די קהלות החרדיות אין שטאט מאנסי

[ימים ידברו]

אזוי ווי איך בין באקאנט מיט די שטאט מאנסי, וויל איך עפענען א אשכול, וואס שילדערט די אלע בתי מדרשים און מוסדות החינוך פון די שטאט און ארויסברענגען די אקטיווטעטן פון די קהלות, און פון די ציפערען פון בעלי בתים, ותלמידים,
און די אשכול קען מען רעדען נאר פון די ארטאדאקסישע אידישע קהלות חסידים ספרים ליטאים אשכנזים וואס וואקסט בלעה"ר און גרויסע ציפערען, מ'קען דא דערציילען , וועגען אירע רבנים דיינים ראשי קהלה, וואס מ'פארשטייט אז ס'איז אינטערסאנט פארן ציבור, אינטערסאנטע מענטשען ווי מ'קען זיי טרעפען אין שטאט מאנסי, איך האפ אז ענדליכע אשכולות וועלן זיך עפענען פון אנדערע שטעט אז דער ציבור זאל ארויסהאבען די אמת'ע נומרען פון די היימישע ציבור, און ארצות הברית,
צוריק צום יסוד פון דער אשכול 'עס איז נישט א נייעס אגענטור וואס רעשט פון מאנסי אויף דעם איז שוין דא א שכול נייעס פון מאנסי אין ראקלענד קאנטי, נאר וואס באלאנגט די היימישע מאנסי מיט שיכון סקווירא,
איך וועל אנהויבען מיט א אינטערסאנטע בית המדרש און א זייט אין מאנסי וואס הייסט קהל אור החיים, וואס איז געפינט געווארען און א הויז דורך דעם גרויסען נגיד ובעל צדקה מו"ה לאוי שיינער נ"י וואס היינט צו טאג האט שוין דער קהלה דריי הייזער מיט צוויי שאטערס א רב מיט א ראש הכולל א מגיד מישרים מיט א כולל פארטאגס כולל יום כולל ערב, א קינדער מנין שבת, מיט צענדליגער מנינים שחרית מנחה מעריב פון וותיקון ביז שפעט ביי נאכט,
סוואקסט אויף א נייע עפאכע און א רעוואליציע וואס עס באלאנגט נישט פאר קיין פארטיי און קייןן קהלה א אייגענע מין קהלה מיט אגרויס א' סליחות מיט א ניסעה קיין אומאן ראש השנה מיט פיל נאך אינטערסאנטע אקטיווטי, און אלץ אינטערסאנטע מציאות האט דאס די משפט הבכורה,

[ימים ידברו]

איך גיי אצינד אויסרעכנען קהלות ומוסדות וואס מען וועט צוריק קומען צו יעדע פערזענדליך ביטע ווער עס ווייסט אינפארמעישאן אדרבה איר זענט געלאדאנעט!
וויזניץ, האט איין גרויסע בית המדרש מיט 3 שטיבלעך ארום מאנסי, אויף דר' פרענק, אדאר קט, און קרעסט,
סאטמאר, תחת נשיאות מהרח"י א גרויסער בית המדרש מיט 3 שטיבלעך ארום מאנסי אויף מאנסי באלאוואד, דיקעיטאר, בעיטס, דר' פרענק,
סאטמאר, מהר"א א גרויסער בית המדרש מיט איין שטיבעל ארום מאנסי מאנסי בולאוואד, און אוק גלען
בעלזא, האט 4 בתי מדרשים, מעיפעל טעררעס, מאריס, דיקעיטאר, מעין סט,
סקווירא, א חוץ די גרויסע בית המדרש אין שיכון סקווירא, האבען זיי אין מאנסי 4 שטיבלעך, ראמען, פרענציס, בעיטס, ניעל רד,
שינוועא, אויף נעשער קט
סאלקא אויף פרענציס פל'
נייטרא, אויף פארק לעין
ניקלשבורג, אויף מילטאן פל,
טאשנאד, אויף האווערד דר,
מכון להוראה, אויף האווערד דר,
מינקאטש, האווערד דר,
אבני שלמה, עליש פארקוועי,
חוליאב, ניעל רד,
ראדוויל, דשעפרי,
יאוואזשנע, זשעפרי,
תפארת גדלי' סעדדעל ריווער,
גער, סעדדעל ריווער
ביהמ"ד דמאנסי, בריסקע מנין הארוועסט קט,
סטאניסלאוו וועסט מעיפעל,
ביהמ"ד של הר' אברהם דוד קליין וועסט מעיפעל
טערצאל, סידער,
טשערקאס, קאלווערט
צאנז סוזזען
פאפא, סוזזען,
שערי חסד, סעדעל ריווער
ועוד חזון למועד הבא

[קלוגע יודל]

איך וועל אנהויבען מיט א אינטערסאנטע בית המדרש און א זייט אין מאנסי וואס הייסט קהל אור החיים, וואס איז געפינט געווארען און א הויז דורך דעם גרויסען נגיד ובעל צדקה מו"ה לאוי שיינער נ"י וואס היינט צו טאג האט שוין דער קהלה דריי הייזער מיט צוויי שאטערס א רב מיט א ראש הכולל א מגיד מישרים מיט א כולל פארטאגס כולל יום כולל ערב, א קינדער מנין שבת, מיט צענדליגער מנינים שחרית מנחה מעריב פון וותיקון ביז שפעט ביי נאכט,
סוואקסט אויף א נייע עפאכע און א רעוואליציע וואס עס באלאנגט נישט פאר קיין פארטיי און קייןן קהלה א אייגענע מין קהלה מיט אגרויס א' סליחות מיט א ניסעה קיין אומאן ראש השנה מיט פיל נאך אינטערסאנטע אקטיווטי, און אלץ אינטערסאנטע מציאות האט דאס די משפט הבכורה,

וואס איז טאקע פשט פון די שאטערס? וואס טוטו מען דארט? מען דאווענט דארט געהעריג א גאנץ יאר? צו וואס בויעט ער נישט א געהעריגע בנין?

[ימים ידברו]

איך פארצייל די פאקטען, כמיין די שאטערס זענען פאר שלוש סעודות מיט דרשות דורך הרב יעקבסאהן ווען עס קימט א גרויסער עולם, מער פרטים דארף מען אפירקראצען א ספואקס מען פאר שיינער און ער זאל פארציילען די אינציידס שכוח,

[ימים ידברו]

איך וויל איבערגיין די אויבענדערמאנטע רשימה מיט צולייגען די מוסדות און רבנים וואס זענען אינטער די קהלות,
וויזניץ מאנסי, תלמיד תורה, מיט מיידעל שולע, מיט ישיבה קטנה, און כוללים, מקוה טהרה מיט עטליכע שבת מקוואות, בית החיים, מצה בעקריי, מיט צוויי חתונה זאלען, ווילחאוויטץ, אור החיים סקול טעראס,
מיט רבנים ודיינים וואס איך וויל אויסרעכנען וויפול איך ווייס,
האדמור שליט"א, בנו הרב ישראל אב"ד, דיין הרב אברהם ניסן ניימאן,
לבחורים בגיל החתונה, איז דא הרב יוסף באבאד,
כשרות המצות, איז אינטער השגחה פון הרב משה קעסלער,
פלא פלייש געשעפט וואס איז אינטער די השגחה פון די וויזניצער דיין הרא"נ ניימאן

[ימים ידברו]

סאטמאר חסידי מהר"א, האבען א בית המדרש אויף, 13 מאנסי בולאוואד, זייער דיין איז הגאון הרב אברהם שמואל וואזנער זייער ראש הקהל איז הרב ישראל שיפף, די אנדער שול איז און די געגענט פון אגוסטע רד זיי האבען א ת"ת מיט א בית רחל, מיט א כולל מיט א ישיבה קטנה איך מיין עס הייסט קנין תורה זייער ראש ישיבה איז הרב יעקב ווייס צווישען די חברי הקהלה איז הרב אטנטשיל גרובער טוען רבני, מיט פיל נאך הונדערטער אידען בעלי בתים נכבדים נגידים ובעלי צדקה, הר"ר שמואל זאנוויל ווערטהיימער פירט די מוסדות מיט שטארקע כוחות עס ציילט איבער טויזענט קינדער און א קורצע צייט

[גאנצל]

זייער רב הייסט הרב אברהם צבי הלוי וואזנער שליט"א

עס איז דא אסאך צו שרייבן איבער אים ער האט די מערסטע שואלים אין מאנסי זייער א פראקטישע מורה הוראה זיין הפלאדיגע קלארע תשובות ופסקים זיין מוראדיגע באקאנטקייט אין יו"ד סיי די תורהדיגע חלק סיי די וועלט פון רפואה חלק ער איז אסאך אינוואלווד אין הלכה/רפואה אין מוסד בוני עולם אויסערדעם איז ער כמעט דער איינציגער פוסק אין עניני סתם באה"ב ועניני שעטנז

אבער דא אין די נייעס פארום איז עס נישט דער פלאץ

[שמעון וואלף]

ביהמ"ד בית היהודי בנשיאות הרב משה בער בעק שטייט נאך?
([tag]berlbalaguleh[/tag]

[ימים ידברו]

אנטשולדיגט גאנצעל פאר מיין טעות, איבער זיין נאמען, ער איז דאכציך אדער געווען אויך א ראש הכולל אין חב"ד וועסט סייד וואס ער איז ממש א חד בדרא, איבעראל זייער אנגענימען, ווי זיין גרויסען זיידע הפוסק הדור,
בנוגע הרב משה בער בעק איך האב לעצטענס געזעהן אז ער האט נייע גרויסע בית המדרש,
איך וויל ממשיך זיין מיט נאך בתי מדרשים
סיקסא, הרב משה אליעזר בלום, רב המסדר גירושין
קאשוי, האדמור מקאשוי
ס'דא נאך א קאשוי, זילבער
כולל זכרון מנחם הר"ח פלאהר
בית תפלה אינטער הרב שלמה ברעסלויער לרפו"ש א אשכנזישער שול
סגולת ישראל הרב מרדכי בעק
די שול פון הרי"ד שלעזינגער פארגעסען די נאמען אויכעט ? תפלה
ס'דא א נייע שול וואס מבויעט וואס גייט הייסען כ'מיין "טאפלאטשאנער קלויז" די רב איז הרב אברהם משה קרויס
תולדות אהרן הר"א קאהן בן האדמור
דברי אמונה הרב אהרן קאהן האדמור
תולדות אברהם יצחק הרב יעקב טיטלבוים חדבן
איהעל הרב משה וואלף מייזעלס
אברכים הרח"פ שנעעבאלג

[גאנצל]

צווייטע טעות נישט געווען קיין ראש הכולל אין חבד קען זיין ער האט אמאל פארגעלערנט דארט א שיעור אזוי ווי ער האט געטון אין אסאך פלעצער פאר ער איז געווארן רב אין סאטמאר מאנסי ער פלעגט דאס טון פאר ליווינג

[גאנצל]

ביידע וויזניץ בב האבן בתי מדרשים דארטן טאמער האב איך די גוטע אינפאוי
וויען האט אויך א גרויסע ביהמד אויף 306

[berlbalaguleh]

ימים ידברו: א הערה איבער קאשוי. אזוי ווי דו זאגסט אז ס'זענען דא 2 בתי מדרשים מיט'ן נאמען קאשוי. און די רבנים זענען נישט קיין קרובים. די ערשטע איז די ביהמ"ד פון ר' אליעזר חיים בלום שליט"א. א זון פון הרה"צ ר' רפאל בלום זצ"ל.

די צווייטע איז די ביהמ"ד פון הרב --- זילבער שליט"א. זיין שווער ז"ל האט זיך גערופן קאשוי'ער דיין. ער איז געווען א דיין אין די שטאט קאשוי נאך די מלחמה. ער האט עמיגרירט קיין אמעריקע אין די '70 ער יארן...! ער האט געהאט א ביהמ"ד אין בארא פארק...!

[ימים ידברו]

גאנצעל ביסט זיכער ער האט נישט געפירט א נאכמיטאג כולל?
יא ס'דא צוויי וויזניץ
איך קיק נאך אויף אינפארמעשאן סדא נאך א סך שילען ישיבות הויפהן ווי פארשעי ועוד אדרבה ברענגסט וואס מער

[גאנצל]

קאן זיין פון מיין אינפאו האט ער געהאט א שיעור אין א חבד שול

[ימים ידברו]

איך מיין מען קען אויסרעכנען רבנים און שילען וואס זענען שוין נישטא, ווי הרב וויינפעלד וואס איז געווען א באוויסטער גאון, הרב בנציון וואזנער וואס האט עולה געווען קיין בית שמש, הרב שבתי וויגדער וואס האט נישט געהאט קיין שול אבער פון די ערשטע רבנים גאונים און ווינדערליכע מענטשען פון שטאט

[טשעסטער]

ש'כח פאר די רייכע אינפארמאציע.

ווי קען מען דאווענען בימות החול, וואו עס זענען דא מנינים כסדרן יעדע האלבע שעה/20/15 מינוט חוץ סאטמאר און וויזניץ?
פליז רעכן אויס די בתי מדרשים און זייערע אדרעסן

[ימים ידברו]

סאלקא- סאטמאר מהרא- שינוועא- נייטרא- פארשעי ר' חיים לייבוש ביז 9

[היכי דמי]

שיינערס שוהל איז זייער געשמאק און יוניק. עס באלאנגט נישט פאר קיין פארטיי און יעדער איז וועלקאם דארט.
איך געדענק נאך ווען עס פלעגט זיין ליידיג און איך פלעג דארט ליב האבן צו לערנען, און עס איז שוין דעמעלטס געווען צוגעשטעלט עסן מיט א ברייטקייט. היינט איז עס שוין א גרויסע שוהל, מיט פילע מנינים און אפילו א מקוה. (א מקוה מיט קאמארעס, א שמועס פאר זוך)

וואס איז זייער אינטערעסאנט דארט איז די נ נח מנין יעדו טאג 6:00 און די טאנצן נאכ'ן דאווענען... עס לוינט זיך עס מיטצוהאלטן כאטש איינמאל.

[היכי דמי]

עס איז דא א איד א צדיק אין מאנסי הרה"צ רבי מרדכי שטיינער שליט"א, איך ווייס נישט וויאזוי זיין שוהל הייסט, אבער ער איז זייער אויפגעפיקט לעצטענס. א צדיק אמת! לויפט אוועק פון כבוד.

[שמעון וואלף]

נישט פארגעסן די מערסט אטרעקטיוו פלאץ אין מאנסי ווי אידן פון די גאנצע וועלט קומען 24 שעה א טאג, די ציון פון די הייליגע רימניצע רבי

[berlbalaguleh]

שמעון וואלף: מ'רעדט דא פון שולן...! אטראקטיווע פלעצער איז דא א סאך. למשל דעם ווערעצקיער רבי'ס טיש. און נאך עטליכע אנדערע .."רעבעס"...!

[שמעון וואלף]

נישט ריכטיג. קוק וואס די פותח האשכול שרייבט, די אשכול איז געווידמעט צו ביישרייבן בתי מדרשים, מוסדות, קהילות און רבנים פון מאנסי

[berlbalaguleh]

דער ציון פון ריבניצער רבי'ן זי"ע איז נישט קין מוסד. און ער איז נישט קיין רב אדער קהילה...! ס'איז א מקום קדוש וואו א יעדער איד וואס ס'דריקט איהם אויפ'ן הארץ גייט זיך אויסרעדן און מתפלל זיין אין זכות פון צדיק...!