גאווערמענט ספענדינג

[טמיר]

די יו. עס. איז די גרעסטע, שטערקסטע און רייכסטע לאנד. יא, און אויך די גרעסטע בעל חוב וואס איז נאר אמאל געווען אין היסטאריע, ביי א מענטש אדער לאנד. די חוב האלט שוין יעצט ערגעץ ארום 20 טריליאן דאלאר 20,000,000,000,000, דאס קומט אויס בערך 65,000 פאר יעדער מענטש אין לאנד. פאר א משפחה פון 5 איז עס 325000 דאלאר.

אבער דאס האלט נישט צוריק די גאווערמענט, סיי פעדעראל, סטעיט און לאקאל, פון זיך ווארפן מיט געלט אויף רעכטס און לינקס, כאילו מען האט אזוייייפיל איבריג. אסאך מאל קומט אונטער אזאלכע נייעסלעך וואס רעגט מיך פשוט אויף, האב איך מחליט געוען צי עפענען די אשכול זיך אויסצוגעבן.

יעצט איז אין די נייעס אז רוסלאנד פארשיקט 750 דיפלאמאטן פון 1100 פון לאנד. וואס האט מיך געכאפט איז, וואס אין די וועלט דארפ אמעריקע "עלעוו הונדערט" דיפלאמאטן אין רוסלאנד??? געוואלד, וואס טוען זיי דארט? און דאס קאסט אפ אויסציהאלטן זייערע משפחות דארט, פלאס א סעלערי, פלאס די טרעוועל וואס זיי ניצן מסתם אסאך. און דאס איז שוין חוץ די שאר ירקות פון העלט אינשורעס מיט ריטייערמענט וכו'. איך וואלט געשאצט אז יעדער עקסטער קאסט אפ כאטש 150000 א יאר. צוזאמען? איבער 150 מיליאן!! און דאס איז נאר איין לאנד!!

[קורקלענד]

איך בין גאר א שוואכע חסיד פון איבערגעטריבענע רעגירונג'ס שפענדן. אבער ספעציפיש בין איך נישט באהאווענט מיט די אמעריקאנער אינטערעסן אין רוסלאנד. דעריבער קען איך נישט זיין זיכער אז ס'איז איבערגעטריבן. אבער בלי שום ספק אז אזא לאנד ווי אמעריקע דארף האבן א דיפלאמאטישע פוטפרינט איבער דער גארער וועלט. און כל שכן אין רוסלאנד. באזירט אויף געווענליכע רעגירונג'ס הלוך ילך קען מען אנעמען אז די שפענדערייען זענען טאקע איבערגעטריבן. אבער בלויז די פאקט אז ס'קאסט הונדערט פופציג מיליאן אדער אז זיי האבן דארט עלף הונדערט דיפלאמאטן מיינט נישט אז זיי דארפן נישט אזויפיל.

[ליפא]

Employees נישט דיפלאמאטען. נישטא קיין 700 דיפלאמאטען דארט.

The U.S. does not have that many diplomats in Russia. Most of the workers run the U.S. Embassy and consulates, so the cuts would actually hurt Russians by slowing the time for processing visa requests — something that already takes weeks or even months.

[shtriemel]

אבער בלי שום ספק אז אזא לאנד ווי אמעריקע דארף האבן א דיפלאמאטישע פוטפרינט איבער דער גארער וועלט.

בלי שום ספק???

איך זאג נישט אז די ביסט נישט גערעכט - נאר די קליינע ספק ספיקא וואס האט דיר געמאכט שרייבען בלי שום ספק איז כדאי אויסצושמוסען...

[שבת אחים]

געלט פאר דיפלאמטן איז נאך פון די קלייניקייטן. אמעריקא באצאלט פאר פארשידנע רעגירונגען שווערע מיליאנען ׳לא יחרץ׳ געלט. פשוט זיי זאלן זיין אויף זייער זייט. זיי האבן זיך געמאכט ״א זייט״ און ״א אגענדע״ און יעצט מוז מען עס פיטערן... זיי פלעגן למשל געבן פאר זארקאווי פון אפגאניסטאן פאר אים פערזענליך אין טאש אריין צוויי מיליאן דאללער יעדע וואך, פאר אפאר יאהר... אנגעהויבן דורך בוש און טשעני. וואס האלטן מיט די רשעותדיגע ריפובליקאנער שיטה אז אמעריקאנע בירגער וואס האבן נישט קיין געלט זאלן אויסגיין, און מיר זענען נישט מחוייב זיי אויסצוהאלטן מיט ״העלט אינשאורינס״! אבער פאר עפעס א [שרייב נישט קיין אומאיידעלע ווערטער. מנהל] פון אפגאניסטאן זענען זיי ״סאום האו״ שולדיג 100 מיליאן דאללער א יאהר הארטע גרינע מזומנים.

מקען דא אויסרעכענן 10 מיליאן משלים ווי די גאווערמענט געט אויס געלט פאר הוילע שטותים מיט הבלים. פול ערעגער ווי מיט די דיפלאמאטן.

[החוקר]

חברה, טשיל!
אמת די גאווערמענט ספענדט אוצרות זהב פאר נישטיגע אומוויכטיגע שטותים, אבער נישט דא ליגט די הונט באגראבן. די געלט וואס די גאווערמענט וואלט ווען אויסגעגעבן צו פארשטן און נאכגיין אויב עס איז טאקע וויכטיג, איז נישט ווערט די פאר גרייצער וואס מען וואלט געשפארט.

לאמיר עס אריינלייגן אין פערספעקטיוו. לויט מיין חשבון איז $150 מיליאן נישטאמאל 5 הונדערט טויזענט'לעך פון א פראצענט פון די בודזשעט. אין נומערן איז עס ווייניגער ווי 0.0000005% (איך קען האבן א טעות מיט א נאמבער).

שטעל זיך פאר אן ארימאן וואס מאכט בערך $25,000 א יאר, און פאר זיין געטרייע אשת חיל האט זיך פארגליסט צו האבן איין, און טאקע נאר איין דיפלאמאט אין רוסלאנד. און זי פארשווענדט פארדעם איין צענט, יא איין רויטן פארדזשאווערטן גרייצער א יאר. וואלסטו אויפגעהויבן פארדעם א ווייגעשריי.

לאמיר גיין א טריט ווייטער און אריינרעכענען @שבתענס ווייטאג פון אפגאניסטאן און נאך 998 אזעלכע אומנויטיגע הוצאת. קאסט עס אפ א נישטיגע $10. פרעג איך דיר, איז נישט ווערט צו זיין פאניע בראט מיט דעם זארקאווי, האבן 1,100 דיפלאמאטען אין רוסלאנד מיט נאך 998 שטותים פאר $10 א יאר?

[שמעקעדיג]

נישט ווען דער ארעמאן האט 500 דאלער חובות!

[טמיר]

חברה, טשיל!
אמת די גאווערמענט ספענדט אוצרות זהב פאר נישטיגע אומוויכטיגע שטותים, אבער נישט דא ליגט די הונט באגראבן. די געלט וואס די גאווערמענט וואלט ווען אויסגעגעבן צו פארשטן און נאכגיין אויב עס איז טאקע וויכטיג, איז נישט ווערט די פאר גרייצער וואס מען וואלט געשפארט.

לאמיר עס אריינלייגן אין פערספעקטיוו. לויט מיין חשבון איז $150 מיליאן נישטאמאל 5 הונדערט טויזענט'לעך פון א פראצענט פון די בודזשעט. אין נומערן איז עס ווייניגער ווי 0.0000005% (איך קען האבן א טעות מיט א נאמבער).

שטעל זיך פאר אן ארימאן וואס מאכט בערך $25,000 א יאר, און פאר זיין געטרייע אשת חיל האט זיך פארגליסט צו האבן איין, און טאקע נאר איין דיפלאמאט אין רוסלאנד. און זי פארשווענדט פארדעם איין צענט, יא איין רויטן פארדזשאווערטן גרייצער א יאר. וואלסטו אויפגעהויבן פארדעם א ווייגעשריי.

לאמיר גיין א טריט ווייטער און אריינרעכענען @שבתענס ווייטאג פון אפגאניסטאן און נאך 998 אזעלכע אומנויטיגע הוצאת. קאסט עס אפ א נישטיגע $10. פרעג איך דיר, איז נישט ווערט צו זיין פאניע בראט מיט דעם זארקאווי, האבן 1,100 דיפלאמאטען אין רוסלאנד מיט נאך 998 שטותים פאר $10 א יאר?

דיינע נומבערס זענען נישט ריכטיג. די פעדעראלע בודזשעט איז בערך 3.5 טריליאן. 150 מיליאן איז בערך איינס פון 20000. דאס איז 0.00005 אדער א צוויי הונדערטסטעל פון א פראצענט
נאך 20000 אזאלכע ספענדינגס דארפסטו אביסל איינציען וועט עס מאכן א גרויסע חילוק

[קורקלענד]

נאך א פראיעקט וואו די רעגירונג האט פארשווענדעט שווערע געלטער על לא דבר, דא אין ב''פ.

[פערינא]

פרעזידענט טראמפ האט געזאגט אז ער איז דאנקבאר פאר דער רוסישער רעגירונג איבער דעם וואס זיי האבן ארויסגעווארפן הונדערטער אמעריקאנער דיפלאמאטן פון מאסקווע און זיי אהיימגעשיקט קיין אמעריקע. מיט צוויי וואכן צוריק האט רוסלאנד באפוילן אז 755 אמעריקאנער דיפלאמאטן וועלן מוזן אהיימפארן, אלס נקמה צו די נייע סאנקציעס וואס אמעריקע האט באשטעטיגט קעגן רוסלאנד, האט יעצט טראמפ געזאגט אז ער וויל זיך באדאנקען פאר'ן רוסישן פרעזידענט פוטין, "ווייל יעצט האבן מיר ווייניגער איינגעשטעלטע אינעם סטעיט דעפארטמענט. מיר פלאגן זיך טאקע צו שניידן דעם פעדעראלן בודזשעט און די פעדעראלע פעיראל פאר אזויפיל איינגעשטעלטע, און דא האט ער עס געמאכט אזוי לייכט", צולייגנדיג "עס איז נישטא קיין שום עכטע סיבה פארוואס די דיפלאמאטן זאלן דארפן צוריקגיין קיין רוסלאנד". עס איז נישט געווען קלאר צי טראמפ'ס ווערטער זענען געווען סארקאסטיש, אדער האט ער עס ערנסט געמיינט, ווייל עס איז טאקע טייל פון זיין פאליסי צו שניידן די סייז פון דער פעדעראלער רעגירונג. ק/פ דער איד