וועלטליכע קורצע און לענגערע נייעס באריכטן

[שמואל הלוי]

מיר איז אויך שווער דאס זעלביגע.

(איך האב בלויז איבערגעזעצט זייער לשון ווי זיי שרייבן אז די גוים האבן צוגעשטעלט אן "ארוחת ערב דשנה", וואס דאס מיינט א פעטע נאכטמאל).

[זר זהב]

די פאליציי האט עס גע'הרגט, ווייל ער האט געהאט שווערע וואונדען.

[שמואל הלוי]

די פאליציי האט עס גע'הרגט, ווייל ער האט געהאט שווערע וואונדען.

קענסטו דאך שוין היברו בעסער ווי מיר

[זר זהב]

"ע"י המשטרה עקב פגיעתו הקשה" --- דאס האביך פארשטאנען

[שמואל הלוי]

אה... די טעסט איז געלונגען

[זר זהב]

[שמעקעדיג]

ד.ה. "א רחמנות'דיגער טויט"?

[געפילטע פיש]

די איינציגסטע ווארט אינעם גאנצען ארטיקעל וואס איז אפשר עברית איז "שעט", חוץ אויב "קעמפ" איז אויך עברית...

[זר זהב]

ד.ה. "א רחמנות'דיגער טויט"?

אוודאי, אזוי טוט מען אייביג.
כאגעזען א שטיק צייט צוריק א קליפ, כעלעס אויפזוכן.

[זר זהב]

די איינציגסטע ווארט אינעם גאנצען ארטיקעל וואס איז אפשר עברית איז "שעט", חוץ אויב "קעמפ" איז אויך עברית...

"לא הספיק לבלום"
אויך נישט עברית?

[יידל]

די איינציגסטע ווארט אינעם גאנצען ארטיקעל וואס איז אפשר עברית איז "שעט", חוץ אויב "קעמפ" איז אויך עברית...

"לא הספיק לבלום"
אויך נישט עברית?

תהלים פרק לב פסוק ט:
אל תהיו כסוס כפרד אין הבין במתג ורסן עדיו לבלום בל קרב אליך
פירש"י:
עדיו לבלום - בשעת עדיו שאתה מקרדו ומקרצפו אתה צריך לסוגרו במתג ורסן שלא יקרב אליך, בלימה בלשון משנה לשון מסגר, פיו בלום רגליו מבולמות (במסכת בכורו').

[זר זהב]

"כסוס כפרד" דארף א באזונדער'ן אשכול..

[שמואל הלוי]

די איינציגסטע ווארט אינעם גאנצען ארטיקעל וואס איז אפשר עברית איז "שעט", חוץ אויב "קעמפ" איז אויך עברית...

פארדעם האב איך געשריבן 99.9 פראצענט איז לשה"ק.

[שמואל הלוי]

ערשטע מאל וואס איך הער א היימישע נאמען פאר א טראפישע שטורעם...

טראפישער דעפרעשאן "אייזיק" האט זיך היינט פארמירט אינעם אטלאנטיק אוישען, לעת עתה פארמאגט ער ווינטן פון בלויז 35 מייל א שעה, אבער ס'איז ערווארטעט אויסצושטייגן אלס א טראפישער שטורעם במשך די טאג (ווען די ווינטן דערגרייכן העכער 39 מייל א שעה) און שפעטער אלס א האריקען (ווען די ווינטן דערגרייכן העכער 73 מייל א שעה) און לויט ווי ס'קוקט יעצט אויס וועט ער אנפאלן אויף פלארידא קומענדיגע אנהייב וואך, אלס א קאטעגאריע 2 האריקען אדער מער (צווישן 96 מייל א שעה און 110 מייל א שעה איז א קאטעגאריע 2, פון 111 ביז 135 איז א קאטעגאריע 3).

[שמואל הלוי]

טראפישע שטורעם "אייזיק" גייט אין די פיסטריט פון "איירין"

http://wilderaboutweather.blogspot.com/ ... irene.html

[משה רוקח]

אייזיק קומט קיין ברוקלין? איירין איז אנגעקומען דא זייער אפגעשוואכט פון דעם ווייטן וועג.

[שמואל הלוי]

דערווייל קוקט אויס ווי ער גייט קיין פלארידא, די צושטעל צו "איירין" איז בלויז די פאקט אז ביידע זענען פארמירט געווארן אויפן זעלבן פלאץ אינעם אטלאנטיק, גענוי אינעם זעלבן ענגלישן יאר טאג, און "איירין" האט אויך לכתחילה אויסגעקוקט ווי ער גייט קיין פלארידא אויפן זעלבן פלאץ ווי ס'זעט אויס אז "אייזיק" וועט גיין, אזוי ווי מען זעט אין די בילדער פונעם בלאג הנ"ל.

אלזא ס'איז נישט זיכער אז ס'וועט ביים ענדע אויך זיין ווי "איירין", אבער עכ"פ דערווייל איז עס אין אירע פיסטריט.

[פעדער]

בס"ד
די מתפללים ביים כותל המערבי זענען ווידער אויפגעשוידערט געווארן פון די נדריגע פראוואצירנדע מעשים תעתועים וואס א געוויסע ארגעניזאציע מיטן נאמען 'נשות הכותל' האבן ווידעראמאל אדורכגעפירט אויף די שטח וואס די מתפללים דאווענען ביים כותל, כדי אנצורייצן די ערליכע אידן. געווען איז עס ווען א צאל פרויען זענען אריין אין צענטער פונעם גרויסן שטח פארנט פון כותל וואס איז געווידעמעט פאר די הונדערטע מתפללים און געפרובט אפצורעכטן דארט א אומווערדיגע צערעמאניע נישט אויסגעהאלטן לפי די אידישע גייסט און הלכה.

די רב הכותל המערבי, הרה"ג ר' שמואל ראבינאוויטש, האט אויסגעדרוקט זיין שוידער און טיפע צער פונעם אויפפירונג פון די דאזיגע גרופע אין צענטער פון אזא הייליג מקום קדוש. "פילע מתפללים קומען צום כותל המערבי זיך אויסגיסן מיט תפלה און אנשטאט זיך קענען איינצוגן מיט די הייליגקייט וואס הערשט אויפן פלאץ ווערן זיי געצווינגען מדי חודש בחדשו בייציוואוינען א פאליטישע קריגעריי פון א עקסטרימע גרופע וועלכע פירן דורך פראוואקאציעס מיט די ממשלה, און ווילן דוקא פוגע זיין אין די הייליגקייט פון דעם ארט, און געפילן פון די מתפלים. "דער כותל המערבי איז א ארט פון אחדות מיט כלל ישראל" האט ער געזאגט, "און נישט א פלאץ וואו אויסצוליפטערן פאליטישע דיפערענצן איבערהויפט דורך אזעלכע פארשוינען, (פארשוינקעס ) עס טוט מיר מורא'דיג וויי אז זיי האבן דירעקט אויסגעוועלט דאס פלאץ צוליב זייערע פאליטישע אינטערעסן, עס צו פארוואנדלען פאר א שלאכטפעלד, א מקום מריבה. חוץ פון דעם וואס דאס איז בפירוש אנטקעגן די פסק פונעם בית משפט העליון וואס פארבאט אדורכצופירן אזוינע אקטיוויטעטן ביים כותל.

און בפרט יעצט בימי הרחמים והסליחות, וואספארא ווערט האט א תפלה וואס ברענגט קריגעריי, מחלוקת און חילול השם" הרב ראבינאוויטש האט גערופן צו די ארטיגע אויטאריטעטן פארלאנגענדיג מיטן פולסטן תוקף זיי זאלן זען אז די נאכאנאנדע פראוואקאציעס וואס איר גאנצע ציהל איז בלויז זיך טשעפען און וויי טוהן די געפילן פון די מתפללים, זאל זיך נישט איבערחזרן אין די צוקונפט.

די משטרה האט אראפגעהאלטן און ארעסטירט פאר אויספארשונג דריי פון די פרויען וועלכע האבן אנגעפירט די פראוואקאציעס, און האבן קלאר געמאכט פאר זיי אז די דאזיגע אקטיוויטעטן זענען נישט אקצעפטירבאר און זענען אומלעגאל לויטן געזעצן וואס די געריכט האט באשטימט.

[פעדער]

ראסיזם קומט מיט א פרייז.
פאראייניגטע שטאטן – לאס אנדזשעלעס
א געריכט האט געקנס'ט א האטעל מיט א סומע פון 1.2 מיליאן דאלאר קנס אין אנטשעדיגונג צוליב וואס זי האט פארשיקט א גרופע אידן פונעם האטעל.

שענגרי-לא האטעל אין לאס אנדזשעלעס וועט באצאלן 1.2 מיליאן דאלאר קנס פאר די גרופע אידן וואס זי האט פארשיקט. אזוי האט א דזשורי אין אין קארליפאניע געריכט פאראורטיילט די וואך.

אנגעהויבן האט זיך עס ווען א גרופע פון 18 אידן האבן אריינגעגעבן דעם אנקלאגע, באשולדונדיג די האטעל פירערשאפט צוליבן האבן זיי ארויסגעווארפן מיט צוויי יאר צוריק ווען זיי האבן אנטיילגענומען אין א געלט אקציע לטובת די ישראלישע מיליטער אפגעראכטן אין שענגרילא האטעל אין סנטה מאניקא. זיי האבן פארציילט אז בערך א שעה אנדערהאלבן נאכן אנהויבן דעם געשעהעניש זענען אלע משתתפים פארארדנט געווארן צו פארלאזן דאס פלאץ און גלייכצייטיג אראפנעמען אלע שילדן וואס זיי האבן אויפגעהאנגען. די גרופע טענה'ן אינעם אנקלאגע אז די אייגענטימערן פון האטעל זייענדיג א איסלאמישע אפשטאמיגע האט געשימפט ווען זי האט אויסגעפינען אז ס'האנדלט זיך פון א אידישע אקציע. שרייענדיג "טראגט ארויס די אידן פון דאנעט".

אין געריכט האט זי אפגעלייקנט אלע טענות און געזאגט אז זי האט זיי קיינמאל נישט געהייסן פארלאזן דעם האטעל אדער שווים באסיין, נאר לויט איר האט די אקציע פשוט זיך נישט געפירט לויט האטעל רעגולאציעס און פירערשאפט, אבער לויט ווי א געוועזענע האטעל ארבעטער עדות געזאגט האט זי אים און זיינע קאלעגן אנגעזאגט ארויסצובאגלייטן די אנוועזענדע אויסער די האטעל-שטח. די דזשורי האט אנגענומען זיין עדות און אויף דעם ארויף באשולדיגט אז די אייגענטומערין אין איר סטעף האט דערמיט עובר געווען אויף די פרייהייט רעכטן פון קארליפאניע וואס פארבאט האטעלן אדער סיי וועלכע אנדערע ביזנעס קאמפאני צו דיסקרימנירן צווישן רעליגיעס. און וויבאלד אין אונזער פאל האט זי נאך אויך, בייזוויליג געהאנדלט, ברויך זי אצינד באצאלן די פולע סומע וואס די אנקלעגער האבן פארלאנגט אין געריכט.

[לעמיל]

וועלכאם בעק מר' פעדער

[פעדער]

א דרינגליכע אויספרעג איז אדורכגעפירט געווארן די וואך איבער ירושלים, אנגעפירט דורך די פארטרעטער פון די געגנטער צוזאמען מיט דער פארזיצער פון "די טראפיק אויטאריטעט" אין ירושלים, הרב חיים מילער. וואו איינוואוינער האבן אויפגעברענגט אלע זייערע פאלאנגען און בקשות, פארשלאגן איבער אלע סארט זאכן וואס דארפן באהאנדלונג און פארבעסערונג.
הרב חיים מילר האט פארזיכערט די איינוואוינער פון די געגנטער אז די טראפיק באאמטע זענען גרייט אגאנץ יאר אויסצוהערן אלע זייערע זארגן, און ער פערזענליך איז שטענדיג דא צו דער האנט אין יעדן הינזיכט סיי מיט א אפענע ליניע אגאנצע וואך, און סיי מיטן אויפנעמען קהל אין די אפיסעס פון אגודת ישראל בירושלים - יעדע מיטוואך נאכמיטאג, און אלעס נאר כדי צו שטיין צוהילף מיט א גרייטע פלייצע, באדינען אלע תושבים, און פארזיכערן אז זיי באקומען אלץ וואס קומט זיך זיי מיט רעכט, און נישט מיט גענאדע.

די שטארקסטע פראבלעם וועלכע איז געווען אויפן אגענדע דורכאויס דעם אויספרעג איז געווען די פובליק טראנספארטאציע – אין געגנט בכלל – און כותל בפרט, אויף וואס הרב מילער האט פארשפראכן איבערצוגעבן אלע טענות צו די פארטרעטער אין כנסת, און בפרט צו הרב ישראל אייכלער, דער סגן פארזיצער פאר טראנספארטאציע, און הרב דוד אזולאי, פארזיצער פון קאמיטע פאר ציבורישע פארלאנגען אין כנסת, מיטן תנאי אפצוהאלטן א קריטישע זיצונג מיט אלעס וואס האט שייכות צו טראנספארטציע אישוס אין געגנט.

אין געוויסע געגנטער זענען אויסגעדרוקט געווארן שטארקע טענות געגן די שבת פארשוועכונגען און חילול קדושת ירושלים בפרט די וועלכע שפילן זיך אפ בפרהסיה, וואס א גרויסע טייל קומ ען פאר מיט פריצות און צומאל אליינס, דורך שטאטישע איינגעשטעלטע.
אויף עורך דין (אדוואקאט) ר"א אגסי און געריכטליכע ראטגעבער עו"ד מר כהן איז ארויפגעלייגט געווארן דעם פליכט אריינצוקוקן אינעם נושא וויאזוי זיך צו שלאגן דערקעגן און וואסערע מיטלען אונטערצונעמען דערביי אזוי ארום עס בעז"ה צו פארמיידן אין די צוקונפט.
צו די פילע בקשות פון די תושבים איז אפגעהאלטן געווארן א גרונטליכע אינטערזוכונג אויף די בתי עלמין, שייח. אדר. און דער ביה"ח נעבן אלט-שערי צדק שפיטאל, ווען אלע זענען דערציטערט געווארן פון די שרעקליכע פארלאזטקייט אויף די ערטער. און די פארנאכלעסיגקייט פון די אויטאריטעטן, און פארשידענע אנדערע גורמים, בשייכות מיטן רענארווירן די מצבות, פארריכטן לייטונג, ארויסגאנג, קראנען, צוימען, און טויערן, אינדערצייט וואס אין די דאזיגע בתי חיים ליגן באהאלטן קדושי עליון, און טויזנטע אידין קומען פון די גאנצע וועלט מתפלל זיין אויף די פלעצער וועלכע געפינען זיך פשוט אין א מצב פון הפקר

הרב מילער האט שפעטער דערהיינטיקט אז ער האט זיך געוואנדן צום שר הדתות און די נויטיגע אינסטאנצן וועלכע זענען אחראי דערויף, און אויב וועלן זיי נישט ערהאלטן קיין צופרידנשטעלנדע ענטפערס וועט מען ארויסגיין מיט א קול מחאה און א וויי געשריי אויף די פאקט אז אין דעם עיר הקודש והמקדש קענען אזעלכע הייליגע פלעצער אויסזען אזוי. די מחאה וועט זיכער אויפטוהן אזוי ווי זיי האבן אויפגעטוהן ביי די הר הזיתים וועלכע איז אין אסאך א בעסערן צושטאנד היינט, און די פארריכטונג ארבעט גייט דארט אן מיט פולן טעמפא
ארומגייענדיג די געגנטער, מיטן שלוס פון די אויספרעג, זענען אפירגעקומען בקשות אז די דעוועלאופינג ארבעט ארום ירושלים ביי יעדן פראיעקט זאל זיך אפשטעלן גענוג פרי בעפאר יעדן יום טוב. שבת, יו"ט, חול המועד זאלן נישט פארקומען קיינע ארבעט, און אויך אז די פלעצער וועלכע געפינען זי אין צענטער פון גראבונגען זאלן זיין סדרים אזוי אז די איינוואוינער און טויזנטע באזוכער זאלן נישט ליידן פון די גרובער און מסוכנ'דיגע לעכער.

ווי אויך איז פאלאנגט געווארן זיך אראפצוזעצן און גענוי באשטימען ווער עס איז פאראנטווארטליך צו פארזיכערן אז די מוסדות אין בתי חינוך אין שטאט זענען אין א גוטע צושטאנד און ווערן כסדר נאכגעקוקט. אין די דאזיגע טעג איז ערווארטעט אז די געגנטער-פארטרעטער, צוזאמען מיט הרב מילער דער פארזיצער פון טראפיק-אויטאריטי זאל אויפברענגען זייערע טענות פאר די העכערע פענסטער אין די רעגירונג, די שטאטישע פירערשאפט, טראנספארטאציע מינעסטעריום, און פאליציי וכו'. עס איז געקומען די צייט צו ברענגען א ענדע צו די ביוראקראטיע האט הרב מילר צוגעענדיגט זיינע ווערטער.

[געפילטע פיש]

טראפישע שטורעם "אייזיק" גייט אין די פיסטריט פון "איירין"
http://wilderaboutweather.blogspot.com/ ... irene.html

נא, אחורי אשה!

[שמואל הלוי]

טראפישע שטורעם "אייזיק" גייט אין די פיסטריט פון "איירין"
http://wilderaboutweather.blogspot.com/ ... irene.html

נא, אחורי אשה!

אייזיק האט אנגענומען דיינע דברי מוסר, און ער האט געטוישט גאנג.

ער איז אויפן וועג קיין פלארידא...

(יעצט זיי מוחה, נו פריצות! אולי וועט ער ווידעראמאל טוישן גאנג )