"וכסיל לא יבין" - דברים חוצבים להבת אש מכסילי דורינו שליט"א

[ארי נוהם]

[justify][center]בהתאסף ראשי עם[/center]
די וואך האט כלל ישראל זוכה געווען צו זען א פארזאמלונג פון ראשי אלפי ישראל, ראשי גולת אריאל, רשכבהג"י דורינו, די מלאכים ושרפים פון לעיקוואד, וויליאמסבורג, סאוט פאלסבורג, בארא פארק, פארשעי, קרית יואל, פלעטבוש, מאנסי, און ירושלים עיה"ק. עס האבן זיך דארט באטייליגט די מלאכי מעלה בדמות אדם, די אדמורי"ם לבית סאטמאר, פאפא, קארלסבורג, קאסאני, און פארשעי, און די ראשי ישיבות לבית חיים בערלין, לעיקוואד, סאוט פאולסבורג, און צולעצט - די סאמע שפיץ שרפים עומדים ממעל לו - די ירושלימ'ע עסקנים/רבנים.

בליץ שנעל האבן זיך אנגעהויבן די אטאקירונגען פון אלע ריכטונגען, ליעקס און פעיק ניוז למיניהם, אזש די טראמפ אדמיניסטראציע וואלט ווען באדארפט קומען קיין וויליאמפעסט אויף שימוש ביי די זאלוינים וויאזוי מ'קען ליעקן, ספינען, און אוודאי געוויס - פעיק ניוז'ן, אפילו עס איז נישט ערשינען קיין איין טוויט פונעם ווייסן הויז שבקרית יואל הבירה.

כלל ישראל האט זוכה געווען צו א ספעציעלע הצצה אל הקודש פנימה, זייענדיג מקבל חכמה עד אין סוף פון די גדולי ישראל וואס דאגה'ן פאר תושבי ארץ כנען, וואס האבן - ווי רבינו הקדוש בשעתו - "ווייטע אויגן" וואס קוקן ביזן ווייטן ארץ ישראל, און טאקע ווי ביים רבי'ן אליינס ווערט די בליק וואס אמאל ווייטער און ווייטער פונ'ם מציאות.


פארט אבער האבן מיר נישט געוואוסט וועלכע ווערסיע פון די אומצאליגע ספינערייען צו גלייבן. מיר האבן אפט גע'ספיקא'ט אויב ר' אהרן קרית יואל'ער איז טאקע אזא פערד ווי די זאלוינים טענה'ן, אדער גאר איז דער פארשעי'ער זעלבסט-געקרוינטער-קנאי-וצדיק-וחכם גאר דער נעסטי אטאקירער וואס זוכט אביסל צומי ווי הרב הקדוש מרן ראש הישיבה ראבי הי"ד שנשפך כמים לאחר שנתגלה קלונו ברבים.

אינצווישן האט זיך אפט גע'חקר'ט אויב דער קארלסבורגער איז פלוצים געווארן א פוסק הדור איבערן פארשטאנד פון די בחורי ארץ ישראל, אדער אויב ר' מלכיאל לעיקוואדער זוכט עטוואס מער ווי אן אייגענע אדמורו"ת נוסח ליטא. דאס זעלביגע האבן זיך ברעמענער געהויבן מיט וואונדערליכע מינעס, הערנדיג שארפע קנאות נוסח סאטמאר, יוצאים מפי הגבורה שבגבורה פון רבי חיים בערלינער ראש ישיבה, לעצטנס מער באקאנט אלץ "זקן ראשי הישיבות" אדאנק זיין זיך צושטעלן צו די רעטאריק פון די בראקעלי-און-פאטעיטע קעפ.

אנדערע האבן געהאט ערנסטע ספיקות אויב דער ירושלימער קנאי און סיקריק, בנו הגדול של ר' זלמן לייב'ן וויליאמסבורגער, האט געכאפט א הארץ אטאקע אינמיטן די אסיפה נכבדה, אנטלויפנדיג פון דארט ווי א קאץ געגראדזשעטן, אדער אויב דער "לא זו בלבד עשה לנו בן עמרם" - ה"ה הלוחם מלחמות הידוע בשמו הנכבד "טייטלבוים", איז גאר דער ווארטזאגער פאר יהדות הקנאית ולא רק יהדות הסיקריקית (הסבר לאינם מבחינים: סיקריקים קעגן קנאים, איז ווי אייסיס קעגן אל-קאידא).

צווישן די קטעי דברים וואס זענען ערשינען דורך ליעקערס למיניהם, האבן מיר געזען אז דער קרית יואל'ער ברייטער מויל ארבעט אווערטיים, און אז די ליטוואקען האבן נאך א שווערע דזשאב זיך צוצופאסן צום קנאישן ווינקל פון "דאס הייפעלע" ברכיים שכרעו לבעל ויוא"מ, וויבאלד ס'פעלט זיי זיבעציג יאר שימוש (דאס איז אזוי לאנג ווי גאנץ גלות בבל), מאז קום המדינה, וויאזוי צו סיקריקעווען/קנאעווען. אזוי אויך האבן מיר זוכה געווען צו זען א ברייטע שמייכל אויפן הייליגן געזיכט פון פאפער שרף, וואס געווענליך זענען אנדערע סארט מינעס אויסגעשפרייט אויף זיין לעכטיג צורה, מער פון די "פחד-ווארפענדע" סארט מינעס.

די פאר וואנאביס, המכונים בשם רב הצעיר דקארלסבורג, פארשעי'ע רבי (אוי! טשילס), והמסתעפים מהם, האבן זיך מער חרוב געמאכט ווי געבויט. אבער פון א צווייטע קוק-ווינקל, קען אזא לוזער זיך נאר בויען דערפון. בבחינת מרשעים יצא רשע ומטיפש יצא טפשות ומגס רוח יצא גסות אזש צום ברעכן.

[center]*[/center]

אבער מה עשה הקב"ה? גאט האט אונז נישט צונאר געלייגט, תלוי בחסדי אחרים, תלויים ועומדים בין שמים וארץ ובין סיקריקים לקנאים, נאר ער האט אונז צוגעשיקט די שמועס מיטן טראנסקריפט, אז יעדער בר בי רב דחד יומא בבי מדרשא דסיקריקיא, וועט קענען מיטהאלטן דעם סוד שיח שרפי קודש המשלשלים בשלשול גדושה לגודש.

ווי נאר די נייעסער האבן זיך אנטפלעקט צו די אלצווייסער, בין איך געווארן ווי א זנב לאריות (פאן אינטענדעט אויף ביידע ווערטער), און מיינע אויערן האבן דערגרייכט די שמועה טובה ששמעו ישראל על הר סיני "לא תגנוב", והלך זה וגנב, ווי דער קאצקער האט געטייטשט אז מ'טאר זיך נישט זעלבסט בא'גנב'ענען און אויסנארן. און דא שטייען מיר פאר א באנדע כסילים, זה בכה וזה בכהכה [מיט א קמץ], וואס הוציאו את עצמם מן הכלל של עם נבון וחכם.

מיט א יגיעה רבה ועצומה, כיגיעתו של הסאטמארע רבי (ביידע) איבערן גזירת גיוס, בין איך אדורך זייער גאנצע שמועס, און טראצדעם וואס איך בין ווי א ננס נגדם, ומי אשר יתחצף ויאמר אני ירדתי לסוף דעתם, און כ"ש איך וואס קען ניטאמאל יורד זיין לתחילת דעתם, און כ"ש וכ"ש ווען איך זע נאכנישט קיין דעתם בכלל, פארט בין איך א ננס ע"ג ארי (פאן אינטענטעט), ולכן אזרתי אומץ וחגרתי חרב ושנסתי מתניים וקשרתי קשרי אותיות, צו פארשטיין דעם שיחתן של עבדי אבות, אדע לפחות די בהמתן של עבדי אבות.



וזה החלי בעזהש"י:
[center]איך טו יעצט עפעס א זאך וואס איז פרעצעדענטלאז, און איך פארמעק די אויסצוגן פונעם שמועס וואס זענען דא ציטירט געווארן באריכות. איך האב ציטירט פון א טראנסקריפט וואס האט נאר געשריבן בערך די ווערטער און סדר הענינים, אבער נישט קיין הונדערט פראצענדיגע טראנסקריפט מלה במלה. אין צווייטן בלאט האט דיףף געברענגט א פונקטליכע טראנסקריפט פון די אסיפה, ולאור זה זה איך אז כ'האב נישט ציטירט יעדן פונקטליך, און געוויסע מיינונגען אויף געוויסע אידן טוישן זיך, הגם נאר קליינליך.

איך האב נישט קיין כח איבערצושרייבן א לענגערע דין ודברים לאור די פונקטליכע טראנסקריפט פון 44 בלעטער, וואס איך האב אדורכגעליינט בעיון, דערפאר פארמעק איך דאס אלטע. פארט וועל איך באלד ארויפלייגן אין א באזונדערע תגובה א קורצע חוות דעת אויף די מעמד, לאור די נייע פונקטליכע טראנסקריפט.[/center]


[center]סוף דבר הכל נשמע [/center]

טרם אסגור את פי האריה השואג, וויל איך איבערבעטן אלע רבנים וכו' וואס איך האב מזלזל געווען בכבודם מתוך ריתחא דשיחייתא, אבער אויב מ'לייגט א מענטש פאר א קובה של זונות, אדער לחלופין פאר א אסיפת רבנים וואס זענען נישט חייש לזילותא דבי דינא מיטן רעדן וואס זיי האבן צאמגערעדט, איז מה יעשה הבן שלא יחטא?

והוא רחום יכפר וכו'.

און גאט, אז איך דערמאן יא דיין הייליג נאמען, געב אונז א קוק אן און לייז אונז שוין אויס -





פון די סארט מנהיגים.[/justify]

[[NAMELESS]]

היוצא לנו מהחכם @לייב ברומט פה קאווע

ר' אהרן שעכטער - ר' אלי' בער וואכטפויגל (מיסטערעיז אויסגעלאסט געווארן פון פארברומט צו ווערן דורך די לייב...) - ר' יחזקאל ראטה (מיסטערעיז באמברומט זיין זון אנשטאט עם...) -ר' מלכיאל קוטלר - ר' דוד שוסטאל - ר' חיים פלאר - ר' חיים הירש ט''ב.

אלעס איז גארנישט דווקא ר' אהרן טייטלבוים ער שטעלט זיך ארויס אלס א ריכטיגע מנהיג פאר די ריכטיגע כלל ישראל חכמי קאווע שטיבל...

אלע תלמידי חכמים האבן פארשידענע משונה'דיגע געדרייטע חשבונות ארויסגעברומט דורך די לייב, אבער ר' אהרן פון קרית יואל לויט די לייב איז ריין פון נגיעות ער מיינט די ריינע אמת... ער האט בכלל נישט קיין חשבון מיט זיין קליינע ברודער וואס קערט א וועלט די לעצטע וואכן און ער זוכט פשוט אינטער צו ברענגן די מערכה אז די ברודער'ל זאל נישט ווייטער קענען עוסק זיין דערין.

נעע וואס פאלט דיר ביי אזאנס? ר' אהרן האט אן היסטורי' אלס אן אדורך געטראכטער רב פאר ער בארעדט רבנים שמועסט ער זיך אדורך מיט זיי מקיים צו זיין שמוע בין אחיכם...

נישט נאר דאס נאר זיין פארגייער די סאטמאר רב זצ''ל וואס ער איז אנגעבליך ממלא מקום פלעגט זיך אויך כסדר פירען מיט די מהלך אדורך געטראכט יעדע מערכה בנוגע ארץ ישראל און ווי לאנג ער האט נישט באקומען הסכמה פון בעלזא וויזשניץ און גור האט ער זיך כלל נישט אריינגעמושט אין זייער תחום...
און בכלל יעדע מערכה האט די סאטמר רב זצ''ל אדורך געטון וואסערע עפעקט עס וועט האבן און די תוצאות דערפון, כידוע.

אזוי קוקט אויס ווען א לייב קומט ברומען צווישען מענטשען, קערט אייך צוריק צום וואלד ווי דארט זעהט איר מלך.

[גאנצל]

מערקעוודיגער נפקא מינא צווישן ארי נוהם און עמעזאן

ארי נוהם באציט זיך צו די אסיפה און צו די ווערטער וואס זענען דארט געזאגט געווארן און די נושאים וואס זענען דארט אויסגעשמועסט געווארן מיט אלע סתירות און נארישקייטן ארום

עמעזאן פארט גלייך אוועק פון די אסיפה זוכט נישט צו רעדן פון די אסיפה פון די ווערטער פון די נושאים פון די סתירות

נאר רעדן גארביזש און לאזונגען היסטאריע סיבות פאר דעם און יענעם און אזוי ווייטער

וואלסט כאטשיג אזויפיל געדארפט טון ווי ארי נוהם און ארפברענגען לשונות מיט די צייט אזוי ווי ארי נוהם און אים אפווענדן און אופווייזן ווי ער זאגט נישט ריכטיג

[יהושע חיים]

ארי טייערע אז די האסט די טרענסקריפטס אפשר וואלט כדאי געווען מען זאל עס דא ארויפלייגן דאס גאנצע אזוי ווי עס איז געזאגט געווארן אז אידן וואס האבן נישט געהאט פון ווי צו הערן די דברי חכמה זאלן קענען לכה"פ ליינען

[קפה נמס]

זייער שיין @ארי, כאטש כ'בין נישט מיט אלעם מסכים.

איינעם פארשטיי איך נישט פארוואס דו און @ליטוואק רייסן אראפ, ה"ה הגר"ד שוסטאל וועלכער האט לדעתי גערעדט די מערסטע צום זאך אז יעדער פאר זיך דארף מתפלל זיין קעגן די יצר הרע הבוער בקרבנו תמיד וואס ער איז שולדיג אין אלע צרות, ומי מעכב שאור שבעיסה..

דאס זענען די איינציגסטע זאכליכע רעלעוואנטע רייד, צווישן א מבול פון שטותים פון הסברות און קאמיטעען וכו' וכו'

[berlbalaguleh]

גאנצל: וואס דארפסטו מער. ארי נוהם קענמען נישט חושד זיין אין זיין א סאטמאר'ע חסיד אדער אן אנהענגער פון ר' אהרן טייטלבוים שליט"א. און זיין מסקנא (נישט אלס סאטמארער) איז אז מהר"א האט גערעדט די מערסטע צום זאך. און נישט גע-עקעצט און גע-בעקעצט, פוסח על שתי הסעיפים. אזוי ווי א סאך פון די שיינע אידן, זקני ראשי הישיבות, מרנן'ס און וואנאבי קנאים. מ'איז ארויסגעקומען מיט די זעלבע וואס מ'איז אריינגעגאנגען צום אסיפה. ר' אהרן מ'מאנרא שליט"א האט פון די ערשטע מינוט געשריגן אז די גאנצע אישו איז אן אויפגעבלאזענע אישו איבער א דזשוק וואס אן עלטערער איד האטציך אריינגענומען אין קאפ אריין וויאזוי גרויס צו ווערן (נאך גרעסער ווערן) לעת זקנתו. און די אלע זייטיגע מיטשפילערס און פאלטשע ברואים, ווי ע.ט. האבן מיטגעארבעט מיט דעם שקר און טיפשות. ביז ס'איז געווארן א גאנצער קוגל. און מ'האט געמאכט אסיפות אין בראקאלי (כדברי הארי). ביי מיר, און ביי יעדן נארמאלן מענטש וואס איז נישט נגוע האט די אסיפת בארקלעי פון די רבי רבבות עמך בית סאטמאר זאלונים געהאט די זעלבע ווערט ווי אויב קרויס שטריימלעך אדער דזשי ענד דזשי למשל וואלטן געמאכט אזא אסיפה וואו זיי ווילן דעמאנסטרירן זייער הערליכן, לייכטן שטריימל אדער זומער'דיגע לאנגע רעקל פאר די בני הישיבות וכוללים...!

[שמעקעדיג]

אלעס פיין און וואויל, אבער וואס האט בראקעלי מיט פאטעיטעס?

[איסר האטלקי]

אלעס פיין און וואויל, אבער וואס האט בראקעלי מיט פאטעיטעס?

דאס זעלבע וואס פארשעי האט מיט קנאות...

[איסר האטלקי]

ר' אהרן מ'מאנרא שליט"א האט פון די ערשטע מינוט געשריגן אז די גאנצע אישו איז אן אויפגעבלאזענע אישו[/quote]
ווען האט ער אזוי געשריגן? כ"א כסליו אדער ל"ג בעומר?

[תמים]

ארי נוהם, שווייג! שווייג! איך גלייב דיר נישט קיין איין ווארט!!

[תמים]

ארי, א געוואלדיגע שריפט און א זעלטענע שפראך, אבער עס שפריצט א אנגעגעסנהייט.. איך האב נעכטן איינעם ערקלערט אז צווישן די טראמפ סעפארטערס איז די רובי דמינכרא טאקע קליינע מוחות אין געווענליך די זייער לוי עדיקעיטעד, אבער די ביסל בריייטע מענטשן וואס האבן אים יא געשטיצט, קומט עס מחמת אזא איינגעגעסענע שנאת הילערי אז ממש מקען נישט זעהן גראד..

וכן הוא בבן גילו מנהיג קר"י כאטש וואס יעדער נארמאלע מענטש וואס קוקט די אסיפה שרייט אז דער איז געהעריג צורידערט.. אין עס קוקט אויס ווי טראמפ ביי די רעפובליקאנע דיבאטעס.. דאך קענסטו טרעפן איטליכע קליגע וואס זייער שנאת הקנאים איז אזוי גרויס אז ער ווערט פארבלענדעט פון ר אהרןס זיך שטעלן אויף די לינקע זייט און ער קען גאר האלטן אז דער איז גאר נארמאל.. ארי נוהם איז דאך א קלוגער יוד אבער שנאת עמרם טייטעלבוים העבירו על דעתו..
בכלל געפעלט מיר ווי מען רעדט פון וואנע ביס, אין מען מאכט ליצנות פון זיי ווען זיי כאטשיג קומט זיך קרעדיט פארן זיין ווער זיי זענען, דער וואנע בי רשכבה"ג איז דאך ס"ה געלונגען צי ירשענען א חסידות אין געמענידשט צו פארלירן רוב דערפון.. וואט ע סוקסעס..

ארי, די גיסט א קיתון של שופכים מיט די ערגסטע לשונות אויף הרב מפארשעי אלץ ווייל סאיז משמע פון זיינע ווערטער ברמיזא א זלזול אין די גדולים פון ארץ אין אין די זעלבע ארטיקעל גיסטו גארבידזש מיט די ארגסטע גיפט און ליצנות אויף די אמעריקאנע ראשי ישובות.. א מין היפיקראסיע!

געפעלט מיר, אהרן טייטעלבוים איז ביי דיר א גאנצע הערא אין ער מעג פלוצלונג רעדן אין טוישן מיינונגען ווי זאקן, אבער דער פארשעיער טאר נישט נעמען קיין קנאותדיגע שטעלע ווייל ער איז קיינמאל נישט געווען קיין קנאי...

ממש סדערמאנט מיר פון די איצטיגע וואלן ווי ווער סהאט געזאגט א האלבע ווארט קעגן פירער איז ? יא.. דזשעלעסי.. וואנע בי..

ברענגסט נאך שטיקלעך פון פארשעיער רב וואס איז נארמאל אין רואיג אין דיינע מסקנות שפריצן נעבעך אזא מין בייעס און האס.. קענסט מיר מסביר זיין פארוואס פארשעי איז א הדיוט דארט? ווען מען ענדיגט דיין ארטיקל זעהט מען דאך אז חוץ פין דיין נייעם חכם איז דארט געעווען א כנופיא משוגאים, נו פארוואס טאר ער נישט קופץ זיין?..

"א גרויל ווען א ליטאי מיט ביליגע אינטערעסן דערקלערט זיך א קנאי" אבער דער גרויל פון א קנאי, מיט ביליגע אינטערעסן, וואס דערקלערט זיך אלץ נארמאלע מענטש דאס זעהסטו נישט.. אין בכלל איז עס נישט צו מדמה זיין, וואס ר מלכיאלס אינטערעסן ווייס איך נאך נישט קראנט, וואס ר אהרן'ס אינטערסן איז דא, שרייט דאך פון יעדע ווארט, געטוישט מיינונגען אויף די יעצטיגע נושא שוין זיבן מאל, אין ווי נאריש און נאאיוו דארף מען זיין צו גלייבן אז ר אהרן איז א מענטש וואס מאכט נישט קיין ווילדע זאכן... קיין דעסיזשאנס פארן רעדן מיט די רבנים אינוואלוואד... אזוי ווי ער טוט אייביג... ווי למשל ווען ער האקט יעדע שני וחמישי אויף ר שמואל אויערבאך האט ער פארדעים געשיקט הערן זיין מיינונג.. אין די אלע שרייענדיגע אינטערעסן האסטו נישט באמערקט אין דיין גאנצע אנאליז.. נאר ר מלכיאל וואס וויל ווערן א מרן.. אין ר אהרן וואס וויל נישט ווערן.. אין וויל נאר הערן דעים אמת...

בכלל אפשר ביסטי מיר מסביר וואס ווילסטו פון הרב שוסטאלס לעבן? מדארף שרייען שווייג, אין רעדן די העכסטע צו רעדן גוט אין דיינע אויגן? לכאורה פלעגסטו האלטן נאך יעדע דיבאטע אז טראמפ האט געווינען.. אין די פעיק ניוז וויל עס נישט מעלדן..

בנוגע ר אהרן שכטר פרעגסט גוטע קשיות וואס איז מיט אים געשען ? דאס אז אפשר האט ער נקודה דאס איז בכלל נישט קיין אפשען?? פאלט דיר נישט ביי אז אנשטאט די קשיות אויף אים און הרב פעלדמאן, הרב קאטלער, הרב אויערבאך, נאווייאמסק ועוד קען גאר זיין אז עפעס גייט טאקע יא פאר? האק אראפ די הערנער אנשטאט שניידען אלע ביינער און הייב אהן קלערן אז אפשר איז יא גאר דא עפעס א שטיקל פראבלים דא? ( דיסקלעימער, איך גיי נישט ארייו דא אין די עצם נושא הגיוס, און איך נעם נישט קיין מיינונג אויף א נושא וואס איך האב נישט 100 פראצענט דורך געטוהן, איך רעד נאר כלפי דיין אבנארמאלע בלינדקייט וואס אלעס מוז זיך צושטעלן צו דיינע הנחות!)

יעצט צו דיין לעצטע מסקנא, אז יעדער האט זיך געבראכן צו זיין מיינונג, מהיכי תיתי? וואס פאלט דיר אפילו אזוי ביי? ווען די זיצט דארט און די האלטסט אז ר אהרן איז נישט גערעכט, וואלסטו אפילו ארויפגעברענגט דיין מיינונג? צו קענען ווערן איבערגעשריגן,אין הערן שווייג, צו אז מקען דיר נישט גילייבן?
אין פאקט ווייס איך ערשט האנטיג אז ר אלי בער וואכטפויגעל האט זיך אויסגעדריקט אז יעצט פארשטייט ער צום ערשטן מאל פארוואס די מערהייט סאטמאר האט זיך פון דעים מטורף אפגעשאקעלט.. אין אזוי אויך נאך רבנים וואס זענען דארט געווען האבן זיך אויסגעדריקט זייער מיאוס! אויף וועים פונקטלעך האט ער געווינען זיין מיינונג? אויף פאפע רבי, אין אויף ארי נוהם ועוד שונאי סאטמאר? כאפ עס שטארק אהן...

די אמת'ע מסקנא איז אז עס איז נישט דא אזא זאך ווי געווינען ביי פרעמדע קרייזען! קיינער דארף דיך נישט מיילא, יעדער לעבט זיין לעבן אין ר ישראל וויזנצער צו מהרמ"ד מבאבוב וועט זערא פארדינען אז איך האלט אז זייער בר פלוגתא איז באמת א בר פלוגתא פאר דעים קרית יואלען מנהיג..

מהרז"ל האט שכל אין ער האט כאטש געווינען גאר שטארק זיין אייגענע באזע אין דאס איז ווי די "באק סטאפס.." ער האט ציזאמגענומען אלע פון זיינע פראקציעס, אין פארדינט זעלטענע רעספעקט ביי זיין גאנצע ציבור, אין ביי אלע סאטמאר געשטימטע רבנים אין עז ע סייד באנאס האט ער נאך הרב שכטר קוטלר פעלדמאן אויערבאך אין די זייט.. אין דאס איז וואט רילי מעטטערס..

דיין נייע חכם האט טאקע געטוהן א סערוויס פאר זיינע וואטס עפפ אין קאווע שטיבל יונגעלייט אין זיי באקומען א זעלטענע חיבוק הדוב פון אלע לינקע קרייזען..
אבער.. ער לאזט איבער זיין ערענסטע ציבור צופראסקעט אין צומישט! די מערכה האט שוין געקאסט א בלאט רעדאקטאר, און צענדליגע ארונים, ובתוכם חשובע רבנים וואס האבן זיך אויסגעפיפען אופן אין להשתתף צעטל.. אין מיין פילינג איז אז מאר טו קאם..

לסיום, איך האב געזעהן א שיין ווארט וואס איז זייער פאסיג אויף דיין אשכול, סשטייט מצדיק רשע ומרשיע צדיק תועבת ה גם שניהם, סמאכט זיך אמאל א מענטש מיט זייער ליבאראלע מידות אין מיינונגען אין ער וועט פארענטפערן אפילו עושי רשע, ווי אויך איז דא גאר שארפע קנאים וואס דערהייבן נישט קיין אומרעכט אין זיי וועלן זיין מרשיע צדיק.. אבער תועבת ה' איז ווען סאיז גם שניהם! דעים רשע טרעפט מען 100 הסברים פארוואס ער איז בארעכטיגט, אין דעים ערליכען יוד טרעפט מען נאר סיבות אין הסברים אים מרשיע צו זיין..

איך בעהט דיר איבער אויב איך אטאקיר דיר פרעזענליך. והוא רחום יכפר עון..

[תמים]

איך האב געשריבען א תגובה אין דערנאך האב איך מיך געכאפט אז פירן א געלונגענע דיאלאג האט א בעסערע מהלך, האב איך געשריבען מיין ערשטע תגובה... אבער כדי שלא ישאר הדרעפט מלא האב איך ארויפגעלייגט מיין ארגינעלע תגובה..

[ליטוואק פון בודאפעסט]

איך הייב מיין היטל פאר׳ן לייב, המלך בחיות. מיר האט אויך געשטערט דער אסיפה, און איך האב אויך עטוואס געלצ׳ט, אבער וואס ער קען, קען איך נישט.
כה לחי!

איך האב מסיק געווען אז (ר׳) אהרן איז א פרא אדם, אפילו ווען ער איז גערעכט. א דאנק איהם פאר׳ן צושטערען דער מושב לצים, אבער מיט איהם וואלט איך קיינמאל נישט משדך געווען.

Sent from my LG-K373 using Tapatalk

[איש את רעהו]

מיר האט אויך געשטערט דער אסיפה, און איך האב אויך ..

א דאנק איהם פאר׳ן צושטערען דער מושב לצים,

Sent from my LG-K373 using Tapatalk

ס'פארשטענדליך ווען דיין מרן ליגט צווישן לעבעדיג און טויט, איז ווען א גיטע זאך אז די אסיפה ווערט אויס
די מציאות האט געברענגט קאפויער, מען האט ערנסט גענומען די הצעה פון שיקן אמעריקאנער צו די הייזער בארה"ק ביי די וואס האלטן די ציבור אין זייערע הענט, און פארהוילען פון זיי די פאקטן וואס גייען אהן,
עס איז צום פארדאנקען דעם וועמען די טוסט אויסרימען.

[ליטוואק פון בודאפעסט]

דיין טאלאנט פארלירסטו נישט! וואו! מאך עפעס דערפון, פאטשקע עס נישט אויף קאוועשטיבעל. זייער ווייניג מענטשען קענען אוועק פיהרען א נושא ווי דו. פון דעם דארפסטו קענען מאכען געלט, נישט סתם קאפדרייעניש.

Sent from my LG-K373 using Tapatalk

[איש את רעהו]

דיין טאלאנט פארלירסטו נישט! וואו! מאך עפעס דערפון,

פון דעם דארפסטו קענען מאכען געלט, נישט סתם קאפדרייעניש.

Sent from my LG-K373 using Tapatalk

פון דעם מאך איך א געהאלט, די באשעפער זאל העלפן ווייטער
די האסט עפעס צו אפערן נאך ביזנעס ?

[פיקאסא]

יי"כ[tag]ארי נוהם[/tag] פארן נעמען דאס פעדער אין הענט אריין. זייער הנאה געהאט פון דעם.

כ'האב געמאכט דערפון א שנעלע פי.די.עף כדאי מ'זאל דאס קענען ארויספרינטן אין ליינען אויף שבת.

[געוואלדיג]

למעשה קען איינער אנצייכענען וואו פונקטליך האט ר׳ רהרן געטוישט מיינונגען בנטגע גיוס?, איך בין נישט קיין אהרוני און נישט קיין סאטמארער בכלל אבער אין די נושא רעדט ר׳ אהרן זייער צו דער זאך, טאקע מיט זיין באוואוסטע איינגעהאלטענע שפראך אבער אמת.

[איש את רעהו]

למעשה קען איינער אנצייכענען וואו פונקטליך האט ר׳ אהרן געטוישט מיינונגען בנוגע גיוס?,

אנשטאט זיין יעצטיגע פלאן פון גיין בדרך מו"מ דורכשמועסן אין אר"י מיט די בעלזע /גערע וכו', פלעגט אמאל זיין מער דרשות אין א פארום פון א נעגעטיווע איבערפאל אויף די וואס זענען משתיק,
אנשטאטס, טוט מען איבערפאלן דעם גאון עולם ומקובל הרב שמואל שליט"א

ביסט גערעכט אז בנוגע די עצם דינען אין גיוס זאגט ער נאך אלץ דאס וואס ער האט די פארלאפענע 10-15 יאר געזאגט.

[ליטוואק פון בודאפעסט]

און יעצט האט דער זיך עטוואס צושטעלען, עכ"פ כפי דמיון המקבלים, צום קנאות מהלך פון די אומפאראנטווארטליכער, געהאלפען איהם צו באטיטלען אלץ ׳מקובל׳.

לץ איינער!

Sent from my LG-K373 using Tapatalk

[diff]

איז ער געווען מיט פלג. ווייל אסאך האבן צוריקגעצויגען. אפשר דו נעקסט

[שמערל]

א גרויליקער אד האמינום ארטיקל, פעך.

[[NAMELESS]]

למעשה קען איינער אנצייכענען וואו פונקטליך האט ר׳ רהרן געטוישט מיינונגען בנטגע גיוס?, איך בין נישט קיין אהרוני און נישט קיין סאטמארער בכלל אבער אין די נושא רעדט ר׳ אהרן זייער צו דער זאך, טאקע מיט זיין באוואוסטע איינגעהאלטענע שפראך אבער אמת.

קודם מיט א כלליות'דיגע בליק זייט ווען האט ער אן איינגעהאלטנקייט ווען עס קומט צו מערכות???
איך רעדט שוין נישט פון באוואשן די קרויס מיידל ביי של''ס ברבים, האט ער גערעדט צו יענע זייט שמוע בין אחיכם? בפרט מען רעדט פון א מח' ביי יחידים.

און בכלל אין סאטמאר בפרט און די קנאים בכלל האבן אלס געהאט די מהלך פון מוחה זיין אן קיין פארהאנדלונג מיט די אנדערע זייט.
און ווי ר' אלי' בער ר' מלכיאל זאגן אויך אז דאס איז די מהלך
ר' מלכיאל זאגט גאר אז זיין זיידע ר' אהרן קוטלר האט זיך אויך אזוי נוהג געווען.

איז זייער קאמיש אז ר' אהרן וואס פאררופט זיך אלס ממלא מקום פון סאטמר רב זצ''ל זאל אננעמען א פאסיווע מהלך...
בפרט זיין היסטוריה לייגט עם בכלל נישט אראפ אלס א אדורכגעטראכטע איד וואס טוט אדורך יעדע מערכה מיט די אנדערע זייט ביפאר...

איז ער ווי זיין שוואגער בעלזא רב וואס האלט מען דארף משנה זיין די מהלך? פיין זאג אזוי.