ווערים אין די טרויבן

[שמואל הלוי]

ר' ברוך וואלף גרינבערגער וויל איינקויפן עטליכע קעסטלעך טרויבן צו מאכן מאסט לכבוד יו"ט, אבער ער ווערט אינגאנצן ערשטוינט פון די אומגעהויערע הויכע פרייזן, זאגט אים זיין ידיד ר' מרדכי אביגדור אפפעל וואס איז געשטאנען נעבן אים אין געשעפט: "מיר איז עס בכלל נישט קיין וואונדער... היי יאר צאלט מען אויך פאר די ווערים"... ע"כ המעשה.


יעצט ערנסט גערעדט: עולם גולם ווייסט צו זאגן אז די טרויבן זענען ווערעמיג, איי מען זעהט דאס נישט? אבער וואס הייסט ס'הענגט דאך פלאקאטן און מודעות פון יענע און יענע רב אז ס'איז ווערעמיג, נו ווילסט מיר זאגן ער ווייסט נישט וואס ער רעדט? אזוי ארום איז נשתרבב געווארן איבעראל די שמועה אז די טרויבן זענען ווערעמיג.

וויל איך אבער פארשטיין, ווען איך נעם א געהענגל טרויבן אין די הענט, און איך בין עס בודק, און איך טרעף נישט קיין ווערים, מוז איך נאך אלס גלייבן אז ס'איז דא ווערים? אין שו"ע שטייט אז אויב ס'איז נישט נראה לעינים הייסט נישט אז ס'איז ווערעמיג, ווי אויך הייסט די שו"ע נישט נעמען א פארגרעסערונג גלאז און בודק זיין, אלזא מה כל הרעש הזה? אויב האט עמעצער געטראפן אפאר ווערעמליך אויף זיין טרויבן מיינט דאס שוין אז גאנץ כלל ישראל טאר נישט עסן קיין טרויבן ווייל ס'איז ווערעמיג?

[מרדכי הצדיק]

דא האט איר א פאר בילדער וואס א מומחה האט מיר געשיקט, מען דארף גוט קוקען עס צי טרעפען אז נישט קען עס אויסקוקען ווי א שמוץ, כ'מיין ער האט מיר געזאגט אז ס'דא פין געוויסע פלעצער ווי עס איז נישט אזוי פארפעסטעט,

[שמואל הלוי]

מומחים זאגן...

אויב א פשוט'ער מענטש זעהט דאס נישט, נאר א מומחה זעהט, הייסט דאס געזעהן?

די שו"ע איז געגעבן געווארן בלויז פאר מומחים אדער פאר יעדן איינעם?

און אפילו די מומחים זעהן עס נאר מיט א פארגרעסערונג גלאז, אין אנדערע ווערטער ס'איז בכלל נישט נראה לעינים, אלזא וואס איז די איסור?

[קרעמער1]

אין די פסח'דיגע "אוצרות" איז דא א שיין ארטיקל וועגן די נושא

[מרדכי הצדיק]

טאמער ס'נישט נראה לעינים איז טאקע א צווייטע זאך, אבער דא איז עס יא נראה לעינים אן א פארגרעסערונג גלאז, נאר א מומחה באמערקט עס שנעלער,

אין אלץ דיין שאלה צי די תורה איז געגעבען געווארען נאר פאר מומחים, דאס קענסטע פרעגען ביי יעדע זאך, גייסט מיט א מראה צום רב ? גייסט מיט א אתרוג צום רב? גייסט מיט א הלכות שבת שאלה צים רב ? היתכן איז דען די תורה געגעבען געווארען נאר פאר מומחים ?!

אין צים שלוס דארפסטע וויסען אז די תורה איז עצות וויזוי צי לעבען ס'איז פאר די טובה פין די מענטש, נאר אזוי ווי נישט אלעמאל פארשטייט מען וויזוי ווייל ס'שוין א לאנגע גלות אין נישט יעדער פארשטייט אלע טעמים פין די תרי"ג מצות ווערט עס אמאל לעול, אבער למעשה איז עס פאר די טובה אין ווער עס פארשטייט ווייסט אז די תורה איז א גרויסע טובה אין ס'איז עמוק עמוק, (אין דאס איז נאר וואס איך ווייס אין וואס ווייס איך שוין), אן די תורה וואלט מיר שוין לאנג נישט געווען קיין פאלק נאך אזא לאנגע אין שווערע גלות, ממילא ווען מען פארשטייט דאס פריידט מען זיך אז מ'איז געוואר געווארען אז ס'טויג נישט מיט די טרויבען ווייל אזוי וועט מען נישט נכשל ווערען, אין יעדע מאל א מענטש ווערט נכשל אפילו בשוגג האט עס א עפעקט אויף די מענטש, אין צי מתקן זיין איז שווערער ווי צי קליא מאכען,

[הרב_שלום]

עס איז דאך גניבה אריינצוסקענען

[הרב_שלום]

צו מרדכי הצדיק
ווען מען גייט מיט א אתרוג צום רב זעהן מיר ביידע די זעלבע פלעק די שאלה איז וואס פסקנט די שו"ע ביי אזא פלעק
נישט אז די רב זעהט יא דאס פלעק און איך נישט

[מרדכי הצדיק]

אבער די מציאות איז אז ס'נראה לעינים, מען זעהט עפעס א פינטעל, נישט אלעמאל חאפט מען אז ס'איז א ווארים, טאמער זעהט מען גארנישט אן א פארגרעסערונג גלאזדאן איז עס טאקע נישט נראה לעינים, סימפעל

[ידען]

אין די פסח'דיגע "אוצרות" איז דא א שיין ארטיקל וועגן די נושא

אפשר א סקען ביטע, אדער כאטש א תמצית?

תמצית איז אויך גוט

[שמואל הלוי]

אבער די מציאות איז אז ס'נראה לעינים, מען זעהט עפעס א פינטעל, נישט אלעמאל חאפט מען אז ס'איז א ווארים, טאמער זעהט מען גארנישט אן א פארגרעסערונג גלאזדאן איז עס טאקע נישט נראה לעינים, סימפעל

נראה לעינים מיינט אז די אויג זעהט א ווארעם און נישט א פינטל.

לשיטתך וואלט געדארפט שטיין אין שו"ע אז אויב מ'זעהט א פינטל אויף א פרי מוז מען עס באקוקן מיט א פארגרעסערונג גלאז.

נאך מער, צו ווייסטו אז די גאנצע לופט איז פיל מיט שרצים און ווערעמלעך, און אסאך מאל ווען די זוהן שיינט קען מען זעהן אזעלכע שטויבלעך פליען אין די לופט, פונדעסטוועגן איז נישט אסור צו אטעמען די לופט, און עס הייסט נישט נראה לעינים, כאטשיג מען זעהט למעשה עפעס פליען אין די לופט.

[מרדכי הצדיק]

נראה לעינים מיינט אז די אויג זעהט א ווארעם און נישט א פינטל.
לשיטתך וואלט געדארפט שטיין אין שו"ע אז אויב מ'זעהט א פינטל אויף א פרי מוז מען עס באקוקן מיט א פארגרעסערונג גלאז.

ניין טאמער קוקט מען גוט אויפען פינטעל זעהט מען א ווארעם אן א פארגרעסערונג גלאז,

נאך מער, צו ווייסטו אז די גאנצע לופט איז פיל מיט שרצים און ווערעמלעך, און אסאך מאל ווען די זוהן שיינט קען מען זעהן אזעלכע שטויבלעך פליען אין די לופט,

חחחחח ס'איז טאקע שטויב איז ס'איז נישט קיין ווערים,

פונדעסטוועגן איז נישט אסור צו אטעמען די לופט, און עס הייסט נישט נראה לעינים, כאטשיג מען זעהט למעשה עפעס פליען אין די לופט.

ווייל מען זעהט שטויב אין נישט ווערים, ס'איז נישט קיין ווערים, אין אפילו מען קוקט גוט זעהט מען ווייטער שטויב

[צוויבל מיט איי]

נראה לעינים מיינט אז די אויג זעהט א ווארעם און נישט א פינטל.
לשיטתך וואלט געדארפט שטיין אין שו"ע אז אויב מ'זעהט א פינטל אויף א פרי מוז מען עס באקוקן מיט א פארגרעסערונג גלאז.

ניין טאמער קוקט מען גוט אויפען פינטעל זעהט מען א ווארעם אן א פארגרעסערונג גלאז,

נאך מער, צו ווייסטו אז די גאנצע לופט איז פיל מיט שרצים און ווערעמלעך, און אסאך מאל ווען די זוהן שיינט קען מען זעהן אזעלכע שטויבלעך פליען אין די לופט,

חחחחח ס'איז טאקע שטויב איז ס'איז נישט קיין ווערים,

פונדעסטוועגן איז נישט אסור צו אטעמען די לופט, און עס הייסט נישט נראה לעינים, כאטשיג מען זעהט למעשה עפעס פליען אין די לופט.

ווייל מען זעהט שטויב אין נישט ווערים, ס'איז נישט קיין ווערים, אין אפילו מען קוקט גוט זעהט מען ווייטער שטויב

דו רעדסט פון בויך ארויס. שטויב איז א לעבעדיגע באשאפעניש. קוק און לערן
http://www.youtube.com/watch?v=UX4fTY9F ... ata_player

[מרדכי הצדיק]

דו רעדסט פון בויך ארויס. שטויב איז א לעבעדיגע באשאפעניש. קוק און לערן
http://www.youtube.com/watch?v=UX4fTY9F ... ata_player

ס'דא שטויב אין ס'דא דאסט מייטס, נישט אלע שטויב איז דאסט מייטס, דאס וואס מען זעהט אין די לופט ווען די זוהן שיינט איז מסתם סתם שטויב, דאסט מייטס וואס איז דא אויף בעטען אין דאס גלייכען קען מען טאקע נישט זעהן מיטען נאקעטען אויג, ס'איז טאקע נישט נראה לעינים

[קרעמער1]

אין די פסח'דיגע "אוצרות" איז דא א שיין ארטיקל וועגן די נושא

אפשר א סקען ביטע, אדער כאטש א תמצית?

תמצית איז אויך גוט

דער תמצית איז אז ווערים אין די טרויבן איז שוין גאר אן אלטער פראבלעם נאך פון די צייטן פונעם רמב"ם

[שרגא]

איך האב געהערט פון איינעם וואס האט אליינס בודק געווען אסאך אסאך טרויבן און ער האט נישט געטראפן קיין איינס. און ער זאגט מיר אז אויך אן אנדערער באקאנטער היימישער נאמען אין כשרות (וואס כ'וויל נישט מגלה זיין די נאמען, ווייל איך וואלט אויך נישט געוואלט) האט אים געזאגט אז ער האט נישט געטראפן, אבער זעט אויס אנדערע האבן יא געטראפן.
אפשר איז עס נאר פון געוויסע מקומות אדער געוויסע זמנים, און אפשר א שטיק צייט ארום זאלן זיי נאכמאל איבערקוקן און אפשר וועט די אלערט קענען אראפ פון רויט צו געל.
עניוועי, מ'פארלאז מיר זיך אויף די רבנים המכשירים. זיי האבן זיכער דורכגעטאן די נושא.

[צוויבל מיט איי]

ס׳איז א פראבלעם. די רעבעס האבן נישט וואס צו לייגן אויפן טיש ווען זיי גייען באזוכן איינער דעם צווייטן. ביז אהער האט מען געקענט שאצן דאס גרויסקייט פונעם רעבן לויט וויפיל טרויבן ער שטעלט ארויס. וויאזוי וועלן מיר יעצט אפשאצן זייער גרויסקייט?? טאקע א שאד.

[שמואל הלוי]

דער תמצית איז אז ווערים אין די טרויבן איז שוין גאר אן אלטער פראבלעם נאך פון די צייטן פונעם רמב"ם

און טראץ דעם האט מען גענוצט טרויבן במשך אלע דורות ביז יעצט, און אויך ביי אלע לעצטע צדיקים דאהי אין אמעריקא, טא אויב איז די פראבלעם נאך פון רמב"ם'ס צייטן וואס איז יעצט געווארן געטוישט?

[קרעמער1]

ער בארירט דאס אויך. ער רעדט פון א ח-ר-ם וואס איז אמאל געווען אויף ווער עס נוצט די טרויבן בלעטער. אבער איך מיין ס'איז נישט ריכטיג דא נאכצושרייבן דעם גאנצן ארטיקל

(אפשר נאך פסח מעג מען שוין)

[לאדיך אפ]

ער בארירט דאס אויך. ער רעדט פון א ח-ר-ם וואס איז אמאל געווען אויף ווער עס נוצט די טרויבן בלעטער. אבער איך מיין ס'איז נישט ריכטיג דא נאכצושרייבן דעם גאנצן ארטיקל

(אפשר נאך פסח מעג מען שוין)

טרויבן בלעטער אדער טרויבן?

[שמואל הלוי]

אט דאס הייסט "נראה לעינים"

[gehlungen]

I don't understand. Why is the water problem any different??

[שמואל הלוי]

I don't understand. Why is the water problem any different??

אסאך רבנים האלטן טאקע אז ס'איז נישט קיין שום פראבלעם און מען דארף נישט קיין פילטער, ובתוכם ר' ישראל חיים מנשה פר"מ-דומ"ץ וראב"ד סאטמאר וומ"ס, ר' חיים דוד כ"ץ-דומ"ץ סאטמאר ב"פ, ועוד.

[אייזיק]

נאך א ביסל וועט מען שוין נישט מעגן אטעמען ווייל מ׳וועט קענען זען פיצי פליגן אין די ליפט וואס מ׳קען אריין אטעמען ל״ע