ווענדנדיג זיך צו הילף

[[NAMELESS]]

איך האב א חבר וואס איז גראדע נישט קין אנטי חרדי און אויך נישט קיין חלק אין די נייע ליבליכע אידנטום באוועגונג... ער פארמאגט נישט קיין סמארטפאון און איז מקפיד אויף רבינו תם זמן אבער דאך האט ער זיך אויך פארהאנקערט אין די רעבישע קינדער חאזערייען און האט זייער זייער געליטן פון זייער כח וואס זיי האלטן האפנטליך אינמיטן פארלירן, ער האט א זון וואס האט ליידער אביסל געגליטשט אין יודישקייט, האט ער אים געשיקט צו א געוויסן רב וואס זאל אים מקרב זיין, אזויווי אלעמאל וען א קינד גליטשט איז איינע פון די ערשטע טענות וואס זיי זאגן אז די עלטערן זענען געווען צו שטרענג א.ד.ג. דער רב האט אויסגעהערט דעם בחור און באפוילן אז דער בחור זאל מער נישט אהיימגיין נאר ער זאל גיין וואוינען ביי א געוויסן פאמיליע וואס זאל קעיר נעמען פון אים, אזוי איז אריבער א יאר וואס דער בחור האט נישט בכלל געקוקט צו זיין טאטנס זייט, ווען ער האט אים באגעגנט אין גאס איז ער אריבערגעלאפן פון גרויס פחד, מיין חבר וואס איז געווען דאן זייער נאאיוו האט געגלייבט אז דאס איז א חלק פון דעם פראדעצור פון מחזיר בתשובה זיין זיין זון האט ער נישט אריינגערעדט אבער ער האט זיך נישט פארגעשטעלט אז דאס אלעס איז אונטער די באפעל פון דעם אזוי גערופענעם רב ווייל אער פלעגט אריינגיין אל הנקודש פנימה יעדן שטיק ציט און דער ב פלעגט אים אויפנעמען מיט א פאלשן שמייכן און פלעגט שמועסן סתם וועלטליכע ענינים אבער איין זאך איז אים יא געווען זייער אויפפאלנד אז ווען ער האט נאר פרובירט אריינברענגען זיין זונס נאמען אין די נושא האט דער רב זיך פלוצים אנגעהויבן יאגן און דארפן דאווענען מנחה... אזוי איז עס אנגעגאנגען א שטיק צייט ביז ווען דאס ארגסטע האט פאסירט...

ער באקומט א טעלעפאון רוף פון דעם רבס גבאי אז ער זאל יעצט אריבערקומען צו דעם רב אין שטוב מיט זיין ווייב, ער כאפט זיך דאס געפעק און יאגט אריבער, דארטן האט אים אפגעווארט א סורפרייז! א שיין געדעקטן טיש מיט לעקעך און ברוינפן ער זעט זיין זון זיך ארומדרייען מיט א שיינע ניע וואלענעם רעקל, ביז וואס ווען קומט דער רב צו צו אים און זאגט אים מיט א ברייטן שמייכל מזל טוב! דיין זון ווערט יעצט א חתן, ער איז געווען שאקירט, וואס הייסט? איך האב דיר געגעבן מיין זון אים אביסל מקרב צו זיין און דא מאכסטו אים שוין חתונה, דער רב האט אנגעשטעלט א ברויגעזדיגן פנים און מיט א געמאכטע באליידיגונג האט ער אים אריינגעמורמלט אין אויער "איין ווארט וואס דו רופסט זיך אן און איך מאך זיכער אז דו קומסט נישט צום חתונה!" מיין חבר האט שיעור געליטן א נערוון בראך אויפן פלאץ, מיט שווינדלענדיגע פארטרערטע אויגן האט ער זיך געזעצט אויבנאן און געגעבן מזל טוב פאר דעם מחותן, זיין מחותן האט אים אפגעפאטערט מיט א קאלטן מזל טוב און מיט זיינע זייטנדיגע בליקן געגעבן צו פארשטיין אז דער רב האט מיר שוין מקדים געווען וער דו ביסט... ער זעט ווי דער רבס גאנצע משפחה זעצט זיך צום טיש ווי די מחותנים, ער האט דאן אנגעהויבן צו פארשטין פארוואס זיין זון רעדט נישט צו אים אזא לאנגע תקופה, דער אזוי גערופענער רב האט אים פארבאטן צו האבן שייכות מיטן פאטער זיינער ווייל ער וועט אים נאך קאליע מאכן חלילה מיט פאטערליכע ליבשאפט, אזוי איז אריבער די ווארט מתוך הדחק און דאן שפעט ביינאכט האט זיך דער צובראכענער פאטער ערלויבט מיר אנצורופן און זיך אויסוינען זיין צובראכן הארץ, ער האט מיר דערציילט אלעס מתחילתו ועד סופו און געבעטן אז איך זאל אים העלפן אין דעם פארשטינקענעם קאטשעניא פלאנטער וואו ער האט זיך אומווילנדיג אריינגעדרייט, "משה" האט ער געווינט מיט ביטערע טרערן פון א טאטן ואס זיין זון איז אים גייסטיש צוגערויבט געווארן דורך א נידערטרעכטיגן מח שווענקער "טוה עפעס, מין שטוב גייט לטמיון, איך קען נישט גיין אין כולל, מיין ווייב ווערט מער אין מער פארזינקן אין דעפרעסיע, טוה עפעס, עפעס!" מיין טעלעפאון האט זיך געגליטשט אויף מיינע באקן פון מיינע אייגענע טרערן.

דעם נעקסן אינדערפרי האב איך געמאכט א פאון קאלל צו דעם רב וואס האט דאס אלעס אנגעדרייט, איך האב אים געפרעגט וואס גייט דא פאר, ער האט מיר געענטפערט "ר יוד, דו פארשטייסט נישט אלעס, מיש זיך נישט אריין אין מינע געשעפטן" נאכן הערן אזוינע דיבורים האב איך זיך אויפגערעגט און אראפגעהאקט דעם טעלעפאון אויף אים, איך האב דאן אנגערופן מיין חברס מחותן און אים אנגעהויבן דערציילן אלעס וואס דא איז פארגעקומען און אים געבעטן אז ער זאל ביטע גיין ווייטער מיטן שידוך אבער ער זאל ביטע מיטטיילן פאר זיין צובראכענע מחותן אלעס וואס גייט פאר און אראפנעמען דעם חרם פון אים, ער האט מיר געזאגט אז ער איז זייער צומישט אבער ער וועט זיך דורכרעדן מיט זיין פרוי און זען וואס מען קען טון, פארנאכטס רופט מיר מיין ווייב אן דערשראקן און זאגט מיר אז דער רבס גבאי האט גערופן איבערגעבן אז אויב גיי איך ווייטער אן מיט מיינע אקטיוועטעיטן וועט ער זען מיר צו באשמוצן אין די גאס, דא בין איך שוואך געווארן און איך האב זיך מייאש געווען.

אזוי איז אריבער אפאר חדשים ביז מיין חבר האט באקומען א פעקל אינוועטעישנס אויסצוטיילן און אזוי אינאיינועגס אויסגעפונען פונקטליך ווען די חתונה איז, אינטערסאנט אז עס איז געטשארזשט געווארן פון זיין קארטל די שטריימל פונעם חתן און אלע אנדערע חתן זייט הוצאות, איך האב אים געזאגט אז ער זאל קענסלען דעם קארטל אבער ער האט זיך צעוויינט און געזאגט אז ער וויל דאך זיין מחותן ביים חתונה פון זיין זון, די חתונה איז אריבער און אזוי אויך די שבע ברכות, דא איז שוין דער מחותן אויך געווארן פרוסטירירט ווייל זיין נייע איידעם פלעגט נאר קומען צו אים איינמאל א חודש זייענדיג צוגעבינדן צו זיין רב, ער האט אנגערופן צום ערשטן מאל זיין מחותן און פרובירט זען וואס מען קען דא אויסארבעטן אבער ער האט זיך אפגעשטעלט ווען דער רב בכבודו ובעצמו האט אים אנגערופן סטראשען אז ער הארגעט אוועק דעם שלום בית פון דעם נייעם פארפאלק...

די מעשה האט נאך ליידער נישט קיין פרייליכע ענדע ווייל עס האלט נאך אינמיטן פאסירן, מיר מוזן זען צו מאכן א סוף צו דעם! כלל ישראל מוז זיך ארויסשטעלן זעלבסטשטענדיג אנטקעגן די מהרסי ומחריבי הדור די בעלי גאה וואס מיינען אז מיט א פלאכען ביבער הוט און שיפע טאשן איז נישטא קיין תורה, איך האף אז מיטן מעורר זיין די טרויעריגע מעשה וועל איך נאך אויף אזויפיל אויפטון אויפצואוואכן דעם ציבור כדי מיר זאלן נישט דארפן זיין א צועק לשעבר, סיי וען איר האט א פראבלעם מיט א קינד זאלט איר זיך נאר ווענדן צו פראפעסיאנאלע הילף און חלילה נישט צו קיין רבנים.

זאלן מיר זיין געבענטשט!

[שמעקעדיג]

הערט זיך שרעקליך. אבער וואס איז די אנדערע צד פון די מעשה? מען קען נישט פסק'נען אן הערן ביידע צדדים. שמוע בין אחיכם.

[גרויסע מענטשעלע]

איך האב גרויס מיטלייד!

פארוואס האסטו דיך דערשראקן ווען מען האט געסטראשט מיט באשמוצען ? באשמוץ !

צום לעצט אויב ווילסטו נישט כזאל דיר באשמוצען קום זאפארט אריין מיט דיר רב׳ס נאמען !!

[[NAMELESS]]

הלוואוי ווען איך קען ווען קלאר אריינקומען מיטן רבס נאמען, איך וויל נישט אז דער בעל המעשה זאל באשמוצט ווערן

[[NAMELESS]]

איך האב גרויס מיטלייד!

פארוואס האסטו דיך דערשראקן ווען מען האט געסטראשט מיט באשמוצען ? באשמוץ !

צום לעצט אויב ווילסטו נישט כזאל דיר באשמוצען קום זאפארט אריין מיט דיר רב׳ס נאמען !!

נישט קיין קלוגע זאך. וועסט זיך צוגרינט לייגן און גארנישט אויפטון פאר יענעם.

לגבי די עצם ענין זוך אפיק א נארמאלע אנערקענטע בעל בתישע יונגערמאן מיט הארץ און געפיל וואס יענע רב וועט באקומען פחד און היעט פון עם.

[סמבטיון]

ר' יוד, איך האב שרעקליך מיטלייד מיט דיין חבר, אבער אויב אפעלירסטו פאר הילף ווי די קעפל פונעם אשכול לויטעט, דאן געב אהער דעם רב'ס נאמען און עס וועט זיין בע"ה א פרייליכע ענדע.

[גראף]

מען האלט אין איין קומען דא מיט רשעות'דיגע מעשיות אבער מען הערט כמעט קיינמאל נישט דער צווייטע צד. אויב איר דארפט פשוט א פלייצע זיך אויס צו וויינען, נאו פראבלעם, אבער אויב דו ווילסט אויפטוהן דעמאלס לאמיר הערן דער רב'ס צד און טאמער איז ער טאקע א באנדיט זאלסטו אויך ארויפלייגן זיין נאמען, וירא העם וישפוט.

[[NAMELESS]]

ר' יוד, איך האב שרעקליך מיטלייד מיט דיין חבר, אבער אויב אפעלירסטו פאר הילף ווי די קעפל פונעם אשכול לויטעט, דאן געב אהער דעם רב'ס נאמען און עס וועט זיין בע"ה א פרייליכע ענדע.

איך האף אז דער ארטיקל וועט נישט אריבערגעפירט ווערן צו צימעס, עס איז איינע פון די רבנים אין מאנסי

[berlbalaguleh]

מאך זיכער: א יעדער גלייבט די מעשה וואס דו פארציילסט100%. אבער מ'קען דאך נישט זאגן אז אלע רבנים אדער די מערסטע פון זיי זענען אזוי שטארק פארדארבן און קארופטירט. איך לויף אדורך אין מיין קאפ די אלע רבנים וואס איך קען אין מאנסי, און איך ווייס אז קיין איינער פון זיי איז נישט מסוגל צו אזעלכע אכזריות'דיגע און רשעות'דיגע מעשים...!

[הקטן]

וואס ווילסטו?

[diff]

סתם נייגעריק. וואס זוכט אין כולל א יוד וואס מאכט שוין חתונה

[שטאפענע קאפעליטש]

די צוויייטע זייט מטבע;

געווען א איד געהייסן משה, געווען בטבע א כעסן און א אכזר, פשוט אזוי, פלעגט אריין רייסן אין די קינדער ביטערע קלעפ פאר גארנישט ממש. געווען אמאל ביים שבת טיש וואס איינער פון די קינדער זיינע האבן געהאלפן סערווירן, און ביים אריינברענגען די פיש איז עס בטעות אראפגעפאלן, דער טאטע האט גענומען די מאור ושמש וואס איז געלעגן אויפן טיש (א תלמיד חכם) און אריין געהאקט די ספר אויפן קינדס קאפ אפאר מאל ביז די קינד איז געפאלן באוואוסטלאז, אבער
דער טאטע האט ווייטער געמאכט קולות אפי' די קינד איז געלעגן אויפן ערד האלב אויסער זיך. ווען די מאמע האט געטרייט צו בארואיגן די מצב האט דער טאטע זיך גענומען שרייען אויפן מאמע אין פארענט פון די קינדער ("כ'וואלט דיר געדארפט אפגט'ן, ביסט א זירא"). נאך אפאר מינוט איז דאס קינד געווארן געפירט צום שפיטאל, די גאס האט געהערט אז חייםל האט זיך צוקלאפט ווען ער איז אראפגעפאלן פון בעט!

ויהי היום די קינדער ווערן עלטער און ליידער ציהט זיי לינקס, זיי האלטן נישט מיט אין קלאס, זיי גייט נישט אן די לערנען און מדות טובות.

איין טאג כאפט די מנהל א שמועס מיטן קינד פרעגן היתכן זיין התנהגות איז אזוי שוואך, הערנדיג דאס קינד דערציילן ווי דער טאטע פשוט טיילט מכות פאר די מאמע ברבים און ווי דער טאטע קען פאר כעס צושיסן דישעס, האט די מנהל מחליט געווען אז דא מוז מען אריינמישן א רב.

די מנהל רופט אן די רב ווי די משפחה דאווענט יעדע וואך, דער שאקירטע רב האט גלייך גענומען די זאך אין די הענט אריין און גערעדט מיטן קינד און מיט די מאמע און מחליט געווען אז פאר'ן וואוילזיין פונעם קינד דארף מען תיכף ארויסטראגן די קינדער פונעם שטוב!

וכך הווה. כאטש אלע "גוטע אידן" וואס האבן זיך אריין געמישט, האט דער רב געפילט א חוב קדוש צו העלפן די קינדער און ווייב, און מיטן הילף פון קרובי משפחה האט ער ארויסגענומען די קינדער פון די רשעות'דיגע הענט פונעם טאטן.

די טאטע אויפן גאס האט פארקויפט אז דער רב איז א פשוטע קינד כאפער, א שייגעץ וואס צוברעכט א משפחה. אפילו ווען דער רב האט באקומען heat פון גוט הארציגע אידן האט ער געשוויגן כדי אפהיטן די כבוד פונעם טאטע.

ווען ס'איז געקומען צו די חתונה האט דער חתן געבעטן דעם רב בתחנונים אז די טאטע זאל נישט אנטייל נעמען אינעם חתונה ווייל ער קען נישט מוחל זיין אויף די רשעות וואס ער האט געכאפט, אבער דער רב פיהלט ווי נישט ווי א טאטע בלייבט א טאטע און בעהט די חתן כאטש לאזן די טאטע אונטערפירן די חופה, וכך הווה..

רבותי כ'זאג ענק צו דער מעשה כ'האב יעצט דערציילט איז אמת ויציב.

[diff]

זי פלעגט רייצן דאס קינד אויפן טאטע. און נאכדעם געשפילט תםעוואטע. אמת ויציב. פארדעם מאכן זיי קינדער
ער זאל זיך אינגאצען ארויסלאזען פון זייער חינוך. אויך נישט פארהאנדלען מיט די מוסדות. אלעס לאזען צו איר

[קרעקער]

סאיז א געוויסע רשעות ווען מגלייבט אז סקען נישט זיין אז דער רב אדער עסקן איז אזא אכזר, און סמיז זיין א צווייטע זייט צום מטבע
דע מענטעלעטי הערט מען אפט ווען מנעמט נישט אהן א קינד אין חדר, סמוז זיין אז עפעס האט דער יונגערמאן געטוהן, וכנה ביי יעדע מחלוקה שלום בית
להוי ידוע סזענען דא יונגעלייט פרויען מיידלעך בחורים וואס גייען אדורך טעראר און אביוז פין ברוטאלע רבנים ועסקנים, אהן קיין שום צווייטע זייט צום מטבע

[דער גאלדענער אדלער]

להוי ידוע ס'זענען דא יונגעלייט פרויען מיידלעך בחורים וואס גייען אדורך טעראר און אביוז פין ברוטאלע רבנים ועסקנים, אהן קיין שום צווייטע זייט צום מטבע

איך אגרי מיט הינדערט פראצענט!! טאקע נישט אלעמאל, אבער ליידער גענוג מאל.

[כפתור]

איך האב א חבר וואס איז גראדע נישט קין אנטי חרדי און אויך נישט קיין חלק אין די נייע ליבליכע אידנטום באוועגונג... ער פארמאגט נישט קיין סמארטפאון און איז מקפיד אויף רבינו תם זמן

איך האב שטארק מיטליידט מיט דיין חבר, אבער די אנפאנג פון דיין תגובה קלעבט עפעס נישט.
"ער איז גראדע נישט קיין אנטי חרדי" דאס קוקט אויס ווי איינער וואס איז נישט אנטי אבער אויך נישט קיין גרויסער חרדי, אפשר טראדישענאל.
א סמארט פאון האט ער נישט, איז מקפיד אויף רבינו תם זמן, לערנט און כולל נאך אזויפיל יאר.
ער קוקט אויס גאנץ א פרומער איד...ווייט פון נישט אנטי-חרדי
ביטע זיי מסביר פון וואס מ'רעדט דא

[[NAMELESS]]

קיינער לייקענט נישט אז כאטש איינער אין די מעשה איז א משוגענער.

[diff]

דער פראבלעים פון די רבנים איז וויזוי זיי זענען אונז מחנך. אויסער דרך ארץ פארן מנהל לערנט די ישיבה גארנישט

[שמעקעדיג]

טאקע נישט. אפילו די מינימאלע ספעלינג לערנט מען נישט. דאמב.

[diff]

Seems that smelling must be obsessed with spelling

[שמעקעדיג]

אז דו ווילסט קענסטע


(אדער קען זיין אז ביי ענגליש נעמסטו גוגעלע'ן צו הילף?....)

[גראף]

@שטאפענע קאפעליטש, דו רעדטס פון מאך זיכער'ס מעשה? דו ווייסט דערפון?

[הקטן]

סאיז א געוויסע רשעות ווען מגלייבט אז סקען נישט זיין אז דער רב אדער עסקן איז אזא אכזר, און סמיז זיין א צווייטע זייט צום מטבע
דע מענטעלעטי הערט מען אפט ווען מנעמט נישט אהן א קינד אין חדר, סמוז זיין אז עפעס האט דער יונגערמאן געטוהן, וכנה ביי יעדע מחלוקה שלום בית
להוי ידוע סזענען דא יונגעלייט פרויען מיידלעך בחורים וואס גייען אדורך טעראר און אביוז פין ברוטאלע רבנים ועסקנים, אהן קיין שום צווייטע זייט צום מטבע

ס'איז א געוויסע רשעות ווען מגלייבט אז סקען נישט זיין אז דער רב אדער עסקן איז זיך מוסר נפש פאר א צווייטען!