אין מיליטער זענען קיינמאל נישט געווען קיין געהעריגע חלק פון די מיליטער. וויבאלד מ׳איז עפ"י רוב אנגעקומען עלטער ווי אנדערע, שוין פארהייראט, און ווייניג אינטרעסירט אין זיין א זעלנער, האט מען דיי געשיקט אלץ ׳דזשאבניקים׳, מענטשען וואס ארבעטען אין די אפיסעס און טוהן די נערישע ארבעט. די שלעגעריי האבען די חרדים ווייניג געטוהן, און א ריזיגע פערצענט האט מען סתם אזוי געפטר׳ט ווייל ס׳פעלט נישט אויס פאר׳ן מיליטער זיי צו האבען.

דארט זעט מען אז ס׳שוין געווען א נחל חרדי, וואס ר׳ חיים מאיר׳ל האט געשטיצט צו גאר גע׳עפענט, מיט׳ן צושטימונג פון גדולי ישראל. קיינער האט עס נישט אנגערופען א גזירת שמד.

Sent from my LG-K373 using Tapatalk