וואס טוט מען מיט ר' שלמה ?

[וואלווי]

.

[וואלווי]

וואס איז די פראבלעם? זיי האבן עס אויסגעארבעט על פי הלכה.

בכלל נישט קיין פראבלעם, נאר אן אינטערסאנטע פרט וואס ווערט נישט דערמאנט אסאך מאל.

[berlbalaguleh]

וואלווי: ייש"כ פאר דעם לינק. זייער אן אינטרעסאנטע מעשה. ס'איז דא א סאך מאל וואס א געוויסער מענטש קומט אן צו א מצב וואס זיין גאנצע אמונה ווערט געשטעלט אין א נסיון. און ער טוט ביישטיין דעם נסיון. דאס איז א געוואלדיגע זאך...!

איך האב שוין עטליכע מאל געברענגט די געשיכטע פון אידישע ספארטס שפילערס וועלכע האבן געהאט א גרויסן נסיון פון כבוד און געלט. אדער שמירת שבת ויו"ט. און זיי זענען בייגעשטאנען דעם נסיון. איין אזא פאל איז געווען ביי א בארימטן בעיסבאלל שפילער פון אידישן אפשטאם, מיט'ן נאמען סענדי קאויפעקס. ס'איז געווען געפלאנט א הויפט וויכטיגער שפיעל פאר יום כיפור. אין די צייט פון די..."פלעי-אפפס"...ביי בעיסבאלל. און דער שפילער האט געדארפט ערשיינען אום יוכ"פ. האט ער זיך געראנגלט מיט די החלטה. צי ער זאלל גיין שפילן. אדער להבדיל גיין אין ביהמ"ד....ער האט מחליט געווען צו גיין אין ביהמ"ד. און נישט צו דעם געים...און ס'איז געווען א גרויסער קידוש השם...!

נאך א מעשה איז זיך פארלאפן מיט עטליכע יאר צוריק. אין מאנטריאל, קענעדע.וואו האקקי שפיעלן איז א נאציאנאלע עבודה זרה. אזוי ווי בעיסבאלל דא אין אמעריקע. איז געווען א בחור'ל (איך האב געקענט זיין זיידע.) מיט'ן נאמען מעלניק. וועלכער איז געווען אן אויסערגעוויינליך גוטער האקקי שפילער. ביז א גרויסער נאציאנאלער טיעם האט געהערט פון איהם. זיי האבן איהם געוואלט ארייננעמען אין זייער טיעם. ס'איז אבער געווען איין גרויסער פראבלעים. רוב פון זייערע פרעקטיס שפילן זענען געווען אום שבת. דער בחור האט זיך געראנגלט מיט די דעה אויב ער זאלל אננעמען דעם אפפער. אדער נישט. . צוליעב שמירת שבת קודש. האט ער זיי געזאגט אז ער איז גרייט צו גיין שפיעלן פאר זיי. אבער בתנאי אז אום שבת זאלל ער זיין באפרייט. און, ויהי לפלא. זיי האבן אנגענומען זיין אנבאט. און ער האט נישט געדארפט קומען שפיעלן אום שב"ק...דאס איז אויכעט געווען א גרויסער קידוש ה'...!

[אישתישבי]

ביי אונז חרדים וואלט מען געזאגט, עס איז נאך א גרעסערע קידוש השם אז אונזערע קינדער שפילן נישט האקי אין דער וואכען.

[פלוני]

ווי באוויסט איז ר' שלמה קארליבאך ז"ל געווען די עמוד צלותהון דישראל, דער נועם זמירות ישראל, דער משתתף בצערתן של ישראל ובשמחתן, פון די די גרעסטע אינספאראציאנאלע פיגורן אין די וועלט פון מוזיק און ליטריגע, א מייסטער בעל מספר, ווי אויך אן אקטיווער ראבאי וואס איז ארומגעפארן איבער די גאנצע וועלט האלטן קאנצערטן און געבן חיזוק פאר מענטשן וואס האבן געלעכצט נאך דעם.

אין מיין פערזענליך לעבן פארנעמט ר' שלמה זייער א וויכטיגן ארט, אלס קינד בין איך אויפגעוואקסן הערענדיג זיינע הימלישע מעלאדיעס עוד בחיים חיותו, איך קען אלע זיינע שאפונגן, איך געדענק אויך אלס קינד ווי מיין טאטע האט אין יענעם פרייטאג נאכמיטאג געזאגט מיין מאמען איבער די בשורה לא-טובה פון די פטירה פון ר' שלמה.

ס'איז אבער נישט קיין סוד אז צו די זעלבע צייט האט זיך אבער ארויסגעשטעלט זייער אן אומבא'טעמ'טן פאקט וואס ווארפט א טונקעלע שאטן אויף זיין ליכטיגען אנדענק, ווען נאכן טויט פון ר' שלמה זענען אפירגעקומען מערערע פרויען וואס האבן געשילדערט וויאזוי ר' שלמה האט זיי פארגוואלדיגט.

אנהענגער האבן געזאגט אלע ערליי אויסריידן, ס'איז נישט אמת, ס'איז קנאה, ס'אוממעגליך צו זיין אמת, ס'געווען א כלליות'דיגע אהבה וואס האט געברענט אין אים, ס'ווערט אנגעוויזן אויפן פאקט אז ער האט זיך געהאלדזט און געקושט מיט כל צרוע וכל זב, מיט מענטשן וואס איז געווען ריחם נודף למרחוק.

די שאלה איז יעצט א פילפאכיגע
1) גלויבט איר אז ס'קען בכלל זיין אזא אניגמע, א מענטש מיט אזויפיל ליבשאפט זאל צו דער זעלבער צייט האבן אזא סעלפישנעסס און גורם זיין אזויפיל ווייטאג פאר אנדערע מענטשן ?
2) את"ל אז איר גלויבט אז ס'איז מעגליך אזא פאל, גלויבט איר אז דאס האט אויך געקענט זיין די פאל מיט ר' שלמה ?
3) את"ל אז איר גלויבט נישט אז דאס איז געווען די פאל מיט ר' שלמה, וויאזוי וואלט איר געהאנדלט אין קאפ ווען ס'שטעלט זיך ארויס אזא מציאות פאר אייערע אויגן ?

נעמט און באטראכט, פאר איר ענטפערט אז איר דארפט האבן א ברייטע האריזאנט פארנט פון זיך, צו קענען קאנפראנטירן אביעקטיוו אזא קאמפליצירטע פראגע, ס'איז א קנאפער חכמה אריינצופאסן פאקטן לויט וואס מ'וויל גלייבן.

ולסיכום, אויב גלויבט איר דאס אלעס אויף ר' שלמה, וואס פאר א לקח נעמט איר ארויס דערפון איבער די קאמפליצירטקייט פון די מענטשליכע נאטור און איבער די וועג וויאזוי מיר דזשאדזשן א מענטש'ס כאראקטער.
ספעציעל וויל איך איינלאדנען ר' [tag]הוגה[/tag] אלס איינער וואס איז גאר א שטארקער וואקאלע אקטיוויסט דא אין שטיבל אקעגן מאלעסטעישאן, זאל לאזן הערן זיין מיינונג.

נאר וואס דעם געוועזענעם שבת האב איך גערעדט 'פנים אל פנים' מיט א פרוי אין די מיטעלע יארן, וואס האט מיר דערציילט אז אויך איר האט ר' שלמה געהאט מחבק געווען - מער ווי נארמאל.
האב איך איר געפרעגט, האלטסטו אז ער הייסט א אביוזער, א מאלעסטער, צו וועלכע קאטעגאריע?
איר ענטפער איז געווען; ניין! ער איז געווען א אויסערגעווענליכע אוהב את הבריות, אבער ער האט קוים געהאט לימיטס, ער האט נישט געוואלט וויי טון קיין פלוג, אבער נישט וועלנדיג האט ער דאך געקראסט געוויסע ליינס. ער האט מיך נישט געוואלט דיסטערבן, נאר ער האט 'צו' סאך ליב געהאט, צו סאך זיך געברודערט..

וויבאלד איך פאר מיר בין באשוואוירן פאר ר' שלמה - ממש ממש, און איך האב עהם נאך געקענט פערזענליך בחיים חיותו, דאך האב איך זיך געפריידט צו הערן פון די פרוי איר עקספיריענס, ווייל דאס צייגט אז אין המקרא יוצא מדי פשוטו. ער איז געווען א יומען ביאינג, אבער דאך מאכט מען אמאל טא מאטש, און ס'איז א פראבלעם, אבער ס'פסל'ט נישט דעם מענטש מכל וכל.

[[NAMELESS]]

אין אנדערע ווערטער זאגסטו אז די חלק בין אדם למקום איז איי איי איי נאר ער האט עס געמאכט מיט עכטע ליבע כדוגמת איש ואשתו און נישט סתם אביוזט...

מיין שאלה: די פרוי צו וועם דו האסט גערעדט איז געווען בשעתו פארהייראט? אויב יא איז די שלום בית גוט געווען אדער האט זי זיך געפרייט צו א עקסטער דאזע ליבשאפט?

אין אנדערע ווערטער: באופן וואס די נחבקת האט געהאט א נורמאלע חתונה געהאטע לעבן און נישט געהאט אינטרעסע צו באקומען ליבשאפט וואלט עס ווען געבאדערט?

בכלל רעדט מען אויך פון מיינערס וואס זיין ליבע איזנישט פארהאקט געווארן בלויז ווייל זי איז נאכניש 18....

[שבת אחים]

ער האט געמאכט הערליכע הארציגע ניגונים וואס וועט אייביג פארבלייבן ביי כלל ישראל. איך פארשטיי נישט וואס מ׳וויל דא. ער לעבט שוין לאנג נישט ממילא קען מען אים נישט ברענגן צו גערעכטיקייט. מ׳דארף אים נישט האלטן פאר אפאגאט צי ווייס-איך-וואס. ער איז געוועהן א פשוטע ארטיסט ער האט געשריבן מוזיק פון זיין הארץ. ער איז געוועהן ״א היפי״ און דעמאלטס איז אויך געוועהן אנדערע צייטן און א טראפקעלע א אנדערע קולטור. איך מאך נישט אוועק די וויקטמעס וואס זענען חלילה אביוזט געווארן דורך אים. איך פרעג נאר וואס וויל מען יעצט פון אים? אויפהערן זינגען זיינע ניגונים? זיין מוזיק איז הערליך. ער איז שוין לאנג נישטא. אסאך מעשיות דארף מען פארגעסן. סאיז געזונטער צופארגעסן און גיין ווייטער. מ׳דארף נאר זיכער מאכן אז אזעליכע מעשיות חזרן זיך נישט איבער היינטיגע צייטן. און נישט זיין פארנומען מיט מעשיות פון דרייסיג, פערציג יאר צוריק. און ווער ס׳וויל דווקא מחמיר זיין זאל טאקע נישט זינגן זיינע ניגונים. און צו די אלע וואס מאכן פון אים פערזענליך א גאנצע צדיק. האב איך א מעסעדזש: קוט די קרעפ! און נעם דיך זינגן שפכו כמים לבך. האסטו געהערט א מעשה? ער איז געוועהן א וויואלע מענטש. זיין הארץ איז געוועהן פון גאלד. אפילו אסאך מאל צופיל הארץ... סהאט איבערגערינען... פאר דעם איז ער נאכגעלויפן קליינע מיידלעך...! טרייבטס נישט איבער און זינגטס זיינע הארציגע ניגונים. ער איז געוועהן א טיפיקל היפי ארטיסט, נאר א אידישע. גארנישט מעהר.

[פלוני]

מ'טאר נישט ניצן די ווארט 'ויקטעמס', ווייל ער האט קיינעם נישט אביוזט. ער האט זיך געפירט צו היימיש מיט יעדן. והא ראיה ער האט געקושט שמוציגע האוימלעס מענטשן אויך, עקלדיגע פרויען און מענער אויך.
דאס האט מיר יענע פרוי געזאגט, אז דעמאלטס האט זי נישט אזוי שטארק פארשטאנען אז ס'איז ראנג, אבער היינט קוקט זי צוריק און זי שעמט זיך אז ער האט איר אזוי שטארק אנגעכאפט - ווי ס'פאסט נישט.
ר' שלמה איז נישט כאחד האדם, קלאר ער איז מער ווי א געווענליכע ארטיסט, איי ער האט אויך געטון וואקלדיגע מעשים, אבער ס'נישט געווען ווילד, נישט נגד רצונם, אבער אויך נישט ברשות..
אבער סך הכל, וויקטעמס? ניין. נאט נייס נישט פאסיג נישט צניעות'דיג, און יענע וואס רעדן היינט אויף עהם זענען מענטשן וואס האבן פראבלעמען אין לעבן און ער האט זיי מקרב געווען, נישט אז זייערע פראבלעמען האבן זיך ביי עהם אנגעהויבן. יעדער ווייסט אז ער האט זיך געקלעבט צו צעבראכענע, ער האט נישט געכאפט קיין גאנצע ברואים. זיין זכות איז העכער זיינע פשעים, און צו דעם איז ער געווען א ארטיסט אויך, דאס איז א זייטיגע זאך.

[שבת אחים]

מ'טאר נישט ניצן די ווארט 'ויקטעמס', ווייל ער האט קיינעם נישט אביוזט.

דו ביסט דארט געוועהן?

[berlbalaguleh]

שבת אחים: אויב זיי, די אלע פרויען וואס קומען יעצט אפיער און טענה'ן אז ער האט זיי אביוז'ט. ווייל ס'איז לעצטנס געווארן אין סטייל זיך אהערצושטעללן אלס וויקטים'ס. פארוואס האבן זיי געשוויגן די אלע יארן...?! אוואו זענען זיי געווען ביז היינט...?!. זיכער. ר'איז נישט געווען קיין ..."צדיק"...א יעדער האט געוואוסט פון זיינע ..."מעשים"...ס'איז נישט קיין נייע זאך. און די אזוי-גערופענע וויקטימ'ס האבן אויכעט געשוויגן. ווער האט זיי צוריקגעהאלטן פון ארויסקומען און פארציילן דאס וואס זיי זאגן היינט...?!

[שבת אחים]

שבת אחים: אויב זיי, די אלע פרויען וואס קומען יעצט אפיער און טענה'ן אז ער האט זיי אביוז'ט. ווייל ס'איז לעצטנס געווארן אין סטייל זיך אהערצושטעללן אלס וויקטים'ס. פארוואס האבן זיי געשוויגן די אלע יארן...?! אוואו זענען זיי געווען ביז היינט...?!. זיכער. ר'איז נישט געווען קיין ..."צדיק"...א יעדער האט געוואוסט פון זיינע ..."מעשים"...ס'איז נישט קיין נייע זאך. און די אזוי-גערופענע וויקטימ'ס האבן אויכעט געשוויגן. ווער האט זיי צוריקגעהאלטן פון ארויסקומען און פארציילן דאס וואס זיי זאגן היינט...?!

פארוואס זיי זענען נישט ארויסגעקומען גלייך איז נישט קיין שאלה. ס׳קען זיין אסאך סיבות דערביי. ווי אויך ווייל מענטשען וואס ווערן אביוזט אסאך מאל שעמען זיך דערמיט וכודומה. איינער האט מיך אביוזט ווען איך בין געוועהן עלעף און נאכדעם ביי די דרייצן און ביי די פערצן. איך האב קיינעם קיינמאל נישט פארציילט דערפון הערשט 20 יאר שפעטער. סאיז נישט קיין שאלה... אבער זאגן קלאר אזויווי [tag]פלוני[/tag] אז ״ער האט קיינעם נישט אביוזט״ וויל איך וויסן צו פלוני איז דארט געוועהן צו פסקנן? פון ווי ווייסט ער אזוי זיכער אז נישט? פארוואס זאל איך זיי נישט גלייבן? ער האט געהאט א היסטאריע פון טוהן די זאכן. און סאיז נישט נאר איינער וואס זאגט עס. אלזא איך פאר מיר גלייב אז ער האט יא געפאטשקעט מיט קליינע מיידלעך. אבער כהאב נאך אלץ ליעב זיין סטייל נגינה און פארטיג. וואס קען מען יעצט טוהן? גארנישט מעהר ווי מאכן זיכער אז ס׳געשעט נישט נאכאמאל.

[berlbalaguleh]

שבת אחים: ס'איז א חילוק צו ער האט געטון וואס ער האט געטון מיט עדאלטס אדער מיט מיינערס. מיט עדאלטס איז עס בינו לבין המקום. אבער טאמער האט ער טאקע אביוזט מיינארס, איז ער א קרימינאל. און ער וואלט געדארפט געברענגט ווערן צו גערעכטיגקייט. ווייל די אלע מיינארס האבן געהאט עלטערן. און זיי וואלטן זיכער נישט אדורכגעלאזט אזאלכע מעשים, וואס מ'האט געטון צו זייערע קינדער...!. אויסער אז מ'רעדט פון ראנעוועי'ס...!

[פלוני]

כ'מיין איך וואלט געמאכט אזא סך הכל.
איז דא 'איין מעשה' אז ער האט געטון עפעס 'אויסער קושן' און גלעטן? אויב האט ער 'אפילו איין מאל' געטון מער פון דעם, ווי למשל געעפענט איינעמס בגד, אריינגעלייגט א האנט אין א מקום מכוסה, נו! איז ער נכלל אינעם קרימינאל ליסטע.
אבער כל עוד זיין וועג איז געווען חיבוק ונישוק בגלוי בפני עם ועדה, האט ער דאס געטון צו יעדן..
ס'דא אסאך ווייבלעך וואס זענען פערטיקילער אין געוויסע סארט חיבוקים - פאר סתם אזוי.
און פון ווי איך פלוני ווייס? איך ווייס נאר וואס כ'האב געהערט פערזענליך פון יענע פרוי אפאר טאג צוריק, און כ'בין געווען אין קארליבאך שול א יאר צוריק און אויך דארט 'אין זיין שול' האבן אפאר באבעס גע'דרשנ'ט קעגן עהם, אז הי מעיד ע בעד נעים פאר דע שול.. כ'האב זיי אנגעקוקט ווי אזעלכע כפוי טובה, זיי פרעסן זיך אן ביי די קדישים דארט און בלעימען די עסן געבערס.. שעמסט זיך גיי דיר עסן ערגעץ אנדערש..
אויב כ'זאל הערן א נאמען מיט א מעשה וואס ער האט אריינגעלייגט א האנט אינעווייניג א בגד, וכדומה. איז די סטארי אנדערש. אבער דערווייל איז עס מנהג הדור היינט זיך אריינצוווישן אינעם נענטסן האנטוך..

[יין שרף]

ביי אונז חרדים וואלט מען געזאגט, עס איז נאך א גרעסערע קידוש השם אז אונזערע קינדער שפילן נישט האקי אין דער וואכען.

קידוש? אפשר. אבער ווד"פ השם???

[רביה''ק זי''ע]

דער רב זי"ע האט געזאגט, "אז א בעלזע בחור לערנט אז מ'זאל זאגן "קוקטס נאר ווי בעלזע בחורים לערנען אזוי פלייסיג" איז עס תורה לשמה" ודפח"ח.

[שמחהלע קאפשטיק]

קיינער קען נישט קומען און זאגן אז דער רבי שלמה איז געווען אן אויסגערופינער בעל עבירה...

יא זיין מהלך אין קירוב איז געווען גאר קאמפלעצירט פיל אנדערש ווי מיר האבן געזעהן ביי אבותינו ורבותינו.
דאס אז ער האט עוסק געווען אין חיבוק און נישוק מיט לאו דווקא בלויז פון די מענערישע געמיינדע איז אויך קיין סוד נישט.

בס''ה האט ער געהאט גאר א קאמפלעצירטע נשמה.
און עס איז זייער שווער צו גלייבן אז א אדמו''ר מעג ער אפילו זיין אזוי פארדרייט ווי דער אמשינובער צדיק, זאל האבן קיין געשטיצט זיין מהלך עבודה...

עס איז געווען אמאל א גרויסער חזן וואס פרעגט זינגען אין טיאטערס, און ער איז געקומען צו זיין רבי אמאל פרעגט אים זיין רבי הייתכן די זינגסט אין טיאטערס? זאגט דער חזן פארן רבי'ן אז ער זינגט דארט בלויז מחזיר בתשובה צו זיין די אפגעפאלענע אידן וואס גייען אין די טיאטערס. פרעגט אים דער רבי, און ווי זענען זיי? די אידן וואס די ברענגסט ציריק מיט די חזונות אין די טיאטערס? פארשטייט זיך אליינס אז זיי זענען נישט געווען צו האבן..
רבי שלמה האט געוואלט מאכן בעלי תשובות... ער האט באמת געוואלט... דעריבער האט ער זיך געפירט מיט זיין איינגארטיגער דרך... אבער למעשה ווי זענען די אלע בעלי תשובות? עין לא ראתה אלוקים זלותך.....

איך קען א משפחה וואס די מאמע איז א בעלת תשובה דורך ר' שלמה ז"ל !!!

[נקודת-אמת]

עס איז זייער שווער צו גלייבן אז א אדמו''ר מעג ער אפילו זיין אזוי פארדרייט ווי דער אמשינובער צדיק, זאל האבן קיין געשטיצט זיין מהלך עבודה...

דרך אגב, דער אלטער אמשינאווער פון ארץ-ישראל האט שוין ארויף-געקוקט שלמה'לע'ס אויפטוה'עכטס,
און ווען עפעס א רב האט עם פארגעהאלטן היתכן צו שטיצן אזא איינער וואס פראוועט'זיך אזוינע שטותים און נארישקייטן,
האט דער אמשינאווער (ר' יר"י מאיר'ל זצ"ל מאמשינאוו-ארץ-ישראל) עם געענטפערט, ס'איז פארהאן נעבעך אזויפיהל מענטשן וואס מאכן זיך אזוי נאריש פאר נישטיגקייט,
- אז מיר האבן אזא איינער וואס מאכט זיך נאריש מיט א מטרה צוריק צו ברענגען יידישע קינדער, הגם ס'איז נאריש, ברויכן מיר עם שטיצן.
(שמעתי מהעסקן ר' דוד הכהן דואיק הי"ו, מחסידי אמשינאוו בב"פ)

איך ווייס נישט אויב ר' [tag]קאך_לעפל[/tag] ווארט פאר אן ענטפער אויף זיין משל:

עס איז געווען אמאל א גרויסער חזן וואס פלעגט זינגען אין טיאטערס, און ער איז געקומען צו זיין רבי אמאל פרעגט אים זיין רבי הייתכן די זינגסט אין טיאטערס? זאגט דער חזן פארן רבי'ן אז ער זינגט דארט בלויז מחזיר בתשובה צו זיין די אפגעפאלענע אידן וואס גייען אין די טיאטערס. פרעגט אים דער רבי, און ווי זענען זיי? די אידן וואס די ברענגסט ציריק מיט די חזונות אין די טיאטערס? פארשטייט זיך אליינס אז זיי זענען נישט געווען צו האבן..
רבי שלמה האט געוואלט מאכן בעלי תשובות... ער האט באמת געוואלט... דעריבער האט ער זיך געפירט מיט זיין איינגארטיגער דרך... אבער למעשה ווי זענען די אלע בעלי תשובות? עין לא ראתה אלוקים זלותך.....

און ר' [tag]שמחהלע קאפשטיק[/tag] ענטפערט עם:

איך קען א משפחה וואס די מאמע איז א בעלת תשובה דורך ר' שלמה ז"ל !!!

קען זיין אז ס'קיצעלט אביסל, ווייל אונז ווייסן דאך אז אי לאו האי יומא דקא-גרים וואלט קיינער נישט געגיינגען קיין בארד-און-פיאות,
אבער דאך, ס'איז פארהאן יידעלעך וואס האבן אויפגעטוהן פאר יידישקייט אן זיך צו באנוצן מיט'ן בעל הגאולה'ס דרך השקפה,
און טאקע אין ק.טאהש, ק.קאשוי, וויליאמסבורג המקורית, ק.יואל, בלומינגבורג, און נאך אזעלכע מקומות (נדחים) וועסטו באגעגענען גענוג און נאך יודען וואס קענען נישט קיינער פון ר' שלמה'לע'ס בעלי תשובה
אבער אין עני אנדערע מקום וועסטו טרעפן גענוג און נאך משפחות וואס שטאמען פון איין זיידע וואס אלט'ס סטודענט אין באסטאן אדער קאנעטיקעט וכדו',
ביי א קאנצערט וואס ר' שלמה'לע האט געפראוועט, האט ער זיך געטראפן זיין פינטעלע ייד, און אויפגעשטעלט ליכטיגע יידישע דורות.
אה, און איך קען נישט קיין איין תימנ'ע משפחה וואס סאטמארע רב'ס מענטשן און מוסדות האבן געראטעוועט, מיינט דאס אז ס'איז נישט געשעהן? (אדער אפשר איז דאס טאקע נישט געשעהן...)
חז"ל פסק'נען שוין אז "לא ראינו אינו ראיה".
הצלחה.

[הקטן]

בכלל, די מישג פין בעל תשובה מיז נישט מיינען אז יענער איז געווען עפעס א מאכיל נבליות וטרפות
אויב האסטו שוין אמאל געהאט אן התערות תשובה אמאל נאכן זינגען א ווארעמע נפשי כמים ליבך ביסטו פין ר שלמה'ס בעלי תשובה
איך ווייס איך בין!