פארוואס הייסן גוים גרעסערע שונאי ישראל ווי אידן?

[moshav zekeinim]

מיר זענען צוגעוואוינט צו לייגן א סטעריאו טיפ אויף "גוים" אז זיי זענען שונאי ישראל. ספעציעל ווען עס קומט צו די פעלקער וועלעכע האבן א סך צרות אנגעטון די אידן, אזוי ווי די פארצייטישע שפאניאלן, די רוסן, און די דייטשן.

עס ווייסט אבער יעדער רעכטדענקיגער מענטש, אז דער עמך גוי האט פיינט געהאט דעם איד נאר ווייל ער איז געהעצט געווארן דורך דעם גלח, טייל גלחים זענען געדרוקט געווארן דורך די העכערע אטאריטעטן, און מלכים ושרים זענען אין רעזולטאט פון די העצעס געדרוקט געווארן צו זיך באגיין שלעכט צו די אידן.

דער זכרון יעקב שרייבט אז דער רוס איז בטבע א גוטער פריינדליכער מענטש, נאר צוליב די העצעס או די שווערע מצב אין וואס מען האט זיי געשטעלט זענען זיי שלעכט געווארן. אויפן פאלאק שרייבט דאך שוין דער רמ"א ווי גוט ער איז, און וויפיל רעספעקט ער האט צום איד. הכלל, זעהען מיר אז רובא דרובא שונאי ישראל זענען א רעזולטאט פון העכערע פאליטישע אנדרייערס וועלעכע האבן אדער געהעצט אדער געלייקט דרוק זיך צו באגיין ברוטאל צום איד.

יעצט לאמיר כאפן א בליק אויפן איד אליין וויאזוי ער פירט זיך אין אזא מצב. די הלכה זאגט טאקע אז דיין בלוט איז נישט רויטער ווי דיין חבר'ס און קיין שום דרוק ערלויבט דיר נישט צו זיין ברוטאל צו דיין אידישער ברודער, און קיין שום סעלעקציע איז נישט ערלויבט.
האבן טאקע אלע אידן מקיים געווען דער הלכה און נאטורליכער ברודערליכקייט, אדער האבן זיי זיך געפירט ווי דער שכן דער פרעמדער גוי אין אזא מצב און פארקויפט זיין נשמה צום שטן צוליב העצע אדער דרוק?

לאמיר נישט אריין גיין ווען די העצע איז געקמען דורך אייגענע, ממך יצאו, ווען אייגענע פרנסים און קהילה פירערס האבן משום איזה סיבה מתיר געווען די בלוט פון די אייגענע ברודער פאר פאליטישע סיבות, מיטן לייגן אויף יענעם א שווארצן ליילעך פונקט ווי די איוול גלחים, און אין רעזולטאט האט די עמך געהאט א טייל אין צוטרערטן א מענטש בגוף ובנפש. אזעלעכעס זענען ליידער פארגעקומען אפט.

אבער לאמיר כאפן א בליק ביי די צייטן פון די קאנטעניסטן ווען גוים האבן דער שרעקליכער גזירה פון קינדער פארכאפונג ארויף געלייגט, און אייגענע פרנסים זענען געווען די וואס האבן געהאלפן דערמיט, זיי האבן געזעהן אז די ארימע זאלן פארכאפט ווערן כדי די עטליטע זאלן געראטעוועט ווערן. כדי צו ראטעווען די עליטע האבן זיי גענומען אן אקטיווער טייל אינעם פארכאפונג. די זאכן זענען דאקומענטירט קליפ און קלאר, און אזעלעכעס זענען פארגעקומען אין די טויזנטער. נו, זענען אונזערע אייגענע אידישע ברודער בעסער פון דעם פרעמדער גוי וואס טוט שלעכטץ פאר די זעלבע סיבה, זיך צו שיצן.?

און וואס טוט זיך מיט די קאפאוס? יא, דא רעדט מען פון מאדערנע אידן, אידן וואס האבן פארקויפט די נשמה פארן שטן פאר זיך צו רעטן. אבער זענען אט די אידן בעסער פון די דייטשן אדער פאלאקן וואס האבן פארקויפט די נשמה פארן שטן כדי זיך צו רעטן? איך זעה דא נישט וויאזוי דער גוי איז מער שונא ישראל ווי דער איד אויף זיין אייגן פאלק. יא, דער איד וועט זיך האלטן צוזאמען מיט אנדערע אידן ווילאנג דאס וועט אים העלפן פאר זיך אליין, אבער טאמער נישט, איז ער דען בעסער פונעם גוי אויף זיי אייגענע פאלק.

אין כאן אוהב ישראל ושונא ישראל, איך זעה ליבערש א הויפן מענטשן וואס זיכן צו ראטעווען אדער באקוועם מאכן זייער לעבן, צו איז ער א איד צו איז ער א גוי. על כן וואלט געווען מן היושר אז אנשטאט צו פוינטן אויפן "גוי" וואס האט פיינט דער "איד", זאל פוינטן אויפן מענטש וואס פאר פרעשור און לייכטזיניגקייט לייגט ער אוועק אנן אנדערנס לעבן.

נאר איינער וואס קען זיך אויפטון אז קיין שום פרעשור אין די וועלט וועט אים נישט באוועגן שלעכט צו טון זיין אידישער ברודער, נאר אזא איינער קען זיך גרויסן אז ער איז נישט קיין שונא ישראל. אבער וויפיל אזעלעכע אידן זענען דא?

[[NAMELESS]]

תמצית היוצא צו שטיפן דיין אגענדע אז די נאציס זענען באמת געווען גאר פיינע מענטשן, נאר די קאפאוס וואס האבן זיך זעלבסט געוואלט ראטעווען (טאקע אומיושרדיג) די זענען די בארימטע רשעים וואס זענען באגאנגען מענטשן רעכט פארברעכן ביים צווייטן וועלט קריג.

די זעלבע די פרנסי הקהילה וואס האבן געוואלט ראטעווען זייערע קינדער פונעם רוס און זענען באגאנגען א עוולה אויפן חשבון פון די בני עניים, די זענען די געפערליכע רשעים אויף וועם מקען נישט טרעפן א לימוד זכות אויף זייער לייכטזיניגקייט (כלשונך) משא״כ דער רוס, דער איז דאך א צדיק בן צדיק, ווייל און עפעס א בוך וואס איז שטארק אנגענומען ביי דיר שטייט אזוי אויף דריי דורות פריער.

אינטערסאנט אז דער כל ישראל יש להם חלק לעולם הבא און ועמך כולם צדיקים לעולם ירשו ארץ נצר מטעי מעשי ידי וגו׳ טראגט נישט ביי דיר אזא געוויכט ווי א זכרון יעקב אדער דרכי משה.

[moshav zekeinim]

דו דרייסט דא סתם ארום. האב איך דען געזאגט אז דער איד איז ערגער פונעם גוי? איך זאג בסך הכל אז ביידע זענען בשר ודגים, דער גוי פונקט ווי דער איד קען זיין פרידליך ווילאנג עס לוינט זיך פאר די אייגענע הויט און כבוד, און אז נישט דאן זאל גאט באהיטן פון ביידן. ונמצא שכל איש המציל עצמו על חשבון נפש הזולת מישראל, שונא ישראל יקרא, אם ישראל הוא או מבני נכר הוא.

[[NAMELESS]]

איי און מ'זעט טאקע היינט א מושב זקינים וואס איז אויך מזרע ישראל ר"ל

[moshav zekeinim]

אוי, אזא טשעפע

[berlbalaguleh]

מאישעוו זעקיינעם: אויף דעם וואס דו זאגסט אז דער כאראקטער פון א מענטש (איד אדער גוי) זיך אליינס צו ראטעווען. און יענעם צוטרעטן. האבן שוין געזאגט אונזערע חכמים אין די משנה. (אבער זיי זענען געווען חרדים און פארט פון דעם חרידיזם סיסטעם. און אלט-מאדיש.)..."אלמלא מוראה של מלכות, איש את רעהו חיים בלעו"...! די משנה איז געזאגט געווארן אפילו פאר אידן מיט שטריימל און בעקישעס. אויך פאר פיינע, קולטורירטע מענטשן וועלכע גייען מיט א סוט ענד טיי.

נאר מיין קשיא איז פארוואס דיין נפש זוכט אייביג צו פארטיידיגן די עוולות און רציחות פון די גויים אויף די אידן. און אויפצו ווייזן אז עכט זענען די אידן אויך נישט בעסער ווי די גויים. איך האב א האנטש אז מ'דארף בודק זיין דיין אייגענעם יחוס. אפשר האסטו געהאט א זיידן, וועלכער האטציך אריינגעמישט צווישן די אידן נאכ'ן אדורכפיהרן מעשים תעתועים און רציחות אויף אידן. ר'האטציך געלאזט וואקסן א בארד. און געגעסן א בילקע מיט הערינג ביי שלוש סעודות, אזוי ווי די אנדערע זשידעס.

איך פערזענליך האב נאטורליך ליעב אידן. איך שפיר אז זיי זענען מיינע קאזינס. אויף די גויים פיהל איך אז זיי זענען גאר ווייטע קרובים פאר מיר. (אונז שטאמען פון טשימפאנזיעס, און זיי שטאמען פון גאריללאס.) וואס פאר 34 ביליאן יארן צוריק האבן זיי זיך געדרייט אין א שכינות'דיגן דזשאנגל לעבן אונז...

[מיש-נייעס]

מושב איך גיי נישט אריין צו יא אדער נישט, צו דו האסט רעכט אדער נישט,

און דער אמת איז אז איידער איך הייב אן וויל איך זעהן די דאקומענטורנגן פון די אלע זאכען אדרבה לכו נא ונווחכה

[ברוך שפינוזה]

דו דרייסט דא סתם ארום. האב איך דען געזאגט אז דער איד איז ערגער פונעם גוי? איך זאג בסך הכל אז ביידע זענען בשר ודגים, דער גוי פונקט ווי דער איד קען זיין פרידליך ווילאנג עס לוינט זיך פאר די אייגענע הויט און כבוד, און אז נישט דאן זאל גאט באהיטן פון ביידן. ונמצא שכל איש המציל עצמו על חשבון נפש הזולת מישראל, שונא ישראל יקרא, אם ישראל הוא או מבני נכר הוא.

איך פארשטיי נישט וויאזוי א מענטש וואס נארט זיך נישט, קען זאגן אנדערש.

[berlbalaguleh]

ברוך שפינוזה (דער 2'טער):

ס'איז דא אזא מין זאך ווי טראכטן אדער עקטן ראציאנאל. און אינסטינקטיוו. אפילו אויפ'ן ראציאנאלן לעוול קען איך ברענגען צענדליגער, און אפשר הונדערטער פאקטן וועלכע וועללן אויפ ווייזן אז דער איד איז בעסער ווי דער גוי. פשוט, וועגן יחוס. פון ווי אונז שטאמען. (כ'רעד נישט פון די מאנקיס, טשימפס אדער גאריללאס.) נאר פון די שפעטער'דיגע עוואלאצינערע אנטוויקלונגען. פון האמא סאפיענס. ס'איז דא נמרוד און עשיו און די דויטשע הונס. און די פאלאקן און רוסן. און נאכדעים איז דא (להבדיל) אברהם יצחק ויעקוב און זייערע אייניקלעך און אור אייניקלעך. אויך ביי די מאמעס איז דא א חילוק. ס'דא הגר און די אלע ווייבער פון עשיו און ישמעאל. און נאכדעים איז דא (להבדיל) שרה, רבקה רחל און לאה. און בלהה און זילפה. און מרים און דבורה און יהודית. און די בעלז'ער רביצין מלכה. און די וויזשניצער רביצן (נישט לאה'טשע. זי באלאנגט אין אן אנדערע קאטעגאריע) און זייערע אייניקלעך און אור אייניקלעך (די סאטמאר'ע רביצין אלטע פיגא פאסט אויכעט נישט דא אריין וועגן א פאר טעמים. איינס זי האט נעבעך נישט געהאט קיין קינדער. און ס'דא נאך טעמים.). ממילא ווען מ'קוקט צוריק אויפ'ן יחוס איז דאך דא א גרויסער חילוק צו מיין זיידע איז געווען אברהם אדער איוואן. און מיין באבע איז געווען שרה אדער מאריא...!

נאכדעים איז דא דער אינסטינקט. מיין (און יעדן כשר'ן איד מזרע אברהם אבינו) ציעט דער אינסטינקט צו ..."לייקן"...זייערע אייניקלעך. און א יעדן אייניקל פון א רומענישן אדער פוילישן גוי ציעט דער אינסטינקט צו ..."לייקן"...זייערע אייניקלעך...!

[ברוך שפינוזה]

בערל בעל-עגלה: האסט זיך בכלל נישט באצויגן צו דעם

איך זאג בסך הכל אז ביידע זענען בשר ודגים, דער גוי פונקט ווי דער איד קען זיין פרידליך ווילאנג עס לוינט זיך פאר די אייגענע הויט און כבוד, און אז נישט דאן זאל גאט באהיטן פון ביידן.

[אונטער חכם]

אבער לאמיר כאפן א בליק ביי די צייטן פון די קאנטעניסטן ווען גוים האבן דער שרעקליכער גזירה פון קינדער פארכאפונג ארויף געלייגט, און אייגענע פרנסים זענען געווען די וואס האבן געהאלפן דערמיט, זיי האבן געזעהן אז די ארימע זאלן פארכאפט ווערן כדי די עטליטע זאלן געראטעוועט ווערן. כדי צו ראטעווען די עליטע האבן זיי גענומען אן אקטיווער טייל אינעם פארכאפונג. די זאכן זענען דאקומענטירט קליפ און קלאר, און אזעלעכעס זענען פארגעקומען אין די טויזנטער. נו, זענען אונזערע אייגענע אידישע ברודער בעסער פון דעם פרעמדער גוי וואס טוט שלעכטץ פאר די זעלבע סיבה, זיך צו שיצן.?

אז דו ברענגסט יא דעם זכרון יעקב פארוואס ברענגסטו נישט וואס ער שרייבט אויף די קאנטאניסטן פרשה ?
עיי"ש פון דף 106 און ווייטער ובעיקר דא און דא

[אונטער חכם]

כפול

[אונטער חכם]

און וואס טוט זיך מיט די קאפאוס? יא, דא רעדט מען פון מאדערנע אידן, אידן וואס האבן פארקויפט די נשמה פארן שטן פאר זיך צו רעטן. אבער זענען אט די אידן בעסער פון די דייטשן אדער פאלאקן וואס האבן פארקויפט די נשמה פארן שטן כדי זיך צו רעטן?
?

די דייטשן און פאלאקן האבן עס געטוהן זיך צו רעטן אדער ווייל זיי האבן עס געוואלט טוהן?
וואס ביזטו דא מדמה די צוויי?