אנאליז אויף ביבי נתניהו'ס מהלכים אינעם טעגליכן געראנגל

[געוואלדיג]

היינט אין א זייער דראמאטישע אנטוויקלונג האט ביבי אין א אומגעווענליכן שריט, אויפגעדעקט פאר די וועלט, מדית ישראל'ס שפיאנאזש מעגליכקייטן מיט א קלארע פרעזענטאציע איבער איראן'ס נוקלעארע שריט און מעגליכקייטן.

פילע וואונדערן זיך מדוע ולמה? וואס איז יעצט? וואס וועט דאס אויף טוהן, און וואס איז דאס מגלה?

לאמיר אביסל אראפ לייגן מיין בליק אויף די זאכן,

אין פאליטיק איז דא א כלל: עס זענען נישט נישטא קיינע פריינד, עס איז פארהאנען געמיינזאמע אינטערעסן" ד.מ. אז אויב מיין לאנד און דיין לאנד וועלן האבן די זעלבע אינטערעס אין עפעס, וועלן זיי זיך ארומארעמען די הענט און טוהן די זעלבע, די בעסטע ביישפיל איז אמעריקא און רוסלאנד וואס זענען שוין בעצם בלוט שונאים צענדליגער יארן, אבער ביי די צווייטע וועלט מלחמה ווען מען האט געדארפט באזיגן דעם זעלבן שונא – דייטשלאנד – , האט מען געטיילט אינפארמאציע און אפילו פינאנצילע און מיליטערישע שטיצע און אינפארמאציע, און אזוי גייט דאס ווייטער און ווייטער, און באמת יעדע שריט פון יעדע לאנד אויפן אינטערנאציאנאלן ארענע דארף באטראכט ווערן מיט די בליק.

פאר איך וועל צונעמען די היינטיגע אנטוויקלונג וויל איך געבן א ביישפיל פון א אנטוויקלונג פון א וואך צוויי צוריק, וואס וועט דאס בעסער מסביר זיין, דאן האט מדינת ישראל באמבאדירט א איראנער מיליטערישע באזע אין סיריע מיט אומגעהויערע שאדן צו די בנינים און זייער מיליטערישע מאטריאל וואס עס איז דארט געווען און אפילו אויך מענטשליכע פארלוסטן פון איראנער סאלדאטן, די רעאקציע איז געווען פארשידנארטיג, סיריע און איראן האבן ווי פארשטענדליך עס שטרענג פארדאמט מיט די שארפסטע לאזונגען.

אמעריקא האט גלייך געמאלדן אז נישט זיי זענען געווען די אטאקירער אבער מדינת ישראל האט זיי געלאזט וויסן פריער, רוסלאנד האט שארף פארדאמט די אטאקע און זיך אפגערעדט היתכן מדינת ישראל האט זיי נישט געמאלדן פאראויס דערוועגן, איך וועל זיך באציהען און אפשטעלן אויף די רעאקציע פון אמעריקא און רוסלאנד צו פארשטיין וואס עס ליגט דארונטער.

אויבן אויף האבן ביידע לענדער אמעריקע און רוסלאנד דעם זעלבן אינטערעס אין סיריע – צו פארניכטן אייסעס- אבער אין רעאליטעט זענען זייערע אינטערעסן אינגאנצן אנדערש, אמעריקא'ס אינטערעס מיט זיך אריינמישן אינע סיריער ברידער קריג איז 1) צו פארניכטן אייסעס, 2) צו שטיצן זייערע אליאירטע די קורדישע רעבעלן, און דאס איז 3) כדי צו שאפן א ברייטע לאנד פאס צווישן איראן און אסאד קאנטראלירטע סיריע אז איראן זאל נישט האבן קיין יבשה דורכגאנג ביז צו אמעריקא'ס אליאירטע מדינת ישראל צפון גרעניץ.

דאגעגן רוסלאנד'ס אינטערעסן זענען 1) צו פארטרייבן אייסעס, כדי 2) צו באפעסטיגן זייער פריינד אסאד אויפן בענקל, כדי 3) ער זאל זיי ווייטער קענען לאזן האבן זייער איינציגסטע באזע אינעם מיטל מזרח ביי די סירישע ברעגעס פונעם מיטטעלענדישן ים.

און יעצט קומען מיר צו צו מדינת ישראל, זיי האבן גאר א אנדערע אינטערעסע, בעצם איז פאר זיי בעסער געווען די מצב פון פאר די ברידער קריג אין סיריע ווייל ביז דאן האבן זיי געוואוסט וואו זיי שטייען מיט סיריע אבער יעצט איז אלעס איין גרויסע איבערקערעניש, און זייער יעצטיגע זארג איז בעיקר אז איראן זאל זיך נישט באפעסטיגן נעבן זייער צפון גרעניץ און דערפאר באמבאדירן זיי אין סיריע צו אפהאלטן דאס פון געשעהן.

בעצם האבן סיי אמעריקא און סיי רוסלאנד נישט קיין פראבלעם דערמיט, נאר וואס יא, אמעריקא איז באזאגט אז מען זאל איהר נישט באשולדיגן מיט די אלע לופט אטאקעס נישט צו אויפרעגן מענטשן מבית אין אמעריקא און מבחוץ די אראבישע לענדער, און רוסלאנד איז באזארגט ווייל איראן זענען נאנט אליאירט מיט אסאד.

און יעצט וועלן מיר פארשטיין וואס דא איז געשעהן, אמעריקא האט געדארפט קלאר מאכן אז זיי זענען נישט קיין מלחמה ליב האבער און נישט זיי האבן אטאקירט, אבער זיי האבן צוגעלייגט אז מדינת ישראל האט זיי געמאלדן פון פריער צו ארויסברענגען זייער צוזאמען ארבעט.

רוסלאנד האט אין סיריע זייער פארגעשריטענע כלי מלחמה און לופט פארטיידיגונג כוחות און אפאראטן, און זיי האבן זיכער אויפגעכאפט אז די אטאקע קומט, מער פון דעם, זייט דעם יעצטיגן מדינת ישראל אויסערן מיניסטער אביגדור ליבערמאן וואס איז א רוסיש רעדנדער און געבוירערנער, האבן מדינת ישראל און רוסלאנד זייער נאנטע באציאונגען און מיטארבעט, און עס לייגט זיך אינגאנצן נישט אויפן שכל אז -אפילו לו יצוייר רוסלאנד האט נישט אליין אויפגעכאפט די אטאקע אז - מדינת ישראל האט זיי טאקע נישט געמאלדן,

בעצם האט נישט רוסלאנד קיין פראבלעם מיט די מדנ"י אטאקעס ווייל זיי זענען רובם ככולם אויף איראנער קרעפטן און נישט געצילט כמעט קעגן אסאד'ס כוחות, אבער היות וואס איראן און אסאד זענען אפיליאירט קען דאך אסאד האבן טענות צו פוטין אז דו האסט יא געוואוסט פאר וואס האסטו מיר נישט דערציילט פריער, דערפאר דארף רוסלאנד זיך מלומרשט בייזערן היתן מדנ"י האט זיי נישט פארציילט, אבער עס מיינט גארנישט ערנסט און גארנישט האט זיך געטוישט פון פריער, און דאס ברענגט ארויס ווי אין אויסערן פאליטיק טוהט מען איין זאך אבער מען האט אינזינען גאר עפעס אנדערש, א בחינה ווי די טאכטער זאג איך און די שנור מיין איך.

יעצט קומען מיר צום היינטיגן געשעהניש, פילע האבן טענות אויף וואס ביבי האט געטוהן, בפרט אז די לענדער ווי ענגלאנד פראנקרייך און דייטשלאנד וואס זיי זענען די וואס פארטיידיגן שטארק די אפמאך מיט איראן האבן אויך יעצט נאך ביבי'ס אויפדעקונג נישט געטוישט זייער מיינונג איבער דעם דיעל, און אויב אזוי מה הועיל ביבי בדרשתו, אבער זיי פארפאסן די עיקר נקודה, ביבי'ס כוונה איז אינגאנצן נישט געווען זיי צו טוישן, ער קען זיי שיוין היינט זייער גוט און ער ווייסט אז זיי וועלן נישט טוישן זייער מיינונג, זיין כוונה איז געווען גאר עפעס אנדערש, היות טראמפ דארף אום מאי 12 נאכאמאל באשטעטיגן אדער אפווארפן דעם נוקלעארן דיעל, און טראמפ וויל בכל כוחו עס אפשאפן, נאר ער דארף א ריכטיגע סיבה דערצו און ביז היינט האט ער נישט געהאט דעם "זעהסט איך האב דיר געזאגט" תירוץ זיך צו מסביר זיין, אבער יעצט האט ביבי איהם דאס צוגעשטעלט אויף א גאלדענעם טאץ, און זיכער מיט זיין גוטהייסונג, נעמענדיג אין באטראכט דעם פאקט אז זיי האבן ערשט נעכטן גערעדט טעלעפאניש, און אז סעקרעטערי אוו סטעיט מייק פאמפעיאו האט נאר נעכטן באזוכט דארט.

[וואלווי]

דארט ווי ס'דא תורה איז דא חכמה....

[איסר האטלקי]

כ'האב געטראכט צו שרייבן ענליכע דיבורים, איך גלייב אבער ענדערש אז עס איז געוווען א סראשע פאר איראן, וואס ציטערט אז ביבי זאל נישט ארויסגעבן די סודות וואס ער האט נאכנישט ארויסגעגעבן וואס עס טוט זיך אפ אין די לעצטע דריי יאר. אויב געסטו צוריק אויף די היינטיגע אטאקע אין סיריע, געב איך ארויס אלע סודות.....

[יאסל ראקאווער]

.

[ליטוואק פון בודאפעסט]

איך קוק עס אן אנדערש. טאמער טראמפ ׳ווארפט אראפ׳ דער איראנער דיל, וועט עס ווייניגער שאטען איראן ווי אמעריקא. די אירופעאישע לענדער זענען קאטעגאריש קעגען אמעריקא אין דעם, און די סאנקציעס וועלען ווייניג שאטען פאר איראן.

דאס אנפייפען די וועלט איז לדעתי נישט אזא קלוגע שריט.

מסתבר איז אבער, אז עס ליגען נאך באהאלטענע זאכען אונטער די קוליסען. אפשר איז טראמפ גענוג גלויביג אין זיין כח צו מאכען סאנקציעס, און ער האט געשיקט זיין שמש ביבי צו האלטען די דרשה.

Sent from my LG-K373 using Tapatalk

[הקטן]

איך קוק עס אן אנדערש. טאמער טראמפ ׳ווארפט אראפ׳ דער איראנער דיל, וועט עס ווייניגער שאטען איראן ווי אמעריקא. די אירופעאישע לענדער זענען קאטעגאריש קעגען אמעריקא אין דעם, און די סאנקציעס וועלען ווייניג שאטען פאר איראן.

דאס אנפייפען די וועלט איז לדעתי נישט אזא קלוגע שריט.

מסתבר איז אבער, אז עס ליגען נאך באהאלטענע זאכען אונטער די קוליסען. אפשר איז טראמפ גענוג גלויביג אין זיין כח צו מאכען סאנקציעס, און ער האט געשיקט זיין שמש ביבי צו האלטען די דרשה.

Sent from my LG-K373 using Tapatalk

נאך וואס אמעריקא גייט ארויס פין דעם דיעל, קען איראן גיין צוויי וועגן

א. אנגיין אזוי וואו ביז היינט, און זיך נישט מער צילאזען - און דעם פאל, האט אמעריקע גארנישט קאליע געמאכט מיט ארויסגיין! אויב עפעס האבן זיי נאר פארדינט, זיי זענען נישט פארפליכטעט צי די אפמאך און וועלן ווייטער ציריק גיין צי די אלטע מעדאדען פין שטערן איראן אין נישט דערלאזאן אז זיי זאלן ווערן א ניאקלירע מאכט נאך 7 יאר וכו'

ב. איראן וועט אויך אויפגעבן דעם דיעל, און אנפאנגען בויען איר נאקליערע מאכט בריש גלי - דאס וועט צווינגען די אירופעאישע לענדער צו מאכן א פרישע פארהאנדלונג מיט איראן, א דיעל וואס טראמפ קען אויך סיינען.

[איסר האטלקי]

איך קוק עס אן אנדערש. טאמער טראמפ ׳ווארפט אראפ׳ דער איראנער דיל, וועט עס ווייניגער שאטען איראן ווי אמעריקא. די אירופעאישע לענדער זענען קאטעגאריש קעגען אמעריקא אין דעם, און די סאנקציעס וועלען ווייניג שאטען פאר איראן.

Sent from my LG-K373 using Tapatalk

פארוואס וועלן סאנקציעס ווייניג שאטן? שווערע סאנקציעס שפירט מען גוט. אפילו די לענדער זענען נישט מודה אז ס'טוט וויי.

[ליטוואק פון בודאפעסט]

ווען אמעריקא שטייט אליינס אין איהרע סאנקציעס, וועט עס נישט צו פיהל שאטען פאר איראן. נאר צוזאמען מיט אנדערע לענדער קען עס עפעס אויפטוהן. און דעריבער האט אבאמא געמוזט נאכגעבען געוויסע זאכען אין זיין דיעל. דער גאנצע ׳אמעריקא פירסט׳ איז א דמיון, מיר לעבען אין איין וועלט מיט אנדערע, און מיר ליידען ווען די וועלט ליידט.

גערעכט אז די איראנער קענען נישט טוהן וואס זיי ווילען, ווייל די אירופעער זענען אויך נישט אנציקט מיט א נוקליער איראן, אבער יעצט וועט מען זיין אין א מצב אז אמעריקא האט נישט וואס אריין צו רעדען אין די אפמאך. טאמער זיי זענען גרייט איבער צו געבען אמעריקא׳ס אויסלענדישע פאליסי פארהאנדלונג צו אנדערע לענדער, וועט עס מעגליך זיין בעסער, אבער נישט אין איינקלאנג מיט די רעכטער לאגער׳ס נאכאנאנדיגע טענה אויף אבאמא.

Sent from my LG-K373 using Tapatalk

[הקטן]

ס'איז נישט אין איראנס בעסטע איטערעסן און זיכער נישט אירופעער'ס בעסטע אינטערעסע צי לאזן אמעריקע אינדרויסן
סיי וואספאר אפמאך אן אמעריקע וועט נישט האלטן, און אלע ווייסען דאס

[ליטוואק פון בודאפעסט]

יא, אבער קיינער איז נישט דא קיין מושל בכפה צו א דן יחידי. יעדער זאך האט א פרייז, און מ׳דארף עס אויסארבעטען. וועגען דעם אז צו פרי אפצופסקנ׳ן די מעשה.

Sent from my LG-K373 using Tapatalk

[הקטן]

די מהלך פין טראמפ איז צי שפילן לויט די יסודות פין Game_theory בשעת אנדערע דיפלאמאטען שפילן דיפלאמע
דאס איז אויך די סיבה וואס נארט-קאריע ריקט זיך פאראויס

דא קימט נישט אריין מושל בכיפה צי נישט.


איך האב נאך נישט געליינט די ארט-אפ-דע-דיעל, אבער אזוי לייגט זיך מיר דאס

[בן ישי]

לויט ווי איך האב פארשטאנען פון ביבי'ס פרעזענטאציע נעכטן זענען די אלע אינפארמאציע וואס ער האט געוויזן נאך פון פאר זיי האבן געסיינט די דיעל, אויב אזוי ווייזט דאס נישט אז זיי פאלגן נישט אויס די דיעל (כאטשיג וואס איך פארשטיי אליינס אז זיי פאלגן נישט) קומט אויס אז ס'איז לכאורה נאר געווען אביסל פראפעגאנדע פאר טראמפ וואס דארף נישט שטומען.

[הקטן]

לויט ווי איך האב פארשטאנען פון ביבי'ס פרעזענטאציע נעכטן זענען די אלע אינפארמאציע וואס ער האט געוויזן נאך פון פאר זיי האבן געסיינט די דיעל, אויב אזוי ווייזט דאס נישט אז זיי פאלגן נישט אויס די דיעל (כאטשיג וואס איך פארשטיי אליינס אז זיי פאלגן נישט) קומט אויס אז ס'איז לכאורה נאר געווען אביסל פראפעגאנדע פאר טראמפ וואס דארף נישט שטומען.

א חלק פין די דיעל איז געווען אז זיי דארפן זיין אפען מיט וואס זיי האבן און דא האט ער מגלה געווען וואס זיי האבן (געהאט) און קיינמאל נישט מודה געווען. וואס דאס זעלבסט איז א פארלעצאנג פין דעם דיעל!

[בן ישי]

לויט ווי איך האב פארשטאנען פון ביבי'ס פרעזענטאציע נעכטן זענען די אלע אינפארמאציע וואס ער האט געוויזן נאך פון פאר זיי האבן געסיינט די דיעל, אויב אזוי ווייזט דאס נישט אז זיי פאלגן נישט אויס די דיעל (כאטשיג וואס איך פארשטיי אליינס אז זיי פאלגן נישט) קומט אויס אז ס'איז לכאורה נאר געווען אביסל פראפעגאנדע פאר טראמפ וואס דארף נישט שטומען.

א חלק פין די דיעל איז געווען אז זיי דארפן זיין אפען מיט וואס זיי האבן און דא האט ער מגלה געווען וואס זיי האבן (געהאט) און קיינמאל נישט מודה געווען. וואס דאס זעלבסט איז א פארלעצאנג פין דעם דיעל!

אקעי אבער נישט אזוי שטארק ווי אויפווייזן אז זיי ארבעטן נאך אלץ

[נקודת-אמת]

דאס איז א המשך פון די קאנספיראציע פון די new world order?

[cictim]

אויבן אויף האבן ביידע לענדער אמעריקע און רוסלאנד דעם זעלבן אינטערעס אין סיריע – צו פארניכטן אייסעס- אבער אין רעאליטעט זענען זייערע אינטערעסן אינגאנצן אנדערש, אמעריקא'ס אינטערעס מיט זיך אריינמישן אינע סיריער ברידער קריג איז 1) צו פארניכטן אייסעס, 2) צו שטיצן זייערע אליאירטע די קורדישע רעבעלן, און דאס איז 3) כדי צו שאפן א ברייטע לאנד פאס צווישן איראן און אסאד קאנטראלירטע סיריע אז איראן זאל נישט האבן קיין יבשה דורכגאנג ביז צו אמעריקא'ס אליאירטע מדינת ישראל צפון גרעניץ.

דאגעגן רוסלאנד'ס אינטערעסן זענען 1) צו פארטרייבן אייסעס, כדי 2) צו באפעסטיגן זייער פריינד אסאד אויפן בענקל, כדי 3) ער זאל זיי ווייטער קענען לאזן האבן זייער איינציגסטע באזע אינעם מיטל מזרח ביי די סירישע ברעגעס פונעם מיטטעלענדישן ים.

ביידע לענדער, אמעריקע און רוסלאנד, האבן דעם זעלבן אינטערעס אין סיריע – צו ווייזן פאר די וועלט ווער עס איז אמת'דיג באלעבאס.
די אמצעים וואס זענען מקדש די מטרה אינעם סיריער ברידער קריג - אמעריקאנע צד:
1) צו פארניכטן אייסעס, 2) צו שטיצן זייערע אליאירטע די קורדישע רעבעלן, און דאס איז 3) כדי צו שאפן א ברייטע לאנד פאס צווישן איראן און אסאד קאנטראלירטע סיריע אז איראן זאל נישט האבן קיין יבשה דורכגאנג ביז צו אמעריקא'ס אליאירטע מדינת ישראל צפון גרעניץ.

דאגעגן רוסלאנד'ס אינטערעסן זענען 1) צו פארטרייבן אייסעס, כדי 2) צו באפעסטיגן זייער פריינד אסאד אויפן בענקל, כדי 3) ער זאל זיי ווייטער קענען לאזן האבן זייער איינציגסטע באזע אינעם מיטל מזרח ביי די סירישע ברעגעס פונעם מיטטעלענדישן ים.
אבער ביידע ווילן געוועלטיגן איבער די וועלט, אמעריקע מיט די דעמקראטישע אגענדע, צוזאמען מיטן פאוביע אז די וועלט גייט אונטערגיין אויב מ'לאזט צו די אנדערע צד. און רוסלאנד, מיטן קאמינוסטישן תירוץ מעג זיך באפריינדן מיט די גרעסטע טעראריסטען אזוי ווי אסאד מיט איראן, ווען די עיקר כוונה איז נאר איבער צונעמען מאכט פון די וועלט.

[[NAMELESS]]

דארט ווי ס'דא תורה איז דא חכמה....

תרתי משמע.

[כלבאשבוע]

יא, אבער קיינער איז נישט דא קיין מושל בכפה צו א דן יחידי. יעדער זאך האט א פרייז, און מ׳דארף עס אויסארבעטען. וועגען דעם אז צו פרי אפצופסקנ׳ן די מעשה.

Sent from my LG-K373 using Tapatalk

אויב אמעריקא איז ארויס פונעם דיל און לייגט סאנקציעס וועט עס שאטן פאר די אייראפעער, זיי וועלן נישט קענען געהעריג טון ביזנעס מיט איראן און אייראפער ביזנעס וועלן נישט איינשטעלן ארויפצוגיין אויף אמעריקאס שווארצע ליסט

[cictim]

https://www.youtube.com/watch?time_cont ... 2YJtbKOpIQ

[קורקלענד]

בּיבּי האט פארגעשטעלט זייער א שיינע און איבערנעמענדע פרעזענטאציע. אבער אויב אנאליזירט מען מיט א גוטע בליק זעהט מען אז ער האט נישט פרעזענטירט קיין שום באווייזן אז איראן איז אקטיוו און פראגרעסירן פאר נוקלעארע וואפן. דאך אבער האט ער געזאגט אז זיי ארבעטן ווייטער אויף נוקלעארע וואפן, אויפגעוויזן האט ער אבער נישט די פאקט. די אלע שיינע פאפירן און דיסקעס וואס ער האט פרעזענטירט זענען אלטע סחורה פון ווען מיר זענען אלע געווען קליינע קינדער, נישט קיין פרישע סחורה.

[געוואלדיג]

לאמיר ארויס ברענגען נאך עטליכע אספעקטן ארום ביבי'ס רעדע און אויפדעקונגען,

אסאך וואונדערן זיך אז בעצם אין די גאנצע רעדע האט ביבי נישט געברענגט אפילו איין הוכחה אז איראן איז ממשיך היינטיגע צייטן צו פראדוצירן א נוקלעארע באמבע, און ער האט עס אויך נישט גע'טענה'ט בכלל, און אויב אזוי וואס איז די גרויסע אויפדעקונג אז זיי פלעגן ארבעטן אויף אזא באמבע אויב זייט די דיעל איז נישטא קיין פרוף אז זיי ארבעטן ווייטער אויף זייער מיליטערישע נוקלעארע פראגראם,

ווי אויך לויט ווי איך האב אנאליזירט אז זיין מטרה איז נאר צו העלפן טראמפ צו ארויסציהען אמעריקא פונעם דיעל אבער נישט יוראפ, וואס טוהט דאס בכלל אויף? אמעריקא איז ס"ה איין לאנד פון פילע אנדערע וואס בלייבן יא אינעם הסכם.

נאר א קלוגער איד האט מיר אמאל געזאגט אז א מענטשנס חתימה האט אזוי פיל ווערד ווי דער מענטש אליין, דהיינו אויב איז יענער א ווארטס מענטש איז זיין חתימה אויך עפעס ווערד, אבער אויב איז יענער א באטריגער און א ליגנער און זיין ווארט איז א ווארט און טאקע גארנישט מ,ער דאן איז זיין חתימה נאר ווערד לויט וויפיל טינט עס פארמאגט.

ביבי האט אינעם גאנצן שמועס געצילט אויף איין אייינציגע נקודה, איראן זענען פאלנע שקרנים פונעם ערשטן מינוט אן, און ביזן היינטיגן טאג פארפירן זיי די וועלט מיט ליגנטס, און אשר על כן, חוץ פון דעם וואס אויב מיינט זייער ווארט גארנישט, דאן קען מען זיי נישט טראסטן ווען זיי זאגן אז זיי האלטן איין די הסכם און אז אלעס וואס זיי ווייזן איז טאקע אלעס וואס זיי פארמאגן, אבער עס גייט נאך ווייטער פון דעם ווייל איינע פון די יסודות פון די דיעל איז געווען אז כדי די דיעל זאל אריינגיין אין קראפט האט איראן געדארפט דערקלערן אלע אירע נוקלעארע איינריכטונגען און פראגראמען, און די נעכטיגע פארשטעלונג האט געצייגט קליפ און קלאר אז זיי האבן דאס נישט נאכגעקומען און אויב אזוי איז די גאנצע דיעל בטל מעיקרו., ער דארף שוין נישט אויפווייזן אז איראן האלט נישט איין דעם דיעל ווייל זיי האבן עס פארלעצט נאך פאר דאס אונטערשרייבן.

בנוסף צו דעם איז קלאר אז פילע פילע דאקומענטן זענען נישט געווארן פאבליק, און אונז ווייסן נישט צו עס איז נישטא דארט מער פרוף אפשר אפילו אויך אויף היינטיגע טעג.

יעצט לגבי סאנקציעס דארף מען אין באטראכט נעמען אז דערווייל איז אמעריקא נאך די גרעסטע עקאנאמיע אין די וועלט, און ווען אמעריקא רוקט זיך ארויס פון א דיעל ווערט עס אינגאנצן צושאקלט, אפגערעדט אויב אמעריקא לייגט צוריק די סאנקציעס וואס אפילו אויב נאר אמעריקא וועט דאס לייגן, וועט איראן'ס שוין יעצט שווער וואקלדיגע עקנאמיע גיין אינגאנצן פייפן, ווייל געווענטליך זענען סאנקציעס נישט נאר אויף יענע ספעצעיפישע לאנד נאר אויך אויף אלע וואס טוהען ביזנעס מיט זיי, און מען קען זיכער זיין אז ווען א ביזנעס דארף אויסוועלן צווישן אמעריקא מיט איראן איז די אויסוואל זייער קלאר.

[ליטוואק פון בודאפעסט]

אמעריקאנער זענען אזוי קיוט, מיט זייערע טענות קעגען שקר. וואס האסטו געמיינט, אז א רעגירונג זאגט אמת? איראן׳ס זייענדיג שקרנים איז גאר נישט עפעס ניי. דאס האט מען דאך אגאנצע צייט געוואוסט. און אזוי זענען די אמעריקאנער, די איזראעליס, די יוראפע׳ער און די כינעזער. רעגירונגען זאגען ליגענט, אזוי קומט עס. זיי זענען נישט עפעס רעליגיעזער פיהרערס וואס מיר האבען א רעכט צו פאדערען מאראלישקייט.

Sent from my LG-K373 using Tapatalk

[בן ישי]

קודם צוויי יסודות:
1 - יעדער ווייסט אז יעדער רעגירונג זאגט ליגנט, אין אוודאי ווען מ'רעדט וועגן די רעגירונגס סודות ווי זייער נוקלער, אין אוודאי ווען מ'רעדט פון די איראנער רעגירונג.
2 - ווען מ'האט קלארע ראיות אז די רעגירונג האט געזאגט ליגנט איז עס א שטארקע זאך אפילו מ'האט געוויסט פון פריער.
יעצט דורך די נעכטיגע דרשה האט מען קלאר געזעהן אז זיי האבן געזאגט ליגנט, אבער ס'נאכאלץ נישט אזוי שטארק ווי ווען ער וואלט געקענט קלאר ווייזן אז זיי האבן ווייטער געארבעט דערויף. וואס אפילו אונז ווייסן דאס שוין ווייל יעדער ווייסט אין נאכמער מ'האט שוין אפילו אויפגעוויזן אז זיי האבן געזאגט ליגנט. אבער ס'וואלט געקענט זיין נאך שטערקער.