אמאליגע מוזיק ארעינדזשערס

[חאצקל]

רוב וואס זענען אינטרעסירט אין מוזיק ארעינדזשערס, זענען דער עיקר באקאנט מיט די פונקציונירדע ארעינדזשערס ווי מונה, לאופר, לאם רובי, שוע, יובל, סוקי, וכו'
אבער מיט די ארעינדזשערס פון די אלטע און אור אלטע טעיפס מיט דעם זענען שוין זייער ווייניג באקאנט.
אלזא, לאמיר זיך אנהייבן באקענען מיט די אמאליגע ארעינדזשערס, ווער ס'זענען געווען די באקאנטע, און ווער ס'שפילט אויף פאפולערע טעיפס פון אמאל

איך אליין בין אויך זייער ווייניג באקאנט מיט די אמאליגע ארעינדזשערס, איך וועל דערמאנען עטליכע ממש לעצטיגע וואס קען זיין זיי זענען נאך אין פונקציע:
נחמן קליין (איך האב געווארט, לכל זמן [האפסי א שמייכל]); הערשי לעבאוויטש (ניגוני ווערצבערגער: מעין עולם הבא [פול פילהארמאנישע ארקעסטרא], מגילת אסתר מיט געזאנג [קוקט אויס וואן מען בענד]); וולאדימיר חפץ (ארעינדזשט פאר דוד וורדיגר עטליכע טעפס צווישן זיי "אין חדר אריין"; פאר בן ציון שנקר ניגוני מאדזיץ; פאר נח"ח טעיפ נומער 5).

דאס איז וואס ס'ליגט מיר אין קאפ פון די גאר לעצטיגע ארעינדזשערס. ווי זיי וואוינען, און וואס נאך זיי האבן ארעינדזשט ווייס איך נישט.

וואס קענט איר צו לייגן איבער די דערמאנטע ארעינדזשערס, און בכלל וועלעכע נאך גוטע ארעינדזשערס פון אמאל ווייסט איר, און בפרט די אור אלטער ארעינדזשערס, ווי פאר די חזנות טעיפס פון יאסעלע א.ד.ג.

[גלות יוד]

עס איז דא חנן וינטרניץ די ערשטע מאל כ'האב אים געהערט האב איך געזאגט יא ער הערט זיך ממש ווי מונה כ'האב טאקע שפעטער געליינט אין א אינטערוויו מיט מונה אז ער האט אסאך קונה געווען פון אים איך האב נישט יעצט א טעיפ ווי ער האט אררענזשד

[גלות יוד]

איך האב מיך דערמאנט א טעיפ פון סערט וויזשניץ הנא אנוכי א הערליכע טעיפ

[ונבנתה העיר]

און בפרט די אור אלטער ארעינדזשערס, ווי פאר די חזנות טעיפס פון יאסעלע א.ד.ג.

שמעתי אז יאסעלע האט אליין געשריבן די מוזיק.

[שמעקעדיג]

איך בין גראדע משוגע פאר הערשי לעבאוויטש. עכ"פ בשעתו איז ער געווען א מעסטער פיעס.
ער האט כמעט געמאכט א באזונדערע ניגון פאר די מוזיק, וואס האט שיין צוזאמענגעבלענדט מיט די זינגערס.
אין דעם קינדער טעיפ "עם סגולה" האט ער אויך געמאכט א ביוטיפל דזשאב. הלואי ווען איך קען מיר פארשאפן דעם טעיפ/אלבום.
מעין עוה"ב און והערב נא פון די ווערצבערגערס הער איך נאך היינט, און איך ווער נישט נמאס, סיי פון די זינגערס, סיי די מוזיק. ביידע זענען הערליך שיין לענ"ד.

[חאצקל]

ווייסט קיינער נישט מער פון אלטע ארעינדזשער'ס?

[קווארטין]

אוי, כ'דארף זיך מער דרייען דא, עטליעסט צו לייענן פון ר' חאצקל'ן. חאצקל יו אר די בעסט.

יעצט צום ענין. איך ווייס אויך נישט צופיהל, כ'ווייס פון "יאסעף רומשינסקו", וואס איז געווען א דזשיניעס ארענדזשער אין די אנהויב ניינדיס, ער האט אויך אררענדזשט פאר חזן יאסעלע ראזענבלאט. אין זיין בוך שרייבט ער אפאר אינטערעסאנטע אנקעדאטן וואס ער האט געהאט מיט יאסעלע.

דאכט זיך מיר אז מרדכי'ס פעמעלי פלעגט אים אררענדזשען אין זיינע ערשטא אלבומ'ס, אזוי שרייבט ער אויף זיין אלבום, דאכטזיך מיר ס'הייסט "כוכבים".

אויך, אויב קאניך גוט נאכזאגן זיין נאמען "אלכסנדר אלשינעטזקי", ער פלעגט אויך אררענדזשן פאר חזנים, און אויף די אמאליגע "מאוויס", א שטייגער ווי משה אושר און דאכט זיך מיר אויף "טעביע דער מילעכיגער", אוי זענען דאס געווען מוזיק אררענדזשערס.

דאכט זיך מיר אז די אמאליגע קלעזמערס "סטארס", א שטייגער ווי "נפתלי בראנדוויין" און "דעווע טערעס" האבן אליינס אררענדזשט.

"זאוועל זילבערט" פלעגט אררענדזשן פאר "חזן זאנוויל קווארטין".

מ'קען מאריך זיין, המשך יבוא.

[חאצקל]

א גרויסן דאנק אייך הער קווארטין פארן בארייכערן דעם אשכול מיט רייכע אינפארמאציע איבער אמאליגע ארעינדזשערס, איר ברענגט דערמיט ארויף דעם ניווא פונעם אשכול.
איך ווארט ווייטער צו הערן דא פון אייך.

[שמעקעדיג]

ביידע טעיפס (אלבומ'ס?) מעין עוה"ב און והערב נא, ליגן ביי מיר אין קאמפיוטער, און איך הער זיי עוורי-נאו-ענד-דהען.
די "שבת ליד"! צוגייט דאך אין אלע אברים, דער ניגון, דאס אינגעלע, די מוזיק....
דער הערשי לעבאוויטש איז גוטע סחורה.
ווי שוין דערמאנט, אויפן קינדער טעיפ "עם סגולה" איז אויך ער דער מוזיק אראנזשירער, ווי אויך אויף "מגילת אסתר מיט געזאנג". הערליך הערליך.

איך בין גראדע משוגע פאר הערשי לעבאוויטש. עכ"פ בשעתו איז ער געווען א מעסטער פיעס.
ער האט כמעט געמאכט א באזונדערע ניגון פאר די מוזיק, וואס האט שיין צוזאמענגעבלענדט מיט די זינגערס.
אין דעם קינדער טעיפ "עם סגולה" האט ער אויך געמאכט א ביוטיפל דזשאב. הלואי ווען איך קען מיר פארשאפן דעם טעיפ/אלבום.
מעין עוה"ב און והערב נא פון די ווערצבערגערס הער איך נאך היינט, און איך ווער נישט נמאס, סיי פון די זינגערס, סיי די מוזיק. ביידע זענען הערליך שיין לענ"ד.

כ'ווייס ס'שוין 2 יאר שפעטער, אבער לא פג טעמו ולא נס ליחו, איך גיי נאך אלץ ניסלעך פאר דעם הערשי לעבאוויטש,
ווען אימער כ'הער זיינע מוזיק, טראכט איך מיר חבל אז היינטיגע צייטן איז נישטא אזא סארט.
כ'גלייך זיין וועג פון אראנזשירן + די נאסטאלגיע וואס עס ברענגט מיר.
בין איך טאקע דער איינציגסטער?

[[NAMELESS]]

פארוואס איז ער ארויס פון די ביזנעס?

[לך לך]

אלטר פראמאוויטש (טשערנאוויצער)