דייעט

[הערסטע]

די ניוטרישעניסט האט מיר אויסגעשטעלט א דייעט, עסן נארמאלע עסן, נישט קיין דזשאונק, נארמאלער צייט, נארמאלער פארשעין סייז... נישט געהונגערט, געגאנגען יעדעס וואך זיך וועגן ווי א וואויל יונגל, אויסגעהערט אלע עיצות פון ווי אזוי צו איינצוהאלטן פון נאשן, דאונלאודעד אלע עפפס, וואס האלטן חשבון וויפל דו האסט שוין היינט געגעסן, און אזוי ווייטער.

[טרויבן88]

מיין עקספיריענס איז, גיין אויף א גוטער דייעט מיט א נארמאלער ניוטרישעניסט קען מען שיין פארלירן און זיך האלטן, איך בין געווען איבער 400 פונט! אין אזוי לאנג ווארטענדיג אויף מיין זעקס חדשים צו ווערן עפראווד פארן סליוו בינעך יעדן וואך געגאנגען צום ניוטרישעניסט, (און איר ניטאמאל געפאלגט הונדערט פראצענט ( און פארלוירן בערך 20 פונט, און 4-5 חדשים! היינט האלט איך שוין א שיין שטיק צייט נאכן אנהויבן צוריק צו עסן ווי א גראבער און איך האב נאכאלץ נישט צוריקגענומען אלעס וואס איך האב פארלוירן... סא די בעסטע איז אז דו ארבעט'ס שוין יא אזוי שווער זע עס צו טוהן אויב די ריכטיגע וועג אזוי וועט זיך עס אויסצאלן אויף שפעטער.

איך האב אביסל געזוכט אויב עס איז שוין דא א אשכול וואס מ'רעדט ארום פונעם "סליוו", נאכנישט געטראפן, אויב איינער קען מיר צופירן וועל איך שטארק דאנקבאר זיין.

איך קען אסאך מענטשן גראבע, יעדער איינער פון זיי איז שוין געגאנגען אויף צוויי מינע דייעטס מינימום,
הצד השווה אז ווילאנג מען איז געווען אויפן דייעט האט מען פארלוירן, און ווי נאר מען איז אראפ פונעם דייעט האט מען צירוק באקומען די זעלבע וואג למחצה ולשליש,

עב ווערט מיר קלארער און קלארער מיט די צייט, אז פאר איינער וואס איז שוין גראב, וועט גארנישט העלפן, (איך רעדט נישט פון יחידים) נאר א אפעראציע, און פערצופאל די סליוו איז א גאנץ זיכערע אפעראציע,

איז אזוי, ווען מ'רעדט פון 50 פונט איבערוואג, איז שוין, איך קען הערן אז מען זאל זיך סליוון, אבער אז מ'רעדט פון 400 פונט, האלט איך אז זאלסט מאכן די סליוו אן טראכטן, וועסט האבן אסאך א בעסער לעבן אין אלע הינזיכטן, אלע אפעראציעס זענען נישט גרינג, און נאכדערצו א סליוו קומט מיט אז די קערפער פאלט איין נישט גלייך איבעראל, איז עס נאך אלץ א בעסער לעבן... צים בויך ציזאמען מיט עקסערסייז ווערט עס בעסער, אדרבא גיט און מאך די סליוו.

און סתם אזוי צי וויסן, אז א גראבע איז 80 פארצענט נישט שולדיג פארוואס ער איז גראב, און די גאנצע דייעט ביזנעס שפילט אריין און די נאראטיוו אז אויב א גראבער וויל, קען ער גיין אויף דייעט, די אמת איז אז רוב מאל קען מען נישט אויסהאלטן א דייעט, אפילו ווען מען גייט א יאר צי אפילו צוויי געשענט נישט גארנישט צים סוף, איז דעריבער זאל יעדער (80 פארצענט) וואס איז גראב וויסן אז דעס וואס ער איז גראב האט כמעט נישט מיט עם, אין זיך סליוון וועט עם געבן א פרישע לעבן וואס ס'קומט זיך עם,

[הערסטע]

אויף די חלק ווי דו זאגסט אז יעדער נעמט צו, איינמאל מ'גייט אראפ פונעם דייעט, בין איך זיך אינגאנצן מחלק, איך בין היינט געווען ביים דאקטאר, איך האב נישט גארנישט צוגענומען די לעצטע 3 וואכן, און איך האב בכלל נישט געוואטש וואס איך עס... און נארמאלערהייט נאכן גיין אויף דייעט נעמט מען אלעס צו אויב גיט מען נישט אבאכט, חוץ אז דו גייסט מיט א חשבון, און א סאלידער רואיגער דייעט, דויערט עס אסאך לענגער.

בנוגע די אלע אנדערע חלקים בין איך אלל דעי וועי אויף דיין זייט, און יישר כח פארן ארויסברענגן די נקודה, אז 80 פראצענט גראבע מענטשן זענען אומשולדיג. וכו. ס'איז א גרויסער טעות וואס מענטשן מיינען אז יעדער גראבער איז זיך אליינס שולדיג, און מען קיינעם מיינען ער קען זיך נישט איינהאלטן אביסל? פארוואס מוז ער ענדיגן א גאנצע בעג עסטרייכער טשאקלאד טשיפס קוקיס אויף איינמאל? אים איז נישט גענוג צוויי קוקיס? נו שוין! נעם דריי.... אבער דו כאפסט נישט, דער איד'ס מאגן איז שוין קעניינע הארא ווי א גאלן וואסער, און ניין ער גייט נישט זיין צופרידן ביז ווילאנג ער גייט פילן אז די קוקיס פילן אים אן אביסל דאן וועט ער האבן א שטיקל פארגעניגן פון דעם עולם... סא זאג דו מיר? איז עס זיין פראבלעם? ער איז בכלל נישט אויף דיין מדריגה... איינמאל ער איז שוין גראב איז שוין ביטער שווער צו פארלירן און צומאכן דאס מויל... אבער ווען ער האט אנגעהויבן צו צונעמען וואָג האט ער מער ווייניגער געגעסן וואס יעדער עסט, נאר וואס דען זיין הייקעלע מאגן האט עס נישט אזוי גוט געקענט דערהייבן און נאכדעם האט ער שוין פארלוירן קאנטראל... שוין גענוג געווען מיט די טענות.

יישר כח פאר יעדעם פארן מחזק זיין צו מאכן דאס סליוו, אי"ה בלי נדר, וועל איך פרובירן צו אפשרייבן אביסל וואס די דורכגאנג איז, און אפשר וועט עס קענען העלפן אנדערע.

גוטע נאכט.

[פליקער]

@טרויבן88 איך פארשטיי בכלל נישט וואס דו רעדסט און וואס דו צילסט.
איך קען אויך גראבע מענטשען וואס זענען געגאנגען אויף עטליכע דייעט'ס, אלע גראבע מענטשען פריוון דייעט'ס יעדע שני וחמישי, און שרייבן זיך איין ווי אימער איינער האט עפעס א סאקסעס.

דיין צד השווה איז טאטאל נישט ריכטיג, אוודאי ווען מען הערט אויף דייעטן נעמט מען צו, וואס האט איר געמיינט גייט געשען ווען מען נעמט זיך צוריק עסן מער וויפיל מען מעג.., די צד השווה איז אז מען פארלירט די אפעטיט פון גיין אויף דייעט, געווענטלעך איז עס ווען מען באקומט אזעלכע תגובות ווי עטליכע דא אין אשכול, וואס לייגען צו זאלץ אויפן גראבער'ס וואונדען, אז מען קען נישט פארלירן, די צד השווה איז אז מען פארליכט קאראש, מען פארלירט די מיינד סעט פון וועלן זיין דאר, די צד השווה איז אז מען איז זיך מייאש, און די צד השווה איז אז מען פאלט אדורך, און די צד השווה איז אז זיי זענען ראנג.

די ציל פין די אשכול איז אז מען זאל נישט דורך לאזן אזעלכע ווערעמליך, מען זאל לאזן הערן אז עס איז יא פארהאן סאקסעס סטארי'ס, זיין אפטעמיסטיק און פאזעטיוו, פאר אזעלכע וואס די ווילן פון זיין דאר שטייגט איבער עסן ביי א וואכנאכט אדער ביי א קידוש, פארציילן פאר אנדערע פעשליכע אז יא מען קען יא אנקומען צים ציל פון זיין דאר, און א סליוו איז נישט די איינציגע אפציע, נאר ווען מען איז גאר גרויס, און די געזינט צישטאנד איז אויפן באלאנץ, אוודאי האלט איך פון א סליוו ווען א 400 פינטיגער זאגט דיעות ווען ער האט פארלוירן 20 פינט, ער ברויך א אפעראציע אויף א געהאל, ער האט פארפאסט דעם דייעט שיף ביי 250-300, ערגעץ דארט קען מען נאך שמיעסן מיט א נאטרישעניסט, אבער ווען איינער ברויך שוין א רעידל אויפן בויך דאן ווי קען ער חלומען פון א דייעט, ער איז דאך א ים חזיר, ווי האט ער זיך געקענט אנפרעסן ביי א רעסטאראנט ווען זיין סיט בעלט ברויך אן עקסטענשאן פאסיק, און נישט כאפן אז עפעס איז נישט אין ארדענונג.

דיין לעצטע פאראגראף אז די גראבע זענען נישט שילדיג דאס נעמט מיך ארויס פון די דישעס, ווער דען איז שילדיג איך? ער לאזט זיך וואוילגיין אויף צוויי דריי סענדוויטשעס פאר פרישטאג און איך בין שילדיג, ער עסט מכל טוב אדוניו און איך בין שילדיג, איך בין אוודאי שילדיג אויך אז זיין אפעטיט איז אימגעהויער ווייל עס שטייט דאך משביע רעב, און קען גיין פרעסען ביי א וואכנאכט נאך א פילן מאלצייט, און נאך א קנאק יאנקל אהיים קומען עסן א פרישטאג אויסגעהינגערט ווי גלייך ער קומט זאגאר פין בערגען בעלזען, און איך בין שילדיג אויף אלעם.

צי גיין אויף דייעט סאקסעספולי ברויך מען קודם מאכט א אפעראציע אויפן מוח, מען ברויך האבן א אייזערנע רצון נישט ווערן פארשלעפט מיטן היינטיגען שוואנג וואס איז איין שטיק פרעס ווי שוין אזויפיל צאמגעשריבן דא אין אשכול, מען ברויך קענען קאנטראלירן דעם געפערליכען דראנג צי עסן מער וויפיל מען מיז, און יא מען קען זיין פיין סאקסעספול ווען דער מוח ווערט דאר, ווען דער מוח שליט על המגן, און מען איז מחליט א החלטה שיש בו ממש, אז איך הער אויף פרעסן פאר אייביג זעט מען די נויטיגע סאקסעס.

[שמעקעדיג]

דיין לעצטע פאראגראף אז די גראבע זענען נישט שילדיג דאס נעמט מיך ארויס פון די דישעס, ווער דען איז שילדיג איך? ער לאזט זיך וואוילגיין אויף צוויי דריי סענדוויטשעס פאר פרישטאג און איך בין שילדיג, ער עסט מכל טוב אדוניו און איך בין שילדיג, איך בין אוודאי שילדיג אויך אז זיין אפעטיט איז אימגעהויער ווייל עס שטייט דאך משביע רעב, און קען גיין פרעסען ביי א וואכנאכט נאך א פילן מאלצייט, און נאך א קנאק יאנקל אהיים קומען עסן א פרישטאג אויסגעהינגערט ווי גלייך ער קומט זאגאר פין בערגען בעלזען, און איך בין שילדיג אויף אלעם.

ח"ו, וואס עפעס, פארוואס טראכסטו אז דו ביסט שולדיג אויף אלעם?.. ער באשולדיגט נישט קיינעם אויסער מאמע נאטור. ס'באמת פאראן מענטשן וואס זייערע גענעס זענען אויסגעשטעלט צו ווערן שנעלער גרעבער ווי אנדערע, ואין לאל ידם זיך צו העלפן. זיי זענען נאך שוואכער ווי אנדערע מענטשן אין דעם הינזיכט, זיי מוזן זיך אכטונג געבן יותר מכפי יכלתם, ווייל יעדעס שטיקל קאקאש מאכט זיי פיל גרעבער פונעם שכן וואס האט געגעסן דעם זעלבן סלייס! ער מוז נישט עסן 3 סענדוויטשעס פאר פרישטאג, איינס איז פונקט גענוג צו אנווערטשאפטן א גראבן בויך, בעת דער שכן זיינער קען רואיג עסן 2 סענדוויטשעס און בלייבן דארער.

[פליקער]

אוודאי זענען דא וואס קענען עסן עד מקום שידם מגעת ולא נודע כי באו, דאס איז נישט די נארם, פארשטייט זיך אויך אויפן אנדערען צד זענען דא ווי איך, וואס קוקן נאר אויף א קאקאש און ווערן אויף געבלאזן און אנגעבלאזן.

מיר רעדען פון רובא דרובא וואס ווען זיי עסן מער וויפילזיי ברויכן און ציען אויס זייער מגן מוסקלען, און עסן ביז עס גייט שוין נישט אריין אדער ארויס אפילו א גרעפעץ, און דערנאך ווינדערען זיי זיך אז ער ברויך איינעמען א גאנץ פעקל עסטרייכערס איידער ער שפירט אז ער האט בכלל עפעס געטון פאר יענע נשמה, אנטולדיגט פארוואס עסט איר בכלל עסטרייכערס קוקיס צי סיי וועלכע אנדערע קוקי'ס דו ביזט 400 דו טארסט נישט אפילו קוקען אויף די זייט וואס האט א חשש בליעה פון א קאקי,

[פליקער]

אז מיר באשילדיגען אינזערע גענעס איז עק וועלט, דאס איז זייער שיינע תורות אבער אויף למעשה א אידישע בליק באשילדיגט נישט זיין גענע, נאר קאנטראלירט און ארבייט אויס זיין גען, ווייל אויב זענען מיר נידט שילדיג דאן זאג און וואס מיר זענען יא שילדיג, לאמיר זאגן אז ער גנבעט אדער רצחעט אדער נואף'ט, איז ער דען באמת שילדיג, ער האט ניטאמאל קיין בחירה, עס איז דאך די גענע וואס זאגט אים וואס ער ברויך צי טון און וויפיל ער מעג זיך איין רעדען אז ער קען זיך גובר זיין דאס איז אויך נאר מוגבל צי זיין בלופרינט די גענע, אפילו ער איז זיך יא גובר, איז עס אויך נאר ווייל זיין גענע לאזט, און ער ווערט נאר געוואויר אז זיין גענע האט נישט געהייסן זינדיגען.
אבער דאס איז נאר פאר פיליזאפיע, און פראקטיק ארבייט עס נישט אזוי, נאר יעדער מענטש איז אחריות אויף זיינע מעשים, און איז נישט ערלויבט צי ניצען זיין טענות גענע פאר א תירוץ.

[אישתישבי]

דאס, אז פארשידענע מענטשן קענען עסען ככל העולה על רוחם און זיי נעמען נישט צו קיין וואג, איז א מיטאס וישתקע הדבר.

איך פערזענליך האב אויסגעפרעגט אסאך פיט מענטשן, און דער אמת איז אז זיי פרעסן נישט, פשוט. צומאל רעדען זיי זיך איין אז זיי זעלבסט עסען אסאך, און ביי זיי איז אסאך וואס ביי אונז גראבע איז עס בלויז קינוח סעודה.

צומאל טאקע איז דא וואס קענען יא, און זיי זענען באמת נישט געזונט, שנעלע הארץ קלאפענישן וכו', וואס מאכט דער גוף ארבעטען שווערער און דאס ברענגט אראפ די וואג, אבער עס איז בכלל נישט געזונט. עס איז א מחלה.

לעומת זה, איז דא גאר א שיינע נאמבער וואס זייער טייראד איז אביסעלע אונטער די געווענליכע ראטע, און זיי מעגען עסען ווייניגער וואס איז רעקאמענדירט. אבער ווייל זייער טייראד הייסט פאנקשיענעל, וועט מען עס נישט טריטען מיט קיינע מעדיצינען, און זיי וועלען פשוט דארפען לעבען מיט זייערע נסיונות.

ר' הערשעל מייזעלס האלט אז מען זאל יא טריטען די טייראד אפילו ווען עס ווערט נישט געטריטעד דארך דאקטוירים, און די וואס גייען צו אים ווערען טאקע געהאלפן.

אגב, כ'בין נישט א חסיד פין אלע שיטות פין ר' הערשעל, אבער איין זאך וואס ער האט מורא'דיג אויפגעטאן​ ביי אונז איז אריין ברענגען אווערנעס אויף דער ענין פין איבערוואג, און האט מען הסתם געראטעוועט אומצאליגע מענטשען פין מחלות וכו'.

[הערסטע]

@פליקער!

איך בין נישט דא קיינעם צו באשולדיגן, און זיכער נישט דיר, איך פארצייל נאר דעם פאקט וואס איך מיט מיינע גראבע חברים לעבן מיט, ניין איך גיי מיר נישט מאכן פאר די וועלטס רחמנות, און שרייען אז מען מאכט חוזק און איך באקום נישט קיין חיזוק פון קיינעם און קיינער פארשטייט מיר נישט אא"וו. אבער איך גיי דיר יא זאגן אז אויב שרייסטו אנטשולדיגט פארוואס עסט בכלל עסטרייכער קוקיס אדער סיי וועלכע אנדערע קוקי, האב איך מורא אז דו כאפסט בכלל נישט וואס א גראבער איז!

גיי פרעג דיר נאך ביי די ריכטיגע גראבע אידן און הער וויפל זיי האלטן אז ס'איז זייער שולד, איך רעד נישט אז ס'איז אסאך אין זייער הענט צו פארעכטן די פראבלעם, איך רעד נישט פון ווען זיי זענען שוין גרויס וואס דעמאלטס פארלאנגט​ שוין די מאגן אסאך אסאך מער ווי אן עוורעדזש מענטש, איך רעד פון די וועג ארויף, כאפ א שמועס מיט די אידן, וועסטו געוואר ווערן אז רוב מאל האבן זיי נישט געטון ציפול אנדערש ווי די דארע אידן, נאר וואס דען? זייער מאגן און סיסטעם איז שוואכער אדער סתם אנדערש ווי יענעם'ס און זה הו!

[פליקער]

@הערסטע: קודם כל שלום עליכם א נייע ניק, יהא בואך לברכה איך האף אז דו האסט דורך געליינט דעם אשכול מיט אירע אלע כמעט 150 תגובות, ווייל אויב יא וואלסטו שוין געוויסט אז איך דער פותח האשכול בין בטבע א גראבער און סטראגעל מיט דייעטע'ס, און ב''ה פיין מצליח שוין באלד דריי יאר, און נאך דערווייל נישט צוגענימען.
אוודאי איז שווער צי דייעטען, אוודאי גייט א גראבער זיך נישט אזוי שנעל באשילדיגען, עס איז א דבר פשוט, ווייל עס איז שווער צי גיין אויף דייעט, און בשעת ווען מען פרעסט איז דער מוח באמת א רחמנות. וויפיל מאל בין איך געזיצען נעבען גראבע ביי א קידוש ווי איך עס באמת גארנישט, און דער גראבער עסט אבסעלוטלי נעבעך גארנישט, אבער צווישען אינז איז אויפגעפרעסן געווארן א טאץ קאקאש, און איך זעי ווי ער נעמט איין איין סלייס נאכן אנדערען, און איך שטייצעך מאך ניטאמאל קידוש, איך זעי ווי קוים ער אטעמט, און ער זאגט מיר קלאר ווי טאג, אז ער האט גארנישט געגעסן, ממש נאר אויף קידוש במקום סעודה, נאטאמאל כאפט ער אז ער האט איינגענימען כאטש 4500 קאלעריס, און ער קומט אהיים נעבעך אויסגפייגערט פאר הינגער.
כדי דא, צי פארעכטען מיז מען מאכען פאלעסיס, מען ברויך האבן גיידליין'ס, נישט עסן גארנישט אין די פרעמד, גארנישט עסן ביינאכט, גארנישט מיין איך גארנישט, אפילו קיין פירות אדער נאר צי כאפן ס'הארץ, און פאר מער גיידליין'ס הייב אן דיזן אשכול פון אנפאנג ותמצא נחת.

[פליקער]

טאקע נישט קיין רעדל אבער דאך פאני

[וואלווי]

גילוי...

[הערסטע]

עליכם השלום, איך בין שוין א מיטגליד א שיין שטיק צייט און איך האלט מיט אביסל דא דארט וואס טוט זיך דא, יישר כח יעדן פארן אהערשטעלן אזא שיינע וועבסייט, יא איך האב מער ווייניגער דורכגעליינט דעם אשכול פון אנהויב ביזן סוף, און געזעהן אז דו ביסט דער פותח האשכול, און ביסט גערעכט מיט דעם אז איינמאל מען איז שוין גראב איז שווער צו גיין אויף דייעט, נאר איי געס ווי אונז דיסערגריען איז די פוינט אז דו ביסט א סוקסעספולער מענטש וואס האט שוין דורכגעמאכט דעם שווערן וועג און שיין פארלוירן, משא"כ איך בין נאך אויף די אנדערע זייט פונעם בילד, ממילא ווען דו קוקסט צירוק און דו זעסט גיין הצלחה האלסטו און דו גלייבסט באמונה שלימה אז יעדער איינער קען עס טוהן, און ווער עס טוט עס נישט איז ממש משוגע, ער איז זיך אליינס שולדיג וכו. און איך אן דעי אדער הענט, קוק אן דעם בילד פון די אנדערע זייט, סא איך זע אז ס'איז בכלל נישט דער גראבער'ס שולד אויף אזוי ווייט, ס'איז מער א נאטור!

[פליקער]

דאס איז דיין טעות, ווייל איך האב אנגעהויבן די אשכול ווען איך האב אנגעהויבן דייעטן, און די אשכול פארט שוין באלד 3 יאר

[טרויבן88]

[tag]פליקער[/tag] עס איז נישט אז די ביסט אומגערעכט, נאר די ווילסט שטופן די איידיע אז א גראבער קען ווערן דאר, און איך בין מחולק מיט דיר, און רוב מענטשן וואס זענען איבערוואג וועלן זייער גאנצן לעבן זיך בלייבן פלאגן מיט איבערוואג, און דאס איז נאר גערעדט פון איבערוואגיגע וואס זענען פון 180 ביז 250 וואג און זענען איבערוואגיג לויט די בי.עם.איי. (BMI) וואס לעבן מיט יסורים טאג טעגליך, און ס'איז אפשר גרינג פאר דיר זיך איינצוהאלטן טאג טעגליך און אויסצופאלגן א ליסט פון פרינציפן, דאס מיינט נאכנישט אז דאס איז א דבר השוה לכל נפש, און מיטן שטופן די איידיע ביזן עק לייגסטו ארויף די אחריות אויפן גראבע מענטש, וואס זיין מאגן/מוח פילט פלעין נישט זאט און עסט "נאר" צי די זעט לדעתו, זיינע הארמאנען ארבייטן נישט, און זיין מוח רעגיסטרירט נישט אז ער האט געגעסן, אין קורצן צי באשילדיגן די גראבער און פונקט אזא אומרעכט, נאר וואס דען? אוודאי איז די גרינגסטע צי זאגן פארן גראבער ער זאל סטאפן פרעסן און ס'האט אפשר א תועלת אויכעט, אבער וויאזוי קענען מיר זאגן פאר א גראבער פון 220 פונט וואס איז געגאנגען אויף דייעט פאר א גאנצע יאר און זיך איינגעהאלטן יעדע מינוט פון פרעסן, אין דערנאך צירוק באקומען דאס גאנצע וואג שטאטליך? אז ער זאל נאכאמאל גיין אויף דייעט? און מ'רעדט נישט פון אנפאנגען פרעסן נאכען דייעט, נאר צי שטאטליך נישט כאפנדיג האט ער צירוק באקומען די גאנצע וואג,
עס איז דא איין ענטפער פאר דעם, א "סליוו" עס הערט זיך עקסטרעם, און אפשר איז, אבער איך שוין געזען גענוג, כעת בין איך קאנווינסט אז נאר א סליוו קען ארויסהעלפן די מענטשן, אפגערעדט אז ווער ס'ווערט מער ווי 230 240 אינטער עני צושטאנד זאל מאכן די סליוו,

און לגבי דיין פראבלעם אויב מיר באשילדיגן די גענעס פארשטיי איך שוין בכלל נישט, ווי קומט עס אריין? אויב מיר זע'ען אז די גענעס אדער אז א מענטש פילט זיך נישט זאט נאך 5000 קאלעריס מיזן מיר זאגן אז ער איז שולדיג ווייל מ'קען נישט זאגן אז זיין גענעס זענען שולדיג?

איך פארשטיי אז די אשכול איז געעפנט פאר חיזוק, אבער לדעתי איז דא נאך א מיינונג צי די נושא, וואס איז זיכער א צד שני,

[פליקער]

וואס מיינט חיזוק, און מיינע אויגן מיינט עס אריין ברענגען איינעם וואס איז לאמיר זאגן אויפגרעגט, און ער איז ביי די מיינדסעט אז יעדער איז אים שילדיג, ער איז בייז אויף אלעם, דאן קומט איינער וואס איז אים מחזק און רעדט צו זיין הארץ און דרייט אים איבער פון זיין פארווייטיגטע גיסטע און מאכט אים פריילעך.
נישט אלע סארט מיינד סעט'ס איז גרינג צי איבערקערן, ציגארעטלעך רויכערער איז שווערער מסביר צי זיין אז ער זאל שולט זיין אויף זיין תאווה, און אויפהערן רויכערען, איך בין מודה מיט דיר אז עסן איז די שווערסטע זאך צי קאנטראלירן, עס פארלאנגט די מערסטע וואכזאמקייט און שטארקייט, און ספעציעל ווען ייאש איז אין שפיל, אז מען קען נישט, נישט מעגלעך געדאנקען, און פילע גראבע בעלי תאווה זענען בא בטענה אז זיי עסן נאר ווייל זיי שפירן נישט זאט, און די גראבע וואס בלעימען זייערע גענעס און אלעס און יעדען נאר נישט זיך, דאס איז אלעס א מיינדסעט אישו, און על כולם איז דא די לאליפאפ וועט ווערט געפאכעט פאר דיינע אויגען, דאס איז די סליוו סערדזשערי, דאס אלעס מאכט די מיינדסעט שווערער צי פארשטארקען.
גלייבט מיר אז עס איז יא מעגלעך צי טוישן די מיינדסעט, אבער גענוי ווי דער עושר פארשטייט נישט דעם ארימער, פארשטייט נישט דער גראבע מיינדסעט דעם קאנטראל מיינדסעט, עס איז נאר פאר מיר צי מסביר זיין די בעסט איך קען, און ווען עס וועט איין טאג קליקען מיט דיר, וועסטו פארשטיין וואס איך מיין.

[ליטוואק פון בודאפעסט]

סטאטיסטיק איז בעצם נערישקייטען, ווייל ס׳נעמט אריין צו פיהל עניינים אויפצוווייזען דער אמת׳ער בילד.

א מענטש וטאס וויל פארלירען וואג, דארף צו וויסען א. אז ס׳איז שווער, און ב. אז ס׳איז מעגליך.
די דייעט קאמפאניס מאכען כאילו ס׳איז גרינג כדי צו מאכען געלט, און ווען ס׳ווערט שווער, אנטלויפט דער דייעטער.
ווידער ווען איינער מיינט ס׳איז אוממעגליך, וועט ער זיך נישט אריינטוהן מיט׳ן רמ"ח און שס"ה, נאר בעצלתיים. און פאר דעם וועט עס נישט געלונגען.

מ׳דארף וויסען אז ס׳איז שווער און מ׳דארף נאכאנאנד זוכען עצות. איינער וואס האט א פראבלעם ביי די נעכט, זאל טרעפען אן עצה פאר דעם. דער וואס קען נישט צוזעצען צו א קידוש אן אריינשלינגען טעץ קוגען און שיסלעך טשאלענט, זאל בכלל נישט מאכען קידוש. דער וואס עסט יעדער נאש אין קלאזעט, זאל אפשר אויפהערען קויפען אומגעזונטע זאכען. יעדער מיט זיין עצה. אבער מעגליך בלייבט עס.

דאס איז דער מעסעדזש פון פליקער.

Sent from my LG-K373 using Tapatalk

[אישתישבי]

טרויבן איז נישט גערעכט פאר איין סיבה, אוודאי איז דער גראבער נישט "שולדיג" פאר עסן צו דער זעט, אבער פין דארט ביז זאגען אז נאר די סליוו איז דער מהלך, איז דא א גרויסע א חלל.

מען קען פארלירן אויב מען איז דיסיפלינד אויף דעם, און טאמער איינער האט א פראבלעם מיט דיסיפלין, האב איך פאר אים נייעס, עסען איז מן הסתם נישט די איינציגסטע שעדליכע זאך וואס ער "קען" פשוט נישט קאנטראלירן, עס איז זיכער דא נאך זאכען.

ממילא ברויך ער זוכען עצות ווי ליטוואק זאגט, עצות וואס לערנען אלעס צו זיין דיסיפלינד, אמאל איז עס ראשית חכמה, אמאל פיעסעצנע, און אמאהל פין טעראפיסטען וכו'.

אבער עס איז דא א וועג.

און א סליוו האלט נישט אויף אייביג, און מען ווייסט נאך נישט די עפעקט ווען איינער טוט עס אויף נאך צוואנציג יאר.

[איך אויך]

און יעך זאג, עטץ זענטס אלע (אביסל) גערעכט.

[פליקער]

איך שפיר ווי מען ברויך אימברענגען דעם אשכול נאך וואס איך האב געזען די עד אינעם יום כיפורדיגע ווערסיע פונעם גוט מארגען.

[ליטוואק פון בודאפעסט]

איך האב מיר געפוילט צו זוכן די אשכול, אבער אז ס'איז דא, וויל איך עפעס צולייגען.

אפט מאכט זיך אז מ'דרייט זיך אין שטוב צי אינדרויסן און מ'איז נישט הונגעריג אבער ס'ווילט זיך עפעס עסן אדער נאשן. מ'גייט אין פרידזש צי אין שאפע אדער געשעפט, און פון ליידיגייען עסט מען דאס אדער יענץ, און מ'כאפט אביסל פון א דריטן, און א גאנצע סעודה האט זיך אריינגערוקט נאך איידער מ'האט עספייעט צו טראכטן וואס מ'טוט.

ווען מ'איז אין אזא גוסטע, איז עס זייער שווער זיך אפצוהאלטן. איינער זאגט אן עצה אז ווען מ'כאפט אז מ'זוכט עסן פאר גארנישט, זאל מען מאכן א נדר. דאס איז אבער א הארבע זאך, און איינשטעלן די קינדער'ס לעבן איז צופיל. אן אנדערע עצה איז פוצן די ציין. די טעם פון טוטפעיסט נעמט אוועק סיי וועלכע טעם פון מויל.

[פליקער]

איך וואלט קיין נדר נישט געטון, אבער אויב זעי איך אז איך גיי אויס לאמיר זאגן אויף א גאר פרישע נאסע קלעיביקע האניג קעיק וואס זי האט נארוואס אנגעשמירט מיט כרמל שמיר, און ס'שפאב רינט ווי פון זית שפכוני, דאן מאך איך א מזונות און עס פחות מכשיעור.

[ליטוואק פון בודאפעסט]

נאך אן עצה (פאר די פראבלעם וואס איך האב דערמאנט) איז עסען א פיקל. דאס האט א טעם אין די גאנצע מויל, אבער נישט קיין קעלאריס. נאר די וואס עסען נישט פון חמשה עשר באב ביז סיום ימי השובבי"ם קיין זויערס דארפען דעמאלס בלייבען גראב.
און מיט דעם איז פארענטפערט אן אנדערען קשיא........