אמעריקע און צפון קארעא סאמיט אין סינגאפור

[קורקלענד]

טראמפּ'ס רעקאָרד זייט ער איז ארויף אויפן טראן, צייגט פארקערט ווי אייערע פאראויס-שאצונגען. לדעתּי זיכט ער ריעל בּיזנעס, ער וועט נישט אבערשפּילן דאס זעלבּיגע ווי קלינטאן האט געשפילט בּשעתּו. ונזכּה ונחי'. כאטש וואס ער איז א גרויסע עגויאיסט נעמט ער אויך אסאך כּבוד דורך אפּזאגן א דיעל ס'לעצטע סעקונדע, כּדרכּו בעבר.

[בן ישי]

טראמפ מיט זיין עגא וועט נישט קיין חילוק צו ער וועט יא האבן גרויסע אויפטוהענגען אדער נישט אייביג אנצייגן פארוואס ער האט געוואנען און געטוהן די בעסטע שריט מעגליך.
קים איז לכאורה גאנץ אנגעצויגן ווייל ער דערשטיקט זיך מיט די שווערע סאנקציעס און ער מוז פטור ווערן פון זיי ווי אומשנעלסטן, און טראמפ האט געסטראשעט אז דאס איז זיין איינמאליגע געלעגענהייט.
וועלן מיר זעהן יעצט וויפל שכל דער קים האט טאקע.

[סמבטיון]

למעשה וועט זיך עפעס טוישן אין זיין לאנד? וועלן די מענטשן דארט האבן מער רעכטן? איך גלייב אז די איינוואוינער דארט ווייסן אפילו נישט אז עס גייט פארקומען א זיצונג צווישן די צוויי פיהרער.

[קורקלענד]

למעשה וועט זיך עפעס טוישן אין זיין לאנד? וועלן די מענטשן דארט האבן מער רעכטן? איך גלייב אז די איינוואוינער דארט ווייסן אפילו נישט אז עס גייט פארקומען א זיצונג צווישן די צוויי פיהרער.

דאס איז איין גרויסער נפקא מינה ציווישן די מהלך פון טראמפּ ווס' זיינע פארגייער. ס'גייט איהם נישט אן וואספארא חיים טובים קים'ס בירגער האבּן דארט. זאל ער מיט זיינע מענטשן טוהן וויאזוי ער וויל. אונז האבן נישט וואס אריינצורעדן. ספּעציעל נאך וואס ס'ווייזט זיך שטארקער און שטארקער ארויס מידי יום ביומו וואספארא א.ג. דעמאקראטיע מיר פארמאגן אויפן אמעריקאנער באדן.

לדעתּי איז דעס איינער פון די עיקר סיבּות אז קים וועט זיך דא ליבערשט צושטעלן ווי בּיי אונזערע געוועזענע מושלים.

[טמיר]

למעשה וועט זיך עפעס טוישן אין זיין לאנד? וועלן די מענטשן דארט האבן מער רעכטן? איך גלייב אז די איינוואוינער דארט ווייסן אפילו נישט אז עס גייט פארקומען א זיצונג צווישן די צוויי פיהרער.

וועגן דעם האף איך אז עס זאל נישט ווערן א דיעל, אנשטאט זאל זיין א קריג. אמת עס וועט קאסטן לעבנס, אבער פיל מער לעבנס וועלן געראטעוועט ווערן אדער פארבעסערט ווערן

[קורקלענד]

אין איראַק, ליבּיע, תּימן, סיריע וכו' האט מען פּרובּירט מלחמה. וויפיל לעבנס האט עס פארבעסערט?

[רביה''ק זי''ע]

די מיטל מזרח איז אנדערש ווי קארעא, והא ראיה אז דרום קארעא איז בעסער ווי צפון.

[טמיר]

אין איראַק, ליבּיע, תּימן, סיריע וכו' האט מען פּרובּירט מלחמה. וויפיל לעבנס האט עס פארבעסערט?

וואס איז די פארגלייך? זיי זענען א נארמאל פאלק. נישט קיין מוסלים

[קורקלענד]

אפגעזען פון וואספארא פאלק זיי זענען האט אמעריקע נישט קיין שום רעכט צו אינטערווענירן און סיי וועלכע פרעמדע לאנד. שטעלט אייך פאר וויאזוי ס'קוקט אויס ווען רוסלאנד וואלט געקומען פירן מלחמות דא צוליב אונזער אומיושרדיגע יוסטיץ סיסטעם.

[איסר האטלקי]

טראמפ מיט זיין עגא וועט נישט קיין חילוק צו ער וועט יא האבן גרויסע אויפטוהענגען אדער נישט אייביג אנצייגן פארוואס ער האט געוואנען און געטוהן די בעסטע שריט מעגליך.
קים איז לכאורה גאנץ אנגעצויגן ווייל ער דערשטיקט זיך מיט די שווערע סאנקציעס און ער מוז פטור ווערן פון זיי ווי אומשנעלסטן, און טראמפ האט געסטראשעט אז דאס איז זיין איינמאליגע געלעגענהייט.
וועלן מיר זעהן יעצט וויפל שכל דער קים האט טאקע.

הייבט זיך נישט אן. טראמפ וועט נישט איינגיין אויף קיין פאלשער דיעל. ער איז א גראדער מענטש, ווילסט קומען צום טיש איז גוט, אז נישט זיי געזונט.

טראמפ וואלט געקענט אראפזעצן קים אסאך שנעלער און פריער מיט נארמאלערע אופנים, ער האט אבער נאר געוואלט ריעל ביזנעס, נישט קיין אובאמא דיעל.

[בן ישי]

טראמפ מיט זיין עגא וועט נישט קיין חילוק צו ער וועט יא האבן גרויסע אויפטוהענגען אדער נישט אייביג אנצייגן פארוואס ער האט געוואנען און געטוהן די בעסטע שריט מעגליך.
קים איז לכאורה גאנץ אנגעצויגן ווייל ער דערשטיקט זיך מיט די שווערע סאנקציעס און ער מוז פטור ווערן פון זיי ווי אומשנעלסטן, און טראמפ האט געסטראשעט אז דאס איז זיין איינמאליגע געלעגענהייט.
וועלן מיר זעהן יעצט וויפל שכל דער קים האט טאקע.

הייבט זיך נישט אן. טראמפ וועט נישט איינגיין אויף קיין פאלשער דיעל. ער איז א גראדער מענטש, ווילסט קומען צום טיש איז גוט, אז נישט זיי געזונט.

טראמפ וואלט געקענט אראפזעצן קים אסאך שנעלער און פריער מיט נארמאלערע אופנים, ער האט אבער נאר געוואלט ריעל ביזנעס, נישט קיין אובאמא דיעל.

האסט מיר נישט גיט פארשטאנען.
איך האב געענטפערט צו דעם וואס העניך זאגט - אז טראמפ איז אין א שוואכע פאזיציע ווייל ער וויל ווייזן אז ער האט אויפגעטוהן - אז ס'נישט אזוי, ווייל אפילו אויב ער וועט נישט מאכן קיין דילס וועט ער נאך אלץ ארומגיין מיט א אויפגעהויבענע קאפ ווייל וואס ער טוהט וועט ער אייביג מסביר זיין אז דאס אי די בעסטע שריט. ממילא אפילו פאר זיין עגא אויב איז ער נישט צופרידן מוז ער נישט שליסן קיין דילס

[בן ישי]

פון אידישער ווינקל


דורך: זונדל שאלאמאן
די וועלט שטייט מיט אן איינגעהאלטענעם אטעם, צו מיטהאלטן די אנטוויקלונגען איבער די היסטארישן סאמיט צווישן דער אמעריקאנער פרעזידענט דאנעלד טראמפ, און דער צפון קארעא טשעירמאן קים יאנג אן, וואס וועט פארקומען די וואך דינסטאג, אין סינגאפאר.
קים יאנג אן וואס האט א פאראניע אז מען וויל אים אפרוימען פון וועג – און פאר גענוג ריכטיגע סיבות – טוט אלעס אז עס זאל נישט קענען צושטאנד קומען. ער איז געקומען צו פארן מיט 3 אידענטישע פליגער’ס, און מיטגעברענגט אייגענע עסנווארג, אז מען זאל אים נישט פארגיפטן ערגעצוואו אונטערוועגנס. ווען קים איז אנגעקומען מיט זיין פמליא קיין סינגאפאר, איז ער אויפגענומען געווארן מיט גרויס כבוד דורך דעם אויסערן מיניסטאר פון סינגאפאר, וויויאן בלעקרישנאן, וואס האט אים גערייכט די הענט מיט עהרע.


אין די זעלבע צייט איז פרעזידענט דאנאלד טראמפ געפארן קיין סינגאפאר באלד נאכן G7 סאמיט וואו ער האט זיך ארומגעשלאגן מיט לענדער איבער די שטייערן, און נישט אונטערגעשריבן די געמיינזאמע רעזולאציע סטעיטמענט מיט אלע איבעריגע באטייליגטע אין די סאמיט. אין א פרעסע קאנפארענץ האט ער געזאגט “איך גלייב אז צפון קארעא קען פארוואנדלט ווערן אין א געוואלדיגע לאנד, אויב זאכן ארבעטן ווי געפלאנט”.
טראמפ האט נישט פארגעסן צו צולייגן “אויב איז ער נישט באלד ערנסט, וועל איך תיכף פארלאזן דעם ארט”. ער האט אויך געזאגט אז ער וועט ארויפברענגען אויפן טיש די מענטשן רעכט פארלעצונגען וואס קומען פאר אין קים’ס רעזשים.
דאס קומט נאכדעם וואס טראמפ האט דאנערשטאג געמאלדן אז ער קלערט פון לאדענען דעם דיקאטור פון צפון פאר א באזוך אין וואשינגטאן, אין פאל די סאמיט האט גוטע רעזולטאטן, און דאס איז ליבערשט ווי א באזוך אין זיין מאר-א-לאגא זומער היים אין פאלם ביטש, פלארידע.
ווי טראמפ האט דערקלערט, איז דער סאמיט נישט בלויז עפעס סימבאליש, נאר ער זוכט דא “תכלית”, צווישן זיי איז מעגליך אז מ’וועט דארט אונטערשרייבן אן אפיציעלע ענדע דעקלעראציע אויף די לאנג פארצויגענע צפון קריג. פארט ווייסט ער אבער אז זאכן געשעען נישט אזוי שנעל, און מ’קען נישט אלעס אויסגלעטן מיט איין זיצונג. “מיר קענען אונטערשרייבן צוערשט איין אפמאך, און שפעטער וועט נאכפאלגן די שווערערע טיילן” האט טראמפ געזאגט.

[הוגה]

איך האלט אז טראמפ איז אין א שוואכערער פאזיציע ווי קים, און די סיבה איז פשוט. טראמפ פגר'ט מיט עפעס אהיימצוקומען צו קענען ווייזן ווי געלונגען ער איז אלס א נעגאשיעיטאר. קים, ווידעראום, האט גארנישט צו פארלירן.

טראמפ דארף כבוד בשעת וואס קים דארף לחם לאכול. כבוד קען מען אפשר פאבריצירן, ברויט קען מען דערווייל נאכנישט. דאס מיינט נישט אז איך לייג גרויסע האפענונג אויף דער סאמיט ווייל למעשה האנדלט מען דא מיט צוויי אידיאטען. אבער מיר זעהט אויס אז טראמפ קומט אריין שטערקער.

[שמעון וואלף]

קים ווייסט ווי פאר'חלש'ט טראמפ איז צו ווייזן אז ער האט עפעס אויפגעטון, און ער ווייסט אויך וויאזוי צו דרוקן טראמפ'ס עגאאיסטישע קנעפלעך. ער וועט זיכער מאכן צוצואווארפן א ביינדל פאר טראמפ וואס וועט פאר צפון קארעא נישט מיינען קיין סך, אבער פאר טראמפ וועט עס זיין גענוג צו טראמפייטערן א השגה. טראמפ וועט נישט קענען אפזאגן, און דאס וועט אפשר אפילו זיין גענוג פאר טראמפ צו געבן פאר צפון קארעא געוויסע קאנצעסיעס וואס זיי ווילן.

פרעזידענט טראמפ האט זיך שוין באווארענט אויף דעם און האט געמאלדן אז ער וועט נישט איינגיין אויף קיין שום דיעל אן דעם וואס קאנגרעס זאל עס אפאראווען. דאס מיינט אז קים וועט מוזן דעליווערן עפעס וואס וועט באמת זיין א געווינס פאר אמעריקא.
איך זעה אז די פרעזידענט וועט ממ"נ ארויסקומען א געווינער. טאמער ציעט ער ארויס פון קים שטארקע קאנסעשאנס איז עס א שטארקע אויפטו און טאמער נישט וועט ער גארנישט נאכגיבן פאר קים און ער וועט קענען אנווייזן אז ער איז אנדערש ווי זיינע פארגייער וועלכע האבן אינטערגעשריבן שוואכערע דיעלס.

[גאנצל]

אלזא דער פותח האשכול און נאך. שרייבן אז טראמפ איז א עגאיסט, אויף אזוי ווייט, אז ער וועט ענדערש אוועק גיין מיט א שוואכע דיעל אבי עפעס

איך און נאך אסאך האלטן אז עס איז נישט אזוי, אבער פאר אלעם אן אונטערשטרייכונג קיינער קריגט נישט אויף דעם פאקט אז דאנעלד איז א עגאיסט ער איז קלאר אזוי, און דעס האט אים געטראגן זייער ווייט, אמאל ווייט רעכטס און אמאל ווייט לינקס.......... אבער דאס איז זיכער אז ער איז א שרעקליכע עגאויסט, די שאלה איז נאר צו ער וועט פארפירן אמעריקא וועגן זיין עגא צו נישט

איך האלט אז 95 % אף די טיים נישט, דאס מיינט אז אוודאי קען עס געשען ער איז דאך א מענטש אבער מיינסטענס וועט ער נישט פארפירן אמעריקא און זיינע סופארטערס, אדרבה ער קען אוועק געבן פון זיין עגאיסטישקייט ער האט דאס שוין געטון אין עבר

בקיצור דאס איז אן אלטע ארגיומענט

אפשר נעם מיר טאקע דעם סאמיט צו זעהן וועלכע צד איז גערעכט דהיינו אויב וואקט ער אוועק מיט אזא דיל ווי אבאמא מיט איראן דארף צד ב מסכים זיין אז טראמפ וועט פאלן פאר זיין עגאיסטישקייט

אבער אויב נישט און ס'וועט זיך ארויסשטעלן אז טראמפ האט זיך נישט גערירט פון פרינציפן זאל דאס שוין זיין א באווייז איינמאל פאר אלעמאל און על הכלל כולו אז ער איז עגאיסטיש אבער מיט א גבול [tag]העניך[/tag] קען מען רעדן דערפון ?

[רביה''ק זי''ע]

איך מיין ס'שוין צייט אז דו זאלסט צירוהלאזן די נארישע לינקע חברה, ס'א שאד די צייט. טו וואס די פרעזידענט טוט, ער פשוט איגנארט די לינקע מידיע.

[בן ישי]

@JakeTurx
One difference between Trump and Kim is that at least we've never heard Kim call his country's media "fake news".

[אונטער חכם]

איך מיין ס'שוין צייט אז דו זאלסט צירוהלאזן די נארישע לינקע חברה, ס'א שאד די צייט. טו וואס די פרעזידענט טוט, ער פשוט איגנארט די לינקע מידיע.

נאכאמאל, איך הער גוט? ווער איגנארירט די מידיא?

[קורקלענד]

לאמיר לייגן טראמפּאין א זייט. וואס האלטסטו בנוגע אובאמא'ס עגאו? איז ער געווען א עניו? לדעתי האט ער געמאכט זייער א שוואכע דיעל אין איראן פשוט פאר זיין עגאו צו קענען ווייזן אז ער האט אויסגעפירט א דיעל, טראץ די פאקט אז ס'איז געווען זייער א שוואכע דיעל.

כמעט יעדער וואס לויפט פאר פובליק אפיס האט אין זיך גענוג עגאיזם אז אונז זאלן זיין פונקט אזוי געזארגט ווי ביי טראמפּ.

אויף א זייטיגע נאטיץ. וואס וועסטו האלטן ווען טראמפ שרייט ער איז א רעכטע און למעשה פירט ער זיך אויף ווי א לינקער? דאן ווערן די לינקע סטראטעגיעס רעכט, און דאן איז עס ווידער אפגעפרעגט? איז נישט די גאנצע סאמיט מער לינק געשטימט צו פרובירן א דיפלאמאטישע סטראטעגיע אויסצומיידן א מלחמה?

[יואליש]

טראמפ פגר'ט מיט עפעס אהיימצוקומען צו קענען ווייזן ווי געלונגען ער איז אלס א נעגאשיעיטאר.

טראמפ איז א פאליטישער געווינער ווען ער קוקט אויס אין קאנטראל. און זיין גאנצע ריעליטי טי ווי שפיל האט אן אנגייענדע אנדערלייאינג ברענדינג מעסעדזש אז טראמפ איז שטייף און אין קאטראל. דאס אפילירט צו זיינע וויילער. זיינע שטיצער האבן פונקט אזוי געפייערט זיג ווען ער האט אנגענימען די פובליסיטי מיטינג מיט קארעא ווי ווען ער האט עס געקענסעלד. ס'מאכט נישט אויס וואס ס'קומט למעשה ארויס פון די רייזע (און לכאורה ווייסן ביידע דיפלאמאטישע צדדים פון פאראויס די בערך'דיגע מעסעדזש וואס מ'גייט למעשה אנאנסירן, און די רייזע איז בלויז פאר פערזענליכע פובליסיטי בענעפיט), סיי ווי אזוי קען א טראמפ שטיצער זעהן און מארגן'ס פרעסע קאנפארענץ טראמפ'ס געניטע פירערשאפט סקילס: אויב ער זאגט: "ראקעט מאן, כ'האב גאר א גרויסע באטען" וועלן זיי פייער נצחון פונקט ווי אויב ער אנאנסירט אז קארעא צונעמט ביז דרייסיג טאג איר גאנצע נוקלעארע ארסענאל און שטעלט אפ איר נוקלעארע פראגראם און דאס אנטוויקלונגן פון אינטערקאנטינענטל מיסעלס; און אין אויסטויש ציעט אמעריקע ארויס אירע טרופען פון די קארעא אינזעל און גיט קום א פארטיידיגונגס פאקט און אנולירט אלע פינאנציעלע סאנקציעס.

[קומזיץ]

איך מיין אז אויסער דעם וואס קים האט אביסל מורא פון טראמפ נאכ'ן זעהן וואס עס איז געשעהן מיט איראן און אז טראמפ האט נישט קיין פראבלעם זיך צו קריגען מיט אפילו אליאירטע לענדער אויב ער האלט ביים טוהען עפעס, ווי למשל די אמבאסדאר אין מדינת ישראל אדער די trade war וואס ער שלאגט זיך ארום מיט זיי, זוכט קים אביסל מער זיך צו מאדערניזירן זיין לאנד.

אנדערש ווי זיין טאטע וואס האט ערשט איבערגענומען די לייצעס ווען ער איז שוין געוועהן נאנט צו זעכציג און איז שוין געוועהן אסאך יארן אקטיוו פאר דעם אין די מיליטער, האט ער נישט געהאט קיין מאטיוון צו טוישן עפעס, און אויכעט די וועלט איז נאך נישט געוועהן אזוי מאדערניזירט דעמאלטס איז נישט געוועהן אזא רייץ פאר דעם.

אבער "קים יאנג אן" איז נאך יונג 34 יאר, ווי אויך האט ער זיך שוין געדרייט אין די פרייע וועלט אלס סטודענט און האט באקומען עפעס א טעם אין די עוה"ז, די וועלט ריקט זיך פאראויס מיט טכנולוגיה, אינדערצייט ווען ביי אים אין לאנד זעהט נאך אויס ווי ביי די אייס עידזש. ווי אויך האט ער גארנישט געשוויצט און געארבעט פאר זיין בענקל, און עס שמעקט עם נישט אויסצולעבן זיינע יארן מיט א צובראכענע עקאנאמיע וואס גייט נאר ווערן ערגער פון די שווערע סאנקציעס, און צו באקומען אביסל אויל וועט ער דארפן שנארן פון כינע אינמיטן די נאכט, וועט רעדט נאך פון עפעס באקוועמליכקייטן.

פון זיין נוקלעארע וואפן האט ער גארנישט חוץ אז ער קען סטראשענען, ווייל אמעריקא זיצט דארט ביים גרעניץ און איז גרייט אים אויסצומעקן פונ'ם מאפע אויב ער טוט עפעס.

בעפאר טראמפ איז געווארן פרעזידענט פלעגט קים סטראשענען און די וועלט האט זיך דערשראקן, האט ער געקענט ארויסקוועטשן א פשרה און באקומען עפעס פאר דעם, אבער יעצט וואס טראמפ רעדט זיין שפראך האט ער גארנישט פון דעם,
אקעגן איבער אים לעבט זיך זיין שכן א באקוועמע מאדערנע לאנד, עקאנאמיע בליט און עס פעלט אים גארנישט, און אויב זיין שכן מאכט פראבלעמען האט ער די שטערקסטע לאנד אויפן כדור הארץ וואס איז גרייט עם צו באשיצען.

קען זיין אז ער מאכט א חשבון אפשר לוינט זיך צו אויפגעבען די נוקלעארע וואפן אין אויסטויש פאר א גוטע עקאנאמיע און סעקיוריטי, און ער קען בלייבן א דיקטאטור, אבער עס קען גיין מער אויפן נוסח ווי און כינע אדער רוסלאנד.

[קומזיץ]

לאמיר לייגן טראמפּאין א זייט. וואס האלטסטו בנוגע אובאמא'ס עגאו? איז ער געווען א עניו? לדעתי האט ער געמאכט זייער א שוואכע דיעל אין איראן פשוט פאר זיין עגאו צו קענען ווייזן אז ער האט אויסגעפירט א דיעל, טראץ די פאקט אז ס'איז געווען זייער א שוואכע דיעל.

יא, אבאמא האט אן עגא, אבער ער איז אן ערנסטער מענטש מיט שיטות און פרינציפן. טראמפ האט נישט קיין שום פרינציפן. אבער אבאמא איז נישט די נושא דא.

כמעט יעדער וואס לויפט פאר פובליק אפיס האט אין זיך גענוג עגאיזם אז אונז זאלן זיין פונקט אזוי געזארגט ווי ביי טראמפּ.

אלטערנאטיוו יוניווערס.

אבאמא האט געהאט א אידילאגיע און אויף דעם (אויף זיין עגא) איז ער געוועהן גרייט צו פארקויפן יעדעם , אידילאגיע איז נישט פרינציפן סאיז אנדערש נענטער צו א עגא
און טראמפ איז נישט קיין שלעכטע מענטש ס'איז דא אסאך מעשיות ווי האט געהאלפן מענטשען אפילו ער האט גארנישט געהאט פון דעם , ער איז איז פשוט א פראסטע אמעריקאנער גוי

[החוקר]

[/b]היסטארישע מאמענט[b]
פרעזידענט טראמפ טרעפט זיך מיט קים דזשאנג אן!
https://youtu.be/5LqVBkYZhYI
די קליקערייען פון די קאמערע'ס הערט זיך ווי א מאשין דרילט.