וועקער מעגא-נומער פאר פסח תשע"ח איז דא!

[גדליה]

איך האב זיך נישט געקענט איינהאלטן און דורכגעליינט אין איין אטעם דעם שיללער אינטערוויו. איך בין ממש ארויס פון התפעלות. איך האב עטליכע הערות און איך וויל בעטן דעם שרייבער ער זאל ביטע עפענען א אשכול וואו איך וועל אים קענען אפגעבן מיינע דאנקען און הערות.

[שאולדיספריםפאקער]

למעשה האב איך היינט געקויפט צוויי שטיק ביי טובי איינס פאר מיר און איינס פאר א חבר מיינע וואס איך ווייס וואלט הנאה געהאט דערפון
טובי זאגט אז דער עולם קויפט עס אין די מאסן

[נולד מאוחר]

כמיין סאיז צייט צי קויפען סטאקס אין דיר וועקער.

[אונטער חכם]

מען קען נאך נישט קויפן קיין סטאקס ווילאנג דער וועקער גייט נאך אויפן אלטן אויסגעטראטענעם וועג המקובל לנו מאבותינו צו זאגן אלע מיני ווערטער 'דער עולם צוכאפט עס' 'די מערסט פארקויפטע וועקער ' וכו' וכו' נאר ח"ו נישט ארויסצוזאגן דעם נומער וויפיל עס איז פארקויפט געווארן.

[גדליה]

כ'מיין ס'איז נישט אזא גרויסע נפקא מינא וויפיל קונים וועקער האט, די עיקר אז יעדער מענטש וואס קויפט דער וועקער איז געגאנגען במחשב תחילה, געמאכט א סוירטש, געפינען אויף עמעזאן, ארויסגענומען 8-9 דאלער פון טייסטער, און דערלאנגט כדי צו קריגן דעם וועקער דעליווערט א צוויי טאג שפעטער. דאס איז נישט א מאגאזין וואס מ'האט געטראפן אויף די פאליצע אין געשעפט ביים מאכן די פסח ארדער און אריינגעשמיסן אין איבערגעפילטע וועגעלע צוזאמען מיט א טוץ אנדערע מאגאזינען, בלויז צו ווערן ארויסגעווארפן חול המועד. עס זענען דא אפילו אידן וואס דארפן מאכן כל מיני תחבולות צו איינקויפן אדער פארשאפן דעם וועקער און עס באהאלטן פון די בני בית, און זיי טוען דאס ווייל דער וועקער איז זיי וויכטיג. טרעף מיר איין איינציג אידישע מאגאזין וואס וואלט געקענט פארקויפן מער ווי פופצן שטיק אן דעם וואס עס זאל ליגן אויף א פראמינענט ארט אין גראסערי און ווערן אדווערטייזט אין ריזיגע שרייעדיגע קאלירן.
ווי פלעגט דער רבי זי"ע זאגן? ס'איז מיר גענוג א מנין אידן, אבער די צען אידן זאל זיין מיינס אינגאנצן.

[אויסער געווענדליך]

מען קען נאך נישט קויפן קיין סטאקס ווילאנג דער וועקער גייט נאך אויפן אלטן אויסגעטראטענעם וועג המקובל לנו מאבותינו צו זאגן אלע מיני ווערטער 'דער עולם צוכאפט עס' 'די מערסט פארקויפטע וועקער ' וכו' וכו' נאר ח"ו נישט ארויסצוזאגן דעם נומער וויפיל עס איז פארקויפט געווארן.

געווענדליך שרייב איך נישט אנליין, אבער.......

און ווען ער זאגט יא א נומער וועסטו גלויבען? און די אנדערע נומערס וואס אויסגאבעס גיבען אויס זענען עפעס קראנט?
אלזא, לאמיר מחליט זיין אויף א נומער, און דאס זאגען. 500 א חודש איז דיר גוט? אפשר טויזענט? אדער גאר 1200? נעם דיר א נומער און זיץ רואיג.

[אונטער חכם]

נו, דער וועקער איז דאך נישט ווי די אנדערע אויסגאבעס , אין די אלגעמיינע וועלט דאכט זיך, קען מען יא וויסן וויפיל שטיק עס פארקויפט זיך פון א אויסגאבע.

נ.ב. איך האב נישט קיין טענות אויף קיינעם, איך בין פשוט נייגעריג צו וויסן דעם נומער.

[[NAMELESS]]

מיין וועקער איז נעכטן אנגעקומען. וואס זאל איך ענק זאגן, וויי וויי וויי... אזא סטראלאמעטשע! א פראכט פון א וועקער.
דער ראדימנער פראצעס איז ארויסגעקומען אלץ א יופי. שכח ראובן!

[ברוך בער]

דורכגעליינט דעם ר' שמואל ווידער באשרייבונג, (קעפל דער סאטמארער גענעראל אויפן דעקל און פראפאגאנדע מיניסטער אינווייניג, זעט אויס היינו הך) דער ארטיקל איז א האום ראן אין יעדן הינזיכט. א ביאגראפיע פון א מענטשליכן מענטש מיט אלע פאקטן ללא כחל ושרק אן פארדעקן אדער קאווערן איינזייטיג סיי וועם, עפעס וואס עקזיסטירט נישט בכלל ביים היימישן ציבור דערווייל, ווי אויך א שטיק היסטאריע. הלואי האבן מיר מער אזאנע אנשי שם סטיל ארטיקלען.

[חד גדיא]

גרייט פאר יו"ט

[אונטער חכם]

אין וויליאמסבורג קען מען עס קויפן ערגעץ?

[[NAMELESS]]

אונז קען מיר נישט אפפארדען די אלע אויסגאבעס אויף יו"ט. האמיר מחליט געווען אז מ'קויפט איינס פאר טאטי, איינס פאר מאמי, און איינס פאר די קינדער.

[וויליאמסבורגער]

הלילה הזה כולנו מסובין

[דער דאס]

באקומען אין וואטסעפ.

[זבולון]

איך האב היינט געקויפט דעם וועקער, שיינט צו זיין אן אויסערגעווענליכע שיינע פובליקאציע, נישטא קיין ווערטער צו באשרייבן.

ליידער, מריבוי טירדות הזמן ואפס פנאי האב איך נישט די זכיה להיות חלקי בין חברים שנמנו לדבר מצוה.

עס פריידט דאס הארץ צו זעהן, אז אידיש און אידישקייט לעבט און בליהט, און עס ווערט פלאץ פאר אייגנראטיגע און פאסיגע אידישקייט.

[חסיד פון ליטא]

מיין וועקער איז ב"ה אנגעקומען, ס'איז א פארגעניגען צו זעהן צו וואסארא שטאפלען אונזער וועקער'ל האט זיך ארויפגעדראפעוועט.

אין מיינע וויעסטע חלומות וואלט איך נישט פארגעזאגט אזא סוקסעס פאר דעם אויסגאבע.

דאס ווייזט שוין איינמאל אז עס איז פארהאן א היבשע דראנג און אונזערע ווינקלען צו פארברייטערן פארשטאנד, קענטעניס, אויפריכטיגקייט, אביעקטיווע בליקן וכולי.

איך געדענק נאך ווען איך בין געווען דער ערשטער צו אנצינדן דעם פייער ווען כ'האב פארגעשלאגן א געדאנק פון א וועכענטליך צעטיל בייגעלייגט מיט א דוגמא און פיקאסא האט עס געפאלן און האט איינגעשפאנט אדנירם ע"ה און פון דארט און ווייטער איז היסטארי.

די לעסען פונעם מעשה איז, מ'טאר קיינמאל נישט אינטערשעצן א געדאנק, אפילו אויב עס וועט נישט פארווירקליכט ווערן במלואו וועט אלעמאל זיין איינער וואס וועט דאס קענען ארומארבעטן אז ס'זאל זיין א סוקסעס.

פיקאסא!
ביזט ריזיג!

ראובן!
ביזט א מלאך אלו-הים!

זאל דער רבש"ע אז דאס זאל אנהייבן אריינברענגן ערענסטע הכנסות אז די עוסקים בצרכי ציבור באמונה זאלן באקומען שכרם הראוי!

[הוגה]

גמליאל שמילאוויטש זאל אויפמאכן אן אשכול איבער זיין דערציילונג. אז נישט וועל איך אים מוזן דאנקן דא.

[הוגה]

אויך הילל בן שחר.

[חיים ושלום]

ווי קויפט מען יעצט א וועקער אין ווילימסבורג??? כ'דארף עס עמערדשענסי!

[chosen people]

דא

[קורקלענד]

ערייכט.

[ימים ידברו]

איך שרייב נישט געווענדליך חול המועד, אבער.... נאך אזא וועקער... די באשרייבונגען פון מאיר שיללער מיט הרב שמואל אורבאך וויזניצער רבי ועל כולם הרב שמואל ווידער א ברכה צונאכען ועוד חזון אחר יו"ט להאריך......

[שטאפענע קאפעליטש]

ס׳איז אונז א פארגעניגען צו הערען אז ס׳גייט ווי מצה וואסער, נאך אלץ האבן אונז שרייבער פון שטיבעל א פריוואטע אינטערעסע אז די וועקער זאל זיך פארקויפען אין די מאסן להגדיל ק״ש ולהאדירה.

יעצט מיט א בקשה צו דיר, איך שטארב צו וויסן וויפיהל פארקויפן זיך, סאיז מיר זייער אינטערסאנט, קיין ספק אז די מערכת וועט אויך האבן א טובת הנאה, אז מענטשן עלען וויסן אז סהאט זיך פארקויפט אסאך עלען מענטשן האבן מער א טעם אין שיקן ארטיקלעך (אני בתוכם).

איך זעה נישט קיין סיבה דאס צו האלטן אזוי פריוואט, כאטש קען מען זאגן צווישען 300-500 וגו׳

איך בין נישט די ערשטע וואס בעהט צו הערען סארא מספר גייט. פליז זיי מוחל לאז אפ פונעם עקשנות אין געב ארויס