געדאנקן ארום די אינטעליזשענט דיזיין דעבאטע

[מאטי]

איך בין ארויס פון מיין וועג צו באהויפטן דעם פאקט אז א"ד איז נישט די אנטאנום פון עוואלוציע, דאס אז עוואלוציע קען דאס נישט מסביר זיין איז נישט קיין סייענטיפישע הוכחה אויף א"ד נאר ס'בלייבט אן "איני יודע" ודי בזה.

[הקטן]

א"ד פראבירט אויסצישליסען סייענטיפיש אז "irreducible complexity" זאל קענן צישטאנד קימען "פין זיך אליין", זאל דאס זיין עוועלאציע צו סיי וואס אימער
א"ד זאגט אז דער פראבעבילעטי דאס זאל געשען איז 0 לויט וואס מיר קענען אבזערווירען אין וועלט
דו טענה קען ווערן פאלסעפייד - און אין פאקט איז דא טעאריעס וואס פראבירן אט דאס צי טון

וואו א"ד וערט א דירעקטע בר פלוגתא מיט עוועלאציע, לכולי עלמא, איז און דער מענטשליכע געוויסען
פארדעם וועט א יעדער צד פייטען מיט ציין און נעגעל אגעגען דעם אנדערען

מעטרעליסטישע סייענס האט אראפ גלייגט א אייגען געמאכטער כלל אז דו מגעסט זיכען תירצים נאר אין די וועלט פין מעטער, פין יש - (דאס איז נישט אן אנגענימענע כלל אין סייענס זעלבסט)

דער מענטש, זייענדיג א מענטש, וויל גראדע יא אלעס פארשטיין (די מענשט האט די נטיעה אדער ביי chance אדער דארך דעם בורא וואס האט אים אויסגעפלאנט)
און סייענטיסטען זענען צי אלעם ערשטען מענטשען
אויב מעטרעליזעם קען נישט פארענפערן זיינער שאלות, וועט ער פריער צי שפעטער אראפ שלעפען די שמאטע פין זיין אויגן, וואס געוויסע האבן arbitrarily אים אנגעבינדען, און זיכען תירצים פאר זיינע פראבלעמען אינדרויסן פין די גרענעצען פין מאטרעליזעם.
עוועלאציע, ביז וואו לאנג ער קען נאך גלייבן און דעם, געט דאס אים די מעגליכקייט פין זיך אפשאקלעם פין וואס זיינע געוויסען נאגען אים - אויב דארף ער בלייבן מיט אן "איני יודע" ווערט אים זייער שווער אויפן הארץ.

וועסט באמערקען מיט וואספארא אייפער טייל דא וועלן קריכן אויף די גראדע ווענט, און מאכן חוזק פין זיך אליין אלס אלס כדי צי קענען זיך האלטן מיט עוועלאציע
ווען עס ווערט שוין כלי כל הקיצון וועט ער ארויסנעמען דעם דשאקער און זאגן איך ווייס נישט אבער דו ווייסט אויך נישט

[כלבאשבוע]

בנוגע אבולוציה דאס איז בכלל נישט איבער בריאת העולם נאר אויף די התהוות הברואים און דאס מיינט אויך נישט אז עס איז דוקא געווארען פון זיך אליין נאר דאס איז דער טעכניק וויאזוי דאס איז געווארען

דאוקינס מאכט ליצנות פונעם laryngeal nerve, ער טענהט אז סאיז שלעכט דיזיינט, א הוכחה פאר עוואלוזשען און קעגן א״ד לטענתו:

[youtube]http://www.youtube.com/watch?v=cO1a1Ek-HD0[/youtube]

[הקטן]

פין מיין מאמע האט מען ארויסגענימען די טאנצעלס
און די פענדעסיירעס האט אויך נישט קיין ניצען?
וואס טוט זיך מיט דעם אגודל פינגער פין די פאנדא? דאס פארשטטייען זיי שוין ?

געב א קוק וואו מען ברען וואשט אינגע מוחת

[הקטן]

וואס איז מיר שווער צי פארשטיין איז פארוואס פרעגן זיי זיך נישט אליין - אויב איז דאס טאקע איבריק פארוואס האט נישט סערווייוועל אף די פיטעס קער גענימען דערפין וואו אזוי קען זי דאס צילאזען ?

[הקטן]

[tag]SHTRIEMEL[/tag] אפשר העלפסטו ארויס
ס'האט זיך נישט געמאכט און אזויפיל יארן א קלענערע nerve וואס איז מער פיט?
וואו איז די בעסערע ווערסיע פין דעם דשעראף?

ווען דו זעסט עפעס וואס קוקט דיר אויס אז דאס איז ביי דיזיין (מערערע חלקים וואס קימען זיך ציזאם אויספירען איין מטררה ועוד) און עפעס פין די דיזיין האלסטו קען ווערען געטון בעסער, וואס וואלסטו געזאגט? אהא דאס איז א סימון אז ס'איז נישט דא קיין דיזיינער??!!??

אדער אפשר איז אויך דא אן אפשען צי זאגן איך ווייס נישט פינקטליך פארוואס די דיזיינער האט דאס אזוי געמאכט.

דאקינס וועט מודה זיין אז ווען ס'קימט צי בייאלעגי ווייסט סייענס ביז דערווייל מער נישט וואו יא - איז וואו שעמט ער זיך נישט דאס צי ברענגען פאר א ראייה
א סייענטיפק באווייז איז דאס זיכער נישט!

[shtriemel]

@SHTRIEMEL אפשר העלפסטו ארויס

בכבוד גדול. וויבאלד דאס איז ביי מיר געווען די גרעסטע חידוש פון מיינער אינגערע יארען אין איך געדענק ווי שווער עס איז געווען דאס תופס צו זיין האפ איך אז איך קען דיר עקלערען וואס זיי זאגען. כ'אב נאך נישט געליינט דאס גאנצע אשכול אבער אויף דיין שאלות וועל איך דיר ענטפערען.

ס'האט זיך נישט געמאכט און אזויפיל יארן א קלענערע nerve וואס איז מער פיט?

דאכט זיך אז נישט. האסט אמאל געזען א מער פיט דזעראף? איך האב נישט.

וואו איז די בעסערע ווערסיע פין דעם דשעראף?

ס'נישט דא. נעקסט.

ווען דו זעסט עפעס וואס קוקט דיר אויס אז דאס איז ביי דיזיין (מערערע חלקים וואס קימען זיך ציזאם אויספירען איין מטררה ועוד) און עפעס פין די דיזיין האלסטו קען ווערען געטון בעסער, וואס וואלסטו געזאגט? אהא דאס איז א סימון אז ס'איז נישט דא קיין דיזיינער??!!??

לאו דוקא. עס קען אויך זיין אז מ'האט גענומען א שוואכע דיזיינער. אדער איז ער יא געווען די בעסטע נאר דא האט ער נישט געהאט די בעסטע כלים, אדער איז ער געווען מיד, אדער סתם נישט געקערט פאר הויכע ציגען מיט פיצי הערנער. סיבות פארוואס עפעס טויג נישט איז דא גענוג און נאך.

אדער אפשר איז אויך דא אן אפשען צי זאגן איך ווייס נישט פינקטליך פארוואס די דיזיינער האט דאס אזוי געמאכט.

למד לשונך לומר איני יודע. אוואדאי.

דאקינס וועט מודה זיין אז ווען ס'קימט צי בייאלעגי ווייסט סייענס ביז דערווייל מער נישט וואו יא - איז וואו שעמט ער זיך נישט דאס צי ברענגען פאר א ראייה
א סייענטיפק באווייז איז דאס זיכער נישט!

מסכים. דאס איז נישט א באווייז אז ס'נישט דא קיין בורא. עס איז נאר א באווייז אז טאמער האט דאס א בורא איז עס נישט אינגאנצען פערפעקטלי דיזיינט. פארוואס ווייס איך נישט.

יעצט אז דו ווילסט פארשטיין וואס זיי זאגען לאז אפ די מדברים הער נאר זייער רייד. זיי טענה'ן אז אפילו א הינקעדיגער דיזיינער מיט איין אויג און ווייניג שכל וואלט דאס אויך געקענט באווייזען. ער'ט נאר געדארפט אסאך אסאך צייט, מער ווי זעקס טעג.

נעם א ראציגע פויער מיט א וואלף און געב עם אריכת ימים ושנים וועסטו זען ער קען אויך באשאפען א קליינער זיסער הונטעל.

דאס האב איך פארשטאנען פון זיין דזשיראפע משל.


הויכע ציגען מיט פיצי הערנער:

[שבת אחים]

[tag]SHTRIEMEL[/tag]

דאקינס וועט מודה זיין אז ווען ס'קימט צי בייאלעגי ווייסט סייענס ביז דערווייל מער נישט וואו יא - איז וואו שעמט ער זיך נישט דאס צי ברענגען פאר א ראייה
א סייענטיפק באווייז איז דאס זיכער נישט!

סייענטיסן האבן דאך געמאכט ריזיגע פראגרעס אין די לעצטע הונדרעט יאהר, מ׳לעבט היינט אסאך אסאך לענגער... זיי ווייסן נאכנישט אלעס, אבער יעדער וועט מודה זיין אז זיי ווערן בעסער און קלוגער פון יאהר צו יאהר. אונז אין 2017 זעמיר די מערסטע פארגעשריטען אין ביאלגיע זייט די וועלט שטייט...!

[שבת אחים]

כפול

[שבת אחים]

[tag]SHTRIEMEL[/tag] אפשר העלפסטו ארויס
ס'האט זיך נישט געמאכט און אזויפיל יארן א קלענערע nerve וואס איז מער פיט?
וואו איז די בעסערע ווערסיע פין דעם דשעראף?

עוואלאציע ארבעט נישט אזוי. סאיז נישט קיין קאר קאמפעני וואס געט ארויס יעדעס יאהר א נייע ווערסיע.
רוב ׳טוישענגוען׳ געשענט נאר אויב זיי דארפן עס האבן פאר ״סורווייוועל״ אדער צו ״ריפראודאצירן״ קינדער. אויב די ספישיע האט מעגליכקייטן זיך צו שפייזן און פארמערן וועלן זיי זיך נישט טוישן געוונטליך.

[shtriemel]

רוב ׳טוישענגוען׳ געשענט נאר אויב זיי דארפן עס האבן פאר ״סורווייוועל״ אדער צו ״ריפראודאצירן״ קינדער. אויב די ספישיע האט מעגליכקייטן זיך צו שפייזן און פארמערן וועלן זיי זיך נישט טוישן געוונטליך.

ערררר, ניין!

אויב די ד.נ.א. ווערט עטוואס צוחושט און עס מאכט א טעות ביים קאפיען, א טעות וואס העלפט דעם נייגעבוירענע (אסאך אויב'ס. רוב אזעלכע טוישינגען זענען טאקע שברי כלים. חיות/מענטשען מיט פעלערס), דאן וועט די קליינער וואס האט יעצט בעסערע טשאנסען צו האבען אייגענער דורות, די טאטע פון אסאך.

ביי רוב פעלער וואס האבען געדארפט א טויש צו סערווייווען איז זייער משיח נישט אנגעקומען. פארדעם טרעפט מען אז 99.999% פון אמאליגע חיות זענען שוין פארטיליגט. Extinct בלע"ז.

טאקע ווייל עס קוקט אויס ווי די דיזיינער האט עס אויסגעשטעלט עס זאל נישט אויסקוקען דיזיינט (פאר די מבקשים. אויבערפלעכליך קוקט עס יא אויס דיזיינט) איז דא טועים וואס האלטען "אין לנו אלא מה שעינינו רואות". איך מוז צולייגען אז איך בין אויך פון די "טועים"...

איך ווייס אז דאס האסטו געמיינט ר' שבת קודש, אבער ווען מ'שרייבט עפעס אראפ דארף מען זייער אכטונג געבען אז מ'זאל עס נישט שלעכט אפטייטשען ווייל ווייל אויב נישט קענען מיר זיך טרעפען מיט נאך גאנצע דורות וואס טריפען אויף א לולב...

[שבת אחים]

איה״נ, דאס איז דאך א״ב פון עוועלאציע, טוישענגען קען אויך קומען פון mutations כמו א copying error, און אסאך מאהל פארדינט מען פונדעם, און אסאך מאהל פארקעט.

לדעתי, לכאורה אפילו אזא מוח ווי אלבערט איינשטיין וואס מווייסט שוין היינט נאכן שטודירן זיין פיזישע מוח פאר צענדליגער יאהרן. איז עס אויך געוועהן א anomaly וואס האט אונז געהאלפן צו די דיוועלעפטמענט פון די היינטיגע פארגעשריטנע וועלט.

[shtriemel]

איה״נ, דאס איז דאך א״ב פון עוועלאציע, טוישענגען קען אויך קומען פון mutations כמו א copying error, און אסאך מאהל פארדינט מען פונדעם, און אסאך מאהל פארקעט.

אל תקרי: אסאך מאהל פארדינט מען פונדעם, און אסאך מאהל פארקעט

אלא: אמאהל מאכט זיך אז מ'פארדינט פונדעם*, און רובא דרובא מאהל פארקעט

*אחד מני אלף -
http://www.encyclopedia.com/science-and ... ation-rate

[שבת אחים]

איה״נ, דאס איז דאך א״ב פון עוועלאציע, טוישענגען קען אויך קומען פון mutations כמו א copying error, און אסאך מאהל פארדינט מען פונדעם, און אסאך מאהל פארקעט.

אל תקרי: אסאך מאהל פארדינט מען פונדעם, און אסאך מאהל פארקעט

אלא: אמאהל מאכט זיך אז מ'פארדינט פונדעם*, און רובא דרובא מאהל פארקעט

*אחד מני אלף -
http://www.encyclopedia.com/science-and ... ation-rate

אמת, כהאב נישט געזאגט אז די שאנסן זענען גלייך אויף גלייך, כבין נישט אריין אין דעם.

איך האב נישט געליינט דיין לינק אבער לאמיר אויסקלארן כדאי מזאל נישט צאמישן צוויי באזונדערע זאכן.

סאיז פארהאנען צוויי זאכן וואס קענען טוישן, איינס איז NON-RANDOM און איינס איז RANDOM א פשוטע copying טעות ׳א מיוטעישאן׳ וואס קען צומאל בעניפיטן אדער גאר באשאפן א נייע ספישיע. יא? זענען מיר אויפן זעלבן פעידזש?

[shtriemel]

זענען מיר אויפן זעלבן פעידזש?

נו, אודאי.

נון ראנדאם = הינט וכדו'
ראנדאם = וועלף און אלע אנדערע בריות

[שבת אחים]

למשל סאיז דא פול מיט קליינע קריכיגע באשאפענישן וואס האבן זיך עוואלעווט אויסצוקוקן פונקטליך ווי זייערע ארומיגע ענווייערמענט, אסאך פון זיי קוקן למשל אויס פונקט ווי די גרינע בלעטל פונעם בוים כדאי צו פארבלענדן די אויגן פון די אנדערע בעלי חי׳. די זעלבע איז מיט די באוויסטע משל פון ״דארווינס פייגלעך״ (פיניטשעס)אין די גאלאפעקאוס אינזילן וואס אויף געוויסע אינזילן ווי סזענען געוואקסן מעהר הארטע בלעטער איז די זעלבע ״מין״ פייגל איוואלוועט צו האבן א שטערקערע פיסק (ביע״ק בלע״ז). אט די אלע זענען לכאורה נישט׳ רענדאם׳.

[שבת אחים]

זענען מיר אויפן זעלבן פעידזש?

נו, אודאי.

נון ראנדאם = הינט וכדו'
ראנדאם = וועלף און אלע אנדערע בריות

ניין, הונט איז שוין א דריטע זאך וואס רופט זיך
Artificial selection ווי אונז הומאנס האבן זיך אריינגעמישט אין נאטור כדאי צו פארמירן די ענווייערמענט ארום זיי צו זייערע בעניפיטן.

https://simple.m.wikipedia.org/wiki/Art ... _selection

[shtriemel]

אז מ'רעט שוין:

אפילו א "גוטע" מיוטעישען אליין איז נאך אלס נישט גענוג, כדי ס'זאל ווערען צוויי פארשידענע מינים* דארפען זיי אוועקגיין מארצם וממולדתם צו אן אנדערען פלאץ ווי זיי מישען זיך נישט מיט די אריגענעלע פאפיולאציע. פארדעם טאקע איז נישט גרינג** צי זען אט די טיילונג וועלכע טוישט א פערד צו אן אייזעל.

*א אייגענארטיגע מין ווערט גערעכענט ווען עס קען נאר מקיים זיין פריה ורביה מיט די זעלבע מין. צום ביישפיל, יעדער מין הונט פון די קלענסטע טשיוואווא ביז די גרעסטע דעין קענען זיך משדך זיין, פארדעם זענען זיי איין מין. אן אייזעל מיט א פערד קענען זיך אויך משדך זיין, אויך קענען זיי האבען קינדער - מיולס mule בלע"ז, אבער דאס מיול איז סטעריל. עס קען קיין קינדער נישט האבען. ממילא זענען זיי קלאסיפירט אלס צוויי סארטען. פארשטייט זיך אז א הונט מיט א קאץ קענען קיינמאל נישט האבען קיין דורות, ווי אויך נישט קיין חיטה וגפן (ניין, א קיווי פרוכט איז נישט א געמישאכטס פון סטאראבעריס מיט פלוימען. אזא מין מישעניש קען נישט פראדיוסען א פרי).

**נישט גרינג מיינט נישט ס'נישט דא צו זען. אין מאנשעסטער פאר 50 יאר צוריק ווען די פאבריקען האבען געשפריצט פון זייער טשימניס גאנצע הרי חושך טאג טעגליך זענען רוב פרוכט-פליגען געווען טונקעל (די דז'ין הממונה אויף מעלעמיין איז געווען על העליונה ובלע"ז dominant. ווען קוילען זענען ארויס אין די לופט האט זיך אויפגערייניגט זענען די טונקעלע גלייך פארצוקט געווארען ווייל יעצט זענען זיי געווארען גרינגער פאר די פייגעלעך צו זען. לויט די טעאריע פון עוועלאציע איז דאס פונקט ווי אזוי ס'ארבייט.

עוועלאשען מונחת בקרן זוית. צדיקים ילכו בם ופושעים יכשלו בם. דאס איז זיכער אז עוועלאשען פארט ווייטער, ס'גייט עם נישט אן צו מיר גלייבען דערין.

[shtriemel]

ניין, הונט איז שוין א דריטע זאך וואס רופט זיך
Artificial selection ווי אונז הומאנס האבן זיך אריינגעמישט אין נאטור כדאי צו פארמירן די ענווייערמענט ארום זיי צו זייערע בעניפיטן.

Artificial selection = non random

[שמערל]

עטס זענטס ביידע גערעכט. גענעטישע טוישונגען געשעען רענדאם, אבער זיי סורווייוון נאר אויב איז דא א סיבה וואס זאל לוינען פאר די בעל חי עס זאל בלייבן מיט די מיוטעישען.

למשל רויטע האר. די ערשטע רויטע האר איז סתם נולד געווארן דורך א רענדאם מיוטעישאן, אבער דאס אז אין די קאלטע לענדער זענען דא אזויפיל רויטע, און אין די ווארימע לענדער איז נישטא קיינער. צייגט לכאורה אז ס'איז דא עפעס א מעלה צו זיין רויט אין א קאלטע קלימאט. במילא וועט די רענדאם רויטע זשין האבן א שטערקערע סורווייוול ראטע אין פינלאנד ווי אין עגיפטען.

אין געוויסע אויסנאמען וועט א רענדאם מיוטעישאן יא סורווייוון אפילו אויב זי געט נישט קיין שום בענעפיט, דאס איז אויב געפינט זיך די מיוטעשאן אין א גאר קליינע פול פון בעלי חיים וואס זיי האבן נאר חתונה צווישן זיך, וואס דאס איז די סיבה פון טעי **** ביי אידן, ווי אויך וועט זיך מאכן אזוינע פראבלעמען ביי בעלי חיים וואס קומען אן אויף א אינזעל.

[shtriemel]

יאפ. לאמיר עס קלארשטעלען:

מיוטעישענס זענען רענדאם (ביזדערווייל. מ'קען דאס שוין אויך היינט טוישען). די חילוק איז נאר וואס געשעט נעקסט. כלבים איז די סעלעקציע פון געוויסע מיוטעישענס דארך מענטשען. וועלף, מענטשען און אלעס אינצווישען איז נאטורליכע סעלעקציע.

[שבת אחים]

ניין, הונט איז שוין א דריטע זאך וואס רופט זיך
Artificial selection ווי אונז הומאנס האבן זיך אריינגעמישט אין נאטור כדאי צו פארמירן די ענווייערמענט ארום זיי צו זייערע בעניפיטן.

Artificial selection = non random

אוואדי איז ארטפישעל סעלעקציע ״נישט רענדאם״, נישט דעס איז די מדובר, סאיז אויך דא רענדאם טעשינטש אין די ווילדערנעס אן די meddling פון הומאנס, עפעס א ענערג׳י מאכט די קליינע ווערימל אויסקוקן פונקטליך ווי זיין בלעטער אויף וואס ער וואקסט-דאס איז נישט געשעהן ביי א צופאל

יא? גערעכט?

[shtriemel]

עפעס א ענערג׳י מאכט די קליינע ווערימל אויסקוקן פונקטליך ווי זיין בלעטער אויף וואס ער וואקסט-דאס איז נישט געשעהן ביי א צופאל

יא? גערעכט?

פאר די מחשבות דארף מען ערשט טועם זיין פון דעם עץ הדעת.