אלטע חסידישע פאליטיק

[diff]

זעט אויס ביזט שוין דעמאלסט געווען בעלעגלא. אפשר טאקע דער וואס ר מלך האט אלעס אויגערעכענט

[chusid]

איך האב געטראפען אן אלטער יוד דעם שבת וואס איז א תלמוד פין מנחת אלעזר און פארציילט מיר וויאזוי די בעלזע חסידים פלעגן באשיסן זייער שול שבת ביי שלש סעודות מיט שטיינער, איז שוין דעמאלטץחסידות געווען אזא חצויוניותדיגע זאך?

[חסיד]

געזאגט ליגענט ברבים (אפילו געשוואוירען ליגענט)
גערעדט אויף די גרעסטע צדיקי הדור (די רוזינער קינדער) רוב מנין ובנין פון כלל ישראל האבן מיטגעהאלטן מיטן ריזשינער צד. אפילו זיין זון די שינאווע איז געפארן קיין טשארטקוב. (נאכדעם האט די טאטע אים געזאגט נישט אריבער צו טרעטן זיין שוועל)

הקיצור מ'האט אויף אים געקוקט אזו ווי א זקן ממרא אדער גאר ערגער.

אפי' די צאנזער רב אליין האט געציטערט פונעם רוזינער, הגם די צאנזער רב איז געווען היבש עלטער. מ'האט געהאלטן אז נאכן רוזינער איז אוועק האט ער געוואלט זיין די ממשיך פונעם דרך בעש''ט, אבער רוב רבי'ס האבן אים נישט געוואלט.

(די פראבלעם איז וויבאלד עס איז איבערגעבליבן אסאך מער צאנז ווי רוזין איז זייער שווער צו טרעפן די צווייטע צד, ממילא ווייסן רוב מענטשען, (אפילו די ברייטע) נאר די צאנזע צד)

נישט ריכטיג אז הרה''ק משיניווא איז געפארן קיין טשארטקוב, דער שיניווער רב האט כידוע געמיזט ארויסשפרינגן פון פענסטער פון ניסן בק'ס ביהמ''ד, ווייל מ'האט אים שיעור נישט דער'הרג'עט!
ווי אויך איז ידוע די סיפור וואס הרה''ק מפשעווארסק פלעגט דערציילן און שטארק שמייכלען בשעת מעשה אז אן עגונה איז אמאל געקומען קיין שיניווא און ער האט איר געהייסן פארן קיין טשארטקוב, זי איז אהין אנגעקומען און א שענק און דערקענט צווישן א גרופע זעלנער איר מאן, נאכן מאכן א רעש האט מען גע'פועל'ט ביים קאמאנדיר פון די סאלדאטן אים צו צווינגען צו געבן א גט, ווען די מעשה איז אנגעקומען קיין שיניווא האט דער שטאט גע'רעש'ט פון די גרויסע מופת גלוי, האט דער שיניווער רב זיך פארענטפערט אז אזא אויסווארף האב איך פארשטאנען קען נאר זיין אין טשארטקוב.
ווי אויך איז ידוע די מעשה מיטן שיניוואר רב אין ארה''ק איבער זיין מבטל זיין די נסיעה קיין מירון, און איתגלאי מילתא אז אינשי דלא מעלי האבן אונטערגעשטעלט א מערדרער עלי דרך ואכהמ''ל
(אויף די חלוקי דעות פון הרה''ק מצאנז ושיניווא בנוגע תחנון הוד, היתר מכירה וכו' איז דאך באקאנט די חלום פון דעם שיניוואר רב וכו' על מה ראה לחלוק על אביו)
חלילה אז קליינע מענטשן ווי אונז קענען נישט אריינרעדן בסוד קדושים סאיז נאר געשריבן פאר די ווארהייט פון היסטאריע

[חסיד]

פאר מער איבער די צאנזע - סאדיגורע מחלוקה דארפט איר לייענען יהושע ראקער'ס בוך וואס באשרייבט דאס פינעם צאנזען פערספעקטיוו און דעם בוך פון יצחק אבן וואס שרייבט דאס פינעם ריזענער פערספעקטיוו.

מע קען לייענען אנליין?

כידוע אז ערליכע אידן האבן יהושע ראקער'ס ספר נישט אריינגענומען אין שטוב (ויש הי' אומרים שיש להוסיף שטריך תחת האות ר' ראשון של ראקער!)

[חסיד]

[tag]big joe[/tag]

אז די ווייסט יא אז דער צאנז'ער רב איז געפארען צום רוזשינ'ער רבי

איז אפשר ווייסטו אויך וואס די הייליגע רוזשינ'ער האט דעמאלטס געזאגט אויף אים ביים טיש?
(און דאס איז געווען דער אורזאך וואס די צמח צדיק מוויזניץ האט זיך בשום אופן נישט געוואלט אריינמישען לטובת זיינע שוואגערס די רוזשינ'ער קינדער, אקעגן די צאנזער רב..)

כ''ק מרן אדמו''ר מבאבוב שליט''א סיפר שאמר הרה'''ק מריזון להרה''ק מצאנז אז ער וויל זיין הסכמה אויף אן ענין ווייל דער צאנזער רב איז פון די בית דין של מעלה

[חסיד]

מיינסט טאקע אז דאס איז געווען די איינציגסטע מחלוקת וואס דע הייליגע צאנז'ער רב איז געווען אריינגעמישט??

שנית, דער מחלוקת מיט סאדיגורא האט גארנישט געהאט מיט'ן שינאווע רב, איז דאך על כרחך אז ער רעדט (לפחות לגבי אביו) פון א אנדערע מחלוקת

די מחלוקת האט צוטיילט די שינאווע פונעם טאטן, און עס איז זיכער אז מ'האט געפיטערט שקרים צו ביידע צדדים.

כידוע איז די חלוקה דעות געוועהן איבער תחנון הוד און נאך מער די שערורי' בנוגע היתר מכירה בשבת

[טענעסי]

[tag]big joe[/tag]

עס איז נישט דא ווער עס זאל לאכען

דיינע שרייבעריי'ען אין דעם אשכול בנוגע צאנז - סאדיגורא זענען מלא פאנטאזי'עס
אין די שרייבסט עס נאך מיט אזא זיכערקייט. אתה מתוק מדבש

עס איז נישט קיין שום תועלת דא אנציהייבען דן זיין אויב רוב גדולים זענען געווען בצד צאנז אדער סאדיגורא
ווייל אזוי צי אזוי קען מען ברענגען מקורות לרחצה, ממש דבר והיפוכו

וואס'זשע יא

די שרייבסט מיט אזא פעסטקייט

אפי' די צאנזער רב אליין האט געציטערט פונעם רוזינער, הגם די צאנזער רב איז געווען היבש עלטער.

אך האב נייעס פאר דיר די צוויי מאורות הגדולים זענען ביידע געבוירען בשנת תקנ"ז, דער הייליגע רוזשינער איז געבוירען ג' תשרי
ממילא איז בפשטות ער געווען עלטער פונ'ם הייליגע צאנזע רב

שנית, שרייבסטו

ווען באבוב האט זיך משדך געווען מיט וויזשניץ (תשנ''ה) האט די וועלט ג'רעש'ט א צאנז-רוזינע שידוך. האבן די לצני הדור געזאגט אז באבוב איז צאנז אזוי ווי וויזשניץ איז רוזין...

צאנז רוזינ'ער שידוכים זענען שוין געווען לפחות 50 יאהר פאר תשנ"ה, אין אפי' אין וויזניץ אליין.. (ביידע היינטיגע וויזני'צע רבי'ס פון אר"י זענען מצד אביהם נכדי רוזשין ומצד אמם נכדי צאנז)

ועל הכלל כולה יצאת,
אך האב אמאהל געהערט א טייטש, סיג לחכמה שתיקה, וועט מען לפחות מיינען ביזט א חכם, אז די הייבסט אן צי רעדען איז די מצב ביטער

בלייב מיר געזונט קינד לעבען
האשכול שוב לרשותך

דער ערשטער שידוך צווישן צאנז און רוזין איז געווען בחייו פון הרה"ק מ'טשארטקוב (נפ' הוש"ר תרס"ד) ווען ר' ברוך דוד טווערסקי מ'קאלינקוביץ (בהרה"ק רמ"ד מ'הארנאסטייפל איידעם פון צאנזער רב) איז געווארן א איידעם ביי ר' שלמה זלמינא צוקערמאן מ'ראשקוב א איידעם ביי ר' אי"ה מ'מעזבוז איידעם פון רש"י עלטסטער זון פון רוזינער

[פישערער רבי]

ווער זענען געווען די רבי ריי''צ שוועסטער?
(כ'קען גארנישט טרעפן אויפ זיי, און טייל לייגן ארויף דאס שולד פון די ביכער אויף זיי)

ער איז געווען אן איינציקן זון.
אפשר מיינסטו די טעכטער ?
ער האט געהאט דריי טעכטער די עלטסטעע מרת חנה געהייראטן צום רש"ג איר זון איז בער גוראריה פון די באוויסטע ספרים פרשה אין ליובאוויטש.
די צווייטע מרת חיה מושקא א"ח פון דער ליובאוויטשער רבי'ן זצ"ל.
די דריטע מרת שיינא געהייראטן צו רמ"מ הורנשטיין און געהרג'ט דורך די נאצי'ס ימש"ו.

[סקרן]

אינטרעסאנטער אשכול איך וועל מוזן זוכן אין די ארכיוון פאר נאך אדער בעטן יואליש קרויס מיר אריינצולאזן אין זיין לייברערי פון אלע צייטונגען ספרים וואס באשרייבן עני מחלוקה וואס איז נאר געווען כידוע

[berlbalaguleh]

ווער זענען געווען די רבי ריי''צ שוועסטער?
(כ'קען גארנישט טרעפן אויפ זיי, און טייל לייגן ארויף דאס שולד פון די ביכער אויף זיי)

ער איז געווען אן איינציקן זון.
אפשר מיינסטו די טעכטער ?
ער האט געהאט דריי טעכטער די עלטסטעע מרת חנה געהייראטן צום רש"ג איר זון איז בער גוראריה פון די באוויסטע ספרים פרשה אין ליובאוויטש.
די צווייטע מרת חיה מושקא א"ח פון דער ליובאוויטשער רבי'ן זצ"ל.
די דריטע מרת שיינא געהייראטן צו רמ"מ הורנשטיין און געהרג'ט דורך די נאצי'ס ימש"ו.

פישערער רבי: ס'איז מעגליך אז מ'רעדט איבער די טעכטער פונ'ם מהריי"ץ. ס'איז אבער נישט מסתבר. ווייל ווען די אריגינאלע פרשה מיט דעם ..."מלאך"...האטציך אפגעשפיעלט איז דער מהריי"ץ נאך געווען גאר א יונגערמאן. און ס'נישט מסתבר אז ער האט שוין געהאט גרויסע טעכטער. אבער אין אן עקסטער עניין. די ..."רעבעצין"... חי' מושקא, ע"ה איז געווען יענע פרי. און זי האט גורם געווען א סאך עגמת נפש פאר איר טאטן, דעם צדיק. זי איז געגאנגען שטודירן אין לענינגראד אוניווערזיטעט. דאס איז געווען אין די פריע 1920'ער יארן. אין די אנהייב תקופה פונ'ם קאמוניזם. דארט האט זי אויך באגעגנט הרמ"מ. און איהר טאטע האטציך געפרייט צו דעם מצב. ווייל דאס איז געווען איהר רוחניות'דיגע הצלה. זי האט טאקע נאכדעים חתונה געהאט מיט איהם. פאר זיי זענען אפגעפארן קיין בערלין,פאריז, וכו'.

איך האב געזעהן א פיקטשער פון די ..."רעבעצין"... שוין אויף די עלטערע יארן. ווייל זי האט שוין געהאט גרויע האר. און 3/4 פון איהר קאפ איז געווען אויפגעדעקט...!

[ימים ידברו]

טייערע אידען מ'רעד דא אלטע פאליטיק, אפשר קען מען מער רעדן וועגען פאליטיק פון 50 60 יאר צוריק ראשית אידישקייט אין אמעירקע,
ווען האט דער סאטמארער רב זצ"ל בעל ויואל משה זיך צוקריגט מיט זיין נעפיו דער קלויזענבורגר רב זצ"ל און פארוואס?
אדער איז אמת אז בראשית יארן האט קלויזענבורג געהאט דער גרויסער עולם און סאטמאר נישט ווען האט זיך דאס איבערגעדרייט און ווי אזוי?
וויאזוי האט סאטמאר רבי זיך פארשטאנען מיט די סקווירא רבי און מיט די באיאנער רבי קאפישניצער רבי ?
די מחלוקת'ער מיט הגאון רבי משה פיינשטיין?
אדער וואס איז געווען די מחלוקה מיט סינגאג קאנסול? ווער קעגען וועם?
ס'גייט דורך יאר נאך יאר און די אלע זאכן וועט זיין היסטארע מ'וועט שוין נישט וויסען ווי צו פרעגען בכלל
די מלאכים מיט תורה ודעת?
ווען רבי ישראלטשע קאסניער ז"ל איז נאך געווען סאטמאר רבין'ס הויז בחור און געווארען ברוגז פארוואס?
וואס איז געווען די מחלוקה צווישען רבי מיכאל בער זצ"ל מיט זיין שוואגער קלויזענבורגער רב?
רבי מיכאל בער מיט הגאון רבי אהרן קוטלער?
סטיטשין מיט בלוזשעוו און באבוב?
רבי הערשלע ספינקער זצ"ל מיט סקולענער רבין זצ"ל און פיל נאך דאס איז מראי מקומות אבער כל הרוצה יבוא ויטול ווייל די זקנים זענען תמו ואזלו און מי יודע ווער וועט נאך דאס געדענקן און ווער רעד נאך פארשרייבען. אפשר דארף מען נישט?

[ליטוואק פון בודאפעסט]

ר' מיכאל בער האט געהאלטען אז דאס שיקען געלט פון דער וועד הצלה צו די בחורים אין שאנחאיי האט פאראורזאכט די טויט פון די סלאוואקאיער אידען. מ'זאגט אז ער איז אמאל געקומען קיין לעיקוואוד און ער האט איהם געוואלט אנשרייען. ער האט געווארט ביז'ן סוף שיעור, און ווי ער האט אונטער געהערט דער שיעור, האט ער זיך צוריק געהאלטען.
איך בין נישט נוטה צו גלויבען די מעשה, אבער דער וואס האט עפעס באווייזונגען אדער פרטים, ווי למשל ווען און ווער האט עדות געזאגט, וואלט איך זיך געפרייט.

[התם ומתמם עם תמימים]

למעשה האט אפילו נישט דער לוחם מלחמת ה' רבי יהושע רוקח אב"ד בעלזא זיך צוגעשטעלט צום צאנז'ער רב, זיין שטיל שווייגענישט איז געוועהן א שטילע הסכמה לטובת סאדיגורא.

פונקט פארקערט דער סאדיגורא חסידים פלעגן זאגן אז זיי האבן מער מורא פין די בעלזער שווייגן פין דער צאנזער געשרייען

עס איז געוועהן א בחי' פין א הויכע שטיל שווייגניש...

[berlbalaguleh]

ר' מיכאל בער האט געהאלטען אז דאס שיקען געלט פון דער וועד הצלה צו די בחורים אין שאנחאיי האט פאראורזאכט די טויט פון די סלאוואקאיער אידען. מ'זאגט אז ער איז אמאל געקומען קיין לעיקוואוד און ער האט איהם געוואלט אנשרייען. ער האט געווארט ביז'ן סוף שיעור, און ווי ער האט אונטער געהערט דער שיעור, האט ער זיך צוריק געהאלטען.
איך בין נישט נוטה צו גלויבען די מעשה, אבער דער וואס האט עפעס באווייזונגען אדער פרטים, ווי למשל ווען און ווער האט עדות געזאגט, וואלט איך זיך געפרייט.

ליטוואק: ס'איז נישט קיין שום ספק אז ר' מיכאל בער ווייסמאנדל איז געווען איינער פון די גרויסע און אקטיווע אנפיהרערס לטובת די הצלה פון די אידן אין סלאוואקיי. ער האט אויך געהאט פארשידענע פלענער וויאזוי צו אונטערלייגן מינעס אונטער די באן רעלסן וואו די נאציס ימ"ש זענען געפארן. אויסער זיינע געוואלדיגע אנשטרענגונגען אין פעלד פון דיפלאמאטיע. די פראבלעים איז אבער אז ער האט זייער א סאך געבויעט אויפ'ן ווארט פון די נאציס. און ס'האט איהם געקרענקט אז מ'האט נישט געקענט פארשאפן די סכומים פון געלט וואס ער האט לכאורה אויסגעארבעט מיט די נאצישע פיהרערס. וואס אין שכר פון דעם וואלטן זיי געדארפט סטאפן די דעפארטאציעס פון די אידן. לולא דמסתפינא וואלט איך געזאגט אז ער האט געלעבט אין אן אילוזיע. ווייל די נאציס ימח שמם וזכרם האבן נאך קיין איינמאל נישט איינגעהאלטן קיין שום הסכם וואס זיי האבן געמאכט מיט די אידן. ספעציעל אייכמאן'ס געהילף אין סלאוואקיע, וויסליצעני ימ"ש, מיט וועם ר' מיכאל בער האט פארהאנדלט, האט זיך בארימט אז ער האט אנגעפיהרט מיט די דעפארטאציע פון די גריכישע אידן. און אין משך פון 4 טעג האט ער אוועקגעפיהרט אלע אידן קיין אוישוויץ...!

[ליטוואק פון בודאפעסט]

דאס מעגסטו זאגען. ווען איך זאג עס, בין איך סתם איינער וואס פארטיידיגט מיין גדול.

דא רעדט מען אבער פרטים פון די מחלוקת. איך בין נייגעריג צו ס׳איז דא עדות פון איינעם אויפ׳ן צווייטען.

Sent from my LG-K373 using Tapatalk

[diff]

סאיז געווען אמאל א ליטווישע אסיפה צו אסרן וואלהענדלער. זיין שווער סענפעטער רב האט דאס ארויפגעברענגט. סגווען נישט גוט
http://www.bhol.co.il/forums/topic.asp? ... rum_id=771
http://www.inn.co.il/Forum/Forum.aspx/t545561 און דא מיט חבד

[התם ומתמם עם תמימים]

מען דארף ארויף ברענגן דער מחלוקת פין כ'''ק אדמו''ר מסאטמאר שליט''א מיט הגאון הגדול ר' עמרם טייטלבוים שליט''א

[diff]

אז סאיז צוויי טייטעל בומס שטיי ווייט

[שלמה המלך]

טייערע אידען מ'רעד דא אלטע פאליטיק, אפשר קען מען מער רעדן וועגען פאליטיק פון 50 60 יאר צוריק ראשית אידישקייט אין אמעירקע,
ווען האט דער סאטמארער רב זצ"ל בעל ויואל משה זיך צוקריגט מיט זיין נעפיו דער קלויזענבורגר רב זצ"ל און פארוואס?
אדער איז אמת אז בראשית יארן האט קלויזענבורג געהאט דער גרויסער עולם און סאטמאר נישט ווען האט זיך דאס איבערגעדרייט און ווי אזוי?
וויאזוי האט סאטמאר רבי זיך פארשטאנען מיט די סקווירא רבי און מיט די באיאנער רבי קאפישניצער רבי ?
די מחלוקת'ער מיט הגאון רבי משה פיינשטיין?
אדער וואס איז געווען די מחלוקה מיט סינגאג קאנסול? ווער קעגען וועם?
ס'גייט דורך יאר נאך יאר און די אלע זאכן וועט זיין היסטארע מ'וועט שוין נישט וויסען ווי צו פרעגען בכלל
די מלאכים מיט תורה ודעת?
ווען רבי ישראלטשע קאסניער ז"ל איז נאך געווען סאטמאר רבין'ס הויז בחור און געווארען ברוגז פארוואס?
וואס איז געווען די מחלוקה צווישען רבי מיכאל בער זצ"ל מיט זיין שוואגער קלויזענבורגער רב?
רבי מיכאל בער מיט הגאון רבי אהרן קוטלער?
סטיטשין מיט בלוזשעוו און באבוב?
רבי הערשלע ספינקער זצ"ל מיט סקולענער רבין זצ"ל און פיל נאך דאס איז מראי מקומות אבער כל הרוצה יבוא ויטול ווייל די זקנים זענען תמו ואזלו און מי יודע ווער וועט נאך דאס געדענקן און ווער רעד נאך פארשרייבען. אפשר דארף מען נישט?

WOW א היבשער קיגל...
סאטמאר מיט קלויזענבורג איז א היבש שטיקל היסטאריע, איך וועל דאס איבערלאזען פאר ווער עס ווייסט קלארער ווי איך, נישט סתם דאמירן בעלמא
ווידעראום סאטמאר מיט סקווירא און די אנדערע רבי'ס האבען זיך טאקע נישט פארשטאנען - זיי האבען אלע אפגעפיצט פון וויליאמפעסט ווייל מ'האט זיי גע'רודפ'ט דארט שמא ואולי וועט איינער אויך גרויס ווערען אחוץ סאטמאר
ר' משה פיינשטיין איז געוועהן א גדול בתורה און פארשטיט זיך ווייט פון חסידות
ר' ישראל'טשע קאסאניער איז קיינמאל קיין הויז בחור אין סאטמער נישט געוועהן! להד"ם... ער האט געוואוינט אין די בראנקס ביי זיין פאטער ר' פינחס שלום (שפעטער אין ב.פ. קיינמאל נישט איבערגעטרעטן די ווילימסבורגער באדען - אבער סאקמארער רב האט אים געניצט ביי דאמאנסטראציעס וכדו' ווייל ער איז געוועהן א אמעריקען בוי מיט א גיטע ענגליש - אבער קאסאן מיט סיגוט סלעש סאטמאר איז קייינמאל נישט געוועהן צו באפראנדעדט - פאר עס ווייסט אביסל יוראפעיער היסטארי - אבער דאהי האט מען נישט לכתחילה געזיכט מאכען פרישע פייער נאכדעם וואס היטלער האט כמעט אלעס פארניכטעט רח"ל, אבער אפאר קליינע פייער'ליך האט צירוק אויפגעוועקט די באגראבענע ווייטאג און ממילא האט מען אפגעהאקט פון פריש...

[diff]

סאטמאר מיט סיגוט

[מיר'ער בחור]

טייערע אידען מ'רעד דא אלטע פאליטיק, אפשר קען מען מער רעדן וועגען פאליטיק פון 50 60 יאר צוריק ראשית אידישקייט אין אמעירקע,
ווען האט דער סאטמארער רב זצ"ל בעל ויואל משה זיך צוקריגט מיט זיין נעפיו דער קלויזענבורגר רב זצ"ל און פארוואס?
אדער איז אמת אז בראשית יארן האט קלויזענבורג געהאט דער גרויסער עולם און סאטמאר נישט ווען האט זיך דאס איבערגעדרייט און ווי אזוי?

די עיקר מחלוקת האט זיך אנגעהויבען ווען קלויזנבורג'ער רב ז"ל האט אמאל געזאגט א דרשה מליץ יושר צו זיין אויפ'ן מדינה, און דעמאלטס האט זיך אנגעהויבען די סאטמאר'ע טעראר? נישט אזוי?

[דולה ומשקה]

טייערע אידען מ'רעד דא אלטע פאליטיק, אפשר קען מען מער רעדן וועגען פאליטיק פון 50 60 יאר צוריק ראשית אידישקייט אין אמעירקע,
ווען האט דער סאטמארער רב זצ"ל בעל ויואל משה זיך צוקריגט מיט זיין נעפיו דער קלויזענבורגר רב זצ"ל און פארוואס?
אדער איז אמת אז בראשית יארן האט קלויזענבורג געהאט דער גרויסער עולם און סאטמאר נישט ווען האט זיך דאס איבערגעדרייט און ווי אזוי?

די עיקר מחלוקת האט זיך אנגעהויבען ווען קלויזנבורג'ער רב ז"ל האט אמאל געזאגט א דרשה מליץ יושר צו זיין אויפ'ן מדינה, און דעמאלטס האט זיך אנגעהויבען די סאטמאר'ע טעראר? נישט אזוי?

סאטמער / קלויזענבורג
יענע מלוה מלכה מוצאי בשבת קודש פרשת יתרו שנת תש"י אין ביהמ"ד דקהל ערוגת הבשם ד'צעלים וועט אריין גיין אין די היסטוריה אלץ דער מכה בפטיש צום ביז דעמאלסדיגע אנגעצויגענע קירבות'שאפט, דאס לעצטע מאל וואס די צוויי זענען געזעצן אינאיינעם, און דער אנהויב פון א ביטערע מחלוקות וואס האט זיך געענדיקט ביי די פטירה פונעם ברך משה זצ"ל, וואס דאן האט זיך א אנדערע פעטער און נעפוי געקומען אויף דער רייע צו פירען א מחלוקות ביד רמה.

סטיטשין / בלאזוב / באבוב
דאס איז א טשאלענט, ערשטנס סטיטשין און בלאזוב די צוויי שוואגערס זענען געוועהן אויף מעסער שטעך, די צוויי ספעציעל דער סטיטשינער איז געוועהן להשמיד אויפ'ן בלאזוב, ואכמ"ל.

דערנאך א פרשה עקסטער פאר זיך איז דער אומ-פארגינעשטקייט וואס דער סטיטשין'ער רבי האט געהאט צום באבוב'ער רבי'ס געוואלדיגע הצחלה און אויף שטעלן א שטארק חסידות. למעשה במציאות איז דאס מעשה אבות סימן לבנים, ווען דער אלטער סטיטשינער רבי הה"ק רבי יצחק זצ"ל פלעגן שעלט פעך און שוועבל, שפעט ווערטער אויפן חשבון פון בעל קדושת ציון מ'באבוב הי"ד, ואכמ"ל.

[ליטוואק פון בודאפעסט]

פון קלויזענבורגער אידען האב איך געהערט די מעשה, אז ס'איז געווען מוצ"ש פרשת בשלח, צו ארום יענער תקופה, און דער סאטאמארער רב האט גערעדט פון די בני אפרים, און ווי זיי האבען אזוי שטארק געזינדיגט מיט'ן נעמען א פריצייטיגע גאולה.
דער קלויזענבורגער רבי האט גערעדט נאך דעם, און ער האט געזאגט חלילה וחס צו זאגען אויף די בני אפרים אז זיי זענען געווען מבעטים בגאולת ה'. נאר וואס? דאס ארויס גייען פון מצרים ווען גאנץ כלל ישראל איז דארט געבליבען, דאס איז די טענה אויף זיי.
דער סאטמארער רב איז געווען באטראפען מיט די רמז, און ער איז ארויס געגאנגען אין מיט'ן די דרשה.
ע"כ שמעתי מפי חסידי קלויזענבורג.